Frjáls verslun - 01.04.1998, Qupperneq 64

STJORNUN
ar nýr fiskur spriklar innan um marga dauðavar lýsing eins
heimildarmanns. Eiríkur var ráðinn norður sem hægri hönd úti-
bússtjóra og meginverkefni var að ræða við fyrirtæki um viðskipti
við bankann. Það var nýlunda að bankinn væri með farandsölu-
mann um héraðið en honum varð nokkuð ágengt og viðskiptavin-
um fjölgaði. Þegar útibússtjórinn fyrir norðan hætti sóttí Eiríkur
um ásamt mörgum öðrum góðum umsækjendum. Heimildir
blaðsins telja að bankastjórnin hafi óttast að missa Eirík úr starfi
fengi hann ekki útíbússtjórastöðuna. Þannig hafi málið a.m.k. ver-
ið lagt upp við stjórnina. Ráðningin kom mjög á óvart því Eiríkur
hafði aldrei haft mannaforráð, útíbúið á Akureyri gríðarlega um-
fangsmikið og Eiríkur aldrei sinnt daglegum rekstri banka. Hon-
um hefur þó tekist að sinna starfinu með ágætum. En hvaða vænt-
ingar eru til hans sem kaupfélagsstjóra?
„Hafi stjórnarmenn í KEA verið að horfa í kringum sig eftír nýj-
um kaupfélagstjóra hefúr Eiríkur verið sterkt inni í myndinni frá
upphafi. Stjórnin gat ráðið einhvern frá Reykjavík, sem lítíð sem
ekkert þekkti tíl KEA, eða mann eins og Eirík, heimamann sem
þekkir vel til. Fáir utanaðkomandi hafa eins mikla þekkingu á
innviðum KEA og hann vegna starfsins i Landsbankanum."
Það er hins vegar vel þekkt í fyrirtækjum hérlendis að ráða
framkvæmdastjóra úr hagdeild Landsbankans sem stundum hef-
ur verið kölluð útungunarstöð fyrir stjórnendur fyrirtækja.
Eiríkur er ágætlega menntaður til starfans hjá KEA. Kaupfélag-
ið hefur haft með höndum mjög víðfeðman rekstur en eins og
kemur fram í viðtalinu við Magnús Gauta hefur stefnan verið sú að
fækka einingum. Heimildarmenn telja að það verði verkefni Eiríks
að taka enn frekar til í hillum og skotum KEA. Jafnvel hafi eldri og
reyndari menn ekki treyst sér tíl að taka óvinsælar ákvarðanir, það
sé starf hinna ungu. Eiríkur S. Jóhannsson þarf því að láta hend-
ur standa fram úr ermum og sanna sig í starfi 8. stærsta fýrirtæk-
is landsins með 11 milljarða veltu. 03
Ingi Már Aðalsteinsson, kaupfélagsstjóri Kaupfélags Héraðs-
búa á Egilsstöðum til fjögurra ára, er 37 ára viðskiptafræð-
ingur frá Háskóla Islands.
INGIMÁR Á EGILSSTÖÐUM
Á síðustu tveimur árum hefur hann dregið Kaupfélag
Héraðsbúa út úr fiskvinnslu á Reyðarfirði og einbeitt sér
að rekstri verslana og afurðastöðva.
nngi Már Aðalsteinsson hefur verið kaupfélagsstjóri Kaupfé-
lags Héraðsbúa í tæp fjögur ár. Ingi Már er 37 ára gamall,
fæddur og uppalinn á Höfn í Hornafirði. Faðir hans var full-
trúi hjá KASK og meðfram námi var Ingi Már hjá íyrirtækinu; eitt
sumar í fiskvinnslu, tvö sumur í mjólkurstöðinni og síðar á skrif-
stofu kaupfélagsins. Hann lauk stúdentsprófi frá Samvinnuskól-
anum og viðskiptafræði frá Háskóla Is-
lands árið 1986.
