Morgunblaðið - 12.04.2003, Side 31

SUÐURNES
MORGUNBLAÐIÐ LAUGARDAGUR 12. APRÍL 2003 31
3ja og 4ra herb. íbúðir
við Hamravík til sölu
Vel skipulagðar íbúðir
Fallegt útsýni
100-130 fm
Vönduð og vel skipulögð 190 fm raðhús á einni hæð í
Víkurhverfi, Grafarvogi. 4 svefnherb.
24 fm bílskúr. Eitt húsið er svo til fullbúið.
Byggingaraðili: Örn Isebarn
Upplýsingar í símum 896 1606 og 557 7060
HITAVEITA Suðurnesja greiðir
Landsvirkjun 260 milljónir vegna
flutnings raforku þótt fyrirtækið eigi
sjálft og reki eigið flutnings- og
dreifikerfi. Verði að veruleika hug-
myndir stjórnvalda um frekari gjald-
töku fyrir flutning og verðjöfnun
næmu greiðslur fyrirtækisins um
700 milljónum á ári sem stæði undir
fjárfestingum að fjárhæð allt að 9,5
milljörðum króna.
Þessar upplýsingar komu fram í
skýrslu sem Júlíus Jónsson, forstjóri
Hitaveitu Suðurnesja hf., flutti á að-
alfundi HS í Eldborg í Svartsengi í
gær. Hann fjallaði mikið um skipu-
lag virkjunar- og orkumála, sérstak-
lega um áform um gjaldtöku fyrir
flutning og verðjöfnun.
Eiga og reka flutningskerfið
á Suðurnesjum
Fram kom að Hitaveita Suður-
nesja á og rekur allt flutningskerfið
á Suðurnesjum, allt að Hamranesi
við Hafnarfjörð, og einnig frá
Hamranesi að Hafnarfirði. Öll raf-
orka sem nýtt er á Suðurnesjum er
flutt um eigið kerfi fyrirtækisins og
alfarið á þess kostnað og taldi Júlíus
að í meginatriðum mætti segja það
sama um raforkusölu fyrirtækisins í
Hafnarfirði sem fer í gegnum að-
veitustöð Landsvirkjunar í Hamra-
nesi án spennubreytingar eða ann-
ars kostnaðar.
Júlíus fór yfir þær greiðslur sem
HS innir af hendi til Landsvirkjunar
vegna flutnings. Nema þær um 260
milljónum kr. á ári og geta því staðið
undir fjárfestingum að fjárhæð 3,5
milljarðar kr. samkvæmt hans út-
reikningum. Verði orðið við kröfum
Landsvirkjunar um flutningsgjöld
vegna stækkunar Norðuráls hækka
þessar greiðslur í um 400 milljónir
kr. og stæðu undir 5,5 milljarða
króna fjárfestingu.
Nærri þriðjungur af flutnings-
kerfi Landsvirkjunar
„Þegar þess er svo gætt að þessar
greiðslur eru fyrir flutning sem nán-
ast aldrei á sér stað og er í raun ein-
göngu öryggisatriði, þá er ljóst að
um dágóða búbót er að ræða fyrir
viðtakanda greiðslnanna,“ sagði Júl-
íus. Þá gat hann þess að til viðbótar
greiddi fyrirtækið Rarik 110 millj-
ónir á ári og gæti sú fjárhæð staðið
undir 1,5 milljarða króna fjárfest-
ingu.
Sagði Júlíus að kröfur væru uppi
um að bæta við þessar greiðslur 300
milljónum kr. árlega og ef verðjöfn-
unarfrumvarp síðasta þings yrði
endurvakið myndu bætast 60–70
milljónir á viðskiptavini fyrirtækis-
ins. Næði allt þetta fram að ganga
yrðu árlegar greiðslur Hitaveitu
Suðurnesja hf. um 700 milljónir kr.
sem stæðu undir allt að 9,5 milljarða
króna fjárfestingum. Júlíus gat þess
til samanburðar að flutningskerfi
Landsvirkjunar væri metið á um 30
milljarða króna.
Forstjóri Hitaveitu Suðurnesja gagnrýnir kröfur um gjald fyrir raforkuflutning
Greiða 700 milljónir fyrir
flutning sem ekki fer fram
Ljósmynd/Jóhannes Kr. Kristjánsson
Nokkrir fulltrúar á aðalfundi Hitaveitu Suðurnesja sem fram fór í Eldborg.
Stendur undir 9,5 milljarða króna
fjárfestingu í flutningsmannvirkjum
Reykjanes
BJÖRN Herbert Guðbjörnsson
framkvæmdastjóri var óvænt kosinn
formaður stjórnar Hitaveitu Suður-
nesja hf. í stað Ellerts Eiríkssonar
fyrrverandi bæjarstjóra, á fyrsta
fundi nýkjörinnar stjórnar.
Á fundinum var samþykkt tillaga
fráfarandi stjórnar um fækkun
stjórnarmanna úr tólf í sjö.
Á fundinum var kynnt samkomu-
lag fulltrúa eigenda um skipan nýrr-
ar stjórnar. Samkvæmt heimildum
Morgunblaðsins byggðist það meðal
annars á því að sjálfstæðismenn í
Reykjanesbæ gáfu eftir varamann
til þess að öll sveitarfélögin fengju
mann í stjórn eða varastjórn. Jafn-
framt var kveðið á um verkaskipt-
ingu stjórnar.
