Morgunblaðið - 30.12.1999, Blaðsíða 14

14 FIMMTUDAGUR 30. DESEMBER 1999
MORGUNBLAÐIÐ
HÖFUÐBORGARSVÆÐIÐ
Morgunblaðið/Golli
ÞÓTT viðbygging við Kringluna hafi
verið opnuð standa enn yfir fram-
kvæmdir á lóð verslunarhússins og í
tengibyggingunni, sem tengja mun
verslunarmiðstöðina við Borgar-
Unnið við
Kringluna
leikhúsið og nýtt Borgarbókasafn.
Á lóðinni eru starfsmenn Istaks nú
að ganga frá innkeyrslu að þjónustu-
álmu Kringlunnar og Borgar-
leikhússins.
Veðurspá setur strik í reikninginn
Hætt að safna í brennur
Reykjavík
HÆTT er að safna í brennur
í umdæmi Eldvarnareftirlits
Reykjavíkur. Gangi verður-
spá áramótanna eftir verður
aðeins kveikt á einni brennu
í Reykjavík og nágrenni á
gamlárskvöld; borgarbrenn-
unni við Sundahöfn. A gaml-
ársdag spáir Veðurstofan
suðvestan 13-18 metra vindi
á sekúndu, rigningu eða
slydduéljum og 1-5 stiga
hita.
Bjarni Mathiesen, eld-
varnareftirlitsmaður í
Reykjavík, sagði í samtali
við Morgunblaðið að spáð
væri of miklum vindi til að
hættandi væri á að kveikja í
brennum vegna eldhættu.
„En þetta verður ákveðið
upp úr hádegi á gamlárs-
dag,“ sagði Bjarni. „Annars
verða þær geymdar til þrett-
ándans."
Umdæmi eldvarnareftir-
lits Reykjavíkur nær yfir
Seltjarnarnes og Kópavog
og Mosfellsbæ og hefur ver-
ið safnað þar í 16 brennur.
Bjarni sagði að hætt væri að
safna í brennur, bæði vegna
veðurhorfa og vegna þess að
samkvæmt nýrri reglugerð
er búið að takmarka stærð
bálkastanna og mega þeir nú
mest vera 300 rúmmetrar.
Bjarni sagði að t.d. hefði
brennan á Ægisíðu lengi
verið talin standa of nærri
húsum og með hana í huga
væri vindáttin, sem spáð er,
sú versta sem komið getur
upp á neistafiug og aðra
hættu.
Stór brenna hefur verið á
Geirsnefi undanfarin ár og
sagði Bjarni vindáttina
óhagstæða fyrir þá brennu,
þar sem stutt er í Súðarvog-
inn.
Bjarni segir að nú orðið sé
eingöngu leyft að safna
timbri í brennur en alls ekki
plastefnum og pappa vegna
eiturgufa og fokhættu.
í umdæmi Eldvamareftir-
lits Hafnarfjarðar hefur ver-
ið sótt um leyfi fyrir þremur
brennum, einni á Alftanesi,
einni í Garðabæ og einni við
Ásvelli í Hafnarfirði. Krist-
ján Jens Kristjánsson, eld-
varnareftirlitsmaður, vildi
ekkert láta hafa eftir sér um
horfur á því að kveikt verði í
köstunum. Hann sagði að
sér væri ekki kunnugt um að
hætt væri að safna í brenn-
urnar og sagði að það væri
ákvörðun lögreglu að feng-
inni umsögn Eldvamareftir-
lits hvort brennt yrði á gaml-
árskvöld.
Samráð boðað
vegma sam-
skipta við
Orkuveituna
Hafnarfjörður
BÆJARSTJÓRN Hafnar-
fjarðar hefur samþykkt að
boða til samráðsfundar með
sveitarfélögum, sem kaupa
þjónustu af veitustofnunum
Reykjavíkurborgar, einkum
vegna óánægju með hve
borgarsjóður tekur til sín
stóran hluta tekna Orkuveitu
Reykjavíkur.
Eins og fram hefur komið í
Morgunblaðinu lagði Tryggvi
Harðarson bæjarfulltrúi
Samfylkingarinnar í Hafnar-
firði nýlega til að boðað yrði
til samráðsfundar með þess-
um sveitarfélögum vegna fyr-
irætlana borgarinnar um að
skuldsetja Orkuveituna um 4
milljarða króna með lántöku,
sem ætlað er að létta skulda-
stöðu borgarsjóðs.
Magnús Gunnarsson, bæj-
arstjóri í Hafnarfirði, sagði
að ákveðið hefði verið að boða
til samráðsfundarins í fram-
haldi af umræðunum undan-
farið og viðræðum bæjarins
fyrr á árinu við Reykjavíkur-
borg vegna endurkrafna
Hafnfirðinga á Hitaveituna.
„Enn og aftur er borgarsjóð-
ur að taka mikið inn með arð-
greiðslum til borgarinnar frá
veitustofnunum og það er
ástæða til að halda málinu
áfram enda var það ekki ætl-
un okkar að nema staðar,"
sagði Magnús. „Við höfum
fyrst og fremst verið að reifa
málið frá a-ö og safna gögn-
um og við teljum að við séum
með nokkuð skýr markmið
þegar við förum í viðræður
við borgaryfirvöld. Við erum
búnir að senda bréf frá okkur
og eigum von á að þær við-
ræður hefjist fljótlega á nýju
ári.“
Magnús sagði að markmið
bæjarins í viðræðum við
borgaryfirvöld væru þríþætt.
í fyrsta lagi vildi bærinn ná
fram endurskoðun á samn-
ingi bæjarins og Hitaveitu
Reykjavíkur frá 1. nóvember
1973. í öðru lagi vilji bærinn
að réttindi í þeim samningi
sem varða nýtingu jarðvarma
í landi Krýsuvíkur verði felld
út úr samningnum. „I þriðja
lagi teljum við að lagaheimild
skorti fyrir arðgreiðslu sem
hitaveitan hefur verið að
greiða í borgarsjóð undanfar-
in ár,“ sagði Magnús. „Við
teljum að lagagrundvöllinn
verði að tryggja. Þar geti
varla verið um að ræða jafn-
háar greiðslur og nú og eðli-
legt að setja lög um þessa
tekjustofna, þar sem t.d. væri
miðað við 10% af heildartekj-
um en ekki um 30% arð af
heildartekjum, eins og nú er
tekinn. Ef á annað borð
stendur til að innheimta skatt
með þessum hætti. Auðvitað
er þetta ekkert annað en
skattheimta."
Arðgreiðslan
900 milljónir
Magnús segir að á síðasta
ári hafi arðgreiðslan verið
900 milljónir króna en heild-
artekjur hitaveitunnar um 3
milljarðar króna.
Einnig deila borgin og
Hafnarfjarðarbær um oftekin
gjöld í fortíðinni. Viðræður
vegna þess hófust fyrr á ár-
inu en hafa legið niðri um
hríð. Magnús segir að ein
leiðin í þeirri deilu sé að vísa
henni til gerðardóms.
„Það eru deildar meiningar
og það stendur orð á móti
orði og álitsgerð á móti álits-
gerð. Menn þurfa að reyna að
lenda málinu einhvern veg-
inn,“ sagði Magnús um
ágreininginn við borgina.
Hann sagði að Hafnfirðingar
væru að túlka sömu sjónar-
mið og nágrannasveitarfélög-
in enda hefðu þau haft sam-
flot um margt í málinu.
Einar Sveinbjörnsson, bæjarfulltrúi 1 Garðabæ, vill breyta rekstrarformi tónlistarskolans
Sjálfseig'narstofnun
en ekki bæjarfélagið
annist reksturinn
Gardabær
EINAR Sveinbjörnsson,
bæjarfulltrúi framsóknar-
manna í Garðabæ, hefur lagt
fram tillögu til bæjarstjórnar
um að rekstrarformi Tónlist-
arskóli Garðabæjar verði
breytt og hann gerður að
sjálfseignarstofnun í stað
þess að reksturinn sé á veg-
um bæjarins. Einar, sem eins
og aðrir bæjarstjórnarfull-
trúar, greiddi Agnesi Löve
atkvæði sitt í umdeildu vali á
nýjum skólastjóra, segir að
sú mikla óánægja sem orðið
hefur í skólanum eftir af-
greiðslu bæjarstjórnar hafi
hreyft við sér og orðið til þess
að hann fór að huga að fram-
tíð skólans. Hann segist ekki
hafa fallið frá þeirri skoðun
sinni að Agnes hafi verið hæf-
asti umsækjandinn.
Einar kvaðst telja tíma-
bært við þær aðstæður, sem.
nú eru uppi, að skoða mögu-
leika á breyttu rekstrarformi
skólans; í stað þess að bærinn
reki hann verði stofnuð um
hann sjálfseignarstofnun.
Hann benti á að Reykjavíkur-
borg ræki enga tónlistarskóla
heldur styrkti eina 14 skóla á
grundvelli laga um stuðning
við tónlistarskóla. Með þjón-
ustusamningum kaupi borgin
af skólunum kennslu í sam-
ræmi við nemendafjölda og
umfang náms hvers og eins.
