Morgunblaðið - 13.04.2003, Blaðsíða 43

MINNINGAR
MORGUNBLAÐIÐ SUNNUDAGUR 13. APRÍL 2003 43
✝ Davíð BrynjólfurGuðnason fæddist
að Hlíð í Hruna-
mannahreppi hinn 14.
desember 1922. Hann
lést í Reykjavík hinn
30. mars síðastliðinn.
Foreldrar hans voru
Guðni Jónsson, f.
1895, d. 1982, og
Kristín Jónsdóttir, f.
1892, d. 1988. Davíð
var þriðji elsti af sjö
systkinum. Nöfn
þeirra eru: Sigurjón,
Jón, Bergur, Jóhanna,
Guðmundur og Guðrún.
Árið 1970 kvæntist Davíð eftir-
lifandi eiginkonu sinni Elsu Þor-
valdsdóttur, f. 27. október 1924.
Elsa átti tvö börn fyr-
ir, Þorvald og Þóru,
sem Davíð gekk í föð-
urstað.
Guðni og Kristín
fluttu að Jaðri í
Hrunamannahreppi
þegar Davíð var
tveggja ára.
Davíð bjó á Jaðri til
ársins 1964 en þá flutt-
ist hann til Reykjavík-
ur og hóf störf á
Vatnamælingum sem
þá heyrðu undir emb-
ætti Raforkumála-
stjóra. Hann lét af störfum hjá
Vatnamælingum Orkustofnunar
þegar hann varð sjötugur.
Útför Davíðs fór fram í kyrrþey.
„Sjáðu grasflötina þarna aust-
urfrá, þarna fæddist ég þarna stóð
bærinn,“ mælti Davíð og benti út
um bílgluggann. Við vorum á leið
niður brekku á móts við bæinn
Foss efst í Hrunamannahreppi. Ég
rýndi út á grasflötina, en sá engin
verksummerki um mannabústaði
þótt maðurinn við hliðina á mér
væri ekki svo ýkja gamall, rétt
rúmlega sextugur. Framundan
blöstu við tveir myndarlegir bæir,
Jaðar og Tungufell. Davíð bjó á sín-
um yngri árum ásamt foreldrum
sínum á Jaðri. Við mörk jarðarinn-
ar rennur Hvítá, eitt af stærstu
fljótum landins. Árið 1954 lét raf-
orkumálastjóri reisa síritandi vatns-
hæðarmælistöð í Hvítá í landi Jað-
ars. Davíð var ráðinn til þess að
reka mælinn á staðnum. Gegndi
hann því starfi í tíu ár, en þá tók
hann þá ákvörðun að hætta búskap
og flytja til Reykjavíkur. Hann
hafði samband við Sigurjón Rist og
tilkynnti honum, að hann gæti ekki
starfað fyrir hann lengur. „Ertu
viss um það,“ svaraði Sigurjón,
„geturðu þá ekki bara komið í fulla
vinnu hjá mér?“ Þannig æxlaðist
það, að Davíð varð vatnamælinga-
maður. Sigurjón hefur verið búinn
að koma auga á eiginleika Davíðs,
einstaka samviskusemi, nákvæmni
og mikið næmi á allt, sem snerti
náttúruna. Á ferðum okkar varð ég
var við, hversu opinn hann var fyrir
öllu í umhverfi sínu. Fátt fór fram
hjá honum. Minkur að skjótast,
skip á siglingu úti við sjóndeild-
arhring, ný skriða, snjóalög, ástand
og líðan gróðurs o.s.frv. Hann vís-
aði alltaf til höfuðátta, þegar hann
ræddi um umhverfið. „Verðurðu
aldrei áttaviltur?“ spurði ég hann
eitt sinn. „O,o, jú, jú,“ sagði hann
hæverskur að vanda. „Ef ég er að
vinna niðri í síritabrunni og er bú-
inn að snúast þar í marga hringi,
getur það tekið mig augnablik að
átta mig, þegar ég kem upp.“
Auk útivinnunnar hafði Davíð
þann starfa að vinna úr gögnunum
frá vatnshæðarsíritunum. Á vetr-
um, þegar ís myndast og þrengir að
farvegi ánna verður vatnshæðin
ekki marktæk til mats á rennsli.
