Morgunblaðið - 09.12.2000, Blaðsíða 24

24 LAUGARDAGUR 9. DESEMBER 2000
MORGUNBLAÐIÐ
VIÐSKIPTI
Sæplast í örum vexti
Veltan losar
tvo milljarða
STJÓRNENDUR Sæplasts kynntu
níu mánaða uppgjör og framtíð-
aráform félagsins í vikunni. Velta
Sæplasts fyrstu níu mánuði ársins
jókst um 135% miðað við sama
tímabil í fyrra og nam liðlega 1,6
milljörðum króna. Veltufé frá
rekstri var 150 milljónir og jókst
um 41% milli tímabila. Aukin velta
skýrist af því að nú gætir áhrifa
dótturfélaganna í fyrsta sinn allt
árið.
Steinþór Ólafsson, forstjóri
Sæplasts, segir að allt stefni í að
velta félagsins á árinu öllu verði
nálægt 2,1 milljarði króna en veltan
allt árið í fyrra var um einn millj-
arður króna. Hagnaður fyrir af-
skriftir og fjármagnsliði á tímabil-
inu nam 209 milljónum en var 146
milljónir eftir fyrstu sex mánuðina.
Hagnaður fyrstu níu mánuði ársins
var fimm milljónir króna á móti 26
milljónum á sama tíma í fyrra.
Steinþór nefndi þrjár ástæður fyrir
minni hagnaði félagsins. í fyrsta
lagi hafi gengistap á þriðja árs-
fjórðungi numið 25 milljónum
króna. Þá hafi verið tap á rekstri
Nordic Supply Containers AS sem
Sæplast keypti í vor en þeirri
verksmiðju hefur nú verið lokað. í
þriðja lagi hafi fallið til töluverður
kostnaður vegna sameiningar og
hagræðingar í Noregi.
Greiningardeild Kaupþings mæl-
ir með kaupum í Sæplasti og segir
m.a. að búast megi við að afkoma
félagsins muni batna á næstu árum
í kjölfar hagræðinga sem félagið
eigi að geta náð vegna sameiningar
dótturfélaga og rekstrar þeirra.
Starfsemi í þremur heimsálfum
Umsvif Sæplasts, sem stofnað
var á Dalvík árið 1984, hafa vaxið
mjög á síðustu árum. Móðurfélagið
rekur nú fjögur fyrirtæki í þremur
heimsálfum: Sæplast Dalvík, Sæ-
plast India, Sæplast Canada og
Sæplast Norge. Velta Sæplast Dal-
vík er áætluð um 450 til 500 mil-
ljónir króna í ár en fyrirtækið
framleiðir einkum ker, vatnstanka,
rotþrær og flotkúlur. Velta Sæplast
Canada sem keypt var árið 1999, er
áætluð um 650 milljónir króna.
Fyrirtækið framleiðir ker og ýmsar
hverfisteyptar afurðir til nota í
matvælaframleiðslu. Sæplast India
hóf starfsemi árið 1998 og veltan í
ár verður um 20 milljónir króna.
Aðspurður um veltu Sæplast India
segir Steinþór að menn hafi fram
til þessa einbeitt sér að því að
koma framleiðslu og gæðamálum í
lag en að framundan sé að auka
markaðsstarf og sölu hjá Sæplast
India. í Noregi rekur Sæplast tvær
verksmiðjur. Velta Sæplasts í Sal-
angen í Troms-fylki er áætluð um
160 milljónir króna en höfuðáhersl-
Morgunblaðið/Ásdís
Steinþór Ólafsson framkvæmdastjóri og Rúnar Sigurpálsson fjármálastjóri
Sæplasts.
STJÓRN
I
Forstjóri
Steinþór Ólafsson
Skipurit
Fjármál Rúnar Sigurpálsson Markaðsmál Sigurður Jóhannsson

