Morgunblaðið - 12.04.2003, Side 8

FRÉTTIR
8 LAUGARDAGUR 12. APRÍL 2003 MORGUNBLAÐIÐ
Ástæðulaust að puðra miklu í auglýsingar, flokkarnir gætu þess vegna farið allir í sömu
rútunni í þessa skattalækkunarferð.
Ætla að stofna Stangaveiðifélag Akureyrar
Nú reynir á
áhuga manna
STANGAVEIÐI ergríðarlega vinsælttómstundagaman
meðal landsmanna.
Stangaveiðifélög eru skjól
og hagsmunaverðir
margra, en þannig vill til
að í höfuðstað Norður-
lands, Akureyri, eru að-
eins starfandi litlir veiði-
klúbbar. Þar er ekkert
stangaveiðifélag eins og í
flestum af stærri bæjum
landsins. Ragnar Hólm
Ragnarsson ætlar nú að
bæta úr því.
– Þú ætlar að stofna
Stangaveiðifélag Akureyr-
ar, hvernig vaknaði sú
hugmynd?
„Það sem ég ætla að
gera er að láta reyna á
áhuga Akureyringa fyrir
því að hafa hér stórt og öflugt
stangaveiðifélag. Ég er Akureyr-
ingur, en hef starfað um árabil
fyrir sunnan. Í byrjun síðasta árs
kom ég síðan heim og af því að ég
er þessi félagsmálatýpa sem vill
vera að skipta sér af öllu og hafði
verið á kafi í stangaveiðifélaga-
málum í Reykjavík, fór ég að
kanna hvernig þessum málum var
háttað á Akureyri. Í ljós kom að
hér eru aðeins lítil og jafnvel lok-
uð félög sem hafa skapast um ein-
hver afmörkuð sérstök veiðisvæði.
Það eru stór og öflug stangaveiði-
félög í Reykjavík, Hafnarfirði, á
Selfossi, í Keflavík og Borgarnesi
svo eitthvað sé nefnt, en í þessum
stóra bæ, Akureyri, ekki neitt.
Þegar ég kom til Akureyrar
kynntist ég fljótt hópi veiðimanna
sem hittist reglulega yfir flugu-
hnýtingum í Listagilinu og þar
fannst mér ég heyra á mönnum að
áhugi væri fyrir slíku félagi. Það
hefur því orðið úr að láta á málið
reyna.“
– Hvar verður fundurinn?
„Hann verður á Hótel KEA í
dag klukkan 15. Þetta er undir-
búningsfundur, ekki stofnfundur.
Það á að koma í ljós hvort grund-
völlur er fyrir stofnun Stanga-
veiðifélags Akureyrar og ef svo
reynist verður skipuð undirbún-
ingsnefnd.“
– Hvaða væntingar gerir þú
þér?
„Ég renni algerlega blint í sjó-
inn, en mér hefur skilist á mönn-
um að áhugi sé mikill fyrir þessu
og margir hafa hvatt mig til þessa
fundar. Nú reynir því á hver sá
áhugi er í raun og veru. Það er al-
veg ljóst að ef það mæta um eða
innan við fimmtíu manns þá kem
ég ekki nálægt þessu meir því þá
er ljóst að hinn meinti áhugi er
ekki fyrir hendi og ég ætla ekki
draga vagninn einn fyrir lítinn
hóp manna. Komi milli 50 og 100
manns, hvað þá fleiri, þá horfir
málið hins vegar allt öðru vísi við.
Þá reynum við að koma þessu
dæmi á koppinn. En menn verða
að sýna áhuga sinn í verki. Ef það
er t.d. ekki hægt að sleppa einum
leik í enska boltanum, þá hafa
menn bara ekki þann áhuga sem
þarf.“
– Nú hafa sumir sagt
að tími stangaveiði-
félaga sé á enda runn-
inn, markaðsöflin hafi
náð slíku tröllataki á
greininni.
„Það er alveg rétt að stanga-
veiðiumhverfið er orðið afskap-
lega markaðsvætt þar sem 3–4
mjög stórir aðilar ráða verðlagn-
ingu og bæta stöðugt við sig
vatnasvæðum. Ég tel að við þessu
sé ekkert að gera, þetta er þróun
sem hefur orðið og er staðreynd.
Hlutverk stangaveiðifélaga er þó
meira en það eitt að útvega vatna-
svæði fyrir félaga sína þótt það
skipti auðvitað miklu máli. Eitt
meginatriðið hvað okkur Akur-
eyringa varðar er, að við höfum
verið sundraðir og sem slíkir haft
lítið bolmagn til að svara tilboðum
í veiðisvæði. Það er mikilvægt að
menn þjappi sér saman, bæði til
að standa sterkir út á við, t.d.
gagnvart umræddum markaðsöfl-
um og einnig á félagslegum for-
sendum. Sterkt stangaveiðifélag á
Akureyri myndi standa fyrir öfl-
ugu félagslífi og fræðslu og von-
andi barna- og unglingastarfi.“
– En þið mynduð leita eftir því
að taka vatnasvæði á leigu eða
hvað?
