Morgunblaðið - 13.04.2003, Blaðsíða 8
FRÉTTIR
8 SUNNUDAGUR 13. APRÍL 2003 MORGUNBLAÐIÐ
Það hljóta að teljast stórpólitísk tíðindi að Frjálslyndum skuli hafa tekist að gogga í aftur-
endann á sjálfri guðmóður kvótakerfisins.
Nýr spjallvefur um hesta og hestamennsku
Taugar niður
í grasrótina
NÝR frétta- ogspjallvefur umhesta og hesta-
mennsku var nýlega opn-
aður, en vefurinn tengist
tímarit sem heitir Hestar
og hefur göngu sína
næstu mánaðamót. Það
eru tveir stórhuga menn
sem standa að þessari út-
gáfu, Jens Einarsson og
Axel Jón Birgisson, sem
báðir hafa víðtæka
reynslu á þessu sviði eftir
að hafa unnið saman hjá
Eiðfaxa á sínum tíma.
Jens svaraði nokkrum
spurningum sem Morgun-
blaðið lagði fyrir hann á
dögunum.
– Hvenær fóruð þið af
stað með verkefnið og
hvað var það sem vakti
fyrir ykkur?
„Ég og Axel Jón Birgisson
unnum saman á hestatímaritinu
Eiðfaxa en öllu starfsfólki var
sagt þar upp um síðustu áramót
vegna skipulagsbreytinga.
Reksturinn var kominn í þrot og
nýir eigendur að koma að fyr-
irtækinu. Okkur var boðin end-
urráðning en ákváðum að nota
tækifærið og breyta til. Við
ákváðum að fylgja hjartanu.
Okkur fannst vera kominn tími
fyrir eitthvað nýtt inn í hesta-
mennskuna, nýjan vef, nýtt tíma-
rit með nýjum áherslum.“
– Teljið þið alveg óumdeilt að
til sé nægur lesendahópur til að
halda úti slíkum miðlum?
„Við erum alveg vissir um að
það er pláss fyrir gott hesta-
tímarit, bæði á vefnum og eins
með gamla laginu, á pappír, og
þau geta stutt hvort annað.
Hvort það er pláss fyrir tvö
hestatímarit, það er svo annað
mál. Ég er stoltur af því að vera
einn aðalhöfundur www.eidfaxi.-
is, sem var um tíma í hópi fjöl-
sóttustu heimasíðna landsins
undir minni stjórn og nýtur enn
góðs af þeim góða byr sem hún
fékk. Sá sem skrifar um hesta
þarf að eiga taugar niður í gras-
rótina en það er ekki á færi
margra, það eru mjög fáir góðir
hestablaðamenn til hér á landi.“
– Hverjar verða áherslurnar, á
vefnum annars vegar og í tíma-
ritinu hins vegar?
„Vefurinn er einfaldur í bygg-
ingu: Fréttir, smáauglýsingar,
pistill og spjallrás. Á vefnum
verða stuttar fréttir úr hesta-
heiminum og einnig fréttir í
spjallformi af mönnum og hest-
um. Í tímaritinu verða aftur á
móti lengri greinar, viðtöl við
þekkt hestafólk, ungt hestafólk
og frægt fólk í hestamennsku,
greinar um hrossarækt og reið-
mennsku. Við erum þeirrar skoð-
unar að það sé enn til fólk sem
ekki hefur glatað hæfileikanum
til að lesa. Það er of mikið gert
úr því að poppa upp allt lesmál,
þetta er tískubóla sem á eftir að
hjaðna. Textinn þarf hins vegar
að vera áhugaverður,
hvort sem hann er
stuttur eða langur.“
– Hvað er meira um
tímaritið að segja?
„Efnistökin munu í
stórum dráttum verða
eins og ég lýsti hér áð-
an en munu þó að einhverju leyti
fara eftir þeim höfundum sem
koma til með að skrifa í blaðið.
Fólk verður að fá sitt svigrúm til
að halda sköpunargleði og fá
frjóar hugmyndir. Umbrotið á
blaðinu er mjög smekklegt. Því
verður dreift ókeypis á alla
helstu þéttbýlisstaði landsins í
fimm til sex þúsund eintökum.
