Eimreiðin - 01.05.1920, Qupperneq 11

EIMREIÐINJ
FORFEÐUR MANNKYNSINS
139
sigursælu Aurignac-menn hafi hernumið konur óvina sinna
og gert þær að ambáttum sínum.
Hreinaveiðararnir frakknesku.
Árið 1868 fanst beinagrind í Vezerdalnum á Frakklandi
ólík öðrum beinagrindum fornmanna, er þá voru kunnar.
Síðar hafa samskonar beinagrindur fundist viðar í Evrópu,
svo að menn vita nú með vissu, að þetta eru leifar af
sérstökum kynþætti, er lifað hefir hér i álfunni seint á
jökultímanum. Eru menn þessir ýmist kendir við stað
þann, þar sem bein þeirra fyrst fundust (Cro-Magnan),
oða nefndir hreinaveiðararnir frakknesku, því að þeir hafa
verið einna fjölmennastir þar í landi og stunduðu mjög
hreindýraveiðar.
Menn þessir voru miklir vexti, 180—190 cm á hæð.
Nú á tímum er meðalmaður í Evrópu talinn 171 —175
cm hár, en stöku menn ná alt að 200 cm hæð. Heilabú
hreinaveiðaranna var álíka stórt og á Evrópumönnum,
ennið hærra og hvelfdara en á mönnum hinna eldri kyn-
slóða, og brúnabeinin lægri. Hakan var stór og munnur-
inn ekki framskotinn. Þeir voru fremur breiðleitir og ó-
venjulega stuttleitir; lýtti það stórum andlitið. Menn þessir
voru sterklega vaxnir og vöxturinn litlu ófegri en Evrópu-
manna nú.
Þjóð þessi hefir verið allmikil menningarþjóð eftir þeirra
tíða hætti. Veiðimenn þessir hafa verið greindarmenn og
listfengir í besta lagi. Þeir hafa rist snotrar myndir á
horn og fílabein, og á hellisveggjum á Spáni og í Frakk-
landi finnast enn í dag furðufagrar myndir, er þeir hafa
málað. Sýna myndirnar oss margt, er viðkemur lifnaðar-
háttum þjóðarinnar, svo sem það, að menn þessir gerðu
sér hreysi, kunnu að skjóta af boga og varpa spjóti, höfðu
tamið hestinn o. fl. Ivrot hefir fundist eftir þá, er sumir
halda að sé einhverskonar letur, en þær rúnir eru enn
•óráðnar. Enn voru aðalvopnin gerð úr steini (tinnu).
Menn þessir voru uppi síðast á jökultímanum. Þeir
lifðu á djrraveiðum. Þá voru hreindýrin orðin einna al-