Morgunblaðið - 16.04.1999, Side 60
'* 60 FÖSTUDAGUR 16. APRÍL 1999
MORGUNBLAÐIÐ
HESTAR
Umdeild stóðhestakaup um garð gengin
Galsi dýrasti
hestur landsins
Lokið er langri meðgöngu á kaupum
þriggja hrossaræktarsamtaka á hlutum
í stóðhestinum Galsa. Hesturinn er
metinn á rúmar fjórtán milljónir króna
og er þar með dýrasti stóðhestur sem
seldur hefur verið innanlands. Valdimar
Kristinsson hefur fylgst með undanfara
kaupanna sem þykja umdeild í meira
lagi og telja gagnrýnendur að of mikið
bráðlæti hafi ráðið ferðinni.
EINS OG áður hefur komið fram á
hestasíðunni eru eignarhlutföllin
þau að Hrossaræktarsamtök Suð-
urlands munu nú eiga 21,67% í
hestinum, Samtök hrossaræktenda
í Austur-Húnavatnssýslu og Skag-
fírðingar eiga hvorir sín 10,84%.
Seljandi þessara hluta Andreas
Trappe mun eiga 46,67% og Bald-
vin Ari Guðlaugsson, sem sýnt hef-
ur hestinn frá fyrstu tíð, mun áfram
eiga 10% í hestinum.
Kaupendurnir munu greiöa
megnið af kaupverðinu á árinu en
síðustu greiðslur verða inntar af
hendi í byrjun næsta árs. Hrossa-
ræktarsamtök Suðurlands hafa selt
deildum innan samtakanna og ein-
staklingum réttinn á þeim sextán
folatollum sem koma í hlut samtak-
anna árlega, til sex ára. Greiddar
eru 187 þúsund krónur fyrir hvern
hlut eða alls rétt tæpar þrjár millj-
ónir ki-óna auk virðisaukaskatts.
Með því móti telja þeir sig hafa
tryggt notkun á hestinum þennan
tíma. Að þeim tíma loknum eiga
samtökin hestinn. Skagfirðingar og
Húnvetningar eiga rétt á að leiða
hvorir átta hryssur undir hestinn
árlega, Trappe verður með 34
hryssur og Baldvin Ari með 7
hryssur á ári. Alls verða því 73
hryssur leiddar undir klárinn á ári.
Galsi gistir um þessar mundir stóð-
hestastöðina í Gunnarsholti þar
sem tekið er úr honum sæði til
fí-ystingar, alls 50 skammtar, en af-
rakstur allrar sæðistöku fellur
Andreas Trappe í skaut.
Kaup á stóðhestum hafa þótt
mikið áhættuspii fyrir samtök
hrossai-æktenda. Mörg dæmi má
nefna þar sem samtök hafa keypt
unga hesta sem staðið hafa hátt í
dómum en þeir síðan ekki náð vin-
sældum í samræmi við þær upp-
hæðir sem greiddar hafa verið fyrir
hestana. Þeirri spurningu hvort
samtökin eigi yfirhöfuð að vera að
kaupa stóðhesta hefur oft komið
upp síðustu árin. Ýmsir hafa bent á
að minni áhætta sé að leigja góða
hesta. I lögum flestra ef ekki allra
slíki-a samtaka segir að þeim beri
að sjá félögum fyiár góðum hestum
á hryssur sínar. Með því að leigja
hesta er vissulega tekin minni
áhætta en ótryggt er að hægt sé að
fá mjög góða hesta leigða sem sam-
tökin vissulega kappkosta að gera
eigi þau ekki slíka hesta. Það er því
hægt að segja að forsvarsmenn
hrossaræktarsamtaka séu oft milli
steins og sleggju. Þeir þurfa að
vera góðir spámenn og skynsamir í
fjárfestingum.
Þeir sem að kaupunum á Galsa
standa eru þess fullvissir að hér
hafi þeir verið að stíga gæfuríkt
spor. Allir virðast þó sammála um
að verðið hafi verið of hátt en þeir
hafi verið neyddir til kaupanna þar
sem hér sé um slíkan yfirburðahest
að ræða. Þeir benda á að ferill hans
í kynbótadómum og keppni sé ein-
stæður og um það er ekki deilt. Þá
er bent á að hann sé borinn uppi af
góðum ættum og ekki sé við öðru
að búast en hann muni bæta mjög
íslenskt hrossakyn.
