Morgunblaðið - 13.04.2003, Blaðsíða 6
FRÉTTIR
6 SUNNUDAGUR 13. APRÍL 2003 MORGUNBLAÐIÐ
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
H
IR
2
05
75
03
/2
00
3
Lagadeild • Viðskiptadeild • Tölvunarfræðideild
Námsráðgjöf
Tvo daga í viku er fastur viðtalstími þar sem þú getur komið
og rætt við námsráðgjafa Háskólans í Reykjavík, kennara
eða núverandi nemendur.
Alla miðvikudaga kl. 10.00 - 11.30
Alla föstudaga kl. 13.00 - 14.30
Þar fyrir utan getur þú hringt og pantað tíma í síma 510 6200
Ofanleiti 2, 103 Reykjavík,
sími: 510 6200, fax: 510 6201
www.ru.is
Fyrri umsóknarfrestur er til 15. apríl
Umsóknum verður svarað innan þriggja vikna
ÞAÐ ER allt eins og það á að vera í guðsþjónustu. Helgiblær yf-ir kapellunni, altarið fagurlega skreytt og bekkirnir á sínumstað. En það vantar söfnuðinn. Og ekkert bólar á prestinum,kórnum eða meðhjálparanum. Kapellan er mannlaus og samt
á athöfnin að vera að hefjast.
Blaðamaður veltir fyrir sér hvort hann sé staddur á röngum stað. Þá
er tjald dregið frá og nunna brosir blíðlega. Inn af altarinu kemur í ljós
önnur kapella. Þar standa tvær raðir af nunnum og frá þeim berst
engilfagur söngur.
Rimlar eru á milli kapellnanna og eins undarlegt og það er, þá verður
athöfnin heilagari fyrir vikið, eins og lífið handan rimlanna sé ósnortið
og trúin hreinni. Rimlarnir eru auðvitað fyrst og fremst táknrænir,
gætu verið til að undirstrika fjarlægðina frá firringu mannsins. Þótt
kapellurnar liggi saman er óravegur milli þessara
tveggja heima. Í heimi systranna er kyrrðarstund,
tíminn stendur í stað og atburðir eins og stríð í sjón-
varpi verða harla óraunverulegir.
Eftir athöfnina er tjaldið dregið fyrir og íhugunar-
bæn tekur við. En heimsókninni er ekki lokið því
Agnes príorinna bíður blaðamanns í viðtalsherberginu og enn eru riml-
ar á milli. Hún brosir hlýlega og býður kaffi. Vitaskuld er eðlisfræðilega
ómögulegt að hún helli upp á, en séð hefur verið fyrir því. Búið er að
leggja á borð fyrir einn. Á dúkalögðu borði er bolli og kökudiskur,
ásamt vínarbrauði, tedunki og kaffikrukku.
Príorinnan segir frá fjallinu Karmel í Palestínu, landinu helga. Þar
bjuggu einsetumenn í hellum og helguðu líf sitt Guði. Varð það vísir að
klausturreglunni sem breiðst hefur út um allan heim.
– Þá á ég við allan heim, áréttar hún.
– Það hlýtur að vera fyrst þið eruð á Íslandi, segir blaðamaður.
– Já, ætli það ekki, segir hún og hlær.
Nunnurnar í Karmelklaustrinu, sem stendur við Ölduslóð í Hafn-
arfirði, koma frá Póllandi.
– Var ekkert sárt að yfirgefa föðurlandið?
– Jú, stundum getur maður saknað fjölskyldunnar og heimalandsins.
En systurnar segja að nú væri erfitt að búa í Póllandi, því við myndum
sakna Íslands. Við eigum orðið tvö föðurlönd. Auðvitað getur storm-
urinn stundum verið þreytandi, segir hún og dæsir. En maður fær ekki
allt í lífinu og yfirleitt erum við ánægðar.
Það kemur sjaldan fyrir að nunnurnar fari úr klaustrinu og þá er það
til að ganga erinda, s.s. kaupa inn eða leita læknisaðstoðar.
– Þið farið þá aldrei í bíó?
– Nei, svarar hún.
– En eruð þið með sjónvarp?
– Við fengum í fyrsta skipti sjónvarp í fyrra, svarar hún og hlær inni-
lega. Maður getur alveg lifað án þess að horfa á sjónvarp, reynir hún að
fullvissa blaðamann. Stundum horfum við á fréttir, en svo fáum við líka
blöðin. Og það er nóg að gera. Það er ekki nauðsynlegt að eyða tímanum
í sjónvarpsgláp. Þó að stundum horfum við á myndir um Ísland og fylgj-
umst með viðburðum eins og opinberri heimsókn páfans til Póllands.
