Morgunblaðið - 06.05.1999, Blaðsíða 16

16 FIMMTUDAGUR 6. MAÍ 1999
MORGUNBLAÐIÐ
FRÉTTIR
Félagsmálaráðherra tilkynnir hvaða verkefni fá styrki úr starfsmenntasjóði
Áhersla lögð
á styrki
til aldraðra
í TILEFNI af ári aldraðra fá verk-
efni tengd umönnun þeirra 7,8 millj-
óna króna styrk úr starfsmennta-
sjóði félagsmálaráðuneytisins, en
auk þess veitir starfsmenntaráð
tveimur milljónum til starfstengdra
tölvunámskeiða til Landssamtaka
eldri borgara. Petta var tilkynnt á
blaðamannafundi í félagsmálaráðu-
neytinu í gær.
Páll Pétursson félagsmálaráð-
herra sagði að umsóknir um styrki
hefðu aldrei verið eins margar og
nú og að mörg góð verkefni hefðu
þurft að sitja á hakanum. Ails sóttu
77 umsækjendur um styi’ki vegna
245 verkefna að upphæð 277 millj-
ónir króna. Alls voru veittar
55.750.000 króna úr sjóðnum í ár og
skiptist upphæðin á milli 53 styrk-
þega eða alls 103 verkefna.
Gissur Pétursson, fulltrúi félags-
málaráðherra í starfsmenntaráði,
sagði að við úthlutun styrkjanna
væri reynt að horfa til þeirra sem
minnstan kost ættu á starfsmennt-
un, þ.e. stéttir ófaglærðra.
Styrkir til starfsmanna
í ferðaþjónustu
Sem fyrr segir er sérstök áhersla
lögð á verkefni tengd öldruðum, en
önnur verkefni sem fá styrk eru t.d.
verkefni á vegum Fræðsluráðs hót-
el- og matvælagreina, en þar er um
að ræða námskeið fyrir stai’fsfólk í
ferðaþjónustu og skyldum greinum,
en 4,5 milljónir króna eru veittar í
það verkefni. Mennt, samstarfsvett-
vangur atvinnulífs og skóla, fær 2
milljónir til að stofnsetja upplýs-
ingaveitu um starfstengt nám. Pá
fær verkefni á vegum ASÍ og VSÍ
um evrópskt samstarf um starfs-
menntun 2 milljónir króna.
Sjö manna starfsmenntaráð fer
Morgunblaðið/Golli
PALL Pétursson félagsmálaráðherra tilkynnti í gær hvaða verkefni fá
styrki úr starfsmenntasjóði félagsmálaráðuneytisins, en í ár var lögð
sérstök áhersla á styrki til aldraðra, í tilefni af ári aldraðra.
með framkvæmdavaldið í starfs-
menntasjóði, en ráðið er skipað full-
trúum samtaka atvinnurekenda og
launafólks og fulltrúa félagsmála-
ráðuneytisins. Auk þess á mennta-
málaráðherra áheyi’narfulltrúa í
ráðinu. Ráðið leggur tillögur fyrir
félagsmálaráðherra um verkefni
sem því þykir verðug til að hljóta
styrki, en ráðherra úthlutar þeim
síðan formlega.
Markmið ráðsins er að hvetja til
aukinnar starfsmenntunar í at-
vinnulífmu, með stuðningi við skipu-
lega starfsmenntun og frumkvæði
og mótun heildsu’stefnu á sviði
starfsmenntunar.
Ákveðið hefur verið að endur-
skipuleggja starfshætti ráðsins en 2
milljónir króna verður veittar í það
verkefni. Guðný Helgadóttir,
áheyrnarfulltrúi menntamálaráðu-
neytisins, sagði að með fyrirhuguð-
um breytingum væri m.a. verið að
leita til breiðari hóps, skilgi-eina
ákveðin þemu og markhópa og ekki
hvað síst ná til þeirra starfsstétta
sem hefðu fengið minnst hingað til.
Undirskriftasöfnun gegn loftárásum
HÓPUR sem kennir sig við „Neyð-
amefnd gegn stríðinu" heldur því
fram að loftárásir Nató á
Balkanskaga brjóti í bága við al-
þjóðalög og hafi í raun aukið á þau
vandamál sem þeim var ætlað að
hamla gegn. Hópurinn stendur nú
fyrir söfnun undirskrifta á áskorun
til ríkisstjórnar Islands um að beita
sér fyrir því að árásunum verði
hætt.
I áskoruninni kemur m.a. fram að
hópurinn telur loftárásirnar, auk
þess að vera andstæðar alþjóðalög-
um, hafa leitt til stóraukinna þjóð-
ernishreinsana og að þær eyðileggi
lýðræðisbaráttu innan Serbíu,
gi’andi saklausum borgurum, eyði-
leggi gífurleg verðmæti og torveldi
sambúð þjóða á Balkanskaga i
framtíðinni.
Morgunblaðið/Ásdís
ÞJÓÐARÁTAK gegn stríðinu á Balkanskaga kynnt. (F.h.) Elías
Davfðsson tónskáld og séra Axel Árnason sóknarprestur.