Þeir sem vinna úr línuritunum
verða að leggja mat á, hvenær það
gerist og brúa bilin. Þarna var Dav-
íð kjörinn maður til starfans. Sam-
býli hans við náttúruna frá blautu
barnsbeini ásamt mikilli elju og
glöggskyggni nýttust vel. Eftir
hann liggur gríðarlega mikið starf á
þessu sviði. Davíð hafði veðurgögn
til þess að styðjast við en vart
meira. Þeir sem síðar hafa endur-
skoðað hans vinnu með allskonar
tölvuforritum, hafa aðallega stað-
fest rétt mat á málum.
Davíð var ákaflega hlédrægur og
hæverskur, en hann leyndi á sér
bæði hvað varðaði líkamlega krafta
og hversu glettinn og orðheppinn
hann gat verið. Oft voru sögur frá
Davíð rifjaðar upp fyrir nýja starfs-
menn eða hann beðinn að segja þær
aftur.
Hann var mjög minnugur. Allt
fram á síðasta dag, löngu eftir að
hann var hættur að vinna, voru
menn á Vatnamælingum að hringja
í hann og spyrja um ýmis atriði í
sambandi við gömul gögn og mæli-
staði. „Mér er nú til efs að ég muni
þetta,“ byrjaði hann yfirleitt á að
segja, en svo reyndist allt hafa
geymst í kollinum á honum.
Árið 1970 giftist hann eftirlifandi
konu sinni Elsu Þovaldsdóttur. Elsa
átti tvö börn sem Davíð gekk í föð-
ur stað.
Davíð hafði gaman af því að
ferðast. Oft fór hann beint í ferða-
lag með fjölskyldunni, þegar hann
kom úr vinnuferð. „Ertu upplagður
í að fara að ferðast aftur eftir allar
þessar ferðir í vinnunni?“ spurði ég
hann. „Já, það er ég,“ svaraði hann,
„þá líður mér vel og nýt ferðalags-
ins með mínu fólki og þarf ekki að
vera að þessu streði.“
Hann átti lítinn skika úr jörðinni
að Jaðri þar sem hann hafði komið
fyrir smáhýsi.
Þau tíu ár sem hann lifði eftir að
hann hætti að vinna, dvaldist hann
þar löngum á sumrin ásamt konu
sinni. Þá naut hann lífsins og virtist
hreinlega yngjast með hverju ári.
Aðeins fimm vikum fyrir dauða sinn
greindist hann með krabbamein
sem varð honum að aldurtila. Fáum
árum áður höfðu orðið atburðir í lífi
hans sem styrktu mjög trú hans á
guð. Upp frá því lagði hann þeim lið
er breiða út guðsorð og aðstoða þá
sem minna mega sín.
Hann þurfti að gangast undir
hjartauppskurð nokkrum árum áð-
ur en hann hætti að vinna. Hann
tjáði mér þá að hann hefði eytt öll-
um dagbókunum sínum. „Það var
skaði,“ varð mér að orði. „Nei,“
sagði hann, „þarna var ekkert
merkilegt nema kannski stafsetn-
ingarvillurnar.“ Það kom ekki á
óvart að maðurinn vildi láta jarða
sig í kyrrþey, en hins vegar kemst
hann ekki hjá því að árangurinn af
hans mikla starfi verður uppi á
borðum hjá Vatnamælingum um
langa hríð og kvittunin D.G. telst
vera gæðastimpill.
Snorri Zóphóníasson.
DAVÍÐ BRYNJÓLF-
UR GUÐNASON
Ástkær faðir okkar, tengdafaðir, afi, langafi
og bróðir,
STEINÞÓR GUÐMUNDUR HALLDÓRSSON,
Langholtsvegi 4,
Reykjavík,
verður jarðsunginn frá Áskirkju þriðjudaginn
15. apríl kl. 13.30.
Blóm og kransar vinsamlega afþakkaðir.
Þeim, sem vilja minnast hans, er bent á Krabbameinsfélag Íslands.
Lilja Bára Steinþórsdóttir, Kristinn Gunnarsson,
Guðrún Steinþórsdóttir Kroknes, Ásvaldur Jónatansson,
Ágústa Steinþórsdóttir Kroknes, Ágúst Rafn Kristjánsson,
Benedikt Steinþórsson Kroknes, Jóhanna Árnadóttir,
Ásgerður Helga Kroknes, Sigurður Enoksson,
barnabörn, barnabarnabarn
og systkini.
