Morgunblaðið - 08.03.2002, Síða 25

ERLENT
MORGUNBLAÐIÐ FÖSTUDAGUR 8. MARS 2002 25
GJÖF MEÐ
KAUPUM*
Ef keyptar eru Lancôme
vörur fyrir 5. 500 kr.
fylgir snyrtibudda og
m.a. eftirfarandi vörur
að verðmæti 5. 500 kr.
Primordiale Intense Cream 15 ml
Primordiale Intense Nuit 15 ml
Tonique Confort 50 ml
Brilliant Magnetic 387
Einnig aðrar gerðir vara í kaupaukum
og mismunandi litar töskur.
heimsækið www. lancome.com
*Gildir meðan birgðir endast
VERSLANIR UM ALLT LAND
Óskastund!
Le Gift
SJÓNVARPSSTÖÐVAR á Filipps-
eyjum sýndu í gær myndir af tveim-
ur bandarískum trúboðum, sem hafa
verið í haldi íslömsku skæruliða-
hreyfingarinnar Abu Sayyaf á Suð-
ur-Filippseyjum í rúma níu mánuði.
Trúboðarnir, hjónin Martin og
Gracia Burnham, lásu yfirlýsingu frá
Abu Sayyaf þar sem hreyfingin
kvaðst hafa rænt Vesturlandabúum
til að hefna kúgunar á múslímum í
heiminum. Hún mótmælti m.a.
stuðningi Bandaríkjastjórnar við
„innlimun og hernám landsvæða
múslíma á Filippseyjum“, hernámi
Palestínu, refsiaðgerðum gegn Írak
og Líbýu og „vanhelgun Sádi-Arab-
íu“ vegna bandarískra herstöðva í
landinu.
Varnarmálaráðherra Filippseyja
kvaðst telja að markmið hreyfingar-
innar með yfirlýsingunni væri að afla
sér stuðnings alþjóðlegra hryðju-
verkasamtaka á borð við al-Qaeda.
Hjónin virtust ekki hafa sætt slæmri
meðferð.
Myndir
sýndar
af gíslum
Reuters
Bandarísku hjónin Martin og
Gracia Burnham í fylgsni ísl-
amskra skæruliða sem rændu
þeim fyrir níu mánuðum síðan.
BRESK stjórnvöld hafa hvatt for-
ráðamenn þarlendra skemmtistaða
til að gera ráðstafanir til að minnka
líkurnar á því, að þeir gestir stað-
anna sem neyta fíkniefna fari sér
að voða, að því er fram kemur á
fréttavef breska ríkisútvarpsins,
BBC. Í leiðbeiningum innanrík-
isráðuneytisins til skemmtistaða-
eigenda séu ráð um hvernig koma
megi í veg fyrir fíkniefnasölu á
stöðunum og hvernig gera megi
húsnæði staðanna öruggara fyrir
þá sem eru undir áhrifum fíkniefna.
Þetta er talið augljós vísbending
um að stjórnvöld viðurkenni hversu
almenn fíkniefnaneysla sé orðin á
skemmtistöðum, og ætli að hverfa
frá harkalegum viðbrögðum við
ástandinu, segir ennfremur í frétt
BBC. Ráðamenn ítreki þó þau skila-
boð, að neysla ólöglegra fíkniefna
sé hættuleg. Samkvæmt mati op-
inberra aðila neyta um fjórar millj-
ónir manna ólöglegra fíkniefna í
Bretlandi á ári hverju. Dauðsföllum
af völdum neyslu á e-pillum fjölgaði
úr átta 1993 í 36 á árinu 2000.
Meðal þess sem skemmtistaða-
eigendum er ráðlagt er að hafa
meira af drykkjarvatni á boð-
stólum, bæta loftræstingu, hafa sér-
stakt herbergi þar sem hægt sé að
veita fyrstu hjálp og koma í veg fyr-
ir troðning inni á stöðunum. Bob
Ainsworth, aðstoðarráðherra í inn-
anríkisráðuneytinu, sagði: „Ef við
getum ekki komið í veg fyrir að þau
neyti fíkniefna þá verðum við að
vera reiðubúin til að gera ráðstaf-
anir til að draga úr þeim skaða sem
þau geta unnið sjálfum sér.“
Skemmtistöðum leiðbeint