Morgunblaðið - 08.03.2003, Qupperneq 2

FRÉTTIR
2 LAUGARDAGUR 8. MARS 2003 MORGUNBLAÐIÐ
ÍRAKAR FÁI LOKAFREST
BRETAR og Bandaríkjamenn
lögðu til í öryggisráði Sameinuðu
þjóðanna í gær, að Íraksstjórn verði
gefinn frestur til 17. marz til að hlíta
til fulls afvopnunarskilyrðum álykt-
ana SÞ eða vera að öðrum kosti
þvinguð til þess með hervaldi.
Frakkar hótuðu að beita neit-
unarvaldi gegn tillögunni.
Verðhrun á svínakjöti
Verð á svínakjöti til bænda hefur
lækkað hratt síðustu daga. Norð-
lenska ákvað í gær að lækka verð til
bænda í 120 krónur kílóið. Verðið
var 150 kr. en fyrir rúmri viku
greiddi Norðlenska 170 kr. fyrir
kílóið. Sláturfélag Suðurlands ákvað
í gær að lækka verð hjá sér úr 160
kr. í 140 kr. Forsvarsmenn fyr-
irtækjanna segja ástæðuna mikið
framboð á svínakjöti.
Færeyska kerfið fyrirmynd
Landsþing Frjálslynda flokksins
mun um helgina ræða nýjar tillögur í
sjávarútvegsmálum sem fela í sér að
veiðiflotanum verði skipt í fjóra
meginflokka. Með þeim er lagt til að
tekið verði upp kerfi fiskveiða sem
hefur, að sögn Sverris Hermanns-
sonar, fráfarandi formanns flokks-
ins, sannað sig með afbrigðum vel í
Færeyjum. Sverrir gerði grein fyrir
þessum tillögum í setningarræðu
sinni á Hótel Sögu í gær.
Segja af sér úr stjórn Baugs
Tveir stjórnarmenn í Baugi, Guð-
finna S. Bjarnadóttir og Þorgeir
Baldursson, sögðu sig úr stjórn fyr-
irtækisins í gær, Fram kemur í yf-
irlýsingu að þau segja sig úr stjórn-
inni vegna alvarlegs trúnaðarbrests,
sem tengist því að fundargerðir fyr-
irtækisins bárust Fréttablaðinu.
Fundur í viðbragðshópi
Vinnuhópur um viðbragðsáætlun í
Hvalfjarðargöngunum, sem hefur
verið starfandi um skeið, hefur verið
kallaður saman til fundar á Akranesi
nk. þriðjudag vegna óhappsins er
varð í göngunum í fyrrakvöld er
sprenging varð í vél flutningabíls og
mikill reykur myndaðist. Engan
sakaði en mikill viðbúnaður var af
hálfu lögreglu og slökkviliðs.
L a u g a r d a g u r
8.
m a r s ˜ 2 0 0 3
Yf ir l i t
Í dag
Sigmund 8 Minningar 40/46
Viðskipti 13/14 Hestar 48
Erlent 18/21 Kirkjustarf 52/53
Höfuðborgin 22 Úr Vesturheimi 32
Akureyri 23 Staksteinar 58
Suðurnes 24 Myndasögur 56
Árborg 26 Bréf 56/57
Landið 25 Dagbók 58/59
Listir 34/35 Leikhús 64
Neytendur 29 Fólk 63/69
Heilsa 28 Bíó 66/69
Forystugrein 36 Ljósvakamiðlar 70
Viðhorf 40 Veður 71
* * *
Vinsælir eyrna-
dropar uppseldir
EYRNADROPARNIR HTP sem
helst eru notaðir við bólgum og
sýkingum í ytra eyra eru uppseldir
hjá heildsala. Birgðir kláruðust ný-
lega hjá PharmaNor, sem er um-
boðsaðili fyrir Pfizer, sem flytur
dropana inn. Erna Sigmundsdóttir,
sölu- og markaðsstjóri Pfizer,
sagði lyfin ekki væntanleg aftur
fyrr en í fyrsta lagi eftir viku.
