Frjáls verslun - 01.04.1996, Síða 29

MINNA FVLGIÓLAFS HJÁ ÓÁKVEÐNUM?
Ekki er marktækur munur á afstöðu manna eftir aldri. Þó virðast ungir kjósendur
óráðnastir. Um fjórðungur sjálfstæðismanna er enn óviss eða gaf ekki upp afstöðu.
Konur hafa einnig mun síður tekið afstöðu en karlar. í báðum þessum hópum
mælist fylgi Ólafs Ragnars minna en hjá heildinni. Þetta gæti gefið vísbendingu um
að keppinautar Ólafs muni sækja meira fylgi í raðir óákveðinna og að fylgi hans eigi
eftir að dala þegar þeir hafa gert upp hug sinn.
og að fylgi hans eigi eftir að dala þegar
þeir hafa gert upp hug sinn.
En hvaða möguleikar eru fyrir hina
frambjóðenduma að vinna stuðnings-
menn af Ólafi Ragnari. Erfitt er að
meta hversu fast fylgi hvers fram-
bjóðanda er. En til að geta spáð í
hvert straumar gætu legið spurði
Fijáls verslun um næstbesta kostinn.
Eðli málsins samkvæmt fær Ólafur
Ragnar minna sem næstbesti kostur
en hinir því margir hafa áður nefnt
hann í efsta sæti. Þær Guðrún Agn-
arsdóttir og Guðrún Pétursdóttir eru
greinilega nefndar mun oftar en Pétur
sem annar kostur.
Ætli hinir frambjóðendurnir að
vinna Ólaf þurfa þeir að taka af honum
fylgi. Líklegast er að hann tapi því yfir
til Guðrúnar Agnarsdóttur - en einn af
hverjum þremur stuðningsmönnum
Ólafs nefndu hana sem næstbesta
kost. Fjórðungur stuðningsmanna
hans nefndu Guðrúnu Pétursdóttur
sem næstbesta kost. Aðeins einn af
hverjum sex stuðningsmönnum Ólafs
(16%) sögðu að Pétur væri næstbesti
kostur.
PÉTUR OG GUÐRÚN P.
SÆKJA í SAMA HÓP
Þegar horft er á stuðningsmenn
Péturs og Guðrúnar Pétursdóttur
leikur enginn vafi á að þau sækja að
hluta í sama hóp. Á bilinu 40 til 45%
stuðningsmanna beggja nefna hitt
sem næstbesta kost. Hins vegar
nefna um 30% stuðningsmanna Guð-
rúnar Pétursdóttur Guðrúnu Agnars-
dóttur sem næstbesta kost en 14%
Ólaf Ragnar. Bæði njóta hins vegar
minni hylli stuðningsmanna Péturs.
Út frá næstbesta kosti var reiknað
út hvaða áhrif það hefði ef eitthvert
þeirraþriggja; Péturs, GuðrúnarPét-
ursdóttur og Guðrúnar Agnarsdótt-
ur, drægi framboð sitt til baka. Niður-
staðan var sú að fylgi Ólafs ykist örlít-
ið og yrði í kringum 50% en næsti
frambjóðandi fengi hins vegar á bilinu
27 til 30%, - mismunandi eftir því
hver ætti í hlut.
Af þessu má ráða að leið hinna
frambjóðendanna til að vinna Ólaf
Ragnar er ekki að einhver þeirra
dragi sig í hlé. Máfið er einfalt. Til að
vinna kosningamar verða þeir ein-
faldlega að vinna fylgi af Ólafi.
ÚTREIKNINGARNIR ALDREI
ANNAÐ EN VANGAVELTUR
Þar sem Pétur Hafstein og Guðrún
Pétursdóttir sækja fylgi að hluta í
sama hóp reiknaði Frjáls verslun til
gamans út hvaða áhrif það hefði ef
Guðrún Pétursdóttir drægi sig til
baka og á sama tíma ynni Pétur jafn-
framt alla þá stuðningsmenn Ólafs
sem nefna hann sem næstbesta kost.
Niðurstaðan er sú Ólafur fengi 44%
fylgi en Pétur 38%. Þetta sýnir best
hvað staða Ólafs er sterk.
Frjáls verslun sneri dæminu einnig
við og reiknaði út hvaða áhrif það
hefði ef Pétur drægi sig í hlé og Guð-
rún ynni sömuleiðis þá kjósendur Ól-
afs á sitt band sem nefna hana sem
næstbesta kost. Niðurstaðan er sú að
Ólafur fengi 41% fylgi á móti 40% fylgi
Guðrúnar Pétursdóttur.
Loks var reiknað hvaða áhrif það
hefði ef allir kjósendur Ólafs sem
nefna Guðrúnu Agnarsdóttur í annað
sæti flykktust yfir á hana. Niður-
staðan er sú hún fengi þá 29% fylgi en
Ólafur 32%.
Það virðist því fjarlægt að Ólafur
tapi nema margt gerist í senn. Það
skal áréttað að útreikningar af þessu
tagi eru aldrei annað en vangaveltur.
Þeir sýna þó hvað mikið þarf til þess
að Ólafur tapi fyrsta sætinu.
HVAÐA K0STUR ERSÍSTUR?
Fijáls verslun spurði einnig hvaða
kostur kjósendum þætti sístur af
þeim fimm sem í boði væra. Það kem-
ur e.t.v. á óvart að álíka margir höfðu
skoðanir á því og hvem þeir vildu sem
forseta. Um 32% töldu Ástþór Magn-
ússon lakasta kostinn, 18% Ólaf
Ragnar, 9% nefndu Pétur en aðeins
3-4% konurnar tvær.
Það er mjög tengt stjómmálaskoð-
unum hvem menn telja lakastan kost.
í hópi sjálfstæðismanna töldu flestir
Ólaf Ragnar sístan kost, eða 34%, en
30% nefndu Ástþór. Hjá krötum og
framsóknarmönnum voru um 15%
óánægðust með Ólaf, en heldur færri
nefndu Pétur í þessum flokkum.
ÓÁNÆGJUFYLGI?
Niðurstaðan virðist vera sú að
mjög stór hluti þeirra sem ekki styðja
Ólaf Ragnar og Ástþór eru mjög á
móti framboði þeirra.
LAKASTI KOSTUR
Kjósa sem forseta óákv./neita Ástþór G. Agn. G. Pét. Ól. Ragn. Pétur
Ástþór 26 - 8 0 33 33
Guðrún Agnarsd. 7 49 - 11 20 13
Guðrún Pétursd. 15 36 3 - 41 5
Ólaf Ragnar 28 42 5 7 - 18
Pétur 7 30 4 1 58 -
Ólafur Ragnar á se'r marga harða andstæðinga. Um 58% þeirra sem segjast ætla að kjósa
Pétur telja ÓlafRagnar lakasta kostinn af frambjóðendum.