Morgunblaðið - 10.01.2002, Blaðsíða 14

FRÉTTIR
14 FIMMTUDAGUR 10. JANÚAR 2002 MORGUNBLAÐIÐ
Aðrir útsölustaðir:

Top Shop, Lækjargötu

Snyrtistofa Hönnu Kristínar, Faxafeni

Snyrtiv.d. Hagkaups Kringlunni, Smáralind, Skeifunni,
Spönginni og Akureyri

Gallery Förðun, Keflavik og Silfurtorg Ísafirði.
www.hardcandy.com
Göngugötu Mjódd,
sími 387 0203.
Við höfum öll plön um hluti sem við viljum fá út út lífinu. En hvernig
getum við nálgast þá? Með því að hafa góðann grunn. Þú veist að
þú hefur góðann grunn þegar þú getur örugg byggt á hann. Hvort
sem þú byggir hús, líf þitt eða útlit.
Góður grunnur er farði sem er léttur en hylur vel, jafnar út misfellur
í húðinni og helst náttúrulegur jafnvel í björtustu ljósum. Þú færð
náttúrulegt útlit sem endist allan daginn.
Það er eithvað sem þú getur byggt á.
Þess vegna kynnir HARD CANDY, HINT TINT og
PEACE POWDER
Hint Tint
SPF 15 Léttur farði
Við eyðum of miklum tíma í að komast að því hver við erum til að
fara að fela það aftur. Notaður Hint Tint og jafnaðu hlutina bara að-
eins út. Þessi náttúrulegi létti farði nærir húðina og verndar með SPF
15 og UVA /UVB vörn. Og hafðu ekki áhyggjur, leyndarmálin eru
vel falin með Hint TInt.
Peace Powder
Púður farði
Þessi pressaði púðurfarði er eins og silki viðkomu. Hann skilur húð-
ina eftir mjúka en ekki þurr púðraða og hylur það sem þarf að
hylja. Með Peace Powder fær húðin þín fallegt náttúrulegt útlit,
Peace Powder má notast eitt og sér eða yfir Hint Tint.
Kynning fimmtud. 10. jan. og föstud. 11. jan.
15 % kynningarafsláttur
GUÐLAUG Guðjónsdóttir garð-
yrkjufræðingur hjá garð-
yrkjudeild höfuðborgarinnar var
að klippa víði í Laugardalnum
þegar ljósmyndari Morgunblaðs-
ins átti leið hjá fyrir skömmu.
Hún segir í samtali við Morg-
unblaðið að um hafi verið að
ræða árvissa klippingu á runnum
í Laugardalnum. „Við erum í því
á veturna að klippa runna og
snyrta,“ segir hún og bætir því
við aðspurð að það sé ekki óal-
gengt að byrja þá vinnu í desem-
ber eða janúar. Spurð að því
hvort hið milda veður að und-
anförnu hafi ekki haft áhrif á
gróður segir hún svo ekki vera.
„Það hefur ekki verið það hlýtt
að það hafi haft áhrif á gróð-
urinn,“ segir hún. Hún segir þó
óneitanlega betra að klippa og
snyrta runna í snjóleysi en í mikl-
um snjó.
Morgunblaðið/Árni Sæberg
Víðir
klipptur
UMBOÐSMAÐUR Alþingis hefur
beint þeim tilmælum til úrskurðar-
nefndar almannatrygginga, að
nefndin taki mál stúlku til meðferð-
ar á ný, óski hún þess, en stúlkan
kvartaði yfir úrskurði nefndarinnar
þar sem staðfest var synjun Trygg-
ingastofnunar ríkisins um áfram-
haldandi kostnaðarþátttöku/endur-
greiðslu vegna tannréttinga.
Synjunin var byggð á því að
virkri tannréttingu hefði verið lokið
þegar umsókn stúlkunnar barst TR
vegna kostnaðar við eftirlit. Í kvört-
uninni kom fram að sótt hefði verið
um endurgreiðslu vegna eftirlits í
kjölfar kjálkaliðsaðgerðar og að úr-
skurðarnefndin hefði ekki tekið tillit
til þess.
Umboðsmaður Alþingis taldi að
umfjöllun nefndarinnar hefði verið
of takmörkuð og einskorðast við að
sótt hefði verið um endurgreiðslu
vegna tannréttinga skv. 4. gr.
reglna nr. 29/1999 um þátttöku TR í
kostnaði við tannlækningar vegna
alvarlegra afleiðinga fæðingargalla,
sjúkdóma og slysa. Umboðsmaður
rakti m.a. 3. gr. fyrrnefndra reglna,
en samkvæmt henni tekur TR þátt í
kostnaði við nauðsynlegar tann-
lækningar, aðrar en tannréttingar,
vegna m.a. alvarlegra einkenna frá
kjálkaliðum eða tyggivöðvum.
Umboðsmaður benti á að í úr-
skurði nefndarinnar hefði ekki verið
tekin afstaða til þess hvort eftirlit
tannlæknis í kjölfar kjálkaliðsað-
gerðar félli undir c-lið 33.gr. laga,
sbr. 3. gr. fyrrnefndra reglna. Hafi
aðeins verið vísað til þess að þar
sem virkri tannréttingarmeðferð
hefði að fullu verið lokið félli eft-
irlitið ekki undir nefnt ákvæði al-
mannatryggingalaga. Umboðsmað-
ur leggur í áliti sínu áherslu á að
miðað við málsatvik og fyrirliggj-
andi gögn hefði nefndinni hins veg-
ar borið að fjalla um málið á þeim
grundvelli. Komst umboðsmaður því
að þeirri niðurstöðu að verulegur
annmarki hefði verið á úrskurði
nefndarinnar sbr. 31. gr., sbr. 22.
gr. stjórnsýslulaga.
Stúlku synjað um áframhaldandi
endurgreiðslu vegna tannréttinga
Umboðsmaður
telur umfjöllun
of takmarkaða
SAMNINGAR tókust á mánudag
milli SÁÁ og samninganefndar
sjúkraliða um kjör 13 sjúkraliða
sem vinna á Vogi og var verkfalli
þeirra sem átti að hefjast á mið-
nætti frestað. Gunnar Gunnarsson,
framkvæmdastjóri Sjúkraliða-
félags Íslands, segir samninginn
vera gerðan með beinni tilvísun í
þá samninga sem aðrir sjúkraliðar
hafa gert. Hann segir að í deilunni
hafi aðallega verið tekist á um líf-
eyrisréttindi þar sem sjúkraliðar
vildu vera í Lífeyrissjóði starfs-
manna ríkisins en SÁÁ vildi að þeir
væru í Lífeyrissjóði verslunar-
manna. Samkvæmt samningnum
fá þeir sjúkraliðar sem voru í öðr-
um lífeyrissjóðum að fara í A-deild
lífeyrissjóðs ríkisstarfsmanna en
þeir sem voru í B-deild sjóðsins
geta verið þar áfram.
Samningar sjúkra-
liða samþykktir
ALLS var tilkynnt um 2.200 stolna
farsíma á landinu öllu á síðastliðnu
ári til símafyrirtækjanna. Að sögn
Ómars Smára Ármannssonar, að-
stoðaryfirlögregluþjóns í Reykjavík,
var tekið upp nýtt fyrirkomulag við
tilkynningar og skráningar á stoln-
um farsímum og er stuldurinn því
ekki lengur skráður hjá lögreglunni í
Reykjavík heldur hjá símafyrirtækj-
unum. Hann segir tilkynningum
hafa fjölgað mikið á skömmum tíma.
Ómar Smári segir farsímaþjófnuð-
um hafa fjölgað jafnt og þétt hér á
landi síðustu árin, líkt og víðast hvar
annars staðar í heiminum. Til dæmis
