Árbók Hins íslenzka fornleifafélags - 01.01.1978, Page 148

150
ÁRBÓK FORNLEIFAFÉLAGSINS
Gísli Gestsson fyrsti safnvörður athugunarferð norður í Húnavatns-
og Skagafjarðarsýslur, einkum til að skoða gamla bæinn á Guðlaugs-
stöðum í Blöndudal, sem mun síðasti stóri torfbærinn, sem enn er
búið í, en dagar hans munu senn taldir. Þá skoðuðu þeir einnig Þing-
eyrakirkju, sem verið er að gera við, fornar rústir á svonefndum
Miðstekkjum í landi Bólstaðarhlíðar, þar sem mönnum hefur dottið
í hug að Ævar landnámsmaður hafi byggt, en það mun nýleg tilgáta.
Það er ekki sérlega líklegt bæjarstæði landnámsmanns, en úr slíku
verður ekki skorið nema með rannsókn. — Þá var skoðað ástand
gömlu torfhúsanna í Skagafirði, sem farið er að verða heldur bágt
víðast hvar, svo og gamla íbúðarhúsið á Borðeyri, sem reist var
1846 og stendur að kalla ónotað nú.
1 júlí fóru þjóðminjavörður og Pétur G. Jónsson um Vestfirði til
eftirlits og skoðunar. Var einkum erindið að hyggja að hinum gömlu
húsum Ólafs Jóhannessonar á Patreksfirði og innbúi þar, sem stend-
ur að mestu óhreyft frá hans tíð. Þá var komið að Saurbæ á Rauða-
sandi og kannað ástand kirkjunnar, sem verið er að endurreisa,
semsé Reykhólakirkj u gömlu, og gamla kirkjan á Hrauni í Keldu-
dal var einnig skoðuð, en hún er örsmá timburkirkja, aflögð en all-
heilleg. Haldið var uppi fyrirspurnum um sjóminjar og nokkrar
þeirra fastsettar handa safninu, en síðar um sumarið fór Pétur á
vörubíl safnsins og sótti mikið af munum frá skútutímanum, eink-
um til Þingeyrar.
Þjóðminjavörður fór til Sigiufjarðar í júlí og skoðaði ásamt Frosta
F. Jóhannssyni þjóðháttafræðinema minjar frá síldarárunum, en
Frosti hefur unnið á vegum Siglufjarðarbæjar að könnun og skrá-
setningu slíkra minja með tilliti til varðveislu. Átti þjóðminjavörður
fund með bæjarstjórn og byggðasafnsnefnd Siglufjarðar um þessi
mál.
Gamlar byggingar.
Svokölluð Frúarstofa í Árnesi á Ströndum, örlítið timburhús, var
tekin á fornleifaskrá, en hana lét Guðrún Ólafsdóttir, dóttir Skáld-
Rósu, reisa handa sér er hún varð ekkja og varð að afhenda jörðina.
Mun húsið reist um 1882, en það er að sumu leyti allilla farið og
vafamál, hvenær hægt verður að gera því til góða.
Hafist var handa um viðgerð bæjarins í Glaumbæ, en hann hefur
látið talsvert á sjá síðustu ár. Sá Stefán Friðriksson um það verk,
en einsýnt er að gera verður bæinn allan upp á næstu árum þar