Morgunblaðið - 10.01.2002, Blaðsíða 12

FRÉTTIR
12 FIMMTUDAGUR 10. JANÚAR 2002 MORGUNBLAÐIÐ
LÆKNADEILD Háskóla Íslands
hefur samþykkt reglur um inntöku-
próf í deildina sem haldið verður í
fyrsta sinn í júní nk. Prófið verður
sameiginlegt fyrir nám í læknis-
fræði og sjúkraþjálfun og er ætlað
að vera að hluta til mat á almennri
þekkingu, nálgun og úrlausn vanda-
mála, en auk þess verður spurt um
siðfræðileg álitaefni.
Samþykkt hefur verið að fjölga
þeim nemendum sem fá að halda
áfram námi um átta í læknisfræði og
tvo í sjúkraþjálfun, þannig að
læknanemar á hverju ári verði
framvegis 48 talsins og nemendur í
sjúkraþjálfun 20.
Tveir prófdagar, alls
tólf klukkustundir
Að sögn Stefáns Baldvins Sig-
urðssonar, prófessors og varafor-
seta læknadeildar, verður öllum
nemendum sem hafa stúdentspróf
heimilt að þreyta inntökuprófið.
Hann segir að prófið verði þannig
uppbyggt, að prófdagar verði tveir
með þremur tveggja tíma próftím-
um hvorn daginn, eða 12 klukku-
stundir alls. Lágmarkseinkunn í
prófinu er 5,0.
Fram kemur í reglum um inn-
tökuprófið sem læknadeild hefur
samþykkt, að í stað hefðbundinna
viðtala sem nú tíðkast við inntöku
nýnema, verði prófið að hluta til mat
á almennri þekkingu, nálgun og úr-
lausn vandamála, svo og spurningar
um siðferðileg álitaefni. Tveir
tveggja tíma próftímar verða nýttir
fyrir þennan hluta sem gildir 30% af
heild. Í þeim hluta er um að ræða
krossapróf og stuttar ritgerðir og
byggist þessi námsþáttur ekki á
ákveðnu námsefni.
Hinir próftímarnir fjórir verða í
formi krossaprófa eingöngu og gilda
70%. Að meðaltali er áætlað að nem-
endur hafi tvær mínútur til þess að
svara hverri spurningu, en þær
verða alls 240.
Miðað við aðalnámskrá
framhaldsskóla
Stefán Baldvin segir að í þeim
spurningum verði miðað við náms-
efni framhaldsskóla. Þetta verði þó
gert í nokkrum skrefum, því enn
hafi aðalnámskrá framhaldsskóla
ekki tekið að fullu gildi. Þannig
megi búast við því að prófið í júní
nk. og einnig í júní 2003 taki mið af
gildandi aðstæðum, en upp frá því
verði miðað að fullu við aðalnám-
skrána.
Inntökuprófið er sameiginlegt
fyrir báðar skorir læknadeildar,
læknisfræði og sjúkraþjálfun, en að
sögn Stefáns er heimilt að hafa mis-
munandi vægi í einstökum próf-
greinum fyrir hvora skor. Við inn-
ritun í prófið ákveði nemendur fyrir
hvora skorina (læknisfræði eða
sjúkraþjálfun) prófúrlausn þeirra
skuli metin með því að merkja töl-
una 1 við þá skor sem við á. Jafn-
framt geti nemendur óskað þess að
prófúrlausn þeirra verði einnig met-
in til hinnar skorarinnar með því að
merkja töluna 2 við þá skor.
Inntaka til náms í
heilbrigðisvísindum
„Þeir sem merkja töluna 1 við
ákveðna skor ganga fyrir þeim sem
merkja töluna 2 og koma þeir því
fyrst til álita ef ekki ná nógu margir
einkunninni 5,0 í þeirri skor,“ segir
Stefán Baldvin.
Hann leggur áherslu á um sé að
ræða próf til inntöku nýnema til
náms í heilbrigðisvísindum. Vísað er
til þess í reglum um inntökuprófið,
en þar segir: „Hugtakið „almenn
þekking“ í skilningi reglna þessara
miðast því við það markmið en svið-
ið er í sjálfu sér ekki takmarkað að
öðru leyti en því, að leitað verður
eftir þekkingu á málefnum líðandi
stundar s.s. á sviði mannlegra þátta,
sögu og menningar hvers konar, fé-
lagsfræði og heilbrigðisumræðu.