„Öll stangaveiðifélg hafa augun
opin fyrir slíku og við yrðum engin
undantekning. Ef við værum með
stórt og kröftugt félag yrðum við
að bjóða félögum upp á góða val-
kosti. Ég get hins vegar ekkert
sagt um áherslur í þeim efnum,
það verður að koma í ljós hvernig
þessi félagsstofnun fer af stað.
Hins vegar er ekkert launungar-
mál að hér í nágrenninu og nær-
sveitum eru margir álitlegir kostir
fyrir öflugt stangaveiðifélag.“
– Nú eru nokkur lítil félög á Ak-
ureyri, er það meiningin að gleypa
þau?
„Nei, alls ekki. Öflugt stanga-
veiðifélag á staðnum gæti komið
þessum félögum til góða á ýmsa
vegu og þessi félög eiga öll að geta
unað hag sínum vel í jafnstórum
bæ og Akureyri er. Alls konar
samstarf er inni í myndinni ef
menn kæra sig um.“
– Hefurðu einhverja
fyrirmynd, t.d. Stanga-
veiðifélag Reykjavík-
ur?
„Ég sé ekki að
Stangaveiðifélag Akur-
eyrar verði rekið eins og SVFR,
þar eru t.d. 2–3 starfsmenn á laun-
um. Hins vegar er margt annað
svipað hjá öllum þessum stærri
stangaveiðifélögum landsins, t.d.
úthlutunarreglur, siðareglur
o.m.fl. Við munum fara yfir þetta
allt saman og nota það sem best er
og reyna jafnframt að bæta ein-
hverju við.“
Ragnar Hólm Ragnarsson
 Ragnar Hólm Ragnarsson er
fæddur á Akureyri 19. nóvember
1962. Hann er með BA-próf í fé-
lagsfræði og heimspeki frá Há-
skóla Íslands 1987. Hóf störf á
Stöð 2 1987, fyrst sem þýðandi,
og endaði sem kynningarstjóri
fyrirtækisins, en hann hætti
störfum þar 2001. Vann síðan
ýmis útgáfustörf þar til í janúar
2002 að hann var ráðinn upplýs-
inga- og kynningarstjóri Ak-
ureyrarbæjar. Ragnar hefur
m.a. verið formaður Stangaveiði-
félagsins Ármanna og Lands-
sambands stangaveiðifélaga.
…þá reynum
við að koma
þessu á
koppinn
SLÁTURFÉLAG Austurlands hef-
ur undanfarið kannað kosti þess að
reisa nýtt sláturhús á Austurlandi,
annaðhvort nálægt Egilsstöðum eða
í Reyðarfirði.
Framkvæmdastjóri og ritari fé-
lagsins fóru í kynnisferð til Lundúna
nýverið og hittu þar m.a. Ray Pratt
hjá fyrirtækinu RSP, sem byggir og
þjónustar sláturhús. Pratt er vel
kunnugur íslenskum sláturhúsum og
kjötútflutningsmarkaði og hefur á
síðustu tíu árum starfað fyrir velflest
sláturhús á Íslandi, a.m.k. þau sem
hafa útflutningsleyfi á ESB.
Í skýrslu um ferðina, sem kynnt
var á aðalfundi Sláturfélags Austur-
lands fyrir skemmstu, kemur m.a.
fram að Pratt gefur íslenskum slát-
urhúsum ekki háa einkunn. Hann
segir afkastagetu þeirra ekki nýtta
til fulls vegna illa þjálfaðs starfsfólks
og slakrar starfsmannastjórnunar.
Þá sagði hann vinnslulínurnar, frá
rotara að kjötmatsvigt, oft ofmann-
aðar af sömu ástæðu. Mannlegi þátt-
urinn sé langsamlega stærsta brota-
lömin í slátrun á Íslandi og
sinnuleysi um þjálfun starfsfólks eigi
þar stærstan þátt.
Pratt segir nauðsynlegt að fá fólk
til starfa þremur vikum áður en
byrjað er að slátra á fullum afköst-
um. Fyrstu tvo til þrjá dagana eigi
eingöngu að fara yfir verkin með til-
sögn, en síðan að byrja slátrun með
litlum afköstum. Þetta þurfi að gera
fyrir hverja sláturtíð, jafnvel þó að
litlar breytingar séu á mannahaldi á
milli ára.
Pratt telur, skv. skýrslunni, flest
útflutningssláturhús landsins í
hættu með að missa leyfi sín vegna
slaks viðhalds. Hann tiltekur hrörn-
un húsanna og slakt viðhald, fremur
en vaxandi kröfur erlendra eftirlits-
aðila.
Íslendingar að glata verð-
mætum sem felast í innmat
Þá segir Pratt að Íslendingar séu í
stórum stíl að glata verðmætum með
því að urða innmat. Markaður sé fyr-
ir hendi fyrir nær allar tegundir inn-
matar á Bretlandseyjum og afgang-
urinn fari í kjötmjöl. Raunar þurfi
stundum að hafa fyrir því að finna
markað fyrir sumt af innmatnum og
þar með séu Íslendingar úr leik, því
áhugaleysi þeirra og vangeta í mark-
aðsmálum sé með ólíkindum.
Gefur íslenskum slát-
urhúsum falleinkunn
Egilsstöðum. Morgunblaðið.
Sláturfélag Austurlands heimsótti RSP í London