Árbók Landsbókasafns Íslands - Nýr flokkur - 01.01.1990, Síða 88

88
LANDSBÓKASAFNIÐ 1988
afmælis Gísla Konráðssonar fræðimanns þá um sumarið (18. júní).
Ogmundur Helgason, starfsmaður handritadeildar, sá um upp-
setningu þeirrar sýningar, er stóð fram eftir sumri.
NEFNDARSTÖRF OG Einar G. Pétursson sótti fund Norræna
FERÐIR bókavarðasambandsins um bókasafns-
byggingar og geymslusöfn, er haldinn
var í Uleáborg í Finnlandi 6.-8. júní. Landsbókasafn veitti honum
nokkurn styrk til fararinnar á móti styrkveitingu Norræna sam-
bandsins.
Undirritaður sótti sem varamaður stjórnarfund Nordinfo, er
haldinn var í Hyvinkáá, skammt norðan Helsingfors, dagana 26.-
27. maí. Hann sótti og fund evrópskra landsbókavarða í Frankfurt
am Main dagana 13. og 14. október. Hann átti og sæti í Samstarfs-
nefnd um upplýsingamál, er starfar á vegum Menntamálaráðu-
neytisins.
Bergljót Garðarsdóttir bókavörður var í júní skipuð í samstarfs-
nefnd bókasafna, er stuðla skal „að samstarfi og samhæfmgu til að
auðvelda samskráningu með þátttöku sem flestra safna landsins“,
eins og segir í bréfi Menntamálaráðuneytisins um þetta mál.
STYRKUR Þjóðhátíðarsjóðsstyrk 1987, 80 þús. kr.,
var á árinu 1988 varið að hálfu til
sérstaks umbúnaðar handrita Halldórs Laxness og að hálfu til
viðgerðar nokkurra gamalla bóka.
TÖLVUVÆÐING Unnið var á árinu að undirbúningi
frekari tölvuvæðingar Landsbókasafns
og Háskólabókasafns, miðaðri við fyrirhugaða sameiningu safn-
anna í Þjóðarbókhlöðu. Leitað var fyrir forgöngu Háskólabóka-
safns tilboðs fyrirtækisins Saztek í London á breytingu skráningar-
texta um 200 þús. spjalda skránna yfir hinn erlenda bókakost
safnanna í tölvutækt form. Stjórn Háskólabókasafns beindi jafn-
framt þeim tilmælum til háskólarektors, að hann legði til við
byggingarnefnd Þjóðarbókhlöðu, að hún sækti um heimild til að
greiða umrædda breytingu skráningartextanna með fé úr bygg-
ingarsjóði bókhlöðunnar. Menntamálaráðuneytið skrifaði Fjár-
laga- og hagsýslustofnun um málið, og samþykkti stofnunin það