„Það komu upp einhver fram-
leiðsluvandamál úti þannig að við
getum ekki útvegað þetta eins og
er. Ef minnsti grunur leikur á um
að eitthvað sé að þá er öll fram-
leiðsla stöðvuð. Það er bara örygg-
isatriði,“ sagði Erna. Hún sagði
jafnframt að HTP væri ódýrt lyf
sem seldist í miklu magni.
Valdís Beck, lyfjafræðingur hjá
Lyfju, sagði að þar væru eyrna-
droparnir uppseldir en reynt væri
að finna farsæla lausn fyrir við-
skiptavini. „Þetta hefur ekki verið
vandamál hingað til enda var þetta
bara að klárast í fyrradag,“ sagði
Valdís. Hún sagði lyfjafræðinga
Lyfju leysa málin þannig að hringt
væri í lækni og hann beðinn um að
breyta lyfseðli í svipað lyf.
„Þetta er það lyf sem háls-, nef-
og eyrnalæknar nota mikið við
mörgum sjúkdómum,“ sagði Hann-
es Pedersen, yfirlæknir háls-, nef-
og eyrnadeildar. Hann sagði lyfið
helst notað við sýkingum og bólg-
um í ytra eyra, sem er eyrnablaðk-
an, eyrnasnepillinn og hlustin inn
að hljóðhimnu.
Hann sagði lyfið tvíþætt, bæði
stera- og sýklalyf. „Lyfið er mikið
notað eftir eyrnaaðgerðir og
gjarnan þegar tekur að leka úr
rörum í eyrum barna. Þetta er
sannarlega gott lyf sem þarf að
vera til,“ sagði Hannes.
TREG þorskveiði hefur verið aust-
ur af Krýsuvík þar sem Jónas Guð-
mundsson SH, 28 tonna netabátur,
hefur verið að veiðum að und-
anförnu. Dagsaflinn hefur verið um
2,5 tonn, en Jónas Árnason skip-
stjóri býst við að veiðin fari að
glæðast þegar loðnan gengur yfir.
Þrír eru í áhöfn bátsins og einn
þeirra, Sigurður Ármannsson há-
seti, sést hér í stefni bátsins á leið
inn til Grindavíkur með svera land-
taugina, einbeittur á svip við vinnu
sína.
Morgunblaðið/RAX
Treg þorskveiði
við Krýsuvík
Á BÚNAÐARÞINGI var samþykkt
ályktun þar sem því er harðlega
mótmælt að fjármálaráðherra fyrir
hönd ríkisstjórnarinnar hafi áfrýjað
úrskurði óbyggðanefndar í Árnes-
sýslu til dómstóla. Fáist ekki við-
unandi niðurstaða fyrir íslenskum
dómstólum verði farið með málið
fyrir Mannréttindadómstólinn í
Strassburg.
Ekki verði annað séð en stefnt sé
að stórfellri eignaupptöku á landi
sem er í einkaeign. Þá er þess kraf-
ist að við ákvörðun þjóðlendumarka
verði tekið fullt tillit til þinglýsts
eignarréttar og að allar þinglýs-
ingar á vegum fjármálaráðherra,
sem fara í bága við eldri þinglýs-
ingar, verði þegar í stað dregnar til
baka. Þá er farið fram á að
óbyggðanefnd leggi fram á árinu
2003 áætlun um hvaða landsvæði
hún hyggst taka til úrskurðar og í
hvaða röð.
Tómas Sæmundsson sagði á Bún-
aðarþingi að aldrei hafi verið ætlast
til þess með lögunum, í greinargerð
segi að taka skuli fyrir almenning
og afrétt en hvergi sé minnst á að
fara inn á land lögbýla og þinglýst-
ar eignir.