Nálgun og úrlausn vandamála, svo
og siðfræðileg afstaða, verða metin
eftir lausnum sérstakra vandamála
sem verða sett fram sem sjúkra-
tilfelli eða annars konar vandamál
til úrlausnar. Höfundar prófsins
munu við gerð þess ákveða fyrir-
fram hvaða áherslum er verið að
sækjast eftir til að byggja ramma
utan um einkunnagjöf.“
Læknanemar hafa verið
undir of miklu álagi
Hin síðustu ár hefur mikill fjöldi
stúdenta, eða allt að 200 manns, les-
ið stíft á haustönn í læknisfræðiskor
fyrir jólapróf sem haldin eru í des-
ember. 40 þeir hæstu úr þeim próf-
um hafa fengið að halda áfram námi
eftir sk. numerus clausus-reglu og
sama fyrirkomulag hefur gilt um
nám í sjúkraþjálfun í læknadeild.
Nám í hjúkrunarfræði og ljósmóð-
urfræðum heyrir ekki lengur undir
deildina, því á sl. ári tók hjúkrunar-
fræðideild til starfa.
Spurður um ástæður breyting-
anna nú segir Stefán Baldvin það
mat deildarinnar að núverandi fyr-
irkomulag hafi einfaldlega gengið
sér til húðar. „Við höfum orðið
meira og meira vör við það mikla
álag á nemendur sem þessi aðferð
hefur skapað og við veltum því fyrir
okkur hvort virkilega væri nauðsyn-
legt að taka tvö hundruð stúdenta,
keyra þá áfram í sólarhringsvinnu
heilt haust með öllu því mikla and-
lega álagi sem því fylgir.“
Stefán segir að vissulega hafi hér
áhrif að komnir séu inn nýir menn í
yfirstjórn deildarinnar frá því nú-
verandi fyrirkomulag var ákveðið og
þeir hafi verið staðráðnir í að finna
aðra leið. Hann segir stærsta kost-
inn við breytinguna felast í því að
mun betur sé farið með tíma nem-
enda og álagið eigi að minnka.
„Slík inntökupróf eru mjög þekkt
erlendis, t.d. í Bandaríkjunum og
þar er löng hefð fyrir þekkingar- og
stöðuprófum. Það hefur auga leið að
stúdentar úr ólíkum framhaldsskól-
um eru með mismunandi stúdents-
próf og einhvern veginn verður að
raða þeim. Þetta er aðferð til þess,“
segir Stefán Baldvin ennfremur.
Læknadeild hefur samþykkt að efna til inntökuprófs í skorir deildarinnar í júní
Sameiginlegt próf fyrir
læknisfræði og sjúkraþjálfun
Inntökupróf í læknadeild verða haldin í fyrsta sinn í júní nk.
Læknadeild Háskóla Ís-
lands hefur samþykkt
reglur um inntökupróf í
deildina sem haldið
verður í fyrsta sinn í
júní nk. Í grein Björns
Inga Hrafnssonar kem-
ur fram að prófið verður
sameiginlegt fyrir nám í
læknisfræði og sjúkra-
þjálfun og er ætlað að
vera að hluta til mat á
almennri þekkingu,
nálgun og úrlausn
vandamála, en auk þess
verður spurt um sið-
fræðileg álitaefni.
bingi@mbl.is
KOSTIR hinna nýju inntökuprófa í
læknadeild eru fleiri en gallarnir, að
mati Gísla Engilberts Haraldsson-
ar, formanns Félags læknanema.
Hann segir að málið sé mikið rætt
meðal læknanema og almennt sé
ánægja með þá ákvörðun að leggja
af samkeppnisprófin (e. numerus
clausus). Hins vegar valdi nokkrir
óvissuþættir áhyggjum og brýnt sé
að leysa úr þeim áður en prófið
verði lagt fyrir í fyrsta sinn.
„Við höfum rætt þessi mál í stjórn
félagsins og eins verðum við vör við
mikinn áhuga læknanema á breyt-
ingunum, enda telja margir þær
tímabærar. Segja má að stærsti
kosturinn felist í því að stúdentar
þurfi ekki að verja heilum vetri í
nánast mannskemmandi klásus-
próf, en geta þess í stað nýtt tímann
í annað nám, komist þeir ekki inn í
deildina,“ segir Gísli.
Ekki hljótist aukinn kostnaður
af framkvæmd prófsins
Hins vegar nefnir formaður
læknanema einnig nokkra þætti
sem valdi áhyggjum, t.d. þá óvissu
sem ríki um námsefni til prófs. Það
sé mat læknanema að námsefni
læknadeildar eigi þar að fá meira
vægi, enda sé það líklegra til þess að
nýtast læknanemum í námi og starfi
síðar meir. Sérsaklega segir Gísli
mikilvægt í þessu sambandi að
stúdentar fái að vita með góðum
fyrirvara hvað eigi að lesa fyrir slíkt
inntökupróf.
