Árbók Landsbókasafns Íslands - Nýr flokkur - 01.01.1990, Qupperneq 29

TIL WILLARDS FISKES
29
slökkva eld í assureruðum húsum bæjarins að æfa sig við læk þann,
sem rennur fyrir neðan skólann, og stóðu margir skólapiltar
hinumegin. Þeim þótti leiðinlegt að sjá þá þar í friði og skvettu
vatni á þá úr fötum, en við stukkum yfirum og börðum sprautu-
stjórana, síðan heíir verið eilífur fjandskapur milli okkar og
borgaranna.
Þetta bréf vona ég að hitti yður í Berlín, en ef þér verðið farinn,
þá að félagar yðar færi yður það, og ætla ég nú að hætta, því allar
fréttir skrifa hinir yður.
Yðar einlægur vinur
E. Benediktsson
Reykjavík, 22. rnarz 1880.
Góði hr. prófessor Fiske!
Ég þakka yður innilega fyrir bréf yðar til mín og sömuleiðis
bókina, sem ég ætla nú að lesa til þess að æfa mig í hinni ensku
tungu. Ég skrifa yður þessar fáu línur til þess að láta yður sjá það,
að ég hafi verið lifandi 22. marz; en ekki geta þær orðið langar, því
fyrst og fremst er lítill tíminn, og svo er ég hálflasinn og verð að
skrifa það í rúminu-
Héðan er fátt í fréttum að skrifa, nema það, að nú er farin að
batna tíðin og komið mjög gott veður; hér er farin að koma kvefs.
og í sumum lungnabólga, sjálfsagt af veðurbreytingunni.
Við fáum á morgun páskafríið og helzt það í viku til hálfsmánað-
ar, við hyggjum gott til þess að skemmta okkur, ef gott verður
veðrið. Þar á eftir kemur 8. apríl (fæðingardagur konungs) og er
hann ætíð helgur haldinn. Þá er í skólanum bæði dansleikur og
drykkja, sem við köllum „ball“ og „rall“, og er þá oft glatt á hjalla; til
þessa er okkur veittur 100 kr. styrkur úr landsjóði.
Mjög þætti mér gott og skemmtilegt að fá myndir af amerík-
önskum stúlkum, til þess að ég geti séð, hvað þær eru fallegar; þó
trúi ég ekki, að þær séu fallegri en hinar íslenzku, þó þær búi
norðarlega á hnettinum.-
Nú eigum við ekki nema 114 mánuð eftir af skólatímanum, það
er að segja sem við erum í tímum á, og hlakka ég mjög til þess að
fara norður. Við verðum að fara landveg, því gufuskipið fer 5
dögum áður en skóla er sagt upp. Þá er gaman að ríða yfir djúpar