Skírnir - 01.12.1908, Qupperneq 32

320
Ofát.
á Jótlandi. Kenningar hans hafa vakið mikla eftirtekt
víðs vegar, og að maklegleikum hefir hann fengið mikla
viðurkenningu fyrir þær bæði í Danmörku og annarstað-
ar; vil eg því leitast við að gefa íslenzkri alþýðu dálítinn
smekk af aðalatriðum í bókum þeim, sem hann hefir
skrifað þessu aðlútandi1).
Fyrst ber þó að geta þess, að amerískur læknir, pró-
fessor Chittender við Yale háskólann, varð fyrri til en
Hindhede að vekja máls á sömu kenningum og hann i
bók sinni: Fysiological economy in nutrition, New York
1905. En tildrögin til þess að hann fór að gefa sig við
þeim voru þau, er nú skal greina:
Maður er nefndur Horace Fletscher, amerískur miljóna-
eigandi. Hann hafði frá unga aldri lifað í »vellystingum
praktuglega«, eins og mörgum auðmönnum er tamt; eink-
um hafði hann verið matmaður mikill og matvandur
og vanið sig á alls konar kræsingar. Afleiðingin af
þessu varð sú, að þegar hann var rúmlega fertugur, var
hann orðinn mesti istrumagi og heilsan farin að bila, svo að
lífsábyrgðarfélög neituðu að vátryggja líf hans. Hann sá
sér nú þann kost vænstan að breyta lifnaðarháttum sín-
um til batnaðar. Hann fór því að lifa sparlega og boi’ð-
aði ekki annað en fábreyttan mat, sem kostaði ekki meira
en um 40 aura á dag. Hann hafnaði að mestu leyti kjöti
og annarri kjarnfæðu, sem svo er kölluð, en lifði því
nær eingöngu á jurtafæðu. Hann vandi sig á að tyggja
matinn einstaklega vel, miklu betur en hann hafði áður
verið vanur. Hann megraðist reyndar á stuttum tíma,
svo að hann léttist um 36 pund; en hann hrestist daglega
og varð ungur í annað sinn, því að kraftarnir jukust svo,
að hann gat boðið tvítugum aflraunamönnum byrginn.
Hann lét nú prófessor Chittender skoða sig og sannfærast
um þá breytingu, sem á sér hefði orðið, og ári seinna
skrifaði hann honum: »Mér fer stöðugt fram bæði að
líkamlegu og andlegu atgervi. Eg finn langtum minna
') M. Hindhede: En Reform af vor Ernæring. 3. Udg. Ebh.
1906. — Sami: Ernæringsforsög. 3. Udg. Kbh. 1907.