Eimreiðin - 01.05.1920, Qupperneq 45

EIMREIÐIN]
GJÁBAKKAHELLIR
173
einum stað vottaði fyrir að dálítið hafði runnið niður af
leir. Vatnstjarnir myndast engar að heitið geti, verður að
eins lítillega vart við það norðan til sumstaðar; bergið er
jafn gljúpt undir sem yfir, svo að vatn það sígur niður,
sem sumstaðar drýpur niður úr hvelfingunni. Víða má
sjá að bráðið hraun hefir sígið í gegnum smugur og rif-
ur á hraunhvelfingunni og runnið niður eftir veggjunum.
Hvelfingin er öll með sepum og totum sumstaðar, þar
sem ekki hefir hrunið niður neðsta lagið. Sumstaðar eru
á henni fallegir skildir og tiglar. Veggirnir eru víða með
fallegum framskotum, reglulegum og verklegum, svo sem
múrveggir á erlendum stórhýsum eru neðantil. Sumstaðar
hafa ystu lögin á þeim flagnað frá og má sjá þau í slór-
um hellum á gólfinu, eins og væru þau gerð í stein-
steypuverksmiðju. Margar einkennilegar steinmyndanir bera
fyrir augað. Steinteinar, storknaðir steindropar, sjást óviða
og hvergi eins langir og fagrir sem í Raufarhólshelli; ekki
heldur svo háar steindropastrýtur á gólfinu sem þar eru.
Gólfið er mjög óviða bert, víðast grjóthröngl á því og
sumstaðar mjög miklir grjóthaugar; hefir það alt hrunið
úr lofti og veggjum, sennilega mest í jarðskjálftum. Ekki
verður séð fyrir hve löngu eða hvort nokkuð er hrunið
miklu síðar en annað, því hér hefir tímans tönn ekki
markað auðsæ för. Hér hefir ríkt stöðug kyrð og ró, al-
gert myrkur, líklega jafn hiti ætíð eftir að hraunið var
að síðustu alkólnað. Aldirnar liðu, líklega aldir alda, engin
jarðnesk lifandi vera raskaði ró þessa myrkheims.
Þar eð hellir þessi er svo nálægt Ringvelli og þjóðveg-
ur alla leið þaðan að opi hans, má óhætt gera ráð fyrir
að margir fari að skoða hann. Aka má nú á vélarvagni
austur að Hrafnagjá og er þaðan skamt mjög að Gjá-
bakka. því miður hefir sumstaðar orðið vart við það hér
á landi, að ungir menn skemma og eyðileggja það, sem
tilheyrir almenningi eða almenningi er leyft til afnota.
Vonandi er að ekki bryddi á því hér í þessum helli, en
fari að sjást þess merki eða sóðalegrar umgengni, sem
ekki má hér heldur eiga sér stað, verður að loka hellin-