Morgunblaðið - 13.09.2003, Blaðsíða 55

ÍÞRÓTTIR
MORGUNBLAÐIÐ LAUGARDAGUR 13. SEPTEMBER 2003 55
Viggó Sigurðsson, þjálfari Hauka,segir að ef allt verði með eðileg-
um hætti eigi hans menn að komast
áfram en hann hefur þó varað sína
menn við vanmati.
„Ég hef skoðað leiki portúgalska
liðsins af spólu frá síðasta tímabili.
Þetta er þokkalegasta lið sem hefur
innan sinna raða Rúmena og Rússa
en miðað við það sem ég hef séð til
liðsins og sú staðreynd að það lék í 2.
deild á síðasta tímabili ættum við
komast áfram í keppninni. Við get-
um hins vegar ekki leyft okkur að
vanmeta andstæðingana og skila-
boðin sem ég hef gefið mínum mönn-
um er að mæta til leiks með rétt hug-
arfar og spila af fullum krafti. Gangi
það eftir ættum við að geta unnið
góðan sigur og farið með gott vega-
nesti til Portúgals,“ sagði Viggó við
Morgunblaðið.
Viggó og lærisveinar hans eru
ekki neinir nýgræðingar hvað Evr-
ópukeppnina varðar. Á undanförn-
um þremur árum hafa Haukar tekið
þátt á Evrópumótunum þar sem þeir
hafa gert frábæra hluti og leikir liðs-
ins á þessum tíma telja á fjórða tug.
„Það er komin mikil reynsla hjá
okkur hvað Evrópukeppnina varðar
og það er bæði mikill metnaður hjá
okkur og öllum Haukamönnum að
standa sig vel á þessum vettvangi.
Handan við hornið bíður sérlega
skemmtilegt verkefni sem okkur alla
klæjar í að taka þátt í. Þú getur rétt
ímyndað þér, að fá að mæta liðum
eins og Barcelona og Magdeburg er
tilhlökkunarefni og bara það eitt ætti
að verða hvatning fyrir strákana að
standa sig vel í leikjunum á móti
Bernardo.“
Slái Haukar lið Bernardo út eins
og reikna má fastlega með fara
Haukar í riðil með Barcelona,
Magdeburg og Skopje frá Makedón-
íu og yrði fyrsti leikur Íslandsmeist-
aranna gegn Börsungum á Ásvöllum
hinn 11. október.
Haukar ættu að komast áfram
ÍSLANDSMEISTARAR Hauka hefja þátttöku sína í Evrópukeppninni
í handknattleik í dag þegar þeir mæta portúgalska liðinu Sao Bern-
ardo á Ásvöllum í fyrri viðureign liðanna í forkeppni Meistaradeild-
arinnar. Fyrirfram ættu Haukarnir að eiga greiða leið í sjálfa riðla-
keppnina þar sem portúgalska liðið er ekki hátt skrifað. Það er
nýliði í portúgölsku 1. deildinni en fékk þátttökurétt í Evrópukeppn-
inni þar sem bestu félagslið Portúgals sendu ekki lið til keppni
vegna deilu við portúgalska handknattleikssambandið.
Ólafur Gottskálksson, knatt-spyrnumarkvörður úr Grinda-
vík, gengst undir skurðaðgerð á
hálsi í næstu viku og verður frá æf-
ingum og keppni framyfir áramótin.
Ólafur hefur ekkert getað leikið með
Grindavíkurliðinu frá því í tíundu
umferð Íslandsmótsins, gegn Val
hinn 15. júlí, en frá þeim tíma hefur
það aðeins unnið einn leik af átta í
úrvalsdeildinni og Evrópukeppnin-
ni.Ólafur meiddist í leik gegn Fram í
þriðju umferð deildarinnar í vor en
hélt þó áfram að spila með Grindvík-
ingum. „Ég fékk högg á höfuðið eftir
árekstur við samherja, með þeim af-
leiðingum að brjósk í hálsinum hljóp
til og klemmdi afltaug. Ég hef verið
dofinn og kraftlítill í annarri hend-
inni síðan en ég hélt áfram að spila
og vonaðist til þess að þetta lagaðist
smám saman. Það gerðist ekki og að
lokum varð ég að hætta,“ sagði Ólaf-
ur við Morgunblaðið í gær.
