Morgunblaðið - 13.04.2003, Blaðsíða 4

FRÉTTIR
4 SUNNUDAGUR 13. APRÍL 2003 MORGUNBLAÐIÐ
STARFSEMIN á nýjum Barnaspítala
Hringsins er komin á fullt. Starfsfólk,
börn og foreldrar þeirra hafa komið
sér vel fyrir á spítalanum sem hefur
það helst umfram þann gamla að vera
mun rúmbetri.
„Sú starfsemi sem er hér í öllu hús-
inu rúmaðist svo að segja á tveimur
deildum á gamla staðnum,“ segir
Gunnlaugur Sigfússon, sviðsstjóri
lækninga, sem var leiðsögumaður
blaðamanns um Barnaspítalann í vik-
unni. Þá leggur hann áherslu á að öll
aðstaða fyrir foreldra og sjúklingana
sjálfa, s.s. setustofur og leikherbergi,
séu mun þægilegri og stærri en á
gamla spítalanum.
„Foreldrar geta gist inni í her-
bergjum hjá börnum sínum og for-
eldrar barna á vökudeild geta gist í
sérstöku herbergi,“ segir Gunnlaugur.
Hann segir jákvæðni einkenna viðhorf
starfsfólks, sjúklinga og aðstandenda
þeirra til nýja sjúkrahússins.
Flutningurinn tók um tvær vikur en
nú má segja að starfsemin sé komin í
eðlilegt horf á nýjum og betri stað.
Starfsfólk sem Morgunblaðið ræddi við
var á einu máli um að aðstaðan á nýja
staðnum væri allt önnur og í sama
streng tóku foreldrar sem þekktu
vistina á báðum stöðum.
Ein af nýjungum í aðstöðu fyrir sjúk-
linga er unglingaherbergi þar sem er
að finna sjónvarp, hljómflutningstæki,
tölvu og aðstöðu til heimanáms. „Hér
geta unglingarnir verið og hlustað á
tónlist í botni án þess að nokkur skipti
sér af,“ segir Gunnlaugur. Og ungling-
arnir kunna vel að meta það.
Breyttar aðstæður á vökudeild er
meðal þeirra breytinga sem helstar
hafa orðið við vistaskiptin. Vítt er til
veggja og rúmin mun fleiri og setu-
stofa og hvíldaraðstaða fyrir foreldra
kemur í góðar þarfir.
Þegar blaðamaður skoðaði sjúkra-
húsið var verið að koma tveimur tölv-
um upp í grunnskólanum, en að auki
fékk sjúkrahúsið gefins fartölvu sem
ungir sjúklingar sem eru rúmfastir
geta notað sér til gagns og gamans.
Starfsemi nýja barnaspítalans komin í eðlilegt horf eftir flutninginn
Börn, foreldrar og starfs-
fólk fagna betri aðstöðu
Morgunblaðið/Jim Smart
Árni Þór Lárusson sagðist kunna ágætlega við sig á nýja barnaspítalanum og móðir hans, Guðlaug Ósk Þór-
isdóttir, sagði aðstöðu fyrir foreldra allt aðra en á gamla staðnum. Hér eru mæðginin ásamt Gunnlaugi Sig-
fússyni sviðsstjóra lækninga og Guðbjörgu Egilsdóttur hjúkrunarfræðingi.
Morgunblaðið/Jim Smart
Vökudeildin er björt og rúmgóð. Ísabel, sem var aðeins dagsgömul þegar myndin var tekin, var hin rólegasta
enda með mömmu, Ingibjörgu Ýr Jóhannsdóttur, og pabba, Hreiðari Þór Ørsted, sér við hlið.
DAVÍÐ Oddsson, formaður Sjálf-
stæðisflokksins, og Geir H.
Haarde, varaformaður flokksins,
hefja fundaferð um landið á morg-
un undir yfirskriftinni „Til fundar
við þig“. Fyrsti fundurinn verður
haldinn í Sjálfstæðishúsinu á Ak-
ureyri mánudagskvöldið 14. apríl
kl. 20. Síðan tekur við 21 fundur í
Norðausturkjördæmi, Norðvest-
urkjördæmi og Suðurkjördæmi
og lýkur förinni um landið 2. maí
með fundum á Hvolsvelli og í
Reykjanesbæ.
Löng hefð er fyrir
fundaferðum sem þessum
Í tilkynningu frá Sjálfstæðis-
flokknum segir að löng hefð sé
fyrir fundaferðum sem þessum en
með Davíð og Geir verða þing-
menn og frambjóðendur flokks-
ins. Jafnframt munu þeir heim-
sækja vinnustaði og stofnanir á
fundarstöðum og í nágrenni
þeirra. Stefna og framtíðarsýn
Sjálfstæðisflokksins verða kynnt
á fundunum og farið yfir „þann
góða árangur sem náðst hefur í
landsstjórninni á undanförnum
árum,“ eins og segir í fréttatil-
kynningu.
