Morgunblaðið - 13.09.2003, Blaðsíða 54
ÍÞRÓTTIR
54 LAUGARDAGUR 13. SEPTEMBER 2003 MORGUNBLAÐIÐ
SVERRIR Sverrisson, miðjumað-
urinn reyndi úr Fylki, hefur ekki
náð sér af meiðslunum sem hann
varð fyrir í leiknum gegn Skaga-
mönnum um síðustu mánaðamót.
Hann fékk slæmt högg á annan
fótlegginn þannig að vöðvar og
taugar löskuðust. Sverrir verður
því ekki með Fylkismönnum þeg-
ar þeir sækja KA heim í úrvals-
deildinni í knattspyrnu á morgun.
„Ég gat byrjað að hlaupa í gær
en næ ekki leiknum gegn KA. Ég
mun hins vegar gera allt sem í
mínu valdi stendur til að verða
leikfær fyrir lokaumferðina í
deildinni,“ sagði Sverrir við
Morgunblaðið í gær. Fylkir mætir
þá Val en það verður væntanlega
kveðjuleikur Sverris sem á von á
því að hann leggi skóna á hilluna
að tímabilinu loknu.
Sverrir ekki
tilbúinn
gegn KA
Sverrir Sverrisson
KEFLVÍKINGAR hafa síðustu daga
leitað að eftirmanni Sigurður Ingi-
mundarsonar sem þjálfara körfu-
knattleiksliðs síns. Hrannar Hólm,
formaður körfuknattleiksdeildar,
segir að búið sé að ræða við fjóra
menn sem allir þykja koma til greina
sem eftirmenn Sigurðar. „Menn
verða að gera sér grein fyrir því að
þetta er mikil binding. Við ráðum
ekki menn fyrir minna en svona ára-
tug. Sigurður var að hefja áttunda
árið hjá okkur og þar á undan var
Jón Kr. Gíslason þjálfari meist-
araflokks í sex ár þannig að það er
ljóst að menn binda sig með því að
gerast þjálfarar hjá okkur. Við ætl-
um því að vanda valið,“ sagði Hrann-
ar.
Þeir sem búið er að tala við eru
Guðjón Skúlason, Falur Harðarson
og Jón Guðmundsson auk eins sem
ekki er nafngreindur. „Það er mikið
af vænlegum drengjum hér í Kefla-
vík sem geta tekið þetta að sér en við
ætlum að gefa okkur nokkra daga
áður en ákvörðun verður tekin.
Annars er leiðinlegt að menn á
besta aldri séu að hætta, Sigurður
núna og Jón Kr. á sínum tíma. Að-
stæður hér eru bara þannig að menn
geta ekki verið lengi í þessu af ein-
skærum áhuga, þegar menn stofna
fjölskyldu og starfsframinn segir til
sín víkja íþróttirnar venjulega. Sig-
urður er til dæmis á þeim aldri að
hann ætti að vera að byrja núna sem
þjálfari,“ sagði Hrannar.
Keflvíkingar leita
eftirmanns Sigurðar
ÚRSLIT
KNATTSPYRNA
England
2. deild:
Hartlepool - Grimsby............................... 8:1
Holland
Den Haag - Volendam...............................1:1
Belgía
Heusden-Zolder - Sint-Truiden...............0:1
GOLF
Atvinnumannamót 2
Carlsberg/Flugfélags Íslands
Hvaleyrarholtsvöllur, par 71:
Birgir Leifur Hafþórsson, GKG-6
(67-69=136)
Björgvin Sigurbergsson, GK-4
(69-69=138)
Sigurpáll Geir Sveinsson, GA-2(71-
69=140)
Auðunn Einarsson, GO+1
(70-73=143)
Ólafur Már Sigurðsson, GK+11
(73-80=153)
Jamie Darling, GS+11
(78-75=153)
Sigurður H. Hafsteinsson, NK+13
(81-74=155)
KNATTSPYRNA
Laugardagur:
Undankeppni EM kvenna:
Laugardalsvöllur: Ísland - Pólland .........16
1. deild karla:
Ásvellir: Haukar - HK ..............................14
Kópavogsvöllur: Breiðablik - Stjarnan ...14
Varmárvöllur: Afturelding - Njarðvík ....14
Keflavíkurvöllur: Keflavík - Víkingur.....15
Akureyrarvöllur: Þór - Leiftur/Dalvík....15
Aukakeppni um sæti í efstu deild
kvenna:
Þórsvöllur: Þór/KA/KS - Sindri..........17.30
Sunnudagur:
Efsta deild karla, Landsbankadeild:
Hlíðarendi: Valur - Fram .........................14
KR-völlur: KR - ÍBV.................................14
Akureyrarvöllur: KA - Fylkir ..................14
Laugardalsvöllur: Þróttur R. - FH.........14
Akranesvöllur: ÍA - Grindavík.................14
HANDKNATTLEIKUR
Laugardagur:
Forkeppni Meistaradeildar Evrópu,
fyrri leikur:
Ásvellir: Haukar - Bernardo-Aveiro ..16.30
Sunnudagur:
Meistarakeppni HSÍ, kvennaflokkur:
Vestmannaeyjar: ÍBV - Haukar ..............16
Allur ágóði leiksins rennur til kven-
félagsins Líknar.