Aðgerðin er nokkuð stór og Ólafur
þarf langan tíma í endurhæfingu á
eftir. „Það tekur væntanlega 3–4
mánuði að jafna sig eftir hana en ég
fer í sjúkraþjálfun eins fljótt og ég
get og stefni á að geta byrjað að spila
í deildabikarnum í febrúar. Ég er
alls ekki á þeim buxunum að hætta,
sérfræðingurinn sem sér um mig
segir að ég muni ná mér fullkomlega
af þessu og ég er ákveðinn í því að ná
í það minnsta einu heilu tímabili hér
heima. Þetta hafa verið mikil von-
brigði í sumar og leiðinlegt gagnvart
Grindvíkingunum að geta ekki spilað
meira með þeim en ég get vonandi
bætt úr því,“ sagði Ólafur, sem kom
til liðs við Grindvíkinga fyrir tímabil-
ið en lék frá 1997 með Hibernian í
Skotlandi og Brentford í Englandi.
Til þess tíma spilaði Ólafur með
Keflavík, KA, ÍA og KR, alls 174
leiki í efstu deild, og á hann að baki
níu A-landsleiki fyrir Íslands hönd.
Ólafur fer
í skurð-
aðgerð
á hálsi
SÍÐASTA golfmótið í sumar á
Toyotamótaröðinni verður
haldið á Hvaleyrarvelli í Hafn-
arfiði í dag og á morgun. Stað-
an eftir mót sumarsins er
þannig að búast má við nokk-
urri baráttu í karlaflokki en í
kvennaflokki er Ragnhildur
Sigurðardóttir úr GR nokkuð
viss um sigur.
Ragnhildur er með 356 stig
en næst er Þórdís Geirsdóttir
úr Keili með 287 stig, 69 stig-
um minna og ansi vandséð
hvernig hún ætti að ógna sigri
Ragnhildar þó á heimavelli sé.
Heiðar Davíð Bragason úr
Golfklúbbnum Kili í Mos-
fellsbæ er efstur í karlaflokki
með 381 stig og þar á eftir
koma Örn Ævar Hjartarson úr
Golfklúbbi Suðurnesja með
348 stig og Sigurjón Arnarsson
úr Golfklúbbi Reykjavíkur
næstur með 345 stig. Þessir
þrír eiga allir möguleika á að
standa uppi sem sigurvegari á
Toyotamótaröðinni eftir
hringina þrjá um helgina, en til
þess að þeir Örn Ævar og Sig-
urjón nái Heiðari Davíð verður
hann að spila frekar illa miðað
við þá. Veðrið getur líka sett
strik í reikninginn því spáð er
frekar leiðinlegu veðri og þá
verður skor keppenda vænt-
anlegra hærra og fyrir vikið fá
menn færri stig og því erfiðara
að vinna upp mikinn mun.
Í dag verða leiknar 36 holur
og 18 á morgun.
Þrír kylfingar áttu í raun mögu-leika á sigri yfir heildina,
Björgvin, Sigurpáll Geir Sveins-
son, GA, og Auðunn Einarsson,
Go, en Birgir Leifur lék illa á fyrri
hluta mótsins á Akureyri um síð-
ustu helgi og átti því enga mögu-
leika á heildarsigri.
Fyrir sigur í gær fékk Birgir
Leifur 100.000 krónur, Björgvin
fékk 60.000 fyrir annað sætið og
Sigurpáll 40.000 fyrir þriðja sætið.
Samtals fékk Björgvin því 160.000
krónur úr mótunum tveimur, Birg-
ir Leifur og Sigurpáll 100.000
krónur hvor og Auðunn fékk
40.000 krónur fyrir þriðja sætið í
fyrra mótinu.
„Ég spilaði mjög vel í dag, en
samt gekk ekkert hjá mér, engin
pútt fóru í og svo fékk ég einn
skramba á síðari hringnum. Ég
hefði ekki viljað sjá lakara skor
hjá mér í dag og í raun hefði ég
viljað fá talsvert meira út úr deg-
inum,“ sagði Birgir Leifur eftir
hringina tvo í gær.
