Árbók Landsbókasafns Íslands - Nýr flokkur - 01.01.1990, Qupperneq 61

TIL HALLDÓRU BJARNADÓTTUR
61
Til þess að útbreiða vefnaðinn sem best um sveitina, var sem
flestum konum gefinn kostur á að eiga hlutdeild í vefnaðinum, og
ófu nemendur þannig góðfúslega jöfnum höndum fyrir aðra sem
fyrir sjálfa sig. Virtist þetta bera tilætlaðan árangur, því að
pantanir á vefnaði urðu svo miklar, að í námskeiðslokin var sett á
ný upp í vefstólana og unnið af kappi, þar til almenn veikindi
(innflúensa), er hér gengur, tóku fyrir það. Er allt útlit á, að
vefnaður verði starfræktur hér framvegis, því að einstaklingar
hafa sótt eftir kaupum á vefstólum og ráðgera að setja upp vefi á
næsta vetri. Námskeiðin virðast því hafa komið að tilætluðum
notum og tilgangi þeirra verið náð.
Kvenfélags konur eru því mjög ánægðar yfir að hafa beitt sér
fyrir endurreisn vefnaðarins hér í sveitinni, enda mörg konan lagt
talsvert af mörkum á ýmsan hátt í þágu þessa þarfa og þjóðlega
heimilisiðnaðar.
Hurðarbaki (Villingaholtshr., Árn., Flóa), 30. október 1939
Bréf frá Þuríði Árnadóttur
Nú er ég eða við hjónin búin að eignast 10 þráða spunavél
smíðaða eftir Kristján í Villingaholti, hreinasta heimilisþing. Þeir
eru nú búnir að smíða 70 25 þráðavélar, en nú taka þeir til við 10
þráða vélarnar, sem eru miklu heppilegri til heimilisnota. Þessi vél
okkar er ein sú fyrsta af þessari gerð, sem þeir smíða, en þær munu
íleiri á eftir fara. Því þeir segja mér, að nú séu margir búnir að
panta svona vél. Annars finnst mér nú almennur áhugi fyrir
aukinni ullarvinnu, enda mun þess ekki vanþörf á þessum vand-
ræða tímum. I fyrra ófum við föt á börnin, sem þóttu prýðileg, og
saumaði ég sparnaðarföt á tvo drengi, sem við eigum, úr því efni.
Svo ófum við líka í hverdagsbuxur á þá. Við höfum ekki komið því
við fyrr að vefa, en við urðum svo hrifm af þessum vinnubrögðum,
að nú langar okkur í vetur að vefa teppi og fataefni. Eg segi þér
þetta að gamni mínu, af því ég veit, hvað mikið þú hefur lagt á þig
fyrir heimilisiðnaðinn.