Morgunblaðið - 08.03.2002, Síða 17

SUÐURNES
MORGUNBLAÐIÐ FÖSTUDAGUR 8. MARS 2002 17
HREPPSNEFND Gerðahrepps
hefur ákveðið að segja sig einhliða
úr Hafnasamlagi Suðurnesja og
draga fulltrúa sinn úr stjórn. Þýðir
úrsögnin slit Hafnasamlagsins þar
sem Vatnsleysustrandarhreppur
hefur áður tilkynnt úrsögn og er
Reykjanesbær því einn eftir.
Ólafur Kjartansson, einn af
hreppsnefndarmönnum F-listans
sem eru í meirihluta í hreppsnefnd
Gerðahrepps, flutti tillögu um úr-
sögn Gerðahrepps. Var hún sam-
þykkt með sex atkvæðum en Sig-
urður Ingvarsson oddviti sat hjá.
Tekið er fram í samþykktinni að
hún sé gerð vegna vanefnda af
hálfu ríkisvaldsins.
Ekki staðið við fyrirheit
Ólafur Kjartansson segist hafa
verið á móti þátttöku Gerðahrepps
í stofnun Hafnasamlagsins á sínum
tíma. Hreppurinn hafi átt skuld-
laust þau gömlu hafnamannvirki
sem þar eru, eiginlega frekar sjó-
varnagarð en höfn. Segir hann að
sér hafi verið það ljóst í upphafi að
verið væri að ganga til samstarfs
við hafnir sem væru á kafi í skuld-
um, að samlag þeirra gæti aldrei
borið sig og að menn hefðu átt að
prísa sig sæla að vera skuldlausir
að þessu leyti. Aðrir hafi ákveðið
að ganga í samlagið á þeim for-
sendum að byggð yrði höfn á
staðnum.
Segir Ólafur að nú liggi fyrir að
ekki yrði byggð höfn í Gerðahreppi
í náinni framtíð og stjórnvöld
standi því ekki við þau fyrirheit
sem gefin voru.
Samkvæmt stofnsamningi
Hafnasamlags Suðurnesja taka úr-
sagnir gildi tólf mánuðum eftir að
þær eru tilkynntar og að skila-
nefnd á að skipta eignum og skuld-
um milli sameigenda. Slík nefnd er
einmitt að störfum vegna úrsagnar
Vatnsleysustrandarhrepps en hef-
ur ekki náð samkomulagi. Spurður
að því hvað fælist í einhliða úrsögn
segir Ólafur að ef maður keypti
svikna vöru hlyti hann að geta skil-
að henni með einhliða ákvörðun.
Samlaginu slitið
Sigurður Ingvarsson, oddviti og
fulltrúi Gerðahrepps í stjórn
Hafnasamlagsins, lét bóka að hann
harmaði þá þróun sem átt hefði sér
stað hjá samlaginu og nú hafi leitt
til úrsagnar Gerðahrepps. „Til-
gangur minn með [því] að sam-
þykkja inngöngu í HASS á sínum
tíma var sú trú að það myndi verða
til að efla alla starfsemi hafnarinn-
ar hér í Garði og það yrði til að
byggja upp smábátahöfn. Eins og
margoft hefur komið fram lágu
fyrir vilyrði frá þingmönnum og
samgönguráðherra [um] að inn-
ganga í HASS myndi verða til þess
að hér í Garði yrði uppbygging á
hafnarsvæðinu. Ég hélt að það
væri hægt að treysta orðum þess-
ara aðila. Því miður reyndist ekki
svo vera.“ Tekur Sigurður jafn-
framt fram að samstarfsmenn hans
í stjórn Hafnasamlagsins hafi stað-
ið heilshugar að málum og viljað
stuðla að uppbyggingu hafnarmála
í Garði.
Ljóst er að ákvörðun Gerða-
hrepps getur haft áhrif á skila-
nefndina sem nú starfar undir for-
ystu oddamanns því Reykjanesbær
verður einn eftir og það þýðir
væntanlega slit samlagsins.
Ellert Eiríksson, bæjarstjóri
Reykjanesbæjar, segir að stofn-
samningur Hafnasamlagsins, geri
ráð fyrir því að aðilar hans geti
sagt sig úr samlaginu. Hann geri
því engar athugasemdir við
ákvörðun Gerðahrepps. Það þýði
hins vegar að Hafnasamlagið leys-
ist upp í frumeindir sínar. Hver
aðili taki það sem hann hafi lagt
fram til samlagsins og þær skuld-
bindingar sem hann hafi tekið á
sig, samkvæmt samþykktum þess.
