Morgunblaðið - 10.01.2002, Blaðsíða 50

50 FIMMTUDAGUR 10. JANÚAR 2002 MORGUNBLAÐIÐ






 


 BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
ÉG fæ ekki betur séð en að bærinn sé
að borga 800 milljónir með Norður-
bakkanum í Hafnarfirði sem ég hélt
að væri einhver verðmætasti lóðar-
skiki landsins. Ég hefði haldið að
ráðamenn bæjarins myndu selja
þetta fyrirhugaða Manhattan-
bryggjusvæði við höfnina en ekki
borga með því stórar fúlgur.
Samkvæmt þeim samningi sem
bærinn, Þyrping og J&K – eignar-
haldsfélag gerðu með sér rétt fyrir
jól kemur fram samkvæmt fasteigna-
mati að: Lóð og hús bæjarins eru
metin á um 240 milljónir, lóð og hús
Þyrpingar á tæpar 150 milljónir og
lóð og hús J&K tæpar 80 milljónir.
Allt þetta skal metið að jöfnu eða á
190 milljónir. Bærinn gefur því eftir
um 50 milljónir, Þyrping fær í með-
gjöf um 40 milljónir og J&K um 110
milljónir. Samtals er því meðgjöf
bæjarins við stofnun Norðurbakka
um 200 milljónir króna.
Þar fyrir utan á bærinn að gera
uppfyllingu sem áætluð er upp á um
325 milljónir kr. og smábátahöfn upp
á um 120 milljónir króna eða samtals
leggja í framkvæmdir upp á um 450
milljónir króna. Þá á bærinn að taka
á sig helming af uppkaupum á bens-
ínstöð Olíss á svæðinu sem bæjaryf-
irvöld meta upp á um 50 milljónir
króna. Loks á Þyrping að fá 1,3%
þóknun af söluverðmæti allra fram-
kvæmdanna sem metið er á tæpar
100 milljónir króna. Samtals er því
bærinn að gefa með þessum verð-
mætasta lóðarskika bæjarlandsins
um 800 milljónir króna.
Ég hef frétt að í bæjarráði hafi ver-
ið lagt fram minnisblað um hvernig
ætti að láta enda ná saman fyrir bæj-
arfélagið í þessu máli. Það var gert
með því að reikna allar tekjur bæj-
arins af íbúum svæðisins og fasteign-
um, útsvari og fasteignagjöldum, til
25 ára til að greiða meðlagið. Á sama
tíma verða húseigendur og bygging-
araðilar í öðrum hverfum bæjarins að
greiða að fullu upptökugjöld og ann-
an kostnað, jafnvel upp á milljónir
króna á íbúð, eins og í Setberghverfi,
á Einarsreitnum og í Áslandinu.
Það er greinilegt að það ekki sama
hvort það er Jón eða séra Jón. Þegar
er komið að Hagkaupsveldinu og
BYKO-veldinu gilda allt önnur lög-
mál en þegar Pétur og Páll úti í bæ
eiga í hlut. Það verða því við, hinir al-
mennu bæjarbúar, sem munum taka
á okkur allan kostnaðinn en stórfyr-
irtækin hirða væntanlegan gróða af
þessari nýjustu ,,bæjarútgerð“ Hafn-
firðinga.
JÓN KR. ÓSKARSSON,
loftskeytamaður, Hafnarfirði.
Jólagjöf íhaldsins
í Hafnarfirði
Frá Jóni Kr. Óskarssyni:
ÞAÐ er segin saga að ef einhver opn-
ar munninn til varnar náttúrunni, líf-
ríkinu og/eða gömlum mannvirkjum
þá kemur aurakórinn þegar á vett-
vang með öskrum og ópum og sömu
gömlu tugguna: Glæpamenn, spell-
virkjar, hryðjuverkamenn, skæru-
liðar og hermdarverkamenn. Saman-
ber síðasta landsfund
Sjálfstæðisflokksins. Þetta eru þeir
búnir að kyrja í tugi ára. Tökum
dæmi:
Torfusamtökin svokölluðu sem
björguðu gömlu húsunum við Lækj-
argötuna, í Reykjavík, í daglegu tali
kölluð Torfan, frá niðurrifi, fengu ald-
eilis að heyra þennan söng frá aura-
kórnum þegar stríðið stóð um hvort
ætti að rífa gömlu húsin og byggja ný
og stór hús í staðinn. Og aurakórinn
bætti við að ef gömlu húsin fengju að
standa þá yrði það hindrun fyrir allan
uppgang borgarinnar. En hvernig
standa málin í dag? Engum dettur í
hug að minnast á þessi mál nú og
torfan sómir sér vel eins og hún er og
er til mikillar prýði fyrir miðborgina.
Laxárdalsvirkjun
Þegar framkvæmdir við Laxár-
dalsvirkjun voru stöðvaðar með því
að sprengja upp þann hluta stíflunn-
ar sem þegar var búið að reisa. Þá
mætti aurakórinn þegar á vettvang
öskrandi og æpandi sömu gömlu
tugguna. Glæpamenn, spellvirkjar,
hryðjuverkamenn, skæruliðar og
hermdarverkamenn. Að viðbættu að
ef ekki yrði virkjað færi allur norð-
austurfjórðungurinn í eyði. En nú, yf-
ir tuttugu árum síðar, er sú spá ekki
enn í sjónmáli. Sums staðar í fjórð-
ungnum er byggð jafnvel í sókn en
ekki í vörn. Hvernig er svo talað um
þá í dag, sem stóðu fyrir því að stöðva
endanlega allar framkvæmdir við
virkjunina og bjarga þar með Lax-
árdalnum frá eilífri glötun? Þeim er
hrósað í hástert og klappað lof í lófa.
Jafnvel orðaðir við riddarakrossinn,
ef að þeir eru ekki þegar búnir að fá
hann. Ég get ekki ímyndað mér að í
dag fengist nokkur þingmaður til
þess að endurvekja drögin að Lax-
árdalsvirkjun á þingi.
Kárahnjúkavirkjun
Hún myndi eyðileggja meira af
náttúru og lífríki landsins heldur en
Laxárdalsvirkjun hefði gert. Jafnvel
þó að tekið yrði tillit til stærðarmis-
munar á þessum virkjunum. Sam-
kvæmt virkjunaráformum þarf að
stífla hundruð áa og lækja við upptök
sín, við norðurjaðar Vatnajökuls, og
leiða það vatn í virkjunarlónið svo
Kárahnjúkavirkjun nái fullum af-
köstum sem hún verður að gera til
þess að anna sínu verkefni. Það hljóta
allir að vita, einnig meðlimir aura-
kórsins, að vatn er undirstaða alls lífs
á jörðinni. Þegar allt vatn er tekið af
svo breiðu belti frá norðurjaðri
Vatnajökuls til strandar hlýtur að
myndast neyðarástand. Jörðin þorn-
ar upp, síðan skrælnar allur gróður
og eftir situr gróðurlaust land og af
því eigum við nóg. Hvernig á að halda
gróðri við án grunnvatns í jörðu úti í
náttúrunni, væri gaman að fræðast
um.
FREYR BJARTMARZ,
Holtagerði 63, Reykjavík.
Frá Laxárdalsvirkjun til
Kárahnjúkavirkjunar
Frá Frey Bjartmarz: