Morgunblaðið - 05.11.2002, Side 24

Atvinnu- og jafnréttisfulltrúi
ráðinn í Norðausturkjördæmi
OPNUÐ hefur verið á Egilsstöðum
skrifstofa atvinnu- og jafnréttis-
ráðgjafa Norðausturkjördæmis og
hefur Helga Björg Ragnarsdóttir
verið ráðin til að sinna starfinu.
Ráðning atvinnu- og jafnréttis-
ráðgjafa er liður í sameiginlegu
verkefni félagsmálaráðuneytis og
Byggðastofnunar um að bæta
stöðu kvenna á landsbyggðinni og
hefur áður verið ráðinn slíkur
starfskraftur á Norðurlandi vestra,
með aðsetur á Blönduósi. Þótti það
skila svo góðum árangri að ástæða
var talin til að blása til
sóknar í norðausturhluta
landsins.
Helga Björg Ragnars-
dóttir er Reykvíkingur.
Hún hefur lokið BA-námi
í félagsfræði frá HÍ og er
einnig að ljúka masters-
námi í viðskiptafræði.
Meginhlutverk nýja at-
vinnu- og jafnréttisráð-
gjafans verður að starfa, í
samvinnu við atvinnuráðgjafa
svæðisins, að ýmsum átaksverkefn-
um. Þau eiga að miða að því að
fjölga atvinnutækifærum kvenna
verulega og stuðla að
auknu jafnrétti. Helga
Björg segir væntingar
sínar til starfsins fyrst og
fremst þær að stuðla að
aukinni þátttöku kvenna í
atvinnulífinu.
„Ég mun byrja á
tengslamyndun og að átta
mig á aðstæðum. Eitt af
fyrstu verkefnunum verð-
ur svo að vinna yfirgrips-
mikla úttekt á stöðu kvenna í
Norðausturkjördæmi. Þá mun
starfið fela í sér m.a. almenna ráð-
gjöf og námskeiðshald.“
Egilsstaðir
Helga Björg
Ragnarsdóttir
LANDIÐ
24 ÞRIÐJUDAGUR 5. NÓVEMBER 2002 MORGUNBLAÐIÐ
LÖGREGLAN í Borgarnesi
lét í gær urða fimm folalda-
skrokka, fimm lambaskrokka
og yfir 100 kindalappir af
heimaslátruðum skepnum.
Kjötið var í sendiferðabíl
sem var stöðvaður á Vest-
urlandsvegi á sunnudags-
kvöld. Bílstjórinn sagðist
vera á leið með kjötið á höf-
uðborgarsvæðið en lögreglan
í Borganesi hafði fengið
ábendingu um ferðir bílsins
frá starfsfélögum sínum á
Blönduósi.
Að sögn lögreglu er með
öllu óheimilt að flytja kjöt af
heimaslátruðum skepnum af
lögbýlum auk þess sem flutn-
ingarnir brutu í bága við lög
um varnir gegn dýrasjúkdóm-
um. Kjötinu var því eytt.
100 lappir
af heima-
slátruðu
Borgarnes
HINN 24. október hófst árleg
fjögurra kvölda fyrirlestraröð
í Húsinu á Eyrarbakka.
Fyrsti fyrirlesari var Árni
Daníel Júlíusson sagnfræð-
ingur og fjallaði hann um að-
dragandann að stofnun
Barnaskólans á Eyrarbakka
og Stokkseyri og fyrstu ár
starfseminnar.
Fimmtudaginn 31. október
fjölluðu tveir fyrrverandi
skólastjórar um breytingar í
skólastarfi á liðinni öld, eink-
um síðari hluta þeirrar aldar.
Næstkomandi fimmtudag, 7.
nóvember, mun Guðjón Frið-
riksson sagnfræðingur fjalla
um Jón Sigurðsson forseta og
viðhorf hans til skólamála.
Fyrir-
lestraröð
í Húsinu
Eyrarbakki
HAUSTÞING ungs fólks á Austur-
Héraði var nýlega haldið undir yf-
irskriftinni „Lífið er eins og kon-
fektkassi – eða félagsaðstaða ungs
fólks á aldrinum 16–25 ára á Hér-
aði. Hvar viljum við vera og hvað
viljum við gera?“ Er þar vísað til
þess að í lífsins konfektkassa
bragðist molarnir misjafnlega vel
og þó vel sé meint að rétta ungu
fólki ákveðna mola, henti þeir því
ef til vill ekki og það vilji heldur fá
að velja sjálft.
Þingið sátu rúmlega 60 manns á
ýmsum aldri, en auk unga fólksins
og annarra áhugasamra, komu til
skrafs og ráðagerða bæjarfulltrúar
og embættismenn á Austur-Héraði.