Segja sig ein-
hliða úr Hafna-
samlaginu
Garður
ÍBÚAR í Garðahverfi í Keflavík hafa
mótmælt harðlega breytingum á að-
alaðkomu leikskólans Garðasels. 66
íbúar við Heiðargarð og Miðgarð rit-
uðu undir mótmæli til bæjaryfir-
valda.
Vegna stækkunar og endurbóta á
leikskólanum Garðaseli sem er við
Hólmgarð sótti Reykjanesbær um
byggingarleyfi fyrir stækkuninni og
breytingum á aðkomu fyrir börn þar
sem gert er ráð fyrir að auk aðkomu
um Hólmgarð verði einnig möguleiki
á að aka að leikskólanum um Heið-
argarð. Skipulags- og byggingar-
nefnd Reykjanesbæjar sendi tillög-
urnar til íbúanna til kynningar.
Í bréfi íbúanna kemur fram að
þeir mótmæli því kröftuglega að að-
alaðkoma skólans verði færð að
Heiðargarði sem sé fáfarin og lokuð
gata með lítilli umferð. „Það er með
ólíkindum að hönnuður slíkra breyt-
inga […] velji að beina umferð að
þessu íbúðasvæði sem er eina íbúða-
svæðið sem liggur nærri leikskólan-
um. Ef þessi breyting nær fram að
ganga mun umferð á þessu svæði
aukast til muna og rýra gæði við-
komandi gatna og auka slysahættu.
Auk þess á að láta bíla taka u-beygju
á Heiðargarðinum sem hlýtur að
teljast fásinna.“
Í bréfinu kemur fram að íbúarnir
hafa ekkert á móti stækkun Garða-
sels, telji bæjaryfirvöld það hag-
kvæmt.
Þeir láta þess getið að oft sé
minnst á að Garðahverfi beri af
öðrum hverfum í skipulagslegu til-
liti. Því miður hafi víða tekist illa til
en þar taki þó steininn úr ef klúðra
eigi því sem vel hafi tekist til með.
Skorað er á bæjaryfirvöld að
skoða málið af fullri alvöru og finna
aðra leið og tekið fram að málinu
verði fylgt fast eftir, ekki linnt látum
fyrr en á lokastigi réttar íbúanna.
Áfram Hólmgarðsmegin
Afrit af mótmælum íbúanna var
lagt fram í bæjarráði Reykjanesbæj-
ar í gær. Ellert Eiríksson bæjar-
stjóri segir að teiknaðar hafi verið
tvær útfærslur af aðkomu að bygg-
ingunni og skipulags- og byggingar-
nefnd ákveðið að kynna þær. Það
mælist ekki vel fyrir að hafa inngang
frá Heiðargarði eins og sjáist á við-
brögðum íbúanna. Sjálfur segist
hann telja að aðkoman eigi að vera
Hólmgarðsmegin, eins og verið hafi,
og hafi ekki talið skynsamlegt að
breyta henni.
Mótmæla breytingum á
aðkomu að Garðaseli
Keflavík
GRINDAVÍK stefnir að því að
verða fjölskylduvænn bær, segir í
stefnuyfirlýsingu sem bæjarráð
samþykkti á 1000. fundi sínum í
fyrradag.
Á vegum bæjarins hefur verið
unnið að undirbúningi stefnu-
yfirlýsingar og sérstakrar stefnu
í fjölskyldumálum og starfs-
mannamálum.
Var 1000. fundur bæjarráðs
valinn til að ganga frá tillögum
ráðsins til bæjarstjórnar um þessi
efni.
Í tillögu að stefnuyfirlýsingu
segir að bæjarstjórn Grindavíkur
stefni að því að Grindavík verði
fjölskylduvænn bær sem byggi á
sjávarútvegi, þjónustu við ferða-
menn og möguleikum sem jarð-
hitinn skapar. Markmiðið sé að
Grindavík verði eftirsóttur bær
til búsetu, bæði hvað snertir at-
vinnumöguleika, menntun og
þjónustu. Tillagan var samþykkt
samhljóða eins og tillögur að fjöl-
skyldustefnu og starfsmanna-
stefnu Grindavíkurbæjar. Þær
verða síðan teknar fyrir á næsta
fundi bæjarstjórnar.
Bæjarráðsmenn í Grindavík fengu aldrei þessu vant tertusneið með
kaffinu á þúsundasta fundi ráðsins, þeir eru f.v.: Hallgrímur Bogason
formaður, Hörður Guðbrandsson og Ólafur Guðbjartsson. Einar Njáls-
son bæjarstjóri er lengst til hægri á myndinni.
Bærinn
verði eft-
irsóttur
til búsetu
Grindavík