Morgunblaðið - 08.03.2002, Qupperneq 39

MORGUNBLAÐIÐ FÖSTUDAGUR 8. MARS 2002 39
ATVINNU-
AUGLÝSINGAR
I
I
FRÁ LINDASKÓLA
húsvörður tímabundið
Vegna forfalla vantar húsvörð til starfa um
óákveðinn tíma.
Launakjör eru samkvæmt kjarasamningi
Eflingar og Kópavogsbæjar.
Konur jafnt sem karlar eru hvött til að sækja
um starfið.
Nánari upplýsingar gefur skólastjóri, Gunnsteinn
Sigurðsson í síma 554 3900 eða 861 7100.
Stafsmannastjóri
KÓPAVOGSBÆR
www.plusapotek.is
Lyfjafræðingur
Plúsapótek ehf. óska eftir að ráða
lyfjafræðinga í fullt starf til vinnu
í apótekum sínum og til ýmissa
verkefna.
Innan Plúsapóteka eru 19 lyfjabúðir staðsettar
um allt land. Ef þú ert að leita að skemmti-
legu og krefjandi starfi hjá ört vaxandi fyrir-
tæki, þá er þetta rétta tækifærið.
Nánari upplýsingar veitir Þórarinn Þórhallsson,
framkvæmdastjóri Plúsapóteka, í síma 577 6055
eða t-pósti plusapotek@plusapotek.is .
Skrifstofa: Nethyl 2, 110 Reykjavík.
S. 577 6055, t-póstur plusapotek@plusapotek.is
EFTA-dómstóllinn
Laus staða
Hjá EFTA-dómstólnum í Lúxemborg er laus
staða lögfræðings og þýðanda. Í samræmi við
reglur um starfsmenn EFTA verður ráðið í stöð-
una til tveggja eða þriggja ára og er endurráðn-
ing einu sinni hugsanleg. Verkefnin eru þýðing-
ar, frágangur texta, lögfræðikannanir, umsjón
varðandi málsmeðferð og ýmis konar stjórnun-
arstörf. Ráðinn verður lögfræðingur sem hefur
lagt stund á Evrópurétt og hefur norsku og
ensku á valdi sínu.
Umsóknareyðublöð fást hjá dómstólnum og
er umsóknarfrestur til 22. mars 2002.
Frekari upplýsingar veita Lucien Dedichen og
Evanthia Coffee á skrifstofu dómstólsins:
EFTA Court
1, rue du Fort Thüngen, L-1499 Luxembourg.
Sími: (+352) 42 108 1 - Bréfsími: (+352) 43 43 89. -
Stafrænn póstur: eftacourt@eftacourt.lu
Nánari upplýsingar um EFTA-dómstólinn er
að finna á heimasíðu hans: http://www.efta.int
R A Ð A U G L Ý S I N G A R
TILKYNNINGAR
Auglýsing um deiliskipulag
og breytingu á deiliskipulagi í Reykjavík
Kvos/Grjótaþorp, breyting á deiliskipulagi Kvosarinnar og nýtt deiliskipulag
fyrir Grjótaþorp.
Í samræmi við 25. gr. skipulags- og byggingarlaga nr. 73/1997, með síðari breytingum, eru hér með
auglýst til kynningar tillaga að breytingu á deiliskipulagi Kvosarinnar og nýtt deiliskipulag fyrir
Grjótaþorp.
Skipulagssvæðið afmarkast af Aðalstræti í austur, Túngötu í suður, Garðastræti í vestur og Vesturgötu
í norður. Tillagan tekur þó einnig til hluta Fógetagarðsins austan Aðalstrætis, sunnan við húsið að
Aðalstræti 9. Tillagan gerir m.a. ráð fyrir að Grjótaþorpið verði hverfisverndað, nokkrar breytingar
verði á lóðamörkum og töluverðar breytingar á byggingaráformum á lóðinni nr. 16 við Aðalstræti (áður
Aðalstræti 14-18/Túngata 2-4). Þá gerir tillagan ráð fyrir niðurrifi og nýbyggingum á lóðunum nr. 4 og
10 við Aðalstræti, viðbyggingum við húsið að Grjótagötu nr. 5, nr. 23 við Garðastræti og Mjóstræti 4,
ásamt frekari takmörkun á landnotkun á miðborgarhluta Grjótaþorpsins. Óheimilt verði að setja á
stofn eða starfrækja þar; næturklúbba, dansstaði, skemmtistaði og spilasali. Verði tillagan samþykkt
fellur eldra deiliskipulag Grjótaþorps úr gildi svo og hluti deiliskipulags Kvosarinnar, þ.e. sá hluti sem
tekur til húsanna vestan Aðalstrætis og Fógetagarðsins.
Tillagan hefur áður verið auglýst en er nú auglýst að nýju þar sem gerðar hafa verið á henni nokkrar
breytingar. Helstu breytingarnar frá áður auglýstri tillögu eru þær að hús, sem gert er ráð fyrir að rísi
á lóðinni nr. 16 við Aðalstræti, hækkar nokkuð. Bílakjallari undir því húsi er felldur niður en í staðin er
gert ráð fyrir sýningarsal í kjallara vegna fornminja sem þar er að finna. Aðkoma að kjallaranum verði
í Fógetagarðinum um undirgöng/kjallara undir Aðalstræti. Þá er gert ráð fyrir að húsið við Aðalstræti
4 hækki, þakform þess breytist og byggingarmagn á þeirri lóð aukist í samræmi við það. Bætt hefur
verið við viðbyggingarmöguleika við hús nr. 4 við Mjóstræti.
Tillagan liggur frammi í sal skipulags- og byggingarsviðs í Borgartúni 3, 1. hæð, virka daga kl. 10.00
– 16.00 frá 8. mars – til 19. apríl 2002. Eru hagsmunaaðilar hvattir til að kynna sér hana ítarlega.
Ábendingum og athugasemdum skal skila skriflega til skipulags- og byggingarsviðs, merkt skipu-
lagsfulltrúa, eigi síðar en 19. apríl 2002.
Þeir sem eigi gera athugasemdir innan tilskilins frests, teljast samþykkja tillögurnar.
Reykjavík, 8. mars 2002.
Borgarskipulag Reykjavíkur.
SKIPULAGS- OG BYGGINGARSVIÐ