Eimreiðin - 01.07.1920, Qupperneq 60

252
FRESKÓ
[EIMREIÐIN
'viðkomandi. Þessi prestur á annars líka sina sögu —
hann var aðalsmaður, en þegar heitmey hans dó á unga
aldri, afsalaði hann sér aðalstign og öllum eignum og
gerðist þjónn kirkjunnar. Þessi prestur ól hann upp og
sendi hann siðan til háskólans í Róm. Þar ávann hann
sér lof og sæmd á margan hátt fyrir lærdóm sinn.
Þá sneri hann sér algerlega að listunum, og dvaldi bæði
í París og Munchen við fádæma þröngan kost, og síðan
hefir hann alið aldur sinn til skiftis í myndastofu sinni í
Róm (þakherbergi einu) og i smáhýsi prestsins fóstra síns.
Þar í þorpinu málaði hann í kirkjuna freskómyndir þær,
sem hafa orðið upphaf allrar þessarar ógæfu, því að það
voru þær, sem eg sá fyrst eftir þenna mann, og urðu til
þess að eg kyntist honum. Þetta er alt og sumt, sem um
hann er að segja. Hann er þrjátíu og þriggja ára að aldri.
Þér sjáið að hér er alt með fullri sæmd, líklega tölu-
vert hreinna en ævisaga mín og yðar. En svona er því
nú varið með mannfélagsskipulagið, að Esmée má ekki
líta hann hýru auga fremur en ef hann væri járnsmiður
eða böðull. Eg er viss um að þetta er argasta heimska,
en »telle est la vie«. Og þegar þér standið nú uppi, þrotn-
ir að ráðum og úrræðum, og eruð þó við staddur, hvern-
ig haldið þér þá að það sé um mig, sem er mörg þús-
und mílur burtu? Það sem eg er hræddastur um er það,
að fjandskapur komi milli þeirra Esmée og frú Cairnwrath,
og hún taki einhverja aðra konu til félags við sig í stað-
inn, t. d. frú Alsager, sem er nógu léttúðug og mundi
fúslega ganga með henni út í hvað, sem hún vildi vera
láta. Síðasta og eina von mín er Renzo sjálfur. Eg veit
að hann er göfugmenni. Ef hann sér að þetta ætlar að
lenda í ógæfu, þá er eg viss um að hann dregur sig út
úr því«.
Llandudno lávarður, Milton Ernest, til hr. Hollys, Róm:
»Eg hefi altaf átt bágt með að trúa sögunni um Jósef
og konu Pótífars. Og auk þess sé eg ekki að Jósef hefði
borið nein skylda að hlaupast á brott, ef ung og fögur og
ógift og ólofuð stúlka hefði fleygt sér í fang hans í fullri
alvöru.