Árbók Hins íslenzka fornleifafélags - 01.01.1978, Side 155

FRÁ FORNLEIFAFÉLAGINU
AÐALFUNDUR 1977
Aðalfundur Hins íslenzka fornleifafélags var haldinn í Fornaldarsal Þjóð-
minjasafns íslands mánudaK'inn 12. desember 1977 og hófst kl. 8.30. Fundinn
sátu um 60 félagsmenn og gestir.
Formaður félagsins, dr. Jón Steffensen, setti fundinn og minntist síðan
þeirra félaga sem stjórnin hefur spurt að látist hafi síðan síðasti aðalfundur
var haldinn. Þessir félagsmenn eru:
Gunnar Ólafsson vélfræðingur, Reykjavík.
Halldór Pétursson listmálari, Reykjavík.
Magnús Pétursson kennari, Reykjavík.
Rósa Hjörvar frú, Reykjavík.
Þorsteinn Valdimarsson skáld, Kópavogi.
Fundarmenn risu úr sætum í virðingarskyni við minningu hinna látnu félaga.
Formaður skýrði síðan frá því að um 20 nýir félagar hefðu bæst við og lét
í ljós þá ósk að fleiri skilvísir menn bættust í hóp félagsmanna. Kvað hann
Arbók 1977 mundu koma út um mánaðamót jan.-febr. 1978 og er það svipað
og áður hefur verið.
Þessu næst las féhirðir upp reikninga félagsins fyrir árið 1976.
Gengið var til stjórnarkosningar og var stjórnin endurkosin, formaður Jón
Steffensen, skrifari Kristán Eldjárn, féhirðir Gísli Gestsson. Varastjórn var
einnig endurkosin: Varaformaður Magnús Már Lárusson, varaskrifari Þór-
hailur Vi'.mundarson, varaféhirðir Þór Magnússon. Úr fulltrúaráði áttu að
ganga Þórður Tómasson, Sigurður Þórarinsson og Sturla Friðriksson og voru
þeir allir endurkosnir til 1981. Endurkosnir voru einnig endurskoðunarmenn
Páll Líndal og Höskuldur Jónsson.
Formaður gaf nú orðið frjálst til umræðu um ýmis mál. Helgi Þorláksson
tók til máls og skýrði frá áhuga Norðmanna á rannsókn fornra kaupstaða og
meðal annars á að grafnar yrðu upp rústir íslenskra kaupstaða eins og til
dæmis Gása. Höfðu norrænir fræðimenn komið að máli við Helga og skýrt hon-
um frá hvernig einhverju slíku mætt.i koma í kring og livers vegna þeir teldu
að slíkar rannsóknir gætu varpað ljósi á upphaf bæja á Norðurlöndum. Var það
einkum að hér á landi voru rústir af eins konar vísum að kaupstöðum án þess
að þar risu þó nokkurn tíma rauverulegir bæir. Kvaðst Helgi hafa áhuga á að
rannsóknir af þessu tagi gætu orðið að veruleika.
Þór Magnússon þjóðminjavörður skýrði frá að fyrirhugaðar væru rannsóknir
á kaupstaðnum í Gautavík í Suður-Múlasýslu og mundi þýskur fornleifafræðing-