Morgunblaðið - 10.01.2002, Blaðsíða 18

AKUREYRI
18 FIMMTUDAGUR 10. JANÚAR 2002 MORGUNBLAÐIÐ
Safnvörður Bókasafnsins
á Húsavík
Staða forstöðumanns Bókasafnsins á Húsavík er
laus til umsóknar. Um er að ræða mjög fjölbreytt
starf á nútímalegu safni. Æskilegt er að umsækj-
endur hafi lokið námi í bókasafns- og upplýsinga-
fræðum og hafi góða þekkingu á tölvum og mögu-
leikum hugbúnaðar í safnaþjónustu.
Húsavík er vinalegur bær með um 2.400 íbúa.
Í bænum eru góðir skólar, allt frá leikskólum upp í
framhaldsskóla. Bæjarbúar njóta allrar almennrar
þjónustu í fjölskylduvænu samfélagi.
Upplýsingar um starfið og launakjör veitir starf-
andi fræðslufulltrúi, Guðrún Kristín Jóhannsdóttir,
í símum 464 6123 eða 464 1547.
Umsóknum skal skila á bæjarskrifstofuna á
Húsavík, Ketilsbraut 9, 640 Húsavík,
eigi síðar en 1. febrúar 2002.
Fræðslufulltrúi.
OLÍUDREIFING ehf. stefnir að því
að hefja innflutning á fljótandi elds-
neyti til Akureyrar í næsta mánuði.
Fyrirtækið hefur byggt upp inn-
flutningshöfn í Krossanesi, sem mun
afkasta að lágmarki 100.000 tonnum
af fljótandi eldsneyti á ári og eru
framkvæmdir komnar á lokastig.
Að sögn Árna Gunnarssonar,
framkvæmdastjóra Olíudreifingar,
er verið að setja upp gufusöfnunar-
búnað fyrir bensín, sem kemur í veg
fyrir að bensíngufa fari út í and-
rúmsloftið og er gufunni jafnframt
breytt aftur í eldsneyti. Hann sagði
að ekki hefði fengist leyfi fyrir inn-
flutningi á bensíni fyrr en búið væri
að koma búnaðinum upp en þar er
um að ræða fyrsta búnað sinnar teg-
undar við birgðastöð hérlendis. „Við
stefnum svo að því að taka fyrsta
innflutningsskipið til Akureyrar í
næsta mánuði.“
Fullkomnasta
birgðastöð landsins
Árni sagði að einnig væri verið að
ganga frá slökkvibúnaði, þar sem
m.a. er lögð froðulögn niður á
bryggjukant. „Auk þess verður
þarna færanlegur froðubúnaður og
við höfum hugsað okkur að veita
slökkviliðinu aðgang að. Þetta verð-
ur því fullkomnasta birgðastöð
landsins.“
Olíudreifing fékk lóð undir starf-
semi sína á nýrri uppfyllingu í
Krossanesi samkvæmt samningi við
Akureyrarbæ, varðandi flutning á
starfsemi Olíudreifingar af Oddeyr-
artanga út í Krossanes. Í samning-
um fólst jafnframt að Akureyrarbær
og Hafnasamlag Norðurlands inn-
leysa fasteignir, hús og lóðir Olíufé-
lagsins og Olíudreifingar á Oddeyr-
artanga og önnur þau mannvirki
sem ekki verða flutt af staðnum.
Kostnaðu bæjarins og Hafnasam-
lagsins vegna þessa er um 120 millj-
ónir króna.
Olíutankar dregnir sjóleiðina
Miklar framkvæmdir hafa staðið
yfir í Krossanesi undanfarin tvö ár.
Þar hefur verið komið fyrir um 10
stórum olíutönkum á uppfyllingunni
og voru sex þeirra dregnir sjóleiðina
til Akureyrar frá Reykjavík, Sauð-
árkróki og Húsavík. Olíulagnir voru
lagðar frá bryggjunni að tönkunum,
byggt var dæluhús við tankana og
niður við bryggju og þá er verið að
byggja þar starfsmannaaðstöðu.
Kostnaður við þessar framkvæmdir
var áætlaður um 200 milljónir króna.
Hjá Olíudreifingu á Akureyri
starfa fimm manns en Árni sagði
ekki ljóst hvort starfsmönnum yrði
fjölgað. Það færi m.a. eftir því
hversu mikið þessi innflutningur til
Akureyrar yrði mikið nýttur út fyrir
svæðið. Olíudreifing er fyrir með
innflutningshöfn í Örfirisey, Hval-
firði og Hafnarfirði en í Hafnarfirði
hefur þó starfsemi félagsins verið að
dragast saman.
Morgunblaðið/Kristján
Við innflutningshöfn Olíudreifingar í Krossanesi er m.a. verið að setja
upp búnað sem kemur í veg fyrir að bensíngufa fari út í andrúmsloftið.
Framkvæmdir við innflutningshöfn í Krossanesi á lokastigi
Stefnt að því að hefja inn-
flutning í næsta mánuði
„ÞAÐ er gott að geta létt sér aðeins vorverkin,“ sagði
Jóhann Thorarensen starfsmaður á tækni- og umhverf-
issviði Akureyrarbæjar, þar sem hann var að snyrta tré
ofan við Víðilund um helgina. Þetta verður að teljast
nokkuð óvenjulegur árstími til slíkra verka en veðrið á
landinu í vetur hefur líka verið ansi óvenjulegt.