KÖRFUKNATTLEIKUR
Laugardagur:
Reykjavíkurmót kvenna:
DHL-höllin: KR - ÍR ................................16
Sunnudagur:
Reykjavíkurmót karla:
Kennaraháskólinn: ÍS - KR ................18.30
Seljaskóli: ÍR - Fjölnir.........................19.15
Reykjanesmót karla:
Breiðablik - Haukar ..................................17
Njarðvík - Grindavík .................................19
Báðir leikirnir fara fram í íþróttahúsinu
í Njarðvík.
GOLF
Lokamótið á Toyotamótaröðinni verður
haldið um helgina á Hvaleyrarholtsvelli í
Hafnarfirði. Keppni hefst kl. 8:00 árdegis
í dag og verða þá leiknar 36 holur og síð-
an 18 holur á morgun.
UM HELGINA
Sigurður Jónsson þjálfari Vík-ings sagði við Morgunblaðið í
gær að mikill hugur væri í hans
mönnum og að þeir
væru staðráðnir í
að komast í deild
þeirra bestu en Vík-
ingar féllu haustið
1999 eftir ársdvöl í deildinni.
„Við gefum allt í þennan leik og
það er auðvelt að undirbúa menn
andlega í svona verkefni. Við eig-
um von á mjög erfiðum leik enda
er Keflavík með firnasterkt lið,
það besta í deildinni og leikmenn
þeirra koma ekki til með að gefa
okkur eitt eða neitt. Við þurfum
einfaldlega að vera í okkar allra
besta formi og dagskipunin fyrir
þennan leik eins og alla er að fara
út á völl og vinna. Við spilum til
sigurs enda getum við alls ekki
treyst á Leiftur/Dalvík. Við þurf-
um að stóla á okkur sjálfa enda er
lið Leifurs/Dalvíkur mjög væng-
brotið og er búið að gefast upp. Ég
er bjartsýnn fyrir hönd okkar Vík-
inga. Strákarnir eru hungraðir í að
komast upp og ég hef fulla trú á að
það takist,“ sagði Sigurður.
Keflvíkingar hljóta að hafa
fullan hug á að vinna
„Við erum ekkert búnir að gef-
ast upp en okkar bíður það verk-
efni að vinna Leiftur/Dalvík og
hverju það skilar er ekki í okkar
valdi,“ sagði Jónas Baldursson
þjálfari Þórs sem stjórnar sínum
mönnum í síðasta sinn en hann er
á förum til Englands og mun
starfa þar næstu misserin.
„Við þurfum að stóla á Keflvík-
inga og það er ekki gott að segja
hvernig þeir mæta stemmdir til
leiks. Þeir hljóta samt að hafa full-
an hug á að vinna síðasta leik sinn
áður en þeir taka á móti sigurverð-
laununum og halda sína hátíð um
kvöldið. Hins vegar veltir maður
því fyrir sér með hvaða hugarfari
leikmenn mæta í svona leik þegar
að engu er að keppa.
Hversu mikill sigurviljinn verð-
ur hjá Keflvíkingum er erfitt að
spá fyrir um en vonandi gera þeir
kröfur til sjálfra sín með því að
spila af fullum krafti. Okkar Þórs-
ara bíður erfiður leikur. Þó svo að
Leiftur/Dalvík sé fallið veit ég að
við fáum ekkert gefins og ef það er
eitthvert lið í deildinni sem Leift-
ur/Dalvík vill vinna þá er það Þór,“
sagði Jónas.
Keflavík og Víkingur hefja leik
klukkan 15 eins og Þór og Leiftur/
Dalvík en hinir þrír leikirnir í
lokaumferðinni, Afturelding-
Njarðvík, Haukar-HK, og Breiða-
blik-Stjarnan hefjast klukkan 14.
Í höndum Víkinga
ÞAÐ ræðst í dag hvort það verða Víkingar eða Þórsarar sem fylgja
Keflvíkingum upp í Landsbankadeildina í knattspyrnu en loka-
umferð 1. deildarinnar verður leikin í dag. Víkingur sækir Keflavík
heim og dugir jafntefli til að komast upp en fari svo að Víkingur tapi
og Þór leggi Leiftur/Dalvík að velli verða Víkingur og Þór jöfn að
stigum. Þá mun markatalan skera úr um hvort liðið fylgir Keflavík
upp en fyrir leikina í dag er Víkingur með 34 stig og 13 mörk í plús
en Þórsarar með 31 stig og 10 mörk í plús.
