Skírnir - 01.01.1888, Qupperneq 6

8
EVRÓPA ÁKIÐ 1887.
unum með spekt þó ekki sé það venja þeirra. Rússnesk blöð,
einkum Moskofifskija Vjedomosti (Moskvu-tiðindi), blað Katkoflfs
varakeisara, sem þjóðverjar kalla hann, ogNovoje Vremjaj(hin nýja
tið) sögðu, að Búlgaría væri þeim minna verð en að hafa lausar
hendur til taks, þegar ófriðarstorminum lysti yfir Evrópu.
Frakkar þyrftu ekki að kvíða, að Bismarck fengi tóm til að
láta þeim blæða til ólífis (saigner á blanc) eins og hann tók
til orða á frönsku í ræðu sinni. þegar Frakkar reistu nokkra
hermannaskála nálægt landamærum þjóðverja og fóru að reyna
nýtt sprengiefni, Melinit, þá urðu þýzku blöðin uppvæg. þjóð-
verjar, Rússar og Austurríkismenn bönnuðu svo útflutning hesta
og altaf harðnaði blaðabardaginn eptir því sem nær dró deg-
inum 21.febrúar. Búlgaríu heyrðist ekki lengur getið en blöðin
fóru að marka bardagavelli í Belgiu. Landamæri Frakka og
þjóðverja eru svo óárennileg vegna vígirðinga, að þeim er
ekki önnur leið opin til að ná saman en um Belgíu. En Bis-
marck var ekki nóg að gera þjóðverja lafhrædda og auðsveipa
sér með ófriðargrýlu. Hann samdi við Leó 13. og með því
að lofa tilhliðrun í kirkjumálum fékk hann páfa til að senda
hinum kaþólska flokk, sem hafði verið Bismarck andstæður á
þingi, undir forustu Windthorsts greifa, opið bréf. í þessu bréfi
lét Leó 13. sína trúarliða á þýzkalandi vita, að honum væri
kært að þeir greiddu atkvæði með heraukalögunum. þetta
tvennt, ófriðargrýlan og Leó páfi, dugði. Kosningarnar 21.
febrúar gengu Bismarck í vil. þing var sett 3. marz og ll.dag
sama mánaðar voru heraukalögin samþykkt óbreytt eins og þau
voru lögð fyrir þingið 1886 með miklum atkvæðafjölda. Sam-
kvæmt hinu ágæta franska tímariti, Revue militaire de l’Etran-
ger (timarit um hermál { öðrum löndum), er her þjóðverja eptir
þenna viðauka á ófriðartíma alls 3,600,000 manns. En þegar þetta
er prentað (febrúar 1888), hafa þeir aukið hann enn fremur með
rúmlega 700,000 manns og kostað til þess meir en 280 miliónuro
marka. Yfirforingjaflokkurinn (Der Generalstab) í Berlín er heilinn
i þessum her. Herinn er eins og stórkostleg og voðaleg vél J
höndum hans. Hann hefur menn, sem rannsaka öll þau svæði
í Evrópu sem kunna að verða bardagastöðvar, og vita öllum