– Horfið þið á stríðið?
– Við biðjum á hverjum degi að verði Guðs vilji, – það sem er gott fyr-
ir mannkynið.
Nunnurnar eru á öllum aldri og gengu flestar í klaustur milli tvítugs
og þrítugs.
– Það er um það að velja að gifta sig eða fylgja sinni köllun, segir
systir Agnes.
– Er alltaf köllun til staðar?
– Já, það er ómögulegt að lifa svona lífi án ástar og kærleika til Guðs.
– Kemur fyrir að nunnur hætti?
– Áður en nunnur vinna heiti til æviloka fá þær fimm ára reynslutíma
og á þeim tíma geta þær hætt. Það hætta ekki margar, en það kemur
fyrir. Áður en stúlkur eru valdar er talað ítarlega við þær af nunnum
sem sjálfar þekkja hvað köllun er; þá fer það ekkert á milli mála.
Bænastundir eru margar en nunnurnar hafa ýmislegt fleira fyrir
stafni, s.s. að lesa bækur, ganga um garðinn og … Við tökum okkur líka
tíma til að tala saman, hlæja og segja ýmislegt, segir systir Agnes.
– Eins og hvað?
– Við ræðum um framtíðina og reynum að vera eins og fjölskylda sem
þekkist vel og hjálpar. Ef það koma upp vandamál tölum við saman og
reynum að leysa þau. Við þekkjum gleði og vandamál hver annarrar.
– Fáið þið aldrei þá tilfinningu að þið séuð að missa af einhverju?
– Maður sem elskar er hamingjusamur. Það gildir líka um ást til Guðs
og Jesú. Þegar eitthvað er valið verður að hafna öðru á móti. Mest er
lagt upp úr sjálfu valinu. Ef maður kaupir bíl þýðir ekki að vera stöðugt
að hugsa um hina bílana sem voru líka til sölu.
– En hvað um fjölskyldu?
– Við erum konur og því hefði það eflaust átt fyrir okkur að liggja að
verða mæður eða eignast eiginmenn. En við fáum að hluta til útrás fyrir
þá þörf með kölluninni, sem felur í sér að við gefum af okkur kærleika,
móðurkærleika til allra. Það koma augnablik þar sem við veltum fyrir
okkur að allir aðrir eigi fjölskyldu, en það veitir líka hamingju að lifa
með Guði.
Í versluninni er hægt að kaupa fagurmálaða íkona með 14 karata
gulli, handmáluð kerti og kort fyrir öll tækifæri og englasöng á geisla-
diski. Hinumegin við rimlana brosir nunna góðlega. Hennar megin í til-
verunni er lífið fábrotið og einfaldara og þar velkist enginn í vafa um til-
ganginn með þessu öllu saman. Dálítið eins og þegar dyrnar lokast
heima eftir erilsaman dag, firringin verður eftir úti og róin færist yfir.
Morgunblaðið/Jim Smart
Hjá nunnum
SKISSA
Pétur Blöndal
fór í klaustur
SAMKVÆMT könnun Félagsvís-
indastofnunar Háskóla Íslands fyrir
Morgunblaðið á fylgi flokkanna ætlar
um fjórðungur þeirra sem sögðust
hafa kosið Framsóknarflokkinn í síð-
ustu þingkosningum að kjósa Sam-
fylkingina nú og þriðjungur kjósenda
Vinstrigrænna ætlar að kjósa Sam-
fylkinguna.
Sé litið á fylgi flokkanna eftir kyni
svarenda hallast karlar frekar að
Sjálfstæðisflokknum og konur að
Samfylkingunni. Er þetta svipuð nið-
urstaða og í síðustu könnunum Fé-
lagsvísindastofnunar. Fleiri karlar en
konur ætla að kjósa Framsóknar-
flokkinn en fleiri konur styðja Vinstri-
hreyfinguna – grænt framboð. Kynja-
skiptingin er nokkuð jöfn hjá
Frjálslynda flokknum og Nýju afli en
Félagsvísindastofnun bendir á að
skekkjumörk í þessari greiningu séu
stór og túlka beri hlutfallstölurnar
með miklum fyrirvara.