Guðmundur
Hilmarsson
skrifar
Á morgun eru þessir leikir ádagskránni: Valur – Fram,
KA – Fylkir, KR – ÍBV, Þróttur –
FH, ÍA – Grinda-
vík. Það er fallslag-
ur gömlu Reykja-
víkurveldanna, Vals
og Fram, sem ef-
laust dregur að sér mesta athygli.
Hlíðarendapiltarnir eru komnir
með bakið upp að veggnum og ef
þeir tapa leiknum gætu þeir verið
fallnir laust fyrir klukkan fjögur á
morgun, ef ÍBV nær í stig gegn
KR eða KA vinnur Fylki. Fjórir
öflugir leikmenn verða fjarri góðu
gamni hjá Valsmönnum, Sigurður
Sæberg Þorsteinsson og Ármann
Smári Björnsson taka báðir út leik-
bann og þeir Kristinn Lárusson og
Ólafur Þór Gunnarsson markvörð-
ur liðsinseru frá vegna meiðsla.
Framarar, sem hafa unnið þrjá
leiki í röð og verða nánast örugg-
lega sloppnir við fall með sigri,
verða án hins reynda Baldurs
Bjarnasonar sem tekur út leikbann
á morgun.
KA getur fallið með ósigri
KA er sömuleiðis komið í mjög
erfiða stöðu en Akureyrarliðið sem
virtist í ágætum málum hefur að-
eins fengið eitt stig í síðustu fjór-
um leikjum sínum. Mótherjarnir,
Fylkismenn, eru reyndar sjálfir í
miðri krísu – þeir voru efstir í
deildinni fyrir þremur umferðum
síðan en hafa tapað öllum leikjum
sínum eftir það, séð á bak titlinum
til KR-inga og misstu ÍA uppfyrir
sig í annað sætið. Þorvaldur Mak-
an Sigbjörnsson er í banni hjá KA
og hjá Fylki er Sverrir Sverrisson
meiddur. KA getur fallið á morg-
un, ef liðið tapar fyrir Fylki og
Fram og ÍBV vinna sína leiki.
ÍBV er í erfiðri stöðu
Eyjamenn eru í sjöunda sæti
fyrir leiki morgundagsins en þeir
sækja Íslandsmeistara KR heim í
Vesturbæinn. Þar eiga þeir erfitt
verkefni fyrir höndum, KR-ingar
fá Íslandsbikarinn afhentan eftir
leik og hafa eflaust hug á að sýna
stuðningsmönnum sínum sparihlið-
arnar við það tækifæri. Tapi Eyja-
menn eru þeir í mikilli hættu fyrir
lokaumferðina en þá mæta þeir
Skagamönnum sem hafa verið á
mikilli siglingu að undanförnu.
Grindavík og Þróttur
horfa í báðar áttir
Staða Grindvíkinga og Þróttara
er dálítið einkennileg. Bæði lið eru
með 22 stig í miðri deild, en þau
geta enn fallið, og líka blandað sér
í slaginn um Evrópusæti. Þróttarar
fá FH-inga í heimsókn en Grind-
víkingar sækja Skagamenn heim.
ÍA, Fylkir og FH eru í barátt-
unni um annað sætið, ásamt hugs-
anlega hinum tveimur. ÍA og FH
eiga líka möguleika á bikarmeist-
aratitlinum og hafa því í fleiri horn
að líta. Það er því ekki ólíklegt að
fjórða sætið myndi gefa þátttöku-
rétt í Intertoto-keppninni, og þar
koma Þróttur og Grindavík enn og
aftur inn í myndina.
Sex liða fallslagur
í síðustu umferðinni?
En úrslit morgundagsins gætu
orðið á þann veg að fyrir loka-
umferðina yrðu sex lið í fallhættu,
öll með 20 til 22 stig. Fjögur þeirra
ættu þá innbyrðis leiki eftir, því
þann 20. september leikur Grinda-
vík við KA og Fram við Þrótt. Að
auki eigast við Fylkir og Valur,
ÍBV og ÍA og FH og KR.
Staðan eftir leikina á morgun
gæti verið sú að Þróttur væri með
22 stig, Grindavík 22, KA 21, ÍBV
20, Valur 20 og Fram 20. Þá myndi
lokaumferðin slá öllu við, og hefur
þó oft á undanförnum árum verið
gífurleg spenna í fallbaráttunni á
síðustu mínútum Íslandsmótsins.
Sautjánda og næstsíðasta umferð Íslandsmótsins á morgun
Morgunblaðið/Golli
Valur og Fram berjast fyrir sæti sínu í deildinni á lokasprett-
inum og mætast liðin á Hlíðarenda á morgun. Ármann Smári
Björnsson og Eggert Stefánsson berjast um knöttinn.
Skýrast línurnar
eða fer allt í hnút?
ÞÓTT KR-ingar hafi gert út um baráttuna um Íslandsmeistaratit-
ilinn í