Morgunblaðið - 01.05.2001, Síða 84

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 1. MAÍ 2001 VERÐ Í LAUSASÖLU 165 KR. MEÐ VSK.
GENGISVÍSITALA íslensku krón-
unnar hélt áfram að hækka í gær.
Vísitalan var 131,34 stig í upphafi
dags en endaði í 133,24 stigum,
Hækkun gengisvísitölunnar þýðir
að krónan lækkar í verði og lækkaði
hún því um 1,4% í gær og hefur þá
lækkað um 9,2% frá áramótum.
Hæst fór gengisvísitala krónunn-
ar í gær í 133,7 stig. Heildarvelta í
viðskiptum með krónuna á milli-
bankamarkaði voru um 16,3 millj-
arðar og lokagengi Bandaríkjadals
var 96,83 krónur.
Viðskiptahalli og
verðbólga þrýsta á
Í Markaðsyfirliti viðskiptastofu
Landsbanka Íslands í gær segir að
erfitt sé að nefna sérstakar ástæður
fyrir veikingu krónunnar. Undan-
farið hafi mátt rekja breytingar á
gengisvísitölunni til mismunandi
mikils inn- og útflæðis á gjaldeyri.
Viðskiptahalli og verðbólga og
væntingar um þessar stærðir þrýsti
að öðru óbreyttu á gengi krónunn-
ar. Nýlega tilkomin umræða um
hugsanlegan niðurskurð aflaheim-
ilda á næsta fiskveiðiári kunni einn-
ig að valda titringi og breyta vænt-
ingum til umfangs gjaldeyrisinn-
streymis í næstu framtíð.
Útlit fyrir minna
útstreymi fjármagns
Í Morgunkorni Íslandsbanka-
FBA í gær segir að samkvæmt yf-
irliti Seðlabankans hafi hreint fjár-
innstreymi vegna viðskipta er-
lendra aðila með íslensk verðbréf
numið um 1,8 milljörðum króna í
mars samanborið við um 500 millj-
ónir í mars í fyrra. Það sem af sé
árinu nemi innstreymi vegna þess-
ara viðskipta um 1,9 milljörðum en
útstreymi vegna kaupa innlendra
aðila á erlendum verðbréfum hafi
numið á sama tímabili 4,6 milljörð-
um króna. Þessar tölur gefi vonir
um aukinn áhuga erlendra fjárfesta
á innlendum verðbréfum. Útlit sé
fyrir mun minna útstreymi fjár-
magns á þessu ári en verið hafi á
síðasta ári sem ætti að hafa jákvæð
áhrif á gengið.
Krónan lækkar um
9% frá áramótum
#*+
#*,
#*-
#*.
#-/
#-+
#-,
#--
#-.
##/
##+
##,
##-


  


)
*..,.#

-0#-..