Ástkær eiginkona mín, móðir okkar, tengda-
móðir, amma og langamma,
HALLA STEFÁNSDÓTTIR,
Njálsgötu 27b,
Reykjavík,
lést á hjúkrunarheimilinu Skjóli fimmtudaginn
3. apríl sl.
Útförin hefur farið fram í kyrrþey að ósk hinnar
látnu.
Páll Þorvaldsson,
Þorgeir Pálsson,
Þorvaldur Sævar Pálsson, Guðbjörg Th. Einarsdóttir,
Stefán Pétur Pálsson,
Gerða Theodóra Pálsdóttir, Runólfur Þórhallsson,
barnabörn og langömmubarn.
Elskulegur eiginmaður minn, faðir okkar,
tengdafaðir og afi,
LÁRUS Þ.J. BLÖNDAL
frá Siglufirði,
sem lést þriðjudaginn 8. apríl, verður jarðsung-
inn frá Vidalínskirkju, Garðabæ, þriðjudaginn
15. apríl kl. 15.00.
Guðrún J. Blöndal,
Birgir Blöndal, Áslaug Steingrímsdóttir,
Jóhannes Blöndal, Maj-Britt Pálsdóttir,
Jósep Blöndal, Hedvig Krane,
Gunnar Blöndal, Margrét Magnúsdóttir,
Guðmundur Blöndal, Inga Pálmadóttir,
Guðrún Blöndal, Theodór Sigurðsson,
Lárus Blöndal, Soffía Ófeigsdóttir,
Anna Bryndís Blöndal,
Jón Ásgeir Blöndal, Hulda Ólafsdóttir,
Lárus St. Blöndal Jónasson, Íris Magnúsdóttir,
barnabörn og barnabarnabörn.
Ástkær móðir okkar og tengdamóðir,
SIGRÚN GUÐMUNDSDÓTTIR,
síðast til heimilis
á Óðinsgötu 16,
Reykjavík,
lést á hjúkrunarheimilinu Skógarbæ föstu-
daginn 11. apríl.
Helga Berglind Atladóttir, Bjarni Már Bjarnason,
Sigurður Atli Atlason,
Ívar Ómar Atlason.
Faðir okkar, tengdafaðir, afi og langafi,
GUÐBRANDUR BENEDIKTSSON,
elliheimilinu Grund,
áður til heimilis
á Staðarbakka 28,
er látinn.
Jarðarförin auglýst síðar.
Katrín Guðbrandsdóttir, Pétur Aðalsteinsson,
Hrafnhildur Guðbrandsdóttir, Magnús Jóhannsson,
Benedikt Guðbrandsson, Jónína Róbertsdóttir,
afabörn og langafabörn.
Útfararþjónustan ehf.
Stofnuð 1990
Rúnar Geirmundsson
útfararstjóri
Sími 893 8638
Hef starfað við
útfarir í 20 ár
Sími 567 9110
www.utfararstofan.is
Þakka þeim fjölmörgu sem sýndu mér hlýhug
og stuðning vegna fráfalls eiginmanns míns,
ÁRNA KRISTJÁNSSONAR
píanóleikara,
Hávallagötu 30,
Reykjavík.
Sérstakar þakkir til starfsfólks á Hjúkrunar-
heimilinu Sóltúni.
Anna Guðrún Steingrímsdóttir.
Elskuleg eiginkona mín, móðir, tengdamóðir,
amma og langamma,
MÁLFRÍÐUR JÓHANNA MATTHÍASDÓTTIR,
Boðahlein 12,
Garðabæ,
lést aðfararnótt föstudagsins 11. apríl.
Sigurður Ólafsson,
Rut Sigurðardóttir, Bjarni Sigurðsson,
barnabörn og barnabarnabörn.
Ástkær eiginkona mín, móðir, tengdamóðir,
amma og langamma,
JÓHANNA GUÐRÚN JÓNSDÓTTIR,
Heiðvangi 7,
Hafnarfirði,
lést á Sólvangi í Hafnarfirði föstudaginn 11. apríl.
Jarðarförin auglýst síðar.
Ólafur Maríusson,
Jón Magni Ólafsson, Sigríður H. Magnúsdóttir,
Gunnar Ólafsson, Rannveig Sturlaugsdóttir,
Símon Ólafsson, María Júlía Alfreðsdóttir,
Hanna Ólafsdóttir, Einar Gíslason,
barnabörn og barnabarnabörn.