Morgunblaðið - 13.04.1999, Qupperneq 14

14 ÞRIÐJUDAGUR 13. APRÍL 1999
MORGUNBLAÐIÐ
AKUREYRI
Plastos-umbúðir kaupa húsnæði Rafveitu Akureyrar og munu sameinast AKOplasti
Öflugt fyrirtæki með 70
starfsmenn verður til
PLASTOS-umbúðir hf. hafa keypt
fasteign Rafveitu Akureyrar við
Þórsstíg og er kaupverðið 86 milij-
ónir króna. Plastos-umbúðir eru að
stærstum hluta í eigu Upphafs ehf.,
sem jafnframt á AKOpIast og meiri-
hluta í Kexsmiðjunni.
Fyrir liggur að sameina
AKOplast og Plastos-umbúðir í eitt
öflugt fyrirtæki á umbúðamarkaði
undir nafni AKO/Plastos. Sameigin-
leg velta fyrirtækjanna er um 600
milljónir króna og starfsmanna-
fjöldi um 70 manns.
Flutningi lokið fyrir áramót
Daníel Ámason, framkvæmda-
stjóri Plastos-umbúða, sagði að
markmiðið með kaupunum á húsi
Rafveitunnar væri að koma fram-
leiðslustarfsemi hins sameinaða fyr-
irtækis undir eitt þak á Akureyri en
til að svo geti orðið verður að
byggja um 2.000 fermetra verk-
smiðjuhúsnæði við þær byggingar
sem fyrir eru. í þá byggingu verður
ráðist á næstu vikum og gert ráð
fyrir að flutningi verði lokið fyrir
næstu áramót.
Hús Rafveitu Akureyrar, sem er
um 1.800 fermetrar að stærð, varð
fyrir valinu vegna þess að þar er
unnt að hefja starfsemi strax en það
er forsenda þess að af flutningi geti
orðið, að sögn Daníels. Ekki kom til
greina að byggja frá grunni tímans
vegna og annað ákjósanlegt fram-
tíðarhúsnæði ekki í augsýn þannig
að það samræmdist þeim áformum
að flutningur gæti átt sér stað á
þessu ári.
Ekki margir starfsmenn norður
Daníel sagði að ástæður fyrir
staðai'vali á allri framleiðslu sam-
einaða fyrirtækisins á Akureyri,
þrátt fyrir að húsnæði væri fyrir
hendi í Garðabæ, vera þær helstar
að vegna þenslu á vinnumarkaði á
höfuðborgarsvæðinu væri of mikil
hreyfíng á starfsfólki. Ekki er gert
ráð fyrir því að margir starfsmenn
í Garðabæ flytji með starfseminni
norður. Til stendur að selja eignina
í Garðabæ og verður söluverðið
notað til að styrkja reksturinn enn
frekar. Þá er annað fyrirtækjanna
á Akureyri og hafa stjórnendur
fyrirtækjanna reynslu af rekstri
iðnaðar og sölustarfi þaðan. Einnig
stendur til að selja húsnæði
AKOplasts við Tryggvabraut á
Akureyri.
I kaupsamningi á húsnæði Raf-
veitunnar er forkaupsréttarákvæði
sem gildir í tæp þrjú ár, á lóðinni
þar sem áhaldahús og véladeild
bæjarins eru með aðsetur. Kristján
Þór Júlíusson bæjarstjóri sagði að
þetta þýddi að starfsemi áhaldahúss
og véladeildar væri í uppnámi en að
skipaður hafi verið vinnuhópur til
að vinna að málefni þeirra deilda og
Rafveitunnar.