Fylgi flokka eftir aldri skiptist
þannig helst að flestir í yngsta aldurs-
hópnum, 18–24 ára, ætla að kjósa
Sjálfstæðisflokkinn, eða 43%. Sam-
fylkinguna úr þeim hópi ætla rúm
35% að kjósa. Í öðrum aldurshópum
nýtur Samfylkingin mest fylgis og er
munurinn mestur í aldurshópi 45–59
ára kjósenda. Þar ætla 40,4% að kjósa
Samfylkinguna en 35,8% Sjálfstæðis-
flokkinn.
Framsóknarflokkurinn nýtur mest
fylgis meðal elstu kjósenda, 60–80
ára, eða 15,3%. Næstmest er fylgið
meðal 25–34 ára, 12,3%. Vinstrigræn-
ir njóta sömuleiðis hlutfallslega mest
fylgis elstu kjósenda, eða 12,7%, og
eru með 11,7% stuðning hjá 35–44
ára. Í þeim hópi eru Frjálslyndir með
mest fylgi, 12,4%.
Þegar fylgi flokkanna er skoðað
eftir því hvað menn kusu síðast þá
vekur Félagsvísindastofnun athygli á
því að þó svo að lægra hlutfall kjós-
enda Sjálfstæðisflokksins fyrir fjór-
um árum segist ætla að kjósa Sam-
fylkinguna nú, eða 9,8%, heldur en
hlutfall Framsóknarflokksins, 19,5%,
og Vinstrigrænna, 29,5%, þá séu
fjöldatölurnar á bakvið þessi hlutföll
hærri fyrir Sjálfstæðisflokkinn en
hina flokkana. Fjöldinn á bakvið hlut-
fall kjósenda Sjálfstæðisflokksins
sem ætla að kjósa Samfylkinguna er
24 einstaklingar, en 17 hjá Framsókn-
arflokknum og 13 hjá Vinstrigræn-
um.
Félagsvísindastofnun segir þetta
þýða að í hópi þeirra sem gefa upp
hvað þeir kusu árið 1999, og ætla að
kjósa Samfylkinguna núna, séu 66%
kjósendur flokksins frá því síðast,
14% komi frá Sjálfstæðisflokknum,
10% frá Framsóknarflokknum, 8%
frá VG og 1% frá Frjálslynda flokkn-
um.
Flokkshollustan mest hjá
Samfylkingunni
Sé aðeins litið á þá svarendur sem
gáfu upp hvað þeir kusu árið 1999
ætla 25% kjósenda Framsóknar-
flokksins að kjósa Samfylkinguna nú,
57,4% framsóknarmanna ætla að
kjósa flokkinn áfram og tæp 9%
þeirra ætla að kjósa Sjálfstæðisflokk-
inn. Af þeim sem sögðust hafa kosið
Sjálfstæðisflokkinn fyrir fjórum ár-
um ætla 76% að kjósa flokkinn aftur,
11,6% ætla að kjósa Samfylkinguna
og 8,7% ætla að kjósa Frjálslynda
flokkinn. Einnig er það athyglisvert
að þriðjungur þeirra sem sögðust
hafa kosið Vinstrigræna árið 1999
ætlar að kjósa Samfylkinguna nú og
aðeins rúmur helmingur ætlar að
halda sig við sama flokk. Mesta
flokkshollustan er hjá kjósendum
Samfylkingarinnar, 83% þeirra sem
kusu flokkinn árið 1999 ætla að gera
það aftur, 6% ætla að ljósa VG, 6%
Frjálslynda, 3% ætla að kjósa Sjálf-
stæðisflokkinn og 1,5% Framsóknar-
flokkinn.
Könnunin var gerð dagana 6. til 11.
apríl sl. Stuðst var við 1.200 manna
slembiúrtak úr þjóðskrá, sem náði til
allra landsmanna á aldrinum 18–80
ára. Alls svöruðu könnuninni 770
manns þannig að brúttósvarhlutfall
var 64,2%. Nettósvörun var 66,5%,
þegar dregnir hafa verið frá þeir sem
verða ekki komnir með kosningarétt
á kjördag 10. maí nk., þeir sem eru
nýlega látnir, erlendir ríkisborgarar
eða fólk sem er búsett erlendis. Tutt-
ugu prósent úrtaksins neituðu að
svara og ekki náðist í 13,5% úrtaksins.
Könnun Félagsvísindastofnunar fyrir Morgunblaðið
Fjórðungur fram-
sóknarmanna til
Samfylkingarinnar
! "#$%%#&!
'(()
!
"($*( +,$,- ),$++ ',$)+ %*$'+ " !
# !