Morgunblaðið - 24.08.2000, Qupperneq 13

MORGUNBLAÐIÐ
FRETTIR
FIMMTUDAGUR 24. ÁGÚST 2000 13
8% stöðugilda hjá
Leikskólum Reykja-
víkur ómönnuð
HJÁ Leikskólum Reykjavíkur
vantar nú starfsfólk í um 8% stöðu-
gilda, segir Bergur Felixson, fram-
kvæmdastjóri Leikskóla Reykja-
víkur. Hann segir stöðuna þó betri
nú en á sama tíma í fyrra. „Annars
breytist staðan frá degi til dags þar
sem stöðugt er verið að ráða fólk,“
segir Bergur.
Að sögn Bergs er mest um að
leiðbeinendur séu ráðnir um þessar
mundir. „Það hefúr verið vand-
kvæðum bundið að fá fólk til starfa í
leikskólunum á haustin og svo er
einnig nú,“ segir Bergur. Hann
segir þó að ekki muni koma til þess
að senda þurfi börnin heim úr leik-
skólunum vegna þess að starfsfólk
skorti eins og gerðist síðastliðið
haust. „Erfitt er þó að manna síð-
ustu stundir dagsins,“ segir Berg-
ur. Uppi hafa verið vangaveltur um
hvort hægt sé að loka einhverjum
leikskólum fyrr á daginn, þá í góðu
samráði við foreldra.
Starfsmenn Leikskóla Reykja-
víkur eru um 1750 talsins í 1200
stöðugildum. Bergur segir tæp 50%
starfsmanna hafa háskólamenntun
að baki og sé það heldur hærra
hlutfall en á sama tíma í fyrra.
Bergur segir að ekki sé mikið um
að fólk yngra en tvítugt starfi við
leikskóla borgarinnar. Lágmarks-
aldur er átján ár.
„Um 2% starfsfólks eru milli 18
ára og tvítugs," segir Bergur. Hann
segir að rætt hafi verið um að
hækka þetta aldurslágmark en það
hafi ekki verið gert enn. Bergur
segir marga starfskrafta á þessum
aldri hafa reynst leikskólunum vel.
Morgunblaðið/Golli
Knattleikur á línuskautum
FLESTIR ættu að kannast við ís-
hokkí sem er eins konar ísknatt-
leikur milli tveggja ellefu manna
liða, vopnuðum kylfum og skautum,
og er vinsæll í skautahöllum víða
um heim. Þessir ungu menn brugðu
á það ráð að spila sambærilegan
leik á línuskautum í sólinni í Garða-
bæ, eins konar götuhokkí.
Fyrirhugað útboð á sjúkraflugi
og tilteknum flugleiðum
Farið yfír um-
sagnir og at-
hugasemdir
FRESTUR til umsagna og athuga-
semda vegna fyrirhugaðs útboðs í
sjúkraflug og áætlunarflug á ákveðn-
um flugleiðum rann út í liðinni viku og
barst töluverður fjöldi athugasemda.
Sagði Jóhann Guðmundsson, skrif-
stofustjóri í samgönguráðuneytinu,
að næsta skrefið væri að fara yfir um-
sagnimar og síðan yrði auglýst eftir
umsóknum um endurgreiðslu kostn-
aðar sem leiðir af rekstri sjúkraflugs
og áætlunarflugs á tilteknum leiðum.
Hann sagði að umsagnir hefðu bor-
ist samgönguráðuneyti frá sveitarfé-
lögum og flugrekstraraðilum og
væntanlega hefði heilbrigðisráðun-
eytið fengið athugasemdir frá aðilum
í heilbrigðisþjónustu. Þegar þetta
hefði verið teldð saman og brugðist
við athugasemdum ætti að vera hægt
að auglýsa útboð fljótlega. Ætlunin er
að bjóða saman sjúkraflug og áætlun-
arflug. Samkvæmt útboðslýsingu er
um að ræða fjögur útboðssvæði. Þau
eru norður-, suður-, Vestfjarða- og
Vestmannaeyjasvæði. Gert er ráð
fyrir að hægt verði að bjóða í svæðin
óháð hvert öðru eða þá saman, öll eða
hluta miðað við þau skilyrði sem fram
eru sett. Auk þess eru boðnar út tvær
áætlunarleiðir sem eru óháðar út-
boðssvæðum.
Norðursvæðið afmarkast af beinni
línu sem er dregin frá botni Hrúta-
fjarðar að Hveravöllum síðan að
Nýjadal og þar næst að Höfn í
Hornafirði og allt svæðið fýrir norðan
þá línu er norðursvæði.
Nokkrar áætlunarleiðir
boðnar út
Boðið er út sem heild sjúkraflug á
norðursvæði auk eftirtalinna áætlun-
arleiða: Akureyri-Grímsey-Akur-
eyri, Akureyri-Vopnafjörður-Akur-
eyri, Akureyri-Þórshöfn-Akureyri
og Akureyri-Egilsstaðir-Akureyri,
sem reyndar er aðeins gert ráð fyrir
að verði styrkt 1. október til 30. apríl.
Vestfjarðasvæði er allir Vestfirð-
irnir og afmarkast af beinni línu sem
er dregin frá botni Gilsfjarðar að
botni Bitrufjarðar.
Boðið er út sem heild sjúkraflug á
Vestfjarðasvæði auk eftirtalinna
áætlunarleiða: Ísafjörður-Bíldudal-
ur-ísafjörður eða Bíldudalur-Ísa-
fjörður-Bíldudalur, sem miðað er við
að verði styrkt 1. desember til 30.
apríl.