Síðan geta allir sem vilja fengið
blaðið sent heim til sín með því
að greiða póstburðargjaldið og
kostnað við pökkun.“
– Verður eitthvað róið á mið
erlendra lesenda?
„Það er of snemmt að segja til
um það. Við höfum hins vegar
fundið fyrir miklum áhuga ís-
lenskra hestamanna í útlöndum
og munum skoða það í framhald-
inu. Þeir munu að sjálfsögðu
geta fengið blaðið sent til sín, að-
eins að borga burðargjaldið.“
– Það er talað um efni um
hunda, veiði o.fl., passar það í rit
og vef sem hafa hross jafnákveð-
ið í forgrunni?
„Það hefur nú eitthvað skolast
til þetta með veiðina, það hefur
aldrei verið hugmynd hjá okkur
að skrifa um veiði sérstaklega.
Við ætlum hins vegar að vera
með eina til tvær síður um
hunda í hverju blaði, t.d. veiði-
hunda, þetta er svo náskylt efni.
Hefur þú ekki verið á hesta-
mannamóti? Það er ekki þverfót-
andi fyrir hundum. En við ætlum
ekki að skrifa um skyttirí, alla
vega ekki hestaskyttirí.“
– Eruð þið á einhvern hátt að
stefna útgáfu ykkar gegn Eið-
faxa?
„Nei, alls ekki. Eiðfaxi er
áskriftarblað og nýr ritstjóri hef-
ur markað stefnuna eins og sést
í fyrsta tölublaði undir hans
stjórn. Það er byggt upp á stutt-
fréttastíl, er líkara dagblaði en
hefðbundnu tímariti og það er
gott mál. Við höfum mjög hlýjar
taugar til Eiðfaxa, það var mjög
gott að vera þar hjá fyrri eig-
endum og við eigum
góðar minningar það-
an. Það voru ýmsar
góðar og metnaðarfull-
ar hugmyndir í gangi,
en fyrirtækið skorti
eigið fé til að fylgja
þeim eftir og því fór
sem fór. Eiðfaxi hefur nú fengið
myndarlega styrki í formi hluta-
fjár frá íslenska ríkinu og
sænskum peningamanni og ætti
að vera á sléttum sjó. Við ætlum
hins vegar að gefa út blað með
okkar lagi og erum alveg vissir
um að við erum mjög góðir í
því.“
Jens Einarsson
Jens Einarsson er fæddur í
Hafnarfirði 19. júní 1959, en al-
inn upp á Höfn í Hornafirði frá
eins árs aldri. Jens útskrifaðist
sem búfræðingur frá Hólaskóla
1978 og lauk prófi í hagnýtri fjöl-
miðlun frá Háskóla Íslands árið
1997. Maki er Bjarndís Þorbergs-
dóttir kennari og eiga þau tvö
börn, Torfhildi Hólm, 10 ára, og
Vilhelm Örn 5 ára.
…að halda
sköpunar-
gleði og fá
frjóar hug-
myndir
ÞÓRÓLFUR Gísla-
son, kaupfélagsstjóri
Kaupfélags Skagfirð-
inga, segir í árs-
skýrslu félagsins, sem
lögð var fram á aðal-
fundi í gær, að sú tíð
eigi ekki lengur
heima í vestrænu
hagkerfi að rekstrar-
skilyrðum atvinnu-
greina sé kúvent eftir
úrslitum þingkosn-
inga hverju sinni. Slík
hagstjórn sé viðhöfð í
vanþróuðum einræðis-
ríkjum og eigi ekkert
erindi inn í íslenskt
efnahagslíf.
„Í raun hafa stjórnmálamenn á
Íslandi ekkert leyfi til að íhuga
slíkar aðgerðir og hvað þá fram-
kvæma slík skemmdarverk á at-
vinnulífinu nú þegar komið er fram
á 21. öldina,“ segir Þórólfur.
Hann segir ennfremur að stöð-
ugleiki í efnahagslífinu og festa í
stjórn fiskveiða muni
ráða hvað mestu um
þróun atvinnulífs á
landsbyggðinni á
næstu árum. Án öfl-
ugra fyrirtækja á
landsbyggðinni sé
óraunhæft að tala um
möguleika landsbyggð-
arinnar til að keppa
um búsetuval fólks við
höfuðborgarsvæðið.