TÓNLIST af óútkominni geisla-
plötu Bjarkar Guðmundsdóttur,
sem nefnist „Vespertine“ og vænt-
anleg er í ágúst, er komin í ólöglega
dreifingu á Netinu. Um er að ræða
stuttar kynningarútgáfur sem
dreift var til útvalinna blaðamanna
fyrr á árinu. Einar Örn Benedikts-
son, ritstjóri Bjarkarvefjarins, sagði
að blaðamaður úti í heimi hefði sett
lögin á Netið, en Einar vildi ekki
segja hvers lenskur hann væri.
Hann sagði að þau lög sem væri að
finna á Netinu væru ekki endilega
endanlegar útgáfur laganna heldur
einnar til tveggja mínútna lagabút-
ar og því væri tjón af þessum völd-
um óverulegt. „Það var blaðamaður
úti í heimi sem stóð fyrir þessu og
leiddist greinilega í vinnunni. Þetta
er fyrst og fremst leiðinlegt fyrir
harða aðdáendur söngkonunnar
sem eru að bíða eftir nýjum lögum
frá henni. Það er hins vegar bót í
máli að flestir þeirra vilja ekki
hlaða lögunum af Netinu því þeir
vilja bíða eftir endanlegri útgáfu
frá listamanninum,“ segir Einar.
Ný lög væntanleg
á heimasíðu Bjarkar
Hann sagði að málinu væri lokið
af hálfu Bjarkar enda vissi fyrr-
nefndur blaðamaður upp á sig
skömmina. Þá er annað kynning-
areintak með lögum Bjarkar til sölu
á eBay-uppboðssíðunni, en Einar
taldi að það mætti rekja til sömu
uppsprettu. Fyrirhuguð geislaplata
með Björk átti að koma út í maí en
útgáfunni var seinkað fram í lok
ágúst og kemur fyrsta smáskífulag-
ið, sem nefnist „Hidden places“, út
um það leyti. Spurður hvers vegna
útgáfunni var frestað sagði Einar
að ekki hefði tekist að ljúka við
gerð myndbanda, umslags geisla-
disksins og viðtala. „Björk var ósátt
við að þurfa að fresta útgáfunni en
aðdáendur hennar ættu hins vegar
ekki að örvænta því gert er ráð fyr-
ir því að nokkur lög, sem komust
ekki á „Vespertine“, verði gefin út á
heimasíðu Bjarkar á næstu vikum.“
Einar benti á að það væri ekki í
fyrsta skipti sem talið væri að lög
með Björk hefðu komist í ólöglega
dreifingu á Netinu. „Á liðnu ári
heyrðum við af lögum sem fámenn-
ur hópur var að dreifa en síðar kom
í ljós að það voru ekki lög með
Björk. Þá hafa margir haldið að við
höfum komið þessum kynning-
arútgáfum sjálf á Netið til þess að
koma umræðu um væntanlega
geislaplötu af stað. Það er fjarri
sanni enda er listamaðurinn fær um
það sjálfur að kynna sig eins og kom
í ljós á nýlegri Óskarsverðlaunaaf-
hendingu.“
Óútkomin lög
Bjarkar á Netið
ELLIÐAÁ varð í gær vettvangur
árlegrar keppni Kayakklúbbsins í
flúðafimi. Jón Ragnar Magnússon
þótti leiknastur í hinni göfugu
íþrótt en hann varð hlutskarpastur
af ellefu keppendum.
Morgunblaðið/Golli
Flúðafimir í straumvatni
VERÐ á bensíni hækkar um tæp 7%
frá og með deginum í dag og fer verð
á 95 oktana bensíni nú í fyrsta skipti
yfir 100 krónur lítrinn. Í frétt frá Ol-
íufélaginu segir að vegna hækkunar
á gengi dollars gagnvart íslensku
krónunni og hækkunar á heims-
markaðsverði eldsneytis hafi félagið
ákveðið að hækka verð á bensínlítr-
anum um 6,60 kr. og því hækkar verð
á 95 oktana bensíni úr 96,30 krónum
í 102,90 kr. lítrinn og 98 oktana bens-
ín hækkar úr 101 krónu í 107,60 kr.
lítrinn. Gasolíutegundir fyrir skip og
bíla hækka um 3,90 kr. lítrinn og
kostar nú lítri af gasolíu frá söludælu
50,60 kr. og flotaolía fyrir skip kostar
36,80 kr. lítrinn. Sams konar hækk-
anir verði hjá Olís og í frétt frá fyr-
irtækinu segir að bensínverð hafi
verið hækkað um 6,60 kr. á lítrann
og verð á gasolíutegundum hafi
hækkað um 3,90 kr. á lítrann.
Kristinn Björnsson, forstjóri
Skeljungs, sagði í samtali við Morg-
unblaðið í gærkvöldi að ekki lægi
endanlega fyrir hversu mikið verðið
myndi hækka hjá Skeljungi en taldi
þó öruggt að hækkunin yrði á bilinu
6,50 til 7 kr. á lítrann. Hann sagðist
efast um að á seinni tímum hafi verið
jafnmikil þörf á hækkun og þar vegi
þyngst veiking krónunnar gagnvart
dollar. Að sögn Kristins er mjög hart
í ári hjá fyrirtæki eins og Skeljungi
um þessar mundir og útlitið fram
undan ekkert sérlega bjart. Kristinn
sagðist hafa verið að koma af fundi
með forstjórum Shell-félaganna í
Evrópu og þar hafi menn ekki séð
fyrir sér jákvæðar breytingar á
þessu ári.
Verð á bensínlítranum
komið yfir 100 krónur
SEINT í gærkvöldi voru tveir karl-
menn úrskurðaðir í gæsluvarðhald
til 7. maí nk. vegna rannsóknar á
skotárás við Skógarsel í Breiðholti á
sunnudagskvöld.
Margsinnis var skotið á tvær bif-
reiðar. Enginn varð þó fyrir skoti en
einn var fluttur á slysadeild með
áverka af völdum barsmíða eða ann-
ars konar ofbeldis.
Lögreglan í Reykjavík handtók
fimm menn á þrítugsaldri og lagði
hald á eitt skotvopn. Lögreglan gef-
ur ekki upplýsingur um hvernig
vopni var beitt og vill ekki staðfesta
að skotárásin hafi tengst uppgjöri
vegna fíkniefnaviðskipta en orðróm-
ur um það hefur verið á kreiki.
Tveir í
gæsluvarð-
hald vegna
skotárásar

Málið rannsakað/6
MORGUNBLAÐIÐ kemur
næst út fimmtudaginn 3. maí.
GRÆNMETISNEFNDIN svokall-
aða hefur sent landbúnaðarráðherra
áfangatillögu varðandi lækkanir á
tollum á grænmeti.
Guðmundur Sigþórsson, skrif-
stofustjóri í landbúnaðarráðuneyt-
inu, sagði að í áfangatillögunni til
landbúnaðarráðherra fælust ábend-
ingar um aðgerðir sem unnt væri að
grípa til nú þegar sem vörðuðu tolla-
lækkanir sem engin ástæða væri til
að bíða með og tengdust ekki því að
það þyrfti að vega og meta á móti til
hvaða aðgerða þyrfti að grípa til að
tryggja framleiðslumöguleika garð-
yrkjunnar, eins og kveðið væri á um í
erindisbréfi nefndarinnar.
Samstaða í nefndinni
Hann sagði aðspurður að sam-
staða hefði verið um þetta í nefndinni
og hún myndi áfram vinna að sínum
lokatillögum. Mikil vinna væri eftir í
þeim efnum og gert væri grein fyrir
því í þessari áfangatillögu hvaða
verkefni nefndin teldi nauðsynlegt
að vinna. Aðspurður hvort laga-
breytingar þyrfti til vegna þessarar
tillögu sagði hann að það gæti verið
að lagabreyting kæmi til álita.
Tollar
lækki