„Það er verið að vinna að gerð
þessa prófs þessa dagana og við
læknanemar fáum að koma að fram-
kvæmdinni með einhverjum hætti,“
segir Gísli Engilbert. Hann segir
Félag læknanema einnig mjög
áfram um að aukinn kostnaður
hljótist ekki af slíkri framkvæmd
fyrir nemendur, enda sé það skiln-
ingur þeirra og Stúdentaráðs að slík
próf séu aðeins hluti af námi skólans
og falli því undir innritunargjöld
sem stúdentar greiða á ári hverju.
Þeir sem ekki hafa komist
áfram áhyggjufullir nú
„Við höfum líka orðið vör við
nokkrar áhyggjur þeirra stúdenta
sem hafa þreytt samkeppnisprófin
einu sinni eða tvisvar og ekki komist
inn. Hingað til hafa slíkir nemendur
þótt hafa nokkurt forskot í prófun-
um, en nú ber svo við að þessir nem-
endur lýsa yfir áhyggjum sínum og
telja lesefnið fyrir inntökuprófið
sérsniðið fyrir framhaldsskóla-
nema. Þetta þarf að athuga vel,“
segir Gísli, en nefnir á móti þær rök-
semdir að umræddir stúdentar hafi
nú tíma fram í júní til lestrar og
undirbúnings fyrir inntökuprófið en
framhaldsskólanemar þurfi að búa
sig undir stúdentspróf og gangast
undir þau áður en að inntökuprófinu
kemur í júní nk.
Formaður Félags læknanema um inntökupróf
Kostirnir við prófin
fleiri en gallarnir
Mikil umræða
hefur skapast
meðal lækna-
nema um inn-
tökupróf
AFGANGUR verður á rekstri
embætti lögreglustjórans í Reykja-
vík á nýliðnu ári, samkvæmt bráða-
birgðauppgjöri. Námu gjöldin
1.707 milljónum króna en fjárheim-
ildir embættisins hljóðuðu upp á
1.722 milljónir og munar því 15
milljónum króna. Viðsnúningur úr
halla í afgang skýrist fyrst og
fremst af því að fækkun lögreglu-
manna og annars starfsfólks skil-
aði meiri sparnaði en reiknað var
með.
Launagreiðslur eru stærsti út-
gjaldaliðurinn hjá lögreglustjóra-
embættinu en þær námu 1.420
milljónum árið 2001. Önnur gjöld
voru 305 milljónir og sértekjur 18
milljónum.
Í skýrslu Sólmundar Más Jóns-
sonar, framkvæmdastjóra þjón-
ustu- og rekstrarsviðs lögreglunn-
ar í Reykjavík, kemur fram að
síðasta ár hafi verið erfitt í allri
áætlanagerð vegna kjarasamninga.
Þannig voru kjarasamningar lög-
reglumanna ekki undirritaðir fyrr
en í júlí, hækkanir og breytingar á
yfirvinnu lögreglumanna komu til
framkvæmda 1. september, hækk-
un fjárveitinga vegna kjarasamn-
inga lá ekki fyrir fyrr en um miðj-
an október og stofnanasamningur
lögreglumanna kom ekki til fram-
kvæmda fyrr en 1. desember. Því
þurfti lengst af árinu að gefa sér
ákveðnar forsendur og af varfærn-
issjónarmiðum var þess gætt að
hafa þær ekki of bjartsýnar.
Ársverkum hjá embættinu
fækkaði milli ára
Þá er kjarasamningur lögreglu-
manna (stofnanasamningurinn)
ekki að fullu kominn til fram-
kvæmda og er eftir að greiða út
samkvæmt viðbótarforsendum frá
og með 1. september sl. en kostn-
aður vegna þessa er metin á nokkr-
ar milljónir króna.
Árið 2000 voru alls greidd 4.487
mánaðarlaun en árið 2001 voru þau
4.197 og fækkaði því um 290 mán-
aðarlaun eða um 6,5 % fækkun
milli ára. Ársverk mánaðarlauna
voru því um 350 á móti 374 árið á
undan sem er fækkun um 24 árs-
verk. Af þessari fækkun eru 6–7
ársverk vegna tilfærslu lögreglu-
manna af stjórnstöð embættisins
yfir á Fjarskiptamiðstöð lögregl-
unnar um mitt ár 2000 .
Rekstrarafgang-
ur 15 milljónir
Embætti lögreglustjórans í Reykjavík