En allt orkar tvímælis þá gert er
og á það svo sannarlega við um
Morgunblaðið/Valdimar Kristinsson
GALSI frá Sauðárkróki er nú kominn í meirihlutaeigu íslendinga og
telja kaupendur að góður fengur sé í höfn. Myndin er tekin á lands-
mótinu í sumar þegar Galsi vann enn einn sigur sinn og hefur verið
sagt í gamni að hann kunni ekki að tapa. Knapi er Baldvin Ari Guð-
laugsson sem áfram á tíunda hlut í hestinum.
kaupin á Galsa. Svo virðist sem allir
aðrir en þeir sem að kaupunum
standa hafi efasemdir um þessa
ráðstöfun. Bent er á að staða Galsa
sem kynbótahests sé afar tvíræð
þessa stundina. Hann sé að vfsu
nokkuð hár í kynbótamatinu en það
skýrist háum einkunnum í dómi og
stigaríkri ætt. Utlit og atgervi af-
kvæma hans séu ekki með þeim
hætti að borgandi séu slíkar upp-
hæðir fyrir hestinn. Eða eins og
einn viðmælandi orðaði það að sitt
er hvað gæfa eða gjörvuleiki. Þá er
einnig bent á að það að kaupa hest-
inn nú á þessu verði rétt áður en
dómar hefjast sé slíkt bráðræði að
annað eins hafi varla þekkst í kaup-
um á kynbótahestum innanlands.
Fullyrða ýmsir að verð hestsins
hefði ekki breyst þótt kaupum hefði
verið frestað fram á mitt sumar. Þá
hefði væntanlega verið búið að
dæma einhvern fjölda afkvæma
hestsins og línur því farnar að skýr-
ast um raunverulegt kynbótagildi
hestsins.
Þá þykir sumum sem Andreas
Trappe hafi sýnt hér fádæma við-
skiptasnilld með því að selja hest-
inn á þessu verði þegar aðeins fjög-
ur afkvæmi undan Galsa hafa hlotið
dóm og hann frekar slakan. Tekið
er til þess að mæður allra þessara
fjögurra afkvæma séu hryssur sem
gefið hafa góð hross og því væntan-
lega vel yfir meðallagi sem ræktun-
argripir.
Ætla má að fylgst verði með
frammistöðu afkvæma Galsa í dóm-
um í vor og sumar af miklum
áhuga. Rétt er að minnast þess að
það er ekki umtal manna sem ræð-
ur úrslitum um gæði stóðhesta
heldur frammistaða afkvæmanna.
Hvort afkvæmi Galsa leggi með
frammistöðu sinni í vor grunn að
nýjum Sleipnisbikarhafa skal ósagt
látið en ekki er annað hægt en vona
hið besta úr því sem komið er.
Morgunblaðið/Valdimar Kristinsson
UNGAR og fagrar meyjar riðu á vaðið með vel heppnaðri skraut- og
munsturreið og sjálfsögðu á glæstum gæðingum.
ímfflimni iinilliiiiiii BlllMmilllll 1 iiiniiiiliiiiiii
; l!ZZ ZZZ » i:::::::: ■ - H *1 í r:
LYNGHALS 3
Aukin þjónusta
Stóraukið vöruval
Afram lágt verð
Opnunartímar
kl. 8 -18 virka daga
kl. 10 -14 laugardaga
MRbúðin
Lynghálsi 3
Sími: 5401125 • Fax: 5401120
Avallt í leiðinni ogferðarvirði
Létt spor
í Reið-
höllinni
ONNUR tveggja sýninga
ársins í Reiðhöllinni í Víðidal
var haldin um síðustu helgi.
Boðið var upp á þrjár sýningar,
föstudags- og laugardagskvöld
og á sunnudag var sýningin
sniðin fyrir börn og unglinga.
Aðsókn var góð á laugardags-
kvöldið en lakari á föstudag og
sunnudag.
Sýningarnar voru með
nokkuð hefðbundnu sniði. Sýn-
ingin hófst með skrautreið
prúðbúinna kvenna í síðkjólum.
Sýnd voru meðal annars hross
frá Nýjabæ í Flóa og Eyrar-
bakka. Oríon frá Litla Bergi
kom fram með afkvæmum og
sömuleiðis var Kveikur frá
Miðsitju sýndur með afkvæm-
um. Sýnd voru kynbótahross,
bæði stóðhestar og hryssur. Þá
komu unglingar og ungmenni
fram í tveimur atriðum og
Hami frá Þóroddsstöðum og
Ljósvaka frá Akureyri var att
saman 1 lokin.