Einu öflugu fyrirtæki
landsbyggðarinnar séu
sjávarútvegsfyrirtæk-
in.
„Með því að veikja
grundvöll þeirra með
kúvendingu í fiskveiðistjórn, hvort
sem það er með óhóflegri sérskött-
un, fyrningu veiðiheimilda með
uppboðskerfi eða öðrum vanhugs-
uðum aðgerðum, er verið að kalla
yfir landsbyggðina ómældar hörm-
ungar. Öllum atvinnugreinum er
mikilvægt að búa við starfsskilyrði,
þar sem leikreglur liggja fyrir svo
hægt sé að byggja upp fyrirtæki
með langtímastefnu,“ segir Þórólf-
ur í ársskýrslunni og telur mik-
ilvægt að Skagafjörður verði raun-
hæfur valkostur til framtíðar þegar
fólk velji sér búsetu. Hagsmunir
Kaupfélags Skagfirðinga og íbúa
héraðsins fari saman.
258 milljóna hagnaður
Fram kom á aðalfundinum að
rekstrarhagnaður síðasta árs, eftir
skatta, nam 258 milljónum króna.
Hagnaður Kaupfélags Skagfirðinga
og dótturfélaga fyrir fjármagnsliði
og afskriftir nam 935 milljónum
samanborið við 967 milljónir árið
2001. Veltufé frá rekstri var 690
milljónir og fjárfestingar voru
meiri en nokkru sinni á einu ári í
sögu kaupfélagsins, eða upp á 1,1
milljarð króna. Þær helstu voru
kaup á hlutabréfum í Hesteyri ehf.,
Steinullarverksmiðjunni og Fiskiðj-
unni Skagfirðingi og fjárfestingar
við uppbyggingu á nýtísku slátur-
húsi og kjötvinnslu á Sauðárkróki.
Þórólfur Gíslason, kaupfélagsstjóri Kaupfélags Skagfirð-
inga, varar við kúvendingu í fiskveiðistjórn eftir kosningar
Kallar á ómældar hörm-
ungar yfir landsbyggðina
Þórólfur Gíslason
ÍSLENSKIR garðyrkjubændur
segja ársreynslu af garðyrkjusamn-
ingnum góða. Sala á papriku, agúrk-
um og tómötum hafi aukist verulega
og skilaverð til bændanna verið
hærra en árið á undan.
Þetta kom fram á aðalfundi Sam-
bands garðyrkjubænda, sem haldinn
var í Reykholti í Borgarfirði á föstu-
dag. „Það var mikil sátt um samning-
inn,“ segir Ari Teitsson, formaður
Bændasamtaka Íslands, og bendir á
að í sumum greinum hafi hann skilað
garðyrkjubændum ívið hærra verði
en árið áður, en sala á afurðunum hafi
aukist, þó fyrst og fremst á innflutt-
um afurðum.
Í samningnum er fjallað um þróun-
arfé og segir Ari að garðyrkjubændur
bindi vonir við að þeir geti styrkt sig
faglega. Einnig séu þeir að skipu-
leggja aukna sérmerkingu á íslensk-
um garðyrkjuafurðum og hafi fengið
til þess afkastamikla pökkunarvél,
sem pakkar grænmetinu og merkir
það. Í því sambandi hafi hönnun á
merkjum verið kynnt þar sem áhersla
sé lögð á framleiðslulandið.
Helgi Jóhannesson á Flúðum var
endurkjörinn formaður félagsins.
Aukin sala og
hærra skilaverð
EINN var fluttur nokkuð slas-
aður á Heilbrigðisstofnun Suð-
urnesja eftir harðan tveggja
bíla árekstur á gatnamótum
Aðalbrautar og Hringbrautar í
Keflavík á laugardagsmorgun-
inn. Önnur bifreiðin endaði á
ruslageymslu í nærliggjandi
húsagarði og er hún talin ónýt,
að sögn lögreglunnar í Kefla-
vík. Talið er að öðrum bílnum
hafi verið ekið gegn rauðu
ljósi.
Bíll endaði
í húsa-
garði