Morgunblaðið - 13.09.2003, Blaðsíða 4
FRÉTTIR
4 LAUGARDAGUR 13. SEPTEMBER 2003 MORGUNBLAÐIÐ
FORMLEGAR viðræður í samráðsnefnd um
virkjanasamning við Kárahnjúkavirkjun hafa siglt
í strand, að mati Þorbjörns Guðmundssonar,
framkvæmdastjóra Samiðnar og eins fulltrúa í
nefndinni. Hann segir verkalýðsfélögin vera að
ráða ráðum sínum og í næstu viku komi í ljós til
hvaða aðgerða verði gripið. Ekki sé þó inni í
myndinni að efna til verkfalla þar sem virkjana-
samningur sé í gildi til 1. febrúar 2004.
Þorbjörn segir að fá þurfi launamál hjá
Impregilo á hreint þannig að erlendir starfsmenn
fái laun samkvæmt gildandi virkjanasamningi og
að þeir komi ekki hingað í gegnum erlendar starfs-
mannaleigur. Telur hann ítalska fyrirtækið í raun-
inni engan áhuga hafa á að ráða Íslendinga til
starfa, samskiptin við Impregilo til þessa sýni það.
Aðeins séu nú um 100 Íslendingar starfandi á
svæðinu af nærri 600 manns. Verkefnisstjóri
Impregilo hafi lýst því yfir við samráðsnefndina sl.
vor að ekki yrði skipt við erlendar starfsmanna-
leigur en síðan hafi annað blasað við er nefndin
kom úr sumarfríi.
Þorbjörn vonar að launamálin fari að leysast
fyrir atbeina yfirvalda og eftirlitsaðila. Þrýstingur
þaðan og áhugi á málinu sé loksins að kvikna.
Menn sjái það í hendi sér að staðan sé óviðunandi
og tefji framkvæmdir við virkjunina. Enginn hafi
áhuga á því, hvorki stjórnvöld né verkalýðshreyf-
ingin.
Þorbjörn bendir á að sárafáir Íslendingar hafi
verið ráðnir í kjölfar atvinnuauglýsingar
Impregilo fyrr í sumar. Margar umsóknir hafi
borist, langan tíma hafi tekið að vinna úr þeim og
margir gefist upp á þeirri bið. Einnig hafi komið í
ljós að launakjörin voru ekki þau er fólk bjóst við
miðað við sambærilegar framkvæmdir hér á landi.
Þorbjörn segir einnig nokkur dæmi þess að Ís-
lendingum hafi verið sagt upp störfum á virkj-
anasvæðinu.
„Lausnin á þessari deilu er ekki flókin. Hún er
einfaldlega sú að Impregilo fallist á að vera ekki
með fólk frá starfsmannaleigum, að allir verði í
ráðningarsamningi hjá Impregilo og starfi sam-
kvæmt virkjanasamningnum. Einnig viljum við að
samið verði um hliðstæð laun og verið hefur við
virkjanir hér undanfarin ár og að launagreiðslur
fari fram á Íslandi,“ segir Þorbjörn.
Unnið að samningi um
afkastahvetjandi launakerfi
Í grein í nýju félagsblaði Samiðnar segir Þor-
björn að Impregilo hafi ekki haft fyrir því að
kynna sér starfsumhverfið á Íslandi er fyrirtækið
gerði tilboð í Kárahnjúkavirkjun. Breið gjá sé á
milli Ítalanna og íslensks veruleika. Um þetta seg-
ir Þorbjörn við Morgunblaðið:
„Lögmaður Impregilo hér hefur margítrekað
við okkur í samráðsnefndinni að aldrei hafi verið
gert ráð fyrir því í tilboði fyrirtækisins að greiða
sambærileg laun og gert hefur verið í sambæri-
legum framkvæmdum hér á landi,“ segir Þor-
björn.
Þessu neitaði fulltrúi Impregilo, er ummælin
voru borin undir hann. Fyrirtækið hafi fengið út-
boðsgögn í hendur og tilboðið sé byggt á því. Þar
hafi verið kveðið á um lágmarkskjör og ákvæði um
að viðhafa skuli afkastahvetjandi launakerfi við
meiriháttar verkþætti, eins og gert hafi verið í
öðrum virkjunum. Impregilo hafi byggt á þessu í
sínu tilboði og muni á næstunni semja um afkasta-
hvetjandi launakerfi. Þau mál hafi í upphafi und-
irbúningsframkvæmda verið ókláruð.
Fulltrúi í samráðsnefnd Kárahnjúkavirkjunar telur viðræður sigldar í strand
Segir Impregilo engan áhuga
hafa á að ráða Íslendinga
Morgunblaðið/Steinunn Ásmundsdóttir
Verkamenn að störfum við uppsetningu
vinnubúða við Kárahnjúkavirkjun.
BOGI Ágústsson, forstöðumaður
fréttasviðs Ríkisútvarpsins, segir
engar áætlanir uppi um það að færa
fréttatíma Sjónvarpsins. Hann muni
áfram hefjast kl. 19.
Þegar fréttatími Stöðvar 2 var
færður frá kl. 18.30 til kl. 19 um sl.
mánaðamót var m.a. haft eftir Boga í
Morgunblaðinu að forsvarsmenn
Ríkisútvarpsins myndu skoða þessa
nýju stöðu. Nú hefur hins vegar ver-
ið ákveðið að breyta ekki útsending-
artíma sjónvarpsfréttanna.