hafi verið tilkynnt um 1.402 þjófnaði
á farsímum til lögreglunnar í
Reykjavík árið 2000 en árið 1999 var
talan 916. Það var því 65% fleiri far-
símum stolið árið 2000 en 1999. Árið
1998 var tilkynnt um 264 stolna far-
síma og 68 árið 1997.
Hann segir að tilkynnt sé til lög-
reglu um þjófnað á fjölmörgum far-
símum í hverjum mánuði. Sumum
símanna er stolið þar sem eigandinn
hafi lagt hann frá sér um stund, t.d. á
veitingastöðum, í skólum eða annars
staðar. Öðrum sé stolið í innbrotum,
s.s. í bíla, fyrirtæki eða híbýli. Þá
segir hann að ljóst sé að í mörgum
tilvikanna hefur fólk hreinlega týnt
símum sínum, en „tilkynnir þá samt
sem áður stolna í von um að hafa
megi uppi á þeim aftur“.
Mikil fjölgun á skömmum tíma
Þá segir Ómar Smári að tilkynn-
ingum hafi fjölgað mikið á skömmum
tíma og þær endurspegli fyrst og
fremst þá miklu fjölgun og hina al-
mennu notkun þessara tækja hér á
landi á skömmum tíma, ekki síst á
meðal þeirra, sem yngri eru.
Ómar Smári segir auðvelt að koma
í veg fyrir aðrir noti glatað símtæki.
Hægt er að biðja símafyrirtækin um
að slökkva bæði á kortinu og tækinu
sjálfu, þ.e. svonefndu IMEI-korti. Sé
slökkt á IMEI-kortinu getur þjófur-
inn ekki notað síma þó svo að hann
fái sér nýtt símakort í hann.
Ómar Smári segir að lögreglan
reyni að rekja þá síma sem eigendur
biðja um. „Þegar eigandinn biður um
að haft verði upp á símanum er lög-
reglan látin vita ef hann fer í notkun
aftur með öðru símkorti. Þá er haft
upp á notandanum og honum ann-
aðhvort gert að skila símanum eða
síminn tekinn af honum,“ segir Óm-
ar Smári. Hann bætir við að á síðasta
ári hafi lögreglan í Reykjavík haft
upp á 570 farsímum sem tilkynnt
hafði verið um sem stolna og komið
þeim aftur í hendur eigendanna.
Refsivert er að nota stolinn síma.
Tilkynnt um
2.200 stolna
farsíma í fyrra
LÖGREGLAN í Reykjavík leitar
enn tveggja pilta sem rændu um 50
þúsund krónum úr peningakassa
veitingastaðar við Suðurlandsbraut í
fyrrakvöld.
Piltarnir voru með nælonsokka yf-
ir höfði sér og létu öllum illum látum
inni á veitingastaðnum. Þeir sögðust
vera vopnaður en otuðu þó engum
vopnum að tveimur afgreiðslustúlk-
um og gerðu þeim ekki mein.
Ræningja
enn leitað
UNG kona hefur kært framgöngu
lögreglunnar í Hafnarfirði en hún
var handtekin seint á laugardags-
kvöld og flutt á lögreglustöðina.
Konan hafði kvartað undan flugelda-
skotum nágranna sinna og hringt í
lögreglu en var sjálf handtekin.
Ólafur Emilsson, aðstoðaryfirlög-
regluþjónn í Hafnarfirði sagði að
kæra konunnar hefði verið móttekin
og málið síðan sent ríkissaksóknara
til meðferðar. Ríkissaksóknari
myndi síðan taka ákvörðun um hvort
ástæða væri til frekari rannsóknar
en hún yrði þá framkvæmd af öðrum
lögregluliðum. Hann vildi að öðru
leyti ekki tjá sig um málið.
Kærði
framgöngu
lögreglu
♦ ♦ ♦