Kristján Þór sagði að með þess-
Morgunblaðið/Kristján
KRISTJÁN Þór Jiílíusson, bæjarstjóri á Akureyri, Baldur Dýrfjörð bæj-
arlögmaður og Daníel Amason, framkvæmdastjóri Plastos-umbúða,
skoða kaupsamninginn um kaupin á húsnæði Rafveitu Akureyrar.
um samningi væri bærinn að leggja
sitt af mörkum til að skjóta styrkari
stoðum undir fyi’irtækið og undir
atvinnulífíð í bænum. Jafnframt
væri verið að breyta til í rekstri og
starfsemi bæjarins. „Við ætlum
ekki að hætta þeirri starfsemi sem
Rafveita Akureyrar sinnir, heldur
er ætlunin að bæta þjónstuna og
gera gott fyrirtæki betra.“
Meginhluti markaðsdeildar Pla-
stos-umbúða verður áfram á höfuð-
borgarsvæðinu ásamt lager og
dreifmgu. Þar munu starfa 12-15
manns. Með flutningi á framleiðslu
og yfirstjórn úr Garðabæ til Akur-
eyrar skapast milli 40 og 50 ný
störf í bænum. Meðallaun starfs-
manna hjá fyrirtækjunum á síðasta
ári voru liðlega 2 milljónir króna.
Karlmaður
hlaut opið
fótbrot í
Grímsey
KARLMAÐUR í Grímsey fótbrotn-
aði illa síðastliðinn fostudag, óhappið
varð um kl. 18 um kvöldið en maður-
inn var kominn undir læknishendur
tæpum þremur klukkustundum síð-
ar. Hann tvíbrotnaði neðan við hné
og var neðra brotið galopið. Maður-
inn sem hélt á barni þegar slysið
varð datt á gangstétt heim að húsi,
en hann reyndi að verja barnið í fall-
inu og lenti því illa á kantsteini stétt-
arinnar.
Sæmundur Olason sjómaður sagði
að í kjölfar þessa slys hefði hann
viðrað þá skoðun sína að nauðsyn-
legt væri að þjálfa upp tvo til þrjá
menn í eynni til að bregðast við beri
slys að höndum. Hann sagði atburð-
inn einnig varpa ljósi á þá staðreynd
að nauðsynlegt væri að þyrla væri til
taks á Akureyri eins og t.d. sjómenn
á Norðurlandi hefðu margbent á, því
oft viðraði ekki til flugs með slasað
eða sjúkt fólk frá eynni. Þegar
þannig viðraði væri heldur ekki að
treysta á báta.
Morgunblaðið/Kristján
Bæklunarlæknir - Akurevri
Hef opnað læknastofu í Læknaverinu, Högnastræti 97.
Tímapantanir í síma 461 2223.
Guðni Arinbjarnar,
sérfræðingur í bæklunarskurðlækningum.
FERMINGARTILBOÐ
FOTONEX 101ix APS
Sjálfvirkur fókus
Sjálvirkt Ijósop og hraði
Einföld filmuþræðing
Dagsefning
Taska fylgir
FUJIFILM NEXIA filma fylgir
Verð aöeins kr. 9.990
UJOSMVIN DAV.ORU R
Skipholti 31, Sími 568 0450 Kaupvangsstræti 1, s. 461 2850
Vetur
konungur
í heimsókn
enn og
aftur
ÞÓTT sumardagurinn fyrsti sé
ekki langt undan, er lítið vorlegt
víða um land. Vetur konungur
heimsótti Norðlendinga enn og
aftur um helgina og í gær var
leiðindaveður á Akureyri. Lög-
reglan hafði í nógu að snúast,
enda óvenju mikið um minni
háttar umferðaróhöpp í
hálkunni.
Ekki er útlit fyrir miklar
breytingar, því næstu daga er
áfram spáð norðlægum áttum.
En það eru ekki allir sem eru
farnir að bíða eftir vorinu og
börnin kunna alltaf jafn vel við
sig í snjónum. Þessir ungu menn
voru í gær að klifra upp á Snæf-
inn snjókarl, sem stendur í öllu
sínu veldi á Ráðhústorginu.
