Morgunblaðið - 13.04.2003, Blaðsíða 31

LEIKHÚSÁHUGAFÓLKI gefst
tækifæri til að sjá verðlaunasýn-
inguna Englar Alheimsins í upp-
færslu Ágústu Skúladóttur í Tjarn-
arbíói á þriðjudagskvöld kl. 20.30
en sýningin er á förum til London í
boði Gate-leikhússins.
Englar alheimsins er einleikur
sem breski leikarinn Neil Haigh
flytur en hann er höfundur leik-
gerðarinnar eftir sögu Einars Más
Guðmundssonar.
Ástæða þess að þessi eina sýning
er fyrirhuguð hérlendis núna er sú
að Gate-leikhúsið í London hefur
boðið þeim Neil og Ágústu að sýna
í 2 vikur í leikhúsinu frá 7.–23. maí,
alls 16 sýningar.
Sýningin vakti mikla athygli á
Edinborgarhátíðinni í fyrra og er
boð Gate leikhússins afrakstur
þeirrar velgengni. Gate leikhúsið er
eitt þekktasta jaðarleikhús Lund-
úna, þar sem áherslan er lögð á ný
og spennandi leikverk. Að sögn
þeirra Neils og Ágústu býður leik-
húsið þeim alla aðstöðu endur-
gjaldslaust og tekur þátt í kostnaði
við kynningar en þar er við ramm-
an reip að draga þar sem margir
berjast um athyglina. Þau verða
síðan sjálf að standa straum af
kostnaði við ferðir frá Íslandi til
London og datt þá í hug að efna til
sérstakrar fjáröflunarsýningar.
„Sýningin í Tjarnarbíói á þriðju-
dagskvöldið er einmitt hugsuð sem
fjáröflunarsýning. Við erum að
vona að aðsóknin á sýninguna skili
okkur til London,“ segir Ágústa.
Þau Ágústa og Neil segja að
upphaf þessa verkefnis megi rekja
til þess er Ágústa gaf Neil söguna í
jólagjöf árið 1998 í enskri þýðingu
Bernards Scudder. „Seinna vorum
við svo beðin að leggja til atriði á
Íslendingadagskrá sem sendiráðið í
London stóð fyrir. Þar hófst þetta í
rauninni því okkur datt í hug að
leiklesa stuttan kafla úr bókinni,“
segir Ágústa.
Neil bætir því við að hann hafi
síðan lagt hugmyndina að einleik
eftir sögunni fyrir leikhússtjóra í
Huddersfield í Norður-Englandi
sem hafi tekið því afskaplega vel.
„Ég var ekki byrjaður á leikgerð-
inni þá en þegar þetta var ákveðið
þá varð ég að standa við mitt. Síð-
an höfum við unnið við þetta með
hléum og á milli annarra verkefna
því þetta hefur ekki skilað neinum
tekjum fram að þessu. En við höf-
um alltaf haft tröllatrú á þessu
verkefni og það er að skila sér
núna eftir nærri þrjú ár,“ segja
þau Neil Haig leikari og Ágústa
Skúladóttir leikstjóri Engla al-
heimsins.
Englarnir í London
Morgunblaðið/Jim Smart
Neil Haig og Ágústa Skúladóttir eru á leið utan með Engla alheimsins.
LISTIR
MORGUNBLAÐIÐ SUNNUDAGUR 13. APRÍL 2003 31
Kynning verður á nýju
sumarlitunum „Crazy Flower“
og öðrum spennandi nýjungum í Lyfju
Mánudagur 14. apríl, frá kl. 13 – 17 • Smáratorgi
Þriðjudagur 15. apríl, frá kl. 13 – 17 • Lágmúla
Miðvikudagur 16. apríl, frá kl. 13 – 17 • Laugavegi
S
ólris
ehf
/
JB
B
Heimsferðir bjóða nú ótrúlegt tilboð á síðustu
sætunum til Budapest þann 5. maí í beinu flugi til þessarar heillandi borgar
sem er að verða einn vinsælasti borg-
aráfangastaður Íslendinga. Fararstjór-
ar Heimsferða bjóða þér spennandi
kynnisferðir og þú velur um úrval
góðra hótela í hjarta borgarinnar.