Tómas sagðist því fagna því að
bent væri sérstaklega á Mannrétt-
indadómstólinn; það hefði komið
rækilega fram af hálfu lögfræðings
á nýlegum fundi hvernig hefði farið
í sambærilegum málum bæði í
Grikklandi og á Spáni. Gríska ríkið
hafi t.d. gert kröfur í eignir klaustr-
anna þar. Þar hafi ekki verið til
eldri skrifaðar heimildir en 100 ára
gamlar og gríska ríkið hafi m.a. af
þeim sökum unnið málið á heima-
velli. „En það tapaði því algerlega
fyrir Mannréttindadómstólnum og
svipað var með spænska málið.“
Tómas sagðist ekki skilja að þeir
flokkar, sem mynda ríkisstjórn, hafi
ekki áttað sig á alvöru málsins. „Ég
held að þetta mál eigi eftir að verða
þeim erfitt í þeirri kosningabaráttu
sem framundan er.“
Bændur álykta um þjóðlendumál í Árnessýslu á búnaðarþingi
Hyggjast leita til Mann-
réttindadómstólsins
Verðskilti við
bensínstöðvar
SAMKVÆMT nýjum reglum Sam-
keppnisstofnunar, sem taka gildi 1.
apríl nk., skulu olíufélögin merkja
með skýrum hætti verð á eldsneyt-
islítranum við bensíndælur. Kristín
Færseth, deildarstjóri hjá Sam-
keppnisstofnun, segir að viðskipta-
vinum eigi að vera ljóst áður en þeir
byrji að dæla eldsneyti hvert lítra-
verðið sé. Það sé í höndum fyrirtækj-
anna sjálfra að útfæra framkvæmd-
ina en mögulegt sé að setja
verðmerkingar á dælurnar sjálfar
eða þar til gerða standa við hliðina.
Eins og málum er háttað í dag sést
ekki verð á eldsneytislítranum fyrr
en byrjað er að dæla. Víða er hægt
að velja um nokkrar tegundir elds-
neytis í einni og sömu dælunni en
einungis sést lítraverðið á þeirri teg-
und sem síðast var dælt.
Samhliða þessu verður olíufélög-
unum gert að reisa stór vegaskilti
sem sýni verð á eldsneyti.
Þetta verður tekið upp í áföngum
til 1. janúar 2005.
Kristín segir að á þessum verð-
skiltum verði einnig heimilt að aug-
lýsa lægsta verð til viðskiptavina en í
dag auglýsa stöðvarnar fullt verð og
tilgreina svo afslátt ef fólk dælir
sjálft. Hún segir að þessar reglur
hafi verið unnar í samstarfi við
starfsfólk olíufélaganna.
RÍKISSTJÓRNIN samþykkti í gær
tillögu forsætisráðherra um að leggja
til við Alþingi að veita fjórum millj-
ónum til viðbótar í túlkaþjónustu fyrir
heyrnarskerta.
Samskiptamiðstöð heyrnarlausra
og heyrnarskertra hafði 47 milljónir
til ráðstöfunar á síðasta ári, en þar af
fóru 22 milljónir í túlkunarþjónustu.
12 milljónir fóru í námskeiðahald, 5
milljónir í gerð námsefnis og 2,5 millj-
ónir fóru í að greiða fyrir ráðgjöf til
foreldra.
Á fjárlögum síðasta árs fóru 23
milljónir til Samskiptamiðstöðvarinn-
ar, en til viðbótar fékk stofnunin
tekjur frá ráðuneytum og ýmsum
stofnunum ríkisins sem greiða fyrir
túlkaþjónustu. Þá fékk stofnunin 3
milljónir af sérstökum lið sem ríkis-
stjórnin hefur til ráðstöfunar og hefur
verið ákveðið að hækka þá fjárveit-
ingu um eina milljón.
Heyrnarlausir og aðstandendur
þeirra hafa síðustu daga minnt stjórn-
völd á að fjármagn skorti til þessarar
þjónustu. Þörf mun hins vegar einnig
vera fyrir fleiri túlka til að sinna tákn-
málstúlkun, en allmargir eru nú að
mennta sig til að geta sinnt henni.
4 milljónir til
túlkaþjónustu