Skírnir - 01.04.1916, Qupperneq 19

Skírnir]
Um Þorleif Guðmundsson Repp.
131
þá sök, að meðmæli prófessoranna við Kaupmannahafnar-
háskóla, sem Þorleifur var talinn þurfa að sýna, munu
hafa komið of seint. Síðara hluta árs 1822 hvarf Þorleif-
ur aftur til Kaupmannahaínar og lagði leið sína um Þýzka-
land og dvaldist um tíma í Altona og Kiel. Þá var vegur
hans svo mikill, að hann hlaut þá sæmd »að stýra æfing-
um drottningarinnar [dönsku] í enskri tungu«, eins og
hann kemst sjálfur að orði. Mun þessi sæmd, ef til vill,
hafa orðið til þess að afla honum öfundarmanna, ásamt
öðru. En þessi kynni Þorleifs af drottningunni munu hafa
leitt til þess, að hann tileinkaði konungsfólkinu tvö liin
fyrstu rit sín.
Um för sína til Englands skrifaði Þorleifur þá í
»Bibliothek for Morskabslæsning« (XII. bindi).
Þorleifur virðist snennna mjög hafa komizt í kynni
við ýmsa hinna helztu danskra vísindamanna og rithöf-
unda, er þá voru uppi. Hann var nákunnugur þeim
Bahbek og konu hans, hinni nafnkunnu menntakonu, Kamma
Kahbek, og Oehlenschliiger. Sömuleiðis Rasmusi Rask. Enn
fremur skáldunum Poul Möller, Christian Winther og
Christian Thaarup, og bréf er til frá Thaarup til hans.
Hann virðist og hafa tekið mikinn þátt í dönsku stúdenta-
lífi. Hann var einn af stofnendum hins danska stúdenta-
félags (den danske Studenterforening), er sett var á lagg-
irnar 1820, og einn af aðalhvatamönnunum að því, að
»Athenæum« var stofnað, en svo var nefnt lestrarfélag og
málfundafélag, er ýmsir lærðir menn stofnuðu með sér í
Kaupmannahöfn 9. septbr. 1824; var það mjög sniðið eftir
enskum félögum sams konar, og voru lög þess að mestu
samin af Repp.
Þá var og Þorleifur um þessar mundir orðlagður
kappræðumaður. Var hann bæði ákafur og fylginn sér
og óvæginn, við hvern sem var um að eiga; vá hann
aldrei orð sín eftir tign eða metorðum þess, er hann átti
orðakast við, og kom það honum oft illa, því að þetta
varð til þess, að ýmsir fengu óvildarhug til hans. Einkum
voru doktorsefni oft skelkaðir við Þorleif, því að hann.
9*