Fundir á Akureyri, Akranesi,
Egilsstöðum og Reykjanesbæ
verða sendir út í beinni útsend-
ingu á heimasíðu Sjálfstæðis-
flokksins en þar má nálgast allar
nánari upplýsingar um fundina;
m.a. stað og stund.
Fram að páskum verða fundnir
haldnir á Akureyri á mánudag,
sem fyrr segir, á Ólafsfirði, Siglu-
firði og Húsavík nk. þriðjudag og
á Dalvík á miðvikudag.
Davíð og Geir
í fundaferð
um landið
Geir H. HaardeDavíð Oddsson
TENGLAR
...........................................
www.xd.is
STEFÁN Jón Hafstein, formaður
menningarmálanefndar Reykjavíkur,
vísar á bug gagnrýni Hannesar Lár-
ussonar myndlistarmanns á samning
borgarinnar við Pétur Arason ehf. um
rekstur á alþjóðlegu samtímalista-
safni á Laugavegi 37, en safnið sam-
anstendur af listaverkaeign hjónanna
Péturs Arasonar og Rögnu Róberts-
dóttur. Hann segir alrangt hjá Hann-
esi þegar hann gagnrýni m.a. að engir
fagmenn í viðskiptum hafi verið kall-
aðir til og safnið ekki verið tekið út af
fræðimönnum. „Þetta var kannað í
bak og fyrir áður en samningurinn
var gerður en meðferð hans tók um
hálft ár. Við fengum m.a. meðmæli
frá prófessorum við Listaháskóla Ís-
lands og Eiríki Þorlákssyni, forstöðu-
manni listasafns Reykjavíkur, auk
þess sem við fengum mikinn stuðning
frá listamönnum þegar hugmyndin
var kynnt.“
Hann segir að sér hefði komið á
óvart hefði ákvörðunin ekki verið um-
deild og bætir við að þegar um menn-
ingarpólitískar ákvarðanir sé að ræða
megi alltaf deila um hvort peningarn-
ir séu settir í rétta hluti. „Þetta er
framlínulist sem á engan sinn líka hér
á landi í dag og ég tel þetta mikilvægt
innlegg í listheiminn. Hér er stór hóp-
ur lista- og fræðimanna sem telur
þetta jákvæða ákvörðun en auðvitað
er líka gott að fá gagnrýni og ég
þakka Hannesi hana.“ Hann bendir á
að með samningnum fái borgin að-
gang að safninu fyrir mun lægri upp-
hæð en ef hún hefði sjálf reynt að
koma upp slíku safni. „Í raun fáum við
þetta fyrir sömu upphæð og ef við
hefðum eingöngu leigt húsið,“ segir
Stefán.
Vísar gagn-
rýni á samn-
ing um lista-
safn á bug
SKEMMDARVARGAR brutu 81
rúðu í Síðuskóla á Akureyri aðfara-
nótt laugardags. Talið er að tjónið
nemi hátt í eina milljón króna, að
sögn lögreglu. Ekki er vitað hverjir
voru þar á ferð en lögreglan á Ak-
ureyri hvetur alla sem geta haft ein-
hverjar upplýsingar um hverjir voru
að verki til að hafa samband við sig.
Brutu 81 rúðu
UNGMENNIN þrjú sem slösuðust í
gassprengingunni í Garðabæ síðast-
liðið sunnudagskvöld, liggja enn á
Landspítalanum með brunasár á
höndum og í andliti. Tveir drengir og
ein stúlka brenndust og er stúlkan
sýnu verst leikin. Hún gekkst undir
aðgerðir í vikunni og liggur á barna-
deild spítalans. Líðan hennar er eftir
atvikum og er gert ráð fyrir að hún
eigi fyrir höndum nokkurra daga
legu að sögn læknis.
Við sprenginguna gripu ungmenn-
in um andlitið til að verja sig en við
það brunnu þau á handarbökum,
fingrum og í andliti. Aðrir staðir
sluppu þar sem klæðnaður þeirra
varði þau. Hlutu þau aðallega 2. stigs
bruna, þótt stúlkan kunni að hafa
hlotið 3. stigs bruna.
Enn á sjúkra-
húsi eftir gas-
sprengingu
♦ ♦ ♦
♦ ♦ ♦
♦ ♦ ♦
Teknir með
fíkniefni
á tónleikum
NOKKRIR voru handteknir með
fíkniefni í fórum sínum á tónleikum
sem haldnir voru í Laugardalshöll á
föstudagskvöld. Var um að ræða
nokkurt magn af e-pillum og amfeta-
míni, að sögn lögreglu. Þá fundust
200 kannabisplöntur við húsleit á
einum stað í borginni fyrr um kvöld-
ið. Þar fundust einnig 20 e-töflur og
20 grömm af amfetamíni.