Ríkisstjórn íslands er hvött til að
stuðla að því að loftárásunum verði
hætt, að málið verði fengið í hendur
Sameinuðu þjóðunum, að leitað
verði friðsamlegra lausna, að skipuð
verði óháð alþjóðleg rannsóknar-
nefnd til að kanna ásakanir um al-
varleg mannúðarbrot, að aðildarríki
Nató hjálpi þjóðunum á Balkan-
skaga við enduruppbyggingu og að
þau veiti fórnarlömbum átakanna
ótakmarkað landvistarleyfi, án til-
lits til þjóðernis.
Undirskriftarlistar og nánari
upplýsingar fást hjá nefndarmönn-
um: Axel Árnasyni sóknarpresti,
Birnu Þórðardóttur blaðakonu,
Birni Baldurssyni lögfræðingi, Ein-
ari Ólafssyni rithöfundi og Elíasi
Davíðssyni tónskáldi. Yefskráning á
áskorun: www.abotinn.is/askorun.
Dómur um
villidýraveiðar í
Frakklandi
Tæpast
fordæmis-
gildi hér
á landi
JÓN Steínar Gunnlaugsson
hæstaréttarlögmaður telur að
dómur Mannréttindadómstóls
Evrópu um að Frakkland hafi
brotið gegn mannréttinda-
sáttmála Evrópu með lögum
um villidýi-aveiðar, hafi tæp-
ast fordæmisgildi hér á landi
hvað varðar þann þátt sem
fjallar um skylduaðild að
veiðifélögum.
I dómnum kom fram að í
lögunum væri ekki tekið
nægilegt tillit til eignaréttar
landeigenda né til réttar
þeirra til að standa utan fé-
laga.
Skylduaðild veiðiréttar-
eigenda að veiðifélögum
Jón Steinar segir að það
sem hugsanlega geti verið
skylt þessu í íslenskum rétti
séu ákvæði lax- og silungs-
veiðilaga um skylduaðild
veiðiréttareigenda að veiðifé-
lögum.
„Það er hins vegar meira og
nauðsynlegra samhengi milli
nýtingar veiðarinnar milli
staða í ánni en er á landi þar
sem er verið að veiða villt dýr.
Fiskurinn gengur upp ána
sem getur legið yfir margar
jarðir. Aðstæðurnar eru að
því leyti frábrugnar. Mér
finnst dómmúnn vera mjög at-
hyglisverður að þvi er snertir
hugleiðingar um aðild að
veiðifélögum þótt mér sýnist
hann áreiðanlega ekki hafa
beint fordæmisgildi fyrir það.
Með því er ég ekki að segja að
það fyrirkomulag standist.
Mér fínnst hins vegar munur-
inn sá að líklegra sé að ís-
lenska íyrirkomulagið um
veiðiár standist fremur en
frönsku lögin,“ segir Jón
Steinar.
Starfsmannasamtök Ríkisútvarpsins gagnrýna störf framkvæmdastjóra
Starfsmenn Ut-
varps óánægðir
ÓÁNÆGJA er meðal starfsmanna Ríkisút-
vai-psins með starfsaðferðir framkvæmda-
stjóra Utvarpsins. Þetta kom berlega í ljós á
starfsmannafundi, sem haldinn var í Ut-
varpshúsinu í síðustu viku, en um 80 til 100
manns sóttu fundinn.
Á fundinum var eftirfarandi ályktun sam-
þykkt samhljóða: „Fundur Starfsmanna-
samtaka Ríkisútvarpsins lýsir yfir fullri van-
þóknun á starfsaðferðum framkvæmda-
stjóra Utvarpsins, hvað varðar breytingar á
dagskrá og áferð Ríkisútvarpsins. Fundur-
inn krefst þess að fyrirhugaðar breytingar á
starfi þula, þáttagerðarmanna og fleiri
starfsmanna verði afturkallaðar, og rætt
verði við starfsmenn og haft samráð um
hagræðingu og fyrirkomulag dagskráa Út-
varpsins."
Ekki geðþóttaákvörðun
Halldóra Ingvadóttir, framkvæmdastjóri
Útvarpsins, sagði í samtali við Morgunblaðið
að um beinharðar rekstrarákvarðanir væri
að ræða, en ekki geðþóttaákvarðanir, eins og
sumir vildu meina. Hún sagði að ekki væri
ráðgert að afturkalla breytingarnar á vinnu-
skipulaginu, sem hún sagði að hefði átt að
vera búið að framkvæma fyrir löngu.
Gissur Pétursson, hjá útvarpsráði, sat
fund SSR í síðustu viku. Hann sagði í samtali
við Morgunblaðið að hann legðist ekki gegn
hagræðingu og bættum rekstri en að sh'kt
yrði þó að gera í eins mikilli sátt við um-
hvei’fið og starfsfólkið og mögulegt væri.
„Það er mín skoðun að þetta mál hafi verið
klaufalega unnið,“ sagði Gissur.