Vorið er komið í Budapest og þetta er
fegursti tími ársins til að kynnast
þessarri fögru borg.
Vikuferð til
Budapest
5. maí
frá kr. 29.950
Skógarhlíð 18, sími 595 1000.
www.heimsferdir.is
Verð kr. 49.950
Flug og gisting í viku, Tulip Inn,
7 nætur með morgunmat,
m.v. 2 í herbergi.
Ferðir til og frá flugvelli, kr. 1.800.
Verð kr. 29.950
Flugsæti til Budapest, út 5. maí, heim 12.
maí. Flug og skattar per mann.
Munið Mastercard
ferðaávísunina
Síðustu sætin
Hugmyndasamkeppni
LEIKLISTARSAMBAND Ís-
lands stendur fyrir hugmynda-
samkeppni um hönnun og útfærslu
fyrir Íslensku leiklistarverðlaunin,
Grímuna, sem veitt verða í fyrsta
sinn við hátíðlega athöfn í Þjóðleik-
húsinu 16. júní. Verðlaunin verða
veitt fyrir framúrskarandi árangur
á sviði leiklistar á Íslandi.
Þátttakendur skulu senda full-
mótaðar hugmyndir að táknræn-
um verðlaunagrip sem hægt verð-
ur að fjöldaframleiða um ókomin
ár. Gripurinn þarf að vera úr var-
anlegu efni, 30 cm á hæð og 15 cm á
breidd og ekki vega meira en 2 kg.
Verðlaun fyrir sigurtillöguna er
100.000 kr.
Frestur til að skila inn hug-
myndum rennur út miðvikudaginn
30. apríl kl. 16. Senda skal teikn-
ingar og tillögur undir dulnefni til
Leiklistarsambands Íslands, Lind-
argötu 6, 101 Reykjavík, merkt
„hugmyndasamkeppni“. Nafn,
heimilisfang og símanúmer höf-
undar fylgi með í sérstöku um-
slagi.
Páskahátíð
í glugga-
galleríi
INGIBJÖRG Böðvarsdóttir sýnir í
gluggum Heima er best, Vatnsstíg 9,
fram til 22. apríl og nefnist sýningin
Páskahátíðin á Málaga 2002.
Ingibjörg lauk BA-gráðu í mynd-
list frá Listaháskóla Íslands árið
2001 og stundar nú framhaldsnám
við Universidad Complutense de
Madrid á Spáni.
Ingibjörg er meðlimur í Circulo de
Bellas Artes í Madrid. Hún hefur
haldið sýningar á ýmsum vettvangi
ein sér eða í félagi með öðrum og er
þetta þriðja einkasýning hennar.
Páskavikan er haldin mjög hátíð-
leg á Spáni ekki síst í Andalúsíu.
Myndir sýningarinnar eru allar
teknar í Málaga í Andalúsíu árið
2002 og sýna þær hluta af þeim fjöl-
mörgu skrúðgöngum sem þar eru
farnar í nafni trúarinnar.
♦ ♦ ♦
Pólskur
harmonikku-
leikur
PÓLSKI harmonikkuleikarinn
Kryzysztof Olczaker heldur tón-
leika í Norræna húsinu kl. 18 á
morgun, mánudag. Hann hefur að-
allega flutt samtímatónlist, bæði í
Póllandi og erlendis. Verk hans
hafa verið flutt á ýmsum tónlist-
arhátíðum, m.a. Music Biennale í
Berlín, International Studienwoch
í Bonn, Warsaw Autumn og
Gdansk Encounters of young
Composers. Hann hefur hlotið
margvísleg verðlaun bæði sem tón-
skáld og hljóðfæraleikari.
Á tónleikunum flytur hann verk
eftir J.S. Bach, Chanson, L. Milán,
L. de Narváez, V. Trojan, Arne
Nordheim, Larry Lake og og tvö
lög eftir sjálfan sig.
www.solidea.com