Fulltrúar Reykjanesbæjar, sem
er langstærsti hluthafinn, eru Ellert
Eiríksson, Árni Sigfússon og Björn
Herbert Guðbjörnsson. Gunnar
Svavarsson er fulltrúi Hafnarfjarð-
arbæjar, Óskar Þórmundsson fyrir
iðnaðarráðherra, Ómar Jónsson frá
Grindavíkurbæ og Lúðvík Bergvins-
son frá Vestmannaeyjabæ.
Á stjórnarfundi sem haldinn var
síðdegis í gær lagði Ellert Eiríksson
fráfarandi formaður fram tillögu um
verkaskiptingu stjórnar sem hann
sagði að væri í samræmi við umrætt
samkomulag eigenda. Þar var gert
m.a. ráð fyrir að Ellert yrði áfram
formaður. Lúðvík Bergvinsson lagði
þá til að Björn Herbert, sem Sam-
fylkingin í Reykjanesbæ tilnefndi í
stjórn, yrði formaður og var hann
kosinn með fjórum atkvæðum en
Ellert fékk þrjú atkvæði. Gunnar
var síðan kosinn varaformaður og
Lúðvík ritari.
Óvænt
skipti á
formanni
stjórnar HS
LJÓST er að tjón á húsi Valbjarnar
hf. í Sandgerði sem brann í fyrrinótt
nemur á annað hundrað milljóna kr.,
að minnsta kosti. Unnið var að rann-
sókn eldsupptaka í gær en grunur
beindist að rafmagni.
Slökkviliðið í Sandgerði fékk til-
kynningu klukkan 1.40 í fyrrinótt um
að kviknað væri í fiskverkunarhús-
um við Strandgötu 14 til 16. Húsin
eru kennd við Jón Erlingsson sem
þar rak frystihús en þau hafa lítið
verið notuð að undanförnu.
Að sögn Reynis Sveinssonar
slökkviliðsstjóra fóru þeir slökkvi-
liðsmenn sem fyrstir komu á staðinn
inn í sund á milli húsanna. Þá rauk
mikið upp úr húsinu og eldur bloss-
aði upp úr þaki hússins skömmu síð-
ar. Óskaði slökkviliðið eftir aðstoð
frá slökkviliði Brunavarna Suður-
nesja og síðar frá Slökkviliði Kefla-
víkurflugvallar.
Erfitt að athafna sig
Reynir Sveinsson segir að erfitt
hafi verið að komast að eldinum.
Ekki hafi verið auðvelt að átta sig
nákvæmlega á því hvar hann væri
mestur. Slökkviliðsmenn hafi orðið
að fara um dyr á norðurenda hússins
en þau húsakynni hafi verið full af
reyk og erfitt að athafna sig þar. Þá
var talið hættulegt að vera inni í hús-
inu þar sem strengjasteypubitar
gátu gefið sig. Því hafi slökkviliðs-
menn orðið að beina slöngum sínum
mest að þaki hússins og reyna að
kæfa eldinn þaðan. Á meðan á
slökkvistarfi stóð urðu sprengingar
inni í húsinu, einhverjir kútar virtust
springa, og síðan fór þakið að hrynja.
Eftir það gekk betur að koma vatn-
inu á eldinn. Það var þó ekki fyr en
undir morgun þegar fenginn var
vörubíll með stórum krana til að rífa
þakið að það tókst að ná til síðustu
glæðanna í þaki hússins og ljúka
slökkvistarfi en það var um klukkan
hálf ellefu í gærmorgun.
Tvær verbúðir sem eru í nálægum
húsum voru rýmdar um nóttina
vegna þess að ammoníaksleki varð í
frystihúsinu og lagði yfir húsin. Tíu
menn voru fluttir í íþróttahúsið og
Fræðasetrið.
Sigurjón Jónsson, eigandi Val-
bjarnar hf., segir að hluti hússins
hafi verið leigður fyrir geymslur og
ýmiskonar starfsemi og frystiklefi
hafi verið fullur af afurðum, það er
að segja um 300 tonnum af frosnu
minkafóðri. Fiskurinn var fluttur til
geymslu í frystihúsi í Njarðvík.
Húsin eru hátt í 1.900 fermetrar
að stærð. Þau eru mikið skemmd.
Þakið er ónýtt að stórum hluta. Sig-
urjón sagðist í gær ekki geta gert sér
grein fyrir hvað tjónið væri mikið.
Fiskverkunarhús Jóns Erlingssonar brunnu í fyrrinótt
Tjón áætlað á annað
hundrað milljónir kr.
Morgunblaðið/Reynir Sveinsson
Hluti af þaki frystihússins við Strandgötu var rifinn með vörubílskrana í
gærmorgun til þess að hægt væri að slökkva í eldi sem var í þaki hússins.
Sandgerði
HAGNAÐUR Hitaveitu Suðurnesja
var tæplega 200 milljónum meiri í
fyrra en á árinu á undan. Ákveðið
hefur verið að greiða hluthöfum
samtals 270 milljónir í arð.
Hagnaður Hitaveitu Suðurnesja
var liðlega 807 milljónir á síðasta
ári á móti 613 á árinu 2001.
Tekjur ársins námu tæpum 3,5
milljörðum kr. sem er um 23%
hækkun frá fyrra ári. Arðsemi
eigin fjár var 8%, að því er fram
kemur í reikningum sem lagðir
voru fram á aðalfundi félagsins í
gær.
Samþykkt var á fundinum að
greiða 270 milljónir kr. í arð til
hluthafa. Þannig fær Reykjanes-
bær sem stærsti hluthafinn rúmar
109 milljónir, ríkissjóður og Hafn-
arfjarðarbær tæpar 42 milljónir
hvor hluthafi en aðrir minna.
Greiða hluthöfum 270 milljónir