Skírnir - 01.01.1888, Síða 31

FRAKKLAND.
33
isvald og steypa stjórninni, því herinn muudi fylgja honum til
alls. Einkum var Paul Dérouléde, forseti hins franska þjóð-
vinafélags, reiður yfir þessari eptirlátsemi við þjóðverja, sem
hann kallaði. Dérouléde orti mörg ágætiskvæði i stríðinu
1870 — 71 og hatar þjóðverja meir en sjálfan djöfulinn og allt
hans athæfi. A fundi þeim í París 24. júní, sem getið er um
í Evrópukaflanum, sagði hann: þessi þjóð, sem kallast hin
mikla þjóð (La grande nation), hugsar dag og nótt um þenna
blett (Elsass-Lothringen) af því landi, sem kallast hið fagra
Frakkland (La belle France). Hver sá maður, sem er líklegur
til að ná aptur þessum blett, verður strax átrúnaðargoð þjóð-
arinnar. Sá, sem nær honum aptur, verður dýrðlingur þjóðar-
innar um ókomnar aldir.
Boulanger var skipaður yfirforingi yfir herdeild suður í
landi í Clermont-Ferrand. Hann ætlaði af stað frá París suður
eptir um kvöldið 8. júlí, en þegar hann kom á járnbrautar-
stöðina, var þar fyrir múgur og margmenni, um 12—15,000
manns. þeir höfðu miða á höttunum og stóð á þeim: il re-
viendra; il faut qu’ii revienne (hann kemur aptur, hann verður
að koma aptur). þeir tróðust inn svo lögregluliðið kom engu
tauti við og öskruðu: Vive Boulanger, á bas Grévy (lifi Bou-
langer, niður með Grévy). Járnbrautalestin komst ekki af stað;
sumir lögðust flatir fyrir henni og sögðu hún yrði að aka yfir
sig ef hún legði af stað. þeir stóðu samt upp aptur og eptir
tvo klukkutima komst Boulanger við illan leik upp í sjálfan
gufuvagninn, sem rauk af stað með hann einan af farþegjum.
Ymsir þingmenn réðust nú á stjórnina á þingi. Maður heitir
Clémenceau; hann er einn af hinum mælskustu þingmönnura
og ákafur framfaramaður. Hann er kallaður ráðgjafasteypir,
því hann beitist opt fyrir því að fella ráðaneyti. Hann vill
semja Frakka eptir sniði Englendinga og á marga kunningja í
framfaraflokknum á Englandi. En í þetta skipti gat hann ekki
fellt ráðaneytið, því meiri hluti þings var með þvi. Frakkar
halda árlega hátíð 14. júli, i minningu þess, að þann dag var
Bastillan brotin og stjórnarbyltingin mikla byrjuð 1789. Allt
herlið í París var haft til taks þann dag, því búizt var við
3