„Ég spilaði mjög illa á Akureyri
og átti því enga möguleika á sigri í
heildina nema ef Björgvin hefði
gert í heyið hérna, en það var eng-
in von til þess. Það var mjög gott
að fá peningaverðlaunin, það tikk-
ar allt saman, en nú verður maður
sjálfur að borga Malasíuferðina –
því þangað ætlum við allir sem er-
um að fara á úrtökumótið í næstu
viku,“ sagði Birgir Leifur.
„Það er alveg meiriháttar að fá
þessa peninga og ferð og uppihald
á mótið í Malasíu. Það verður
gaman að sjá hvernig maður
stendur sig á því en þetta er ein-
mitt það sem maður stefnir á – að
komast á mótaröðina,“ sagði
Björgvin sæll og glaður að leik
loknum og bætti við að það yrði
gaman ef fleiri Íslendingar yrðu
meðal keppenda í Malasíu í febr-
úar.
Morgunblaðið/Þorkell
Birgir Leifur lék á sex höggum undir pari.
BIRGIR Leifur Hafþórsson, kylfingur úr GKG, sigraði á síðari
helmingi fyrsta atvinnumannagolfmótsins sem fer fram hér á
landi en leikið var á Hvaleyrarvelli í Hafnarfirði. Birgir Leifur lék
hringina tvo á sex höggum undir pari, 136 höggum, en heima-
maðurinn Björgvin Sigurbergsson varð annar á 138 höggum og
nægði það honum til besta árangurs á mótunum tveimur sam-
anlagt og þar með fær hann aðalvinninginn, ferð og uppihald í
boði Carlsberg á Opna Malasíumótið í febrúar, en það er mót á
evrópsku mótaröðinni.
Birgir Leifur vann
en Björgvin fer
til Malasíu
Spenna
hjá körl-
unum
SIGURÐUR Ingimundarson, þjálfari úr-
valsdeildarliðs Keflavíkur í körfuknattleik
síðustu árin, hefur ákveðið að hætta þeim
starfa sökum nýrra og meira krefjandi
verkefna í starfi sínu við Myllubakkaskóla
í Keflavík.
„Já, það er rétt Sigurður verður ekki
þjálfari liðsins hjá okkur í vetur,“ sagði
Hrannar Hólm, formaður körfuknattleiks-
deildar Keflavíkur, í samtali við Morg-
unblaðið í gærkvöld.
Ástæða þess að Sigurður hættir er að í
kjölfar andláts Vilhjálms Ketilssonar,
skólastjóra skólans, fær Sigurður ábyrgð-
armeira starf við skólann og treystir sér
ekki til að sinna því vel og jafnframt ná
góðum árangri með Keflavíkurliðið. Sig-
urður hefur kennt við Myllubakkaskóla í
ein þrettán ár að hans sögn, fyrst íþróttir
og síðan ýmis fög og síðustu tvö árin hefur
hann verið aðstoðarskólastjóri.
„Það verða óneitanlega mikil virðbrigði
að hætta í íþróttum því maður hefur meira
og minna verið í þeim síðustu tuttugu ár.
Ég á þó von á að ég fylgist með körfunni –
í það minnsta úr fjarlægð,“ sagði Sigurður
í samtali við Morgunblaðið í gær. „Það er
hins vegar ljóst að ég treysti mér ekki til
að vinna vel á báðum stöðum og þá verður
að hætta á öðrum. Það er kannski ágætt að
hætta á eigin forsendum,“ sagði Sigurður.
Sigurður er með sigursælari körfuknatt-
leiksþjálfurum landsins. Hann hefur þjálf-
að karlalið Keflavíkur síðustu sjö árin og
var að hefja sitt áttunda ár. Á þessum ár-
um urðu Keflvíkingar Íslandsmeistarar í
þrígang og bikarmeistarar tvívegis auk
þess sem liðið hefur fjórum sinnum orðið
Kjörísbikarmeistari.
Fimm árin þar á undan þjálfaði Sigurður
kvennalið Keflavíkur og sigurgangan þar
var enn glæsilegri en hjá karlaliðinu.
Morgunblaðið/Kristinn
Sigurður hefur oft fagnað sigri og
hér með Guðjóni Skúlasyni fyrirliða.
Sigurður hættur sem
þjálfari Keflvíkinga