Morgunblaðið - 10.01.2002, Blaðsíða 49

FRÉTTIR
MORGUNBLAÐIÐ FIMMTUDAGUR 10. JANÚAR 2002 49
Á FUNDI framkvæmdastjórnar
Sambands ungra framsóknar-
manna sem haldinn var 8. janúar
var eftirfarandi ályktun samþykkt:
„Framkvæmdastjórn SUF lýsir
sig ósammála þeirri afstöðu Út-
varpsráðs að flytja mestan hluta
starfsemi Rásar 2 til Akureyrar.
Rás 2 hefur sinnt hlutverki sínu
vel með vandaðri og fjölbreyttri
dagskrárgerð sem hefur höfðað til
allra landsmanna óháð aldri og bú-
setu.
Flutningur Rásar 2 felur í sér
mikinn kostnað, sem betur væri
varið í dagskrárgerð. Flutningur-
inn þjónar ekki heldur hagsmun-
um landsbyggðarinnar, enda er
ekki um mörg störf að ræða. Það
eina sem þessi ráðstöfun hefur í
för með sér er að veikja Rás 2.
Það má einnig benda á að þekking
og reynsla þess fjölmarga hæfa
starfsfólks sem starfar á Rás 2
verður ekki svo auðveldlega byggð
upp á nýjum stað. Flytji starfs-
fólkið ekki með er í raun verið að
leggja stöðina niður.“
Mótfallin
flutningi
Rásar 2
ORGELFRÆÐI verður kennd í
fjarkennslu á vegum Verkmennta-
skólans á Akureyri í samvinnu við
Tónskóla þjóðkirkjunnar nú á vor-
önn. Þessi námsgrein hefur verið
kennd í Tónskóla Þjóðkirkjunnar
um árabil og er ein af þeim sér-
greinum sem kenndar hafa verið til
kantorsprófs organista. Kennari er
Smári Ólason.
Námið miðar að því að kynna
nemendum hvernig orgel eru upp-
byggð, mismunandi eiginleika
þeirra og fjölbreytni. Fjallað er um
sögu orgelsins, þróun þess og mis-
munandi gerðir. Farið verður í
helstu hluti sem snerta byggingu
og notkun orgela, t.d. mismunandi
pípur, raddir, vindhlöður, spilaborð,
útlit og svo mætti lengi telja. Einn-
ig er farið í undirstöðuatriði hljóð-
eðlisfræðinnar.
Sem verklegur hluti námskeiðs-
ins verður skipulögð heimsókn á
orgelverkstæði Björgvins Tómas-
sonar á Blikastöðum, þar sem nem-
endur kynnast praktískari hlutum í
sambandi við stillingu og viðhald
orgela.
Námið er einkum hugsað fyrir
starfandi organista en er að sjálf-
sögðu opið öllum sem áhuga hafa á
orgelum og vilja læra um þau. Allar
nánari upplýsingar eru gefnar á
skrifstofu Tónskóla þjóðkirkjunnar,
í Verkmenntaskólanum á Akureyri
og á heimasíðum skólanna,
www.tonskoli.is og www.vma.is,
segir í fréttatilkynningu.
Orgelfræði
í fjarnámi
LAUGARDAGINN 5. jan. sl. á milli
kl. 10 og 12.30 var ekið á bifreiðina
KS-675, sem er Chevrolet fólks-
bifreið, þar sem hún stóð mannlaus
við Grafarvogskirkju. Tjónvaldur
fór af vettvangi án þess að tilkynna
um tjónið til hlutaðeiganda eða lög-
reglu. Er jafnvel talið að bifreið
tjónvalds sé jeppabifreið. Tjónvald-
ur eða aðrir sem geta gefið frekari
upplýsingar eru beðnir að snúa sér
til umferðardeildar lögreglunnar í
Reykjavík.
Lýst eftir vitnum
ÁRLEG þrettándagleði Grafar-
vogsbúa sem fresta varð sl. sunnu-
dag verður haldin föstudagskvöld-
ið 11. janúar.
Blysför verður frá Gylfaflöt kl.
19.30. Álfakóngur, álfadrottning,
grýla, jólasveinar og fleiri kynja-
verur taka þátt í göngunni. Blys
verða til sölu við upphaf blysfarar
og á Gufunessvæðinu. Skátar
munu kveikja í brennunni á Gufu-
nessvæðinu með friðarloganum frá
Betlehem kl. 20. Fjöldasöngur,
önnur skemmtun og flugeldasýn-
ing í boði Trésmiðju Snorra
Hjaltasonar og Járnbendingar ehf.
Eftirtalin félög og stofnanir hafa
undirbúið þrettándagleðina: Ung-
mennafélagið Fjölnir, Íbúasamtök
Grafarvogs, skátafélögin Vogabúar
og Dalbúar, frístundamiðstöðin
Gufunesbær, Miðgarður, fjöl-
skylduþjónustan í Grafarvogi og
hverfisnefnd Grafarvogs, segir í
fréttatilkynningu.
Þrettándagleði
Grafarvogsbúa
SPK sendi ekki út jólakort til við-
skiptavina, heldur styrkti Mæðra-
styrksnefnd Kópavogs fyrir and-
virði jólakortanna. Halldór J.
Árnason sparisjóðsstjóri afhenti
gjaldkera Mæðrastyrksnefndar
Kópavogs, Ingibjörgu Ingvadóttur,
styrkinn.
Nefndin notar peningana sem
henni eru gefnir í að styðja fjöl-
skyldur sem tímabundið eða lang-
varandi eiga undir fjárhagslegt
högg að sækja í tilverunni. Þessi
aðstoð fer oftast þannig fram að
samið er við Bónus eða aðra mat-
vöruverslun um kaup á úttektar-
miðum sem úthlutað er til bág-
staddra fyrir jólin. Ef fjárhagur
nefndarinnar leyfir er einnig hægt
að sækja styrki til nefndarinnar á
öðrum tímum ársins og slíkir styrk-
ir hafa þá oftast verið í formi pen-
inga, segir í fréttatilkynningu.
SPK styrkir
Mæðrastyrks-
nefnd Kópavogs