Skammtímaráðning
hugsanleg
„Ef við færum þessa leið í
Garðabæ bæri skólinn einn
ábyrgð á rekstri og stjómun
og fengi að þróast og aðlagast
án afskipta bæjaryfirvalda og
fengi framlög í takt við nem-
endafjölda og kennslumagn á
hverjum tíma. Einnig verður
þá hægara en áður að semja
um skólavist Garðbæinga í
öðrum skólum á höfuðborgar-
svæðinu," sagði Einar og
kvaðst þar einkum vísa þar til
þeirra skóla sem eru sér-
hæfðir, líkt og t.d. Suzuki-
skólinn í Reykjavík.
„Ég er búinn að senda bæj-
arstjóra minnisblað um að
þessi leið verði skoðuð til hlít-
ar á næstu dögum og skóla-
stjóri verði ráðinn með fyrir-
vara í kjarasamningi um að í
vændum geti verið form-
breyting á rekstri skólans.
Það yrði háð ákvörðun bæjar-
stjórnar, væntanlega á fyrsta
bæjarstjórnarfundi eftir ára-
mót,“ sagði Einar.
Næsti bæjarstjórnarfund-
ur er ráðgerður 20. janúar og
Einar sagðist ekki telja málið
gefa tilefni til aukafundar.
Hann sagðist ekki vera að
leggja til að ráðningu skóla-
stjóra yrði frestað eða hann
ráðinn til stutts tíma heldur
að staðið verði við ákvörðun
bæjarstjórnar. „En ef menn
ætla í þessa breytingu getur
verið um skammtímaráðn-
ingu að ræða. Ef stofnuð
verður sjálfseignarstofnun þá
er kosin stjórn á fyrsta aðal-
fundi þeirrar stofnunar og sú
stjórn ræður stjórnendur og
annað starfsfólk."
V elunnarafélag
Einar sagði að það sem
þyrfti væri viljayfirlýsing
bæjarstjórnar um að fara
þessa leið í málum skólans.
Síðan þurfi bæjarstjórn að
stofna velunnarafélag skól-
ans, sem ásamt bæjarstjórn
kýs fulltrúa í undirbúnings-
nefnd, sem leggi drög að
stofnskrá. Velunnarafélagið
kysi síðan í stjórn tónlistar-
skólans auk þess sem bæjar-
stjóm ætti þar einn fulltrúa,
samkvæmt lagaskyldu. „Vel-
unnarafélagið hefði samt
meirihluta og réði skólanum,"
sagði hann. Einar sagði að
stærsti þröskuldur í vegi
málsins væri nýtt húsnæði
tónlistarskólans, sem er í
eigu skólans en fjármagnað
með lánum bæjarins og er
skólagjöldum nemenda ætlað
að greiða niður byggingar-
kostnaðinn í fyllingu tímans.
Færa þyrfti þessar skuld-
bindingar yfir til sjálfseignar-
stofnunar en eitthvað af lán-
um þyrfti að vera með
bæjarábyrgð.
Áhyggjur af
skólastarfinu
Einar sagðist leggja til að
hugað yrði að þessu þegar
gengið er frá ráðningu Agn-
esar í skólastjórastarfið fyrir
áramót. „Ég fer þessa leið að
senda bæjarstjóra bréf um
þetta af því að ég á ekki setu í
bæjarráði, sem hefur farið
með þetta mál milli bæjar-
stjórnarfunda. Þess vegna
kem ég minni skoðun á fram-
færi með þessum hætti,“
sagði hann.
Aðspurður sagði Einar að
viðbrögð við kosningu bæjar-
stjómar hefðu komið sér eins
og öðrum á óvart. „Ég neita
því ekki að ég hef áhyggjur af
skólastarfinu og að það sé
hætt við að ekki verði sá frið-
ur, sem er nauðsynlegt að sé í
starfsemi eins og þessari.
Tónlistarskólinn er ekki bara
skóli heldur líka menningar-
stofnun," sagði Einar. „En ég
greiddi Agnesi auðvitað at-
kvæði mitt vegna þess að ég
tel hana vera hæfasta um-
sækjandann. Ég hef ekkert á
móti Smára en það má koma
fram að almennt séð tel ég
það ekki skólastarfi til fram-
dráttar að yfirkennari til
margra ára sé ráðinn sjálf-
krafa sem næsti skólastjóri;
það sé farsælla að fá inn nýtt
blóð,“ sagði Einar Svein-
björnsson. „Viðbrögðin við
kosningu Agnesar hafa ekki
breytt skoðun minni en þau
hafa hreyft við mér í þá átt að
ég hef farið á stúfana og skoð-
að hvort ekki sé tímabært að
fara í þessa formbreytingu.“
Morgunblaðið hafði í gær
samband við Agnesi Löve en
hún kvaðst telja rétt að tjá
sig ekki um málin að svo
stöddu.