Sérstakir gestir þingsins voru Ásta
Möller þingmaður, en hún er for-
maður starfshóps mennta-
málaráðuneytis um félags- og tóm-
stundastarf ungs fólks og Jón
Gunnar Bernburg, starfsmaður
hópsins.
Molarnir í lífsins
konfektkassa bragð-
ast misjafnlega
Egilsstaðir
Morgunblaðið/Steinunn Ásmundsdóttir
Haustþing ungs fólks á Austur-Héraði hvatti bæjarstjórnina til dáða.
Eiríkur B. Björgvinsson bæj-
arstjóri setti þingið og kvað hann
það einstakt framtak í málefnum
ungs fólks á Íslandi. Hann sagði
stefnu sveitarfélagsins í málefnum
ungs fólks ljósa; stefnt væri að
virku og fjölbreyttu starfi og þátt-
töku þess innan sveitarfélagsins á
vettvangi skólastarfs, menningar,
íþrótta- og atvinnustarfsemi. Mark-
miðið væri að Austur-Hérað væri
áhugaverður staður fyrir ungt fólk
í starfi og leik og unglingar ættu að
eiga þátt í ákvörðunum er lytu að
sameiginlegum málefnum þeirra.
Eiríkur sagði fyrrgreindum
starfshópi menntamálaráðuneyt-
isins ætlað að vinna vandaðar til-
lögur að fjölmörgum þáttum er
rennt geta styrkari stoðum undir
félags- og tómstundamál ungs fólks
í dag. Ungt fólk hafi bein áhrif á
það samfélag sem það býr við.
Þá fluttu ávörp m.a. framhalds-
skólanemar á Austur-Héraði og Fá-
skrúðsfirði og forstöðumaður
Gamla Apóteksins á Ísafirði, en sá
síðastnefndi bauð fulltrúum á
þinginu að koma og kanna ísfirska
félagsaðstöðu.
Sigríður Eir Zophoníasardóttir
benti í ávarpi sínu á að á Austur-
Héraði ríktu þær sérstöku að-
stæður að yfir vetrarmánuðina
safnaðist þorri ungs fólks á Austur-
landi í einn stað. Fólk á aldurs-
bilinu sextán til tuttugu og fimm
ára yrði á þessum tíu mánuðum
mjög stór hluti samfélagsins. Þann-
ig sköpuðust kjöraðstæður til að
nýta krafta unga fólksins og láta
það hafa bein áhrif á samfélagið
sem það byggi í.
Í hópastarfi voru dregnar saman
tillögur að úrbótum. Þær eru nokk-
urs konar samþykktir þingsins og
fara fyrir fund fræðslu- og menn-
ingarráðs Austur-Héraðs og þaðan
til afgreiðslu í bæjarstjórn í lok
nóvembermánaðar. Það sem allra
mest brann á þingheimi var skort-
ur á fjölnota húsnæði fyrir ung-
menni á svæðinu. Félagslífið væri í
raun gott, en alltaf vantaði hentugt
húsnæði, einhvern miðpunkt til að
vinna út frá. Fjölmörg önnur atriði
voru nefnd til sögunnar, en í flest-
um þeirra stóð húsnæðisskortur
mönnum fyrir þrifum.
Þinginu lauk með pallborðs-
umræðum, þar sem fulltrúar unga
fólksins og sveitarstjórnar Austur-
Héraðs sátu fyrir svörum.
Tillögur haustþings ungs fólks á Austur-
Héraði fara til afgreiðslu í bæjarstjórn
ÞEGAR Anton Gunnarsson frá
Deildarfelli fór að svipast um eftir
kindum inni í Sauðafelli, sem er
inn af Vopnafirði, fann hann tvö
Morgunblaðið/Jón Sigurðarson
lömb sem tófa hafði leikið grátt.
Annað lambið hafði tófan drepið
en hitt var alblóðugt og illa til
reika.
Hann fann svo fjórar kindur til
viðbótar sem tófan hafði drepið
síðustu daga. Í svokallaðri Egils-
staðaafrétt fann hann 10 kindur á
lífi og fóru fjórir menn á tveim
vélsleðum og sóttu þær og komu
með þær að bænum Háteigi í
Vopnafirði.
Dýrbítur við Sauðafell
Vopnafjörður
EKKI urðu teljandi meiðsl á
fólki í hörðum árekstri á gatna-
mótum Fagradalsbrautar og
Kaupvangs á Egilsstöðum á
sunnudagskvöld.
Að sögn lögreglunnar á Eg-
ilsstöðum skullu þar saman
jeppi og fólksbíll og valt jepp-
inn við áreksturinn. Báðir bíl-
arnir skemmdust mikið og varð
að draga þá af vettvangi með
kranabíl.
Jeppi valt
í hörðum
árekstri
Egilsstaðir