Að því námi loknu lá leið hans aftur
heim á Hornafjörð þegar hann réð sig sem
viðskiptaff æðing hjá KASK. Sú ráðning var
aðeins til eins árs og í framhaldi tók hann
við starfi kaupfélagsstjóra Kaupfélagsins
Fram á Norðfirði sem heyrir nú sögunni til. Ingi Már var aðeins 27
ára gamall þegar hann varð fyrst kaupfélagsstjóri í ársbyijun 1988.
Á Norðfirði starfaði Ingi Már í liðlega þrjú ár en réð sig þá til
Miklagarðs i Reykjavík í innkaup og innflutning. Á þeim tíma var
rekstur Miklagarðs í miklum erfiðleikum sem endaði með gjald-
þrotí. Þegar kaupfélögin stofnuðu Innkaupasamband kaupfélaga,
Inka, sem var undanfari Búrs ehf., réð Ingi Már sig þar sem fram-
kvæmdastjóra og starfaði þar þangað til hann gerðist kaupfélags-
stjóri hjá Kaupfélagi Héraðsbúa.
Kaupfélag Héraðsbúa er með veltu upp á tvo milljarða. Um 65%
af veltu félagsins eru í dagvöruverslun á svæðinu, um 25% eru í af-
urðastöðvum og 10% í iðnaði. Innan iðnaðarins eru taldar brauð-
gerð, kjötreyking og úrbeining kjöts.
Kaupfélag Héraðsbúa rekur dagvöruverslanir á Egilsstöðum,
Borgarfirði eystra, Seyðisfirði, Eskifirði og Reyðarfirði, bygginga-
vöruverslanir á Reyðarfirði og Egilsstöðum og þjónustumiðstöð
og grillskála á Egilsstöðum. Eitt stórgripasláturhús heyrir undir
kaupfélagið og tvö sauðfjársláturhús, annað á Egilsstöðum og hitt
á Breiðdalsvík. Kaupfélag Héraðsbúa á hlut í Kjötumboðinu og
selur í gegnum það á höfuðborgarsvæðinu.
„Við sjáum um alla reykingu og úrbeiningu kjöts en Kjötkaup
á Reyðarfirði, sem kaupfélagið á hlut í, sér um alla þjónustu við
verslanir, hótel og veitingastaði hér á svæðinu," segir Ingi Már.
„Kaupfélagið tekur við mjólk frá svæðinu frá Almannaskarði
norður tíl Fljótsdalshéraðs, að undanskildum Norðfirði. Ur um-
írammjólk framleiðum við mozarella ost en við hófum þá fram-
leiðslu þegar Hornfirðingar lögðu niður mjólkursamlagið sitt fyrir
rúmu ári.“
Á síðustu tveimur árum hefur Kaupfélag Héraðsbúa verið að
draga sig út úr rekstri fiskvinnslu á Reyðarfirði og einbeitir sér að
rekstri verslana og afurðastöðva.
„Fiskvinnslan var ffekar smá í sniðum, reksturinn mjög sveiflu-
kenndur og áttí ekki samleið með öðrum rekstri sem er tiltölulega
stöðugur. Áður var fiskvinnslan 15-20% af heildarveltu kaupfélags-
ins en við höfum náð upp sambærilegri
veltu með eflingu annarra rekstrarþátta.
Meðal annars bættí félagið við verslun á
Eskifirði, tók á leigu sláturhúsið á Breið-
dalsvík og jók við mjólkurvinnslu og osta-
gerð. Þessi ákvörðun reyndist rétt því hún
er að skila góðum árangri," segir Ingi Már.
FYRSTOG FREMST VERSLUN
Kaupfélag Héraðsbúa veltir um
2 milljörðum á ári. Um 65% af veltunni
eru í smásöluverslun, 25% í afurða-
stöðvum og 10% í iðnaði.
64