Jón Ásgeir Sigurðsson, formaður SSR,
sagði í samtali við Morgunblaðið að ekki
væri heil brú í þeim skipulagsbreytingum
sem ættu sér stað innan Útvarpsins. Hann
sagði að rekja mætti óánægju starfsmanna í
meginatriðum til mjög svo óljósra dagskrár-
breytinga og fyrirhugaðra breytinga á starf-
semi þula, sem hann telur í raun ekki neina
hagræðingu því í raun sé verið að fjölga
stöðugildum úr 5 í 5,5. Hann sagði að Einari
Emi Stefánssyni þuli hefði m.a. verið neitað
um framlengingu á samningi sínum sem hon-
um hefði verið lofað þegar hann skrifaði und-
ir árssamning við Útvarpið fyrir um ári.
Halldóra sagði hins vegar að Einar hefði
vilyrði fyrir samningi fram á haust. Þá sagði
hún að í raun væri ekki um neinar dagskrár-
breytingar að ræða aðrar en þær að nýr aðili
tæki við morgunþætti Rásar 1.
Fyrir um tveimur vikum var starfsmönn-
um Útvarps tilkynnt að ráðinn hefði verið
nýr starfsmaður, Vilhelm G. Kristinsson, til
að lesa hádegisfréttir og sjá um morgunþátt.
Jóni Ásgeiri finnst undarlegt að Vilhelm
skuli vera ráðinn sem starfsmaður fram-
kvæmdastjóra en ekki menningardeildar
eins og aðrir þulir. Þá mun Vilhelm hafa að-
stoðarmann og það skýrir fjölgun stöðugilda,
sagði Jón Ásgeir.
Halldóra sagði það misskilning að Vilhelm
væri ráðinn sem starfsmaður framkvæmda-
stjóra, hún sagði að vegna þess að aðalstarf
hans yrði umsjón morgunþáttar yrði hann
starfsmaður tónlistardeildar, en ekki fram-
kvæmdastjóra eða menningardeildar eins og
þulir.
Jón Ásgeir sagðist alls ekkert hafa út á
Vilhelm að setja persónulega, enda snerist
umræðan ekki um persónu hans eða hæfni,
heldur starfshætti framkvæmdastjóra.
Jóni Ásgeiri fannst að sjálfsagt hefði verið
að reyna fyrst að fá fastan starfsmann til að
taka við því starfi, sem Vilhelm var ráðinn í,
og þá fannst honum það afar slök vinnubrögð
hversu seint starfsmönnum var tilkynnt að
nýr starfsmaður hefði verið ráðinn, en hann
sagði að búið hefði verið að ganga frá samn-
ingi við Vilhelm í desember á síðasta ári.
Vilhelm, sem nú hefur hætt störfum hjá
Sambandi íslenskra bankamanna, sagði í
samtali við Morgunblaðið að samkvæmt
sænningi hefði hann átt að hefja störf hjá
Útvarpinu hinn 3. maí síðastliðinn. Hann
sagði að í ljósi þess óróa, sem væri búinn að
vera á Útvarpinu, hefði hann áskilið sér rétt
til þess að bíða og sjá til hvort eða hvenær
hann hæfi störf.
Þegar Vilhelm mætti ekki til vinnu, sagði
Jón Ásgeir að ný staða hefði skapast í málinu
og því hefðu starfsmannasamtökin óskað eft-
ir fundi með yfirstjórn Útvarpsins, en að
þeirri ósk hefði verið hafnað.
Þulur sagði upp störfum
I kjölfar deilnanna hefur Stefanía Val-
geirsdóttir útvarpsþulur sagt upp störfum og
sagði Jón Ásgeir það bera vitni um hversu
alvariegt málið væri. Stefanía, sem hefur
unnið hjá Útvarpinu í 12 ár, sagði í samtali
við Morgunblaðið að breytingar á vaktakerfi
þula og þá staðreynd að nýr maður hefði ver-
ið ráðinn til að lesa hádegisfréttir án þess að
samráð hefði verið haft við þuli eða þeim
boðið starfið, hefði leitt til uppsagnar henn-
ar. Hún sagðist hafa frétt af ráðningu Vil-
helms um miðjan aprfl og að það hefði í raun
gert útslagið. Hún sagði að ný vaktatafla
hefði í för með sér breyttan vinnutíma, þ.e.
aukna helgarvinnu, og lakari kjör og að það
væri eitthvað sem hún gæti ekki sætt sig við.
Stefanía sagðist ósátt og því hefði hún ákveð-
ið að nota „tækifærið" núna til þessa að
hætta og snúa sér að einhverju öðru, en upp-
sagnarfrestur hennar rennur út 1. ágúst.
Halldóra Ingvadóttir sagði að búið væri að
ræða lítillega við þuli um nýtt vaktakerfi, en
að enn væri eftir að ræða útfærsluna í smá-
ati’iðum. Hún sagði að nýju vaktakeríi yrði
síðan komið á með mánaðarfyrirvara, eins og
gert væri ráð fyrir í samningum.