„Við mátum það svo þegar við
færðum fréttirnar [til kl. 19 ] á sínum
tíma að það væri tími sem hentaði
okkur vel. Við teljum að svo sé enn.“
Hann segir þá ákvörðun stjórnenda
Stöðvar 2 að færa fréttirnar til kl. 19
óskiljanlega. „Okkur finnst hún ein-
kennileg í ljósi þess að þetta er okkar
tími og það er ljóst að áhorf á báða
fréttatímana mun minnka með þess-
ari ráðstöfun.“ Það þýddi þó ekki að
Ríkisútvarpið myndi láta Stöð 2
„hrekja sig“ af þeim tíma.
Fréttir Sjónvarpsins
áfram á sama tíma
KNATTSPYRNUSAMBANDI Ís-
lands bárust í gær kvartanir þess
efnis að ferðaskrifstofan Ít-ferðir
hefði boðið staka miða á leik Íslend-
inga og Þjóðverja í Hamborg í
næsta mánuði á 12 þúsund krónur,
en venjulegt verð fyrir slíka miða er
4.200 kr.
Geir Þorsteinsson, fram-
kvæmdastjóri KSÍ, segir það frum-
skilyrði af hálfu sambandsins að
ferðaþjónustuaðilar stundi ekki
brask með miða á leiki landsliðsins
og að þeir séu seldir á því verði sem
KSÍ gefur upp. Ekki sé ætlast til
þess að miðarnir séu seldir á jafn
háu verði og í þessu umrædda til-
viki.
Byggt á misskilningi
Hörður Hilmarsson, fram-
kvæmdastjóri Ít-ferða, segir málið
byggt á misskilningi sem hann hafi
þegar útskýrt í bréfi til KSÍ. Í bréf-
inu segir m.a. að ferðaskrifstofan
hafi upphaflega pantað 230 sæta vél
á landsleikinn en í síðustu viku hafi
verið ljóst að aðeins fengist 200 sæta
vél. Ferðaskrifstofan hafi því setið
uppi með 30 aukamiða. Starfsfólk
hafi í örfáum tilfellum selt miða á
leikinn án flugs og gistingar. „Eins
og fram kemur í ferðaskilmálum á
heimasíðu Ít-ferða [...] er innheimt
þjónustugjald, 7.000 kr., þegar bók-
að er flug og gisting. Það er rukkað
þegar seldir eru miðar eingöngu á
leiki í enska boltanum og sama gilti
um þá tvo miða sem voru seldir á
12.000 kr. á Þýskaland-Ísland.“
Að sögn Harðar eru ekki lengur
seldir miðar á landsleikinn á þessu
verði.
Miðar á landsleik í Ham-
borg seldir á allt að 12 þ.kr.
Frumskilyrði að
ekki sé stundað
brask með mið-
ana, segir fram-
kvæmdastjóri KSÍ
Morgunblaðið/Árni Torfason
Spenntir áhorfendur á leiknum gegn Þjóðverjum á dögunum.
DAVID Attenborough náttúru-
vísindamaður er væntanlegur
hingað til lands 6. nóvember nk.
í boði Eddu –
útgáfu. Tilefnið
er útgáfa nýj-
ustu bókar
Attenbor-
oughs; Heimur
spendýranna.
Kemur hún út í
íslenskri þýð-
ingu undir
merkjum Ið-
unnar. Að sögn Sigurðar Svav-
arssonar útgáfustjóra er stefnt
að því að Attenborough haldi
fyrirlestur í leiðinni í samstarfi
við Endurmenntunarstofnun
HÍ. Nánari dagsetning á fyrir-
lestrinum verður kynnt síðar.
Attenborough er eins og áð-
ur sagði náttúruvísindamaður
en einnig rihöfundur og þekkt-
ur sjónvarpsmaður. Hefur
hann gert fjölda náttúrulífs-
mynda, sem margar hverjar
hafa verið sýndar í sjónvarpi
hér á landi. „Það er mikill heið-
ur fyrir okkur hjá Eddu að
hann skuli sjá sér fært að koma
því þetta er maður sem er á
ferðinni um veröldina alla
daga,“ segir Sigurður.
David
Atten-
borough til
Íslands
David
Attenborough
KSÍ hefur tekist að útvega 250
viðbótarmiða á landsleik Ís-
lendinga og Þjóðverja í Ham-
borg 11. október nk. Knatt-
spyrnusambandinu hefur því
alls tekist að útvega tæplega
2.100 miða á leikinn í gegnum
þýska knattspyrnusambandið.
Að sögn Geirs Þorsteinsson-
ar, framkvæmdastjóra KSÍ,
verður miðunum ráðstafað á
mánudag en þar fyrir utan
liggja fyrir óskir frá ýmsum að-
ilum um 500 miða til viðbótar.
Geir segir ólíklegt að takist að
útvega fleiri miða en menn hald
þó í vonina.
Miðarnir sem KSÍ hefur út-
vegað kosta 35 og 45 evrur og
eru seldir á 3.400 og 4.200 kr.
stykkið.
KSÍ útvegar
250 miða
til viðbótar
OPIN heimild hefur verið á fjárlög-
um þessa árs fyrir framlagi ríkisins
til undirbúnings tónlistar- og ráð-
stefnuhúss við Reykjavíkurhöfn.
Borgarráð samþykkti í vikunni láns-
heimild upp á 150 milljónir króna til
að fjármagna hlut Reykjavíkur.
Guðmundur Árnason, ráðuneytis-
stjóri í menntamálaráðuneytinu,
segir að borgin hafi ekki haft þessa
heimild líkt og ríkið. Ríkið hafi ekki
þurft að afla sérstakra heimilda til
þessa verkefnis. Fastlega megi gera
ráð fyrir því að þessi heimild ríkisins
verði nýtt til að lána undirbúnings-
félagi tónlistarhússins fé. Æskilegt
sé að ríkið veiti félaginu samskonar
fyrirgreiðslu og borgin.
Heimild á fjárlögum
fyrir framlagi ríkisins