Eimreiðin - 01.05.1920, Blaðsíða 9

EIMREIÐINI
FORFEÐUR MANNKYNSINS
137
um hituna í Evrópu. Þegar á jökultímanum kom nýr
þjóðflokkur fram á sjónarsviðið, er reyndist hællulegur
keppinautur.
í helli einum í Aurignac-héraði (frb. Orinjak) á Suður-
Frakklandi, og víðar þar um slóðir, hafa fundist stein-
áhöld og vopn innan um gamlar jökulminjar, er voru
betur gerð og lýstu meiri hagleik en áhöld þau, sem
liggja eftir Neanderdal-kynslóðina. Far hafa lika fundist
myndir haglega ristar á bein og steina, er bera vott um
talsvert listfengi.
Innan um þessar fornminjar hafa fundist mannabein,
frábrugðin beinum frummannanna. Svipar þeim meira til
beina núlifandi Evrópubúa. Árið 1909 fanst loks heil
beinagrind af þessu tæi á Suður-Frakklandi. Sannaðist
þá, að hér var um sérstakan kynþátt eða þjóðflokk að
ræða, er náð hafði hærra menningarstigi en Neanderdal-
mennirnir. Leifar eftir þessa menn hafa einnig fundist
utan Frakklands, í Austurríki og á Englandi. Þjóðflokk-
urinn er kendur við áðurnefnt hérað á Frakklandi, þar
sem mest hefir fundist af fornleifum eftir hann.
Aurignac-mennirnir teljast til sömu tegundar mannkj'ns-
ins og núlifandi þjóðir (Homo sapiens), þó voru þeir í
ýmsu frábrugðnir Evrópumönnum nú á dögum. Þeir voru
langhöfðar1); ennið var hátt og hvelft, brúnabeinin í
stærra lagi, en þó minni en á frummönnunum; þeir voru
kinnbeinaháir og söðulnefjaðir, nokkuð frammyntir, þó
eigi eins og Neanderdal-menn. Hakan var í minna lagi.
Höfuðkúpan og heilabúið var allvel þroskað. Þeir voru
um 160 cm á hæð. Grannvaxnari voru þeir en Neander-
dal-mennirnir, skreflangir og beinvaxnir. Af mannamynd-
um, er þeir hafa rist á bein, sést, að karlmenn hafa
verið skeggjaðir. Að öllu voru þeir mennilegri en eldri
kynslóðin, en staðið hafa þeir skör lægra en núlifandi
menn í Evrópu.
Aurignac-þjóðflokkurinn hefir verið uppi í Evrópu á
jökultímanum, en kemur síðar fram á sjónarsviðið en
1) Breidd höfuðkúpunnar um 75°/o á móti höfuðlengdinni.