Skírnir - 01.01.1888, Qupperneq 36

38
FRAKKLAND.
Frakkar ætla að halda alheims-sj'ning árið 1889 i minn-
ing stjórnarbyltingarinnar miklu 1789. Engin stjórn hefur
lofað að taka þátt í henni nema Norðmannastjórn, þvi kon-
ungum og keisurum er ekki um byltinguna, en Frakkar búast
samt við, að fá margt á hana frá öllum löndum. þeir eru að
reisa turn, sem kallast eptir höfuðsmiðnum, Eiífel-turn. Hann
er úr járni og verður 940 feta hár (hæsti turn áður er um
500 feta að hæð) og má sjá af honum langt út um land.
Almennur stjörnufræðingafundur var haldinn í París, og
var samþykkt, að búa til mjög nákvæm kort af himninum allt
í kringum jörðina með þvi, að ljósmynda hann, og er það
bæði langt og erfitt, en þýðingarmikið verk.
Með almennum samskotum um Evrópu, hefur verið safnað
fé, til að reisa hús handa Pasteur, hinum nafnfræga vísinda-
manni; þar getur hann haldið áfram rannsóknum sínum og
lækningum, betur en í híbýlum sínum og þangað flykkjast
menn frá öllum löndum til lækninga og til að læra af honum.
Öldungurinn Lesseps, sem er 83 ára að aldri, rak af
höndum sér ýmsa palladóma um Panamaskurðinn. Hann
kvongaðist í annað sinn, þegar hann var um sjötugt, friðri mey
og á mörg og mannvænleg börn með henni. Hann gaf út um
haustið rit um ýmislega viðburði á hans löngu og stórvirku
æfi, og var því strax snúið á flest Evrópumál.
þetta ár kom út skáldsaga eptir Emile Zola, sem heitir
La Terre (jörðin). Sá maður er ekki vanur að hilma yfir það,
sem ljótt er, i skáldsögum sínum, en ýmsum lærisveinum hans
þótti hann taka ofdjúpt í árinni í þessari bók. þeir Alphonse
Daudet og Guy de Maupassant eru taldir helstir af rithöfund-
um Frakka i þeirri grein (skáldsögum). þeir Hippolyte Taine
og Edmond Schérer eru öndvegismenn meðal allra ritdóm-
enda i Evrópu. Saga stjórnarbyltingarinnar miklu eptir Taine
er að koma út, og er komið út fram að Napóleon mikla.
Leikritahöfundar Frakka, Dumas yngri, Sardou, Feuillet, Augier
o. s. frv., eru Hka öndvegismenn í Evrópu í sinni grein og
leikrit þeirra leikin um alla Evrópu, Málarar og myndasmiðir
Frakka eru með hinum beztu í Evrópu. Jeg nefni að eins