Morgunblaðið/Kristján
Létta sér vorverkin
FULLTRÚAR aðila í mjólkuriðnaði
sunnan og norðan heiða funduðu á
Akureyri í gær um hugsanleg kaup á
eignarhlut Kaupfélags Eyfirðinga í
Norðurmjólk. Stefán Magnússon,
formaður stjórnar Auðhumlu, félags
mjólkurframleiðenda í Eyjafirði og S-
Þingeyjarsýslu, sagði eftir fundinn að
félagið myndi leita eftir viðræðum við
KEA um kaup á öllum eignarhlut fé-
lagsins í Norðurmjólk.
KEA á um 68% hlut í Norðurmjólk
á móti um þriðjungs hlut Auðhumlu.
Nafnvirði hlutafjár félagsins er um
450 milljónir króna og eignarhlutur
KEA því um 300 milljónir króna að
nafnvirði.
Fulltrúar frá Kaupfélagi Skagfirð-
inga, Mjólkursamsölunni í Reykjavík,
Osta- og smjörsölunni og Mjólkurbúi
Flóamanna sátu fundinn í gær með
fulltrúum Auðhumlu og sagði Stefán
að þeir hafi verið jákvæðir fyrir því að
koma að málinu með þeim.
Hann sagði að hugmyndin væri að
Auðhumla keypti hlut KEA í Norð-
urmjólk og gengi það eftir myndu
Kaupfélag Skagfirðinga, Mjólkur-
samsalan, Osta- og smjörsalan og
Mjólkurbú Flóamanna kaupa hlut í
félaginu í kjölfarið. Hann sagði þó að
Auðhumla hefði hug á að eiga stærri
hlut en þriðjung í félaginu í framhald-
inu.
Stefán sagði verðmat á Norður-
mjólk nokkuð á reiki og kaupverðið
væri því eitthvað sem eftir væri að
semja um. Hann sagði menn ekki
hafa sett sér nein tímamörk en að
málinu yrði haldið áfram.
Auðhumla
vill kaupa
Þórólfur Gíslason, kaupfélagsstjóri Kaupfélags Skagfirðinga, og Stefán
Magnússon, formaður stjórnar Auðhumlu, ræddu um Norðurmjólk í gær.
Morgunblaðið/Kristján
Eign KEA í Norðurmjólk til sölu
TÆPLEGA þriðjungur starfs-
manna í starfsstöð Útgerðarfélags
Akureyringa á Grenivík eru útlend-
ingar. ÚA hefur verið með umsókn
hjá Útlendingaeftirliti um að fá fjóra
starfsmenn til viðbótar frá útlöndum
til starfa á Grenivík.
Þetta kemur fram á heimasíðu
ÚA, en þar segir Gunnar B. Aspar
verkstjóri í starfsstöð ÚA á Grenivík
að þrátt fyrir auglýsingar og fyrir-
spurnir hjá svæðisvinnumiðlun og
verkalýðsfélagi gangi illa að fá Ís-
lendinga til starfa í fiskvinnslu á
Grenivík.
Vonast eftir jákvæðri
fyrirgreiðslu
Alls eru 36 stöðugildi hjá frysti-
húsi Útgerðarfélagi Akureyringa á
Grenivík. Þar hafa starfað sjö menn
frá Póllandi og þrír frá Filipseyjum,
en aðrir eru úr Grýtubakkahreppi,
margir með mjög langa starfs-
reynslu í fiskvinnslu.
Umsókn um að fá fleiri útlendinga
til starfa var lögð fyrir Útlendinga-
eftirlitið í ágúst síðasta sumar, en
henni var þá hafnað. Umsóknin hef-
ur nú verið endurnýjuð og væntir
Gunnar þess að þrátt fyrir að stefn-
an hafi verið að fækka útgáfu at-
vinnuleyfa fyrir útlendinga fái um-
sókn ÚA jákvæða fyrirgreiðslu nú.
Hann segir reynslu af hinum útlendu
starfsmönnum mjög góða, enda sé
fólkið hingað komið til að vinna. Síð-
ar í þessum mánuði verður efnt til
námskeiðs í íslensku fyrir útlendu
starfsmennina.
Hráefni frá togurum ÚA ber uppi
vinnsluna á Grenivík auk þess sem
tveir heimabátar hafa lagt til hráefni
að einhverju leyti. Í frystihúsinu er
einkum unnið í hefðbundnar Amer-
íkupakkningar.
Sótt um atvinnu-
leyfi fyrir fleiri
Grenivík
Tæpur helmingur starfsmanna
ÚA á Grenivík útlendingar
ÁTJÁN ára piltur á Akureyri hefur í
Héraðsdómi Norðurlands eystra
verið úrskurðaður í gæsluvarðhald í
eina viku vegna fíkniefnamáls.
Lögreglan á Akureyri handtók
piltinn á mánudagskvöld vegna
gruns um fíkniefnasölu. Á og við
heimili hans voru svo fimm aðrir
handteknir vegna málsins en þeim
var sleppt skömmu síðar. Á heim-
ilinu fannst nokkurt magn fíkniefna,
amfetamín, kókaín, e-töflur og
kannabis. Vegna rannsóknar máls-
ins fór lögregla fram á að pilturinn
yrði úrskurðaður í gæsluvarðhald í
viku og var fallist á það í Héraðsdómi
Norðurlands eystra í gær, miðviku-
dag.
Piltur í gæsluvarðhaldi
vegna fíkniefnamáls