Valdimar Kristinsson
flSTUnD
SÉRVERSLUN
HESTAMANNSINS
Háaleitisbraut 68 L : Austurver
Sími 568 4240 sssss^
Síðasta vetrar-
mótið hjá Gusti
VETRARLEIKAR Gusts voru
haldnir um helgina og fer nú slíkum
mótum sem þessum að fækka en við
taka firmakeppnir félaganna og svo
íþróttamótin í framhaldi af því.
Mótið hjá Gusti er síðasta mótið
með vetrar-forskeytinu enda stytt-
ist óðum í sumardaginn fyrsta. Mót-
ið sem haldið var í Glaðheimum var
opið en ekki var mikið um aðkomna
keppendur.
Urslit urðu sem hér segir:
Opinn flokkur
1. Guðmundur Skúlason, Gusti,
á Maístjörnu frá Svignaskarði.
2. Erling Sigurðsson, Fáki,
á Eljari frá Guðnabakka.
3. Þorsteinn Einarsson, Andvara,
á Söru frá Hrísey.
4. Jón Styrmisson, Andvara,
á Adam frá Götu.
5. Bjarni Sigurðsson, Gusti,
á Jarli frá Svignaskarði.
Karlar
1. Róbert Einarsson, Geysi,
á Guðna.
2. Hlynur Þórisson, Gusti,
á Krumma frá Vindheimum.
3. Ríkharður Jenssen, Gusti,
á Léttfeta frá Skipanesi.
4. Guðni Hólm, Gusti, á Geisla.
5. Sigurður Leifsson, Gusti,
á Glitni frá Ögmundarstöðum.
Konur
1. Oddrún Sigurðardóttir, Herði,
á Náttfara.
2. Helga Júlíusdóttir, Gusti,
á Hrannari frá Skeiðháholti.
3. Maríanna Bjarnleifsdóttir, Gusti,
á Ljúfi frá Hafnarfirði.
4. Oddný M. Jónsdóttir, Gusti,
á Kaffi Brún frá Svignaskarði.
5. Sirrý H. Stefánsdóttir, Gusti,
á Kötlu frá Þverá.
Heiðursmenn
1. Hilmar Jónsson, Gusti,
á Toppi frá Skýbakka.
2. Victor Ágústsson, Gusti,
á Funa frá Stærri Bæ.
3. Pétur R. Siguroddsson, Gusti,
á Krumma frá Vatnsleysu.
Ungmenni
1. Birgitta D. Ki-istinsdóttir, Gusti,
á Ósk frá Refsstöðum.
2. Hildur Sigurðardóttir, Gusti,
á Blesa frá Kálfholti.
3. Guðrún E. Þórisdóttir, Gusti,
á Glæsi frá Reykjavík.
4. Hulda Jóhannsdóttir, Andvara,
á Júpíter frá Miklholti.
5. Pála Hallgrímsdóttir, Gusti,
á Kára frá Þóreyjarnúpi.
Unglingar
1. Berglind R. Guðmundsdóttir,
Gusti, á Sjöstjömu frá Svignaskarði.
2. Siginður Þorsteinsdóttir, Gusti,
á Gusti frá Liltu Gröf.
3. Rakel Róbertsdóttir, Geysi,
á Stöku frá Ytri Skógum.
Börn
1. Sandra L. Þórðardóttir, Sörla,
á Gný frá Langholti II.
2. Bjarnleifur S. Bjamleifsson,
Gusti, á Tinna frá Tungu.
3. Þórhildur E. Gunnarsdóttir,
Gusti, á Kolskeggi.
4. Hrafn Norðdahl, Gusti, á Óðni
frá Stóra Dal.
5. Ti-yggvi Þ. Tryggvason, Gusti,
á Brennu frá Lundum.
Pollar
1. Ragnheiður Hallgrímsdóttir,
Geysi, á Hersi frá Þverá.
2. Þórhildur Blöndal, Gusti,
á Þokka frá Vallanesi.
3. Guðný B. Guðmundsdóttir, Gusti,
á Litla Rauð frá Svignaskarði.
4. Guðlaug R. Þórsdóttir, Gusti,
á Sælu frá Reykjavík.
Valdimar Kristinsson