Barnadeild Fjórðungssjúkrahússins á Akureyri
Framkvæmd-
um lokið í janúar
SAMNINGUR um verklok barna-
deildar í nýbyggingu Fjórðungs-
sjúkrahússins á Akureyri var undir-
ritaður í gær, en hann nemur 163
milljónum króna. Samkvæmt samn-
ingnum verður framkvæmdum við
barnadeildina lokið í janúar árið
2000.
Ingibjörg Pálmadóttir heilbrigðis-
ráðherra sagði að með samningnum
yrði nú unnt að ljúka mikilvægum
áfanga við sjúkrahúsið, áfanga sem
lengi hefði verið beðið eftir. Auk
þess sem lokið verður við barna-
deildina nær samningurinn einnig til
frágangs lóðar umhverfís nýbygg-
inguna og aðkomu að henni. „Til að
gera þetta mögulegt þurftum við á
samvinnu bæjaryfirvalda á Akureyri
og stjórnar sjúkrahússins að halda
þar sem framkvæmdir voru dýrari
en áætlað var. Nú höfum við yfir að
ráða fjármunum til að ijúka verkinu
og það er ástæða til að gleðjast yfir
því,“ sagði Ingibjörg.
„Þetta er mikill og merkur
áfangi," sagði Kristján Þór Júlíusson
bæjarstjóri á Akureyri. „Ég túlka
hann þannig að með þessum samn-
ingi sé ráðherra að lýsa yfir og und-
irstrika þá stöðu sem sjúkrahúsið
hefur og á að hafa í framtíðinni."
Halldór Jónsson framkvæmda-
stjóri Fjórðungssjúkrahússins á
Akureyri nefndi að sýn á heilbrigðis-
kerfið væri að breytast, í vaxandi
mæli væri nú horft til dagdeildar-
þjónustu. í því Ijósi yrði að horfa til
þess ónýtta rýmis sem væri í ný-
byggingu sjúkrahússins, en þar biðu
þrjár hæðir og mikið rými sem full
þörf væri á að koma í notkun. Stæðu
væntingar manna til þess að það yrði
hægt og væri vilji til að ganga til
samninga um að ljúka því verkefni
þannig að unnt yrði að bjóða skjól-
stæðingum sjúkrahússins betri að-
búnað og veita þeim betri þjónustu.
Mörg spennandi verkefni bíða
Nýja barnadeildin sem tekin verð-
ur í notkun í byrjun næsta árs verð-
ur í um 730 fermetra rými, en hún
hefur nú um 320 fermetra til afnota.
Aður var hún í um 160 fermetrum og
sagði Magnús Stefánsson yfirlæknir
deildarinnar að hefð hefði skapast
fyrir því að flytja aldrei nema stækk-
unin næmi um 100%. A deildinni
verður pláss fyrir 12 börn, 8 á legu-
deild og 4 á dagdeild auk þess sem
rými verður fyrir tvo nýbura. Þá
verða tvö einangrunarherbergi á
deildinni, en barnadeildin hefur ekki
áður haft yfir slíku rými að ráða.
Rúmgóð vakt með góðri vinnuað-
stöðu fyrir starfsfólk verður á nýju
deildinni og opin svæði þar sem
verða t.d. leik- og föndurherbergi.
Aðstaða fyrh’ foreldra mun einnig
batna til muna með tilkomu nýju
deildai’innar. „Það er talsverð til-
hlökkun í okkur starfsfólkinu að
hefja störf í þessu nýja húsnæði. Það
bíða okkar mörg spennandi verkefni
að takast á við og með tilkomu nýju
deildarinnar skapast jarðvegur til að
breyta og bæta þjónustuna, m.a.
með því að búa til alvöru göngu-
deild,“ sagði Magnús.
Morgunblaðið/Kiistján
INGIBJÖRG Pálmadóttir skoðar húsakynni barnadeildar í fylgd lækn-
anna Þorvaldar Ingvarsson og Magnúsar Stefánssonar.