Suðursvæði afmarkast af þeirri
sömu línu og dregin var fyrir norð-
ursvæðið og einnig línunni sem af-
markar Vestfjarðasvæðið, þannig að
allt svæðið sunnan þessara lína er
suðursvæði að Vestmannaeyjum und-
anskildum. Á suðursvæði verður boð-
ið út sjúkraflug, ekki áætlunarflug.
Á Vestmannaeyjasvæði verður
boðið út sjúki-aflug frá Vestmanna-
eyjum. Þar er ekld um að ræða áætl-
unarflug.
Þá verður boðin er út áætlunarleið-
in ísafjörður-Akurejri-ísafjörður
eða Akureyri-Ísaíjörður-Akureyri.
Einnig verður boðin út áætlunar-
leiðin Sauðárkrókur-Siglufjörður-
Sauðárkrókur eða Akureyri-Siglu-
fjörður-Akureyri.
Jóhann sagði að Siglufjörður hefði
verið hafður sér. Þar hefðu komið til
greina þeir möguleikar að Siglufirði
yrði þjónað frá Sauðárkróki eða Ak-
ureyi-i. Skiptar skoðanir hefðu verið
um það hvor kosturinn væri betri og
því verið ákveðið að haga málum
þannig að bjóða mætti í aðra hvora
leiðina.
Samningstími er þijú ár, með
möguleika á tveggja ára framleng-
ingu komi ekki sérstakir gallar fram á
þjónustunni. Utboðið nær til alls
Evrópska efnahagssvæðisins.
Lagadeild Hí býður nýja námsleið
Boðið upp á lögrit-
aranám í fyrsta sinn
BOÐIÐ verður upp á lögritaranám
við lagadeild Háskóla íslands í
haust en námið er ætlað aðstoðar-
fólki lögfræðinga. Þeir sem út-
skrifast úr náminu fá diplóma-
gráðu og titilinn lögritarar.
Kolbrún Linda ísleifsdóttir,
kennslustjóri lagadeildar, segir
frumkvæði að þessu námi m.a. koma
frá Páli Skúlasyni háskólarektor
þar sem hann hefur hvatt deildir
Háskólans til að auka fjölbreytni í
námsvali með stuttum og hagnýtum
námsleiðum. Það hafi siðan verið
ákvörðun lagadeildar að setja sam-
an lögritaranámið. Hún segir áhuga
fólks á náminu mikinn en umsókn-
arfrestur rennur út 18. ágúst nk.
Sérstaklega ætlað
aðstoðarfólki lögfræðinga
Námið er ætlað aðstoðarfólki lög-
fræðinga og er sérstaklega haft í
huga fólk sem vinnur á lögmann-
sstofum, lijá dómstólum og sýslu-
mannsembættum, í ráðuneytum, hjá
tjármálastofnunum, fasteignasölum
o.þ.h. Markmiðið með náminu er að
auðvelda aðst oðarfólki lögfræðinga
að vinna að lögfræðilegum málum,
auka þekkingu þeirra og fjölbreytni
í starfi og gera má ráð fyrir að nám-
ið bæti kjör þeirra, segir Kolbrún
Linda.
Nemendum verða kynnt grund-
vallaratriði lögfræðinnar, s.s. rétt-
arheimildafræði, lögskýringar, rétt-
arfar, kröfuréttur, skaðabótaréttur
og ágrip Evrópuréttar og sitja þeir
fyrirlestra í almennri lögfræði
ásamt Iaganemum. Námsefni þeirra
og tímasókn verður þó minna en
laganemanna og aðrar kröfur eru
gerðar um lágmarkseinkunn. Enn
fremur verða námskeið um meðferð
stjórnsýslumála og dómsmála.
Hluti námsins fer fram í öðrum
háskóladeildum, s.s. reikningshald,
rekstur og stjórnun sem kennt er í
viðskipta- og hagfræðideild, skjala-
stjórnun sem kennd er í félagsvís-
indadeild og íslenska og erlend
tungumál sem kennt er í heimspeki-
deild.
Lögritaranámið er 45 einingar og
er reiknað með að nemendur ljúki
þvi á hálfu öðru ári. Kolbrún Linda
segist þó gera ráð fyrir að hluti
nemenda verði í fullu starfi með
náminu og ljúki því þess vegna á
lengri tíma. Nemendur geta valið
um 10-12 einingar. Inni í skyldufög-
um eru tvö ný námskeið, annars
vegar lögfræðileg skjalagerð og
hins vegar upplýsingaöflun og
heimildavinna.
Þessi tvö nýju námskeið standa
einnig laganemum og lögfræðing-
um til boða og segist Kolbrún Linda
hafa orðið vör við mikinn áhuga fyr-
ir þeim. Ekki eru neinar f jöldatak-
markanir í lögritaranámið en
stúdentspróf er inntökuskilyrði eins
og í aðrar deildir Háskólans.
Hlutabréfarabb
Kvöldkaffi meðVÍB og Súfistanum bókakaffi í Máli og menningu, Laugavegi 18.
í kvöld: 24. ágúst kl. 20:30 - 21:30
Hlutabréfasjóðir - hvernig er best að velja þá?
Sigurður B. Stefánsson, framkvæmdastjóri VÍB.
Sjáumstl
VfB
hluti af Íslandsbanka-FBA
Kirkjusandi • Sími 560-8900 • www.vib.is • vib@vib.is