Framleiðsla Steinþór Ólafsson Vöruþróun Steinþór Ólatsson

Sæplast Dalvík Sæplast India Sæplast Canada
Dalvík Almadabad Saint John
Torfi Guðmundsson Swetang Dave Guðm. Þ. Gunnarsson
x
Sæplast Norge
Álesund/Salangen
A. Rotevatn/ T. Vedal
an hefur verið á framleiðslu ýmiss
konar kera í Salangen. Velta Sæ-
plasts í Álasundi er áætluð um 620
milljónir króna í ár en þar eru m.a.
framleidd flot, belgir, og fríholt.
Sæplast keypti Nordic Supply
Containers AS í mars í vor. Stein-
þór segir að ástæða kaupanna hafi
fyrst og fremst verið sú að kaupa
burt samkeppnisaðila. Aðspurður
um möguleg kaup Sæplasts á Borg-
arplasti segir Steinþór það ekki
hafa verið inni í myndinni. Sæplast
sjái sér ekki hag í því að komast í
einokunaraðstöðu á Islandi, sam-
keppnin sé af hinu góða fyrir félag-
ið.
Enn sóknarfæri fyrir hendi
Einungis 9% af heildartekjum
Sæplasts falla til vegna sölu á ís-
landi. Steinþór segir að íslenski
markaðurinn sé engu að síður mik-
ilvægur þar sem hér séu þróaðar
vörur í samstarfi við innlend fyrir-
tæki. Salan í Noregi er um 13%
heild, 29% sölunnar er i Norður-
Ameríku sem er svipað og í Evrópu
utan Noregs og íslands. Steinþór
segir ljóst að enn sé sóknartæki-
færi fyrir Sæplast og þá sérstak-
lega í Asíu og Suður-Ameríku. Þá
megi nefna að Sæplast hafi í ríkari
mæli einbeitt sér að framleiðslu
fyrir eldisiðnaðinn, t.d. á flot-
bryggjum og flotkvíum, og þar sé
að finna sóknartækifæri.
Steinþór segir að stefnan sé og
hafi verið að byggja Sæplast upp til
lengri tíma. „Það er mikilvægt fyrir
félagið að vaxa enn frekar og því er
stefnt að því að fjárfesta í fleiri
verksmiðjum í tengdum rekstri á
næstu árum. Endurskipulagning
markaðsmála er hafin og stefnt að
því að ljúka henni í byrjun næsta
árs. Meginþunginn á næsta ári
verður því við vinnu í sölu- og
markaðsmálum með það að mark-
miði að ná meira úr rekstrinum."
Ferðaskrifstofan 361 hefur starfsemi í janúar
Ekki samið við
innlend flugfélög
UNDIRBÚNINGUR að rekstri
ferðaskrifstofunnar Sólar hf. sem
hefja mun starfsemi í byrjun
næsta árs er langt komin. Fyrir
liggur að íslenskt flugfélag mun
ekki sjá um leiguflug félagsins.
Vel gengur að ráða starfsfólk
Að sögn Ómars Kristjánssonar,
framkvæmdastjóra Sólar, hefur fé-
lagið fest sér húsnæði fyrir starf-
semina á Grensásvegi 22, á horni
Grensásvegar og Miklubrautar þar
sem Landsbankinn var áður til
húsa. Sól hf. tók formlega við hús-
næðinu um síðustu mánðamót og
er nú verið að vinna að innréttingu
og lagfæringum á því. Ómar segir
að húsnæði Sólar, sem er tæpir
400 fermetrar að stærð, sé á
ákjósanlegum stað; það sé í al-
faraleið með góðri aðkomu og
nægum bílastæðum.
„Það var stefnt að því að hefja
starfsemina upp úr áramótum og
við það verður staðið. Þrátt fyrir
þensluna á vinnumarkaði hefur
verið þó nokkur eftirspurn eftir
störfum hjá Sól hf. Þegar er búið
að ráða verulegan hluta starfs-
fólksins og það mun flest koma til
starfa í janúar. Aðspurður segir
Ómar að hann telji að Sól hafi
fengið mjög hæft fólk til starfa,
flest með mjög góða reynslu að
baki.
Samlð við erlent flugfélag
„Við erum langt komnir með að
ganga frá samningum um sam-
skipti við flugfélag um leiguflug
fyrir Sól. Það er að vísu ekki hægt
að greina nákvæmlega frá því að
svo stödddu en það stefnir í að við
verðum með mjög trausta og góða
erlenda aðila í samstarfi sem bjóða
upp á afbragðs þjónustu. Við erum
afar sátt við þá niðurstöðu."
Aðspurður segir Ómar að leitað
hafi verið til innlendu flugfélag-
anna um tilboð í leiguflug fyrir fé-
lagið. Annað þeirra hafi ekki haft
tiltækar vélar en hitt ekki sýnt
verkefninu áhuga.
Skuiandi jögur
x tœkifœrisgjöf
\
'S,l *
Til )
styrktar 1—-• y
biindum i \
KR&SSII
Tákn heilagrar
þrenningar
Fivst iim land allt.
Drei fi nt’amð il i:
, ,?eyí
525-0000
Stór við-
skipti
með TM
SÍÐASTLIÐIÐ ár hafa 736 skráð
viðskipti átt sér stað með hluta-
bréf í Tryggingamiðstöðinni hf.
(TM) og er heildarupphæð þeirra
4,1 milljarður króna. 56% þessarar
upphæðar, eða 2.326 milljónir
króna, hafa skipt um hendur í
tvennum viðskiptum í þessum
mánuði, 1.326 milljónir króna
fjórða desember og 1.000 milljónir
króna í fyrradag. Islandsbanki-
FBA hf. flaggaði vegna viðskipt-
anna í fyrradag og sagði frá því að
hlutur hans í TM væri nú 10,36%
en hefði fyrir viðskiptin verið
18,61%. Bankinn greindi jafnframt
frá því að 4,98% af núverandi eign-
arhlut hafi verið seld framvirkt
með gjalddaga 29. þessa mánaðar.
Af fyrirliggjandi gögnum, þ.m.t.
flöggunum á Verðbréfaþingi Is-
lands hf. og hluthafaskrá TM, er
ekki unnt að sjá hverjir stærstu
hluthafar TM eru eftir þessi miklu
viðskipti síðustu daga.
í samtali við Morgunblaðið
sagðist Pétur Björnsson, fyrrver-
andi forstjóri Vífilfells, hafa veitt
Hreini Loftssyni, lögmanni, heim-
ild til að kaupa hlut í TM fyrir sína
hönd. Pétur sagðist þó ekki hafa
nákvæmar upplýsingar um það á
hvaða stigi þau viðskipti væru nú
og vísaði á Hrein um frekari upp-
lýsingar. Hreinn er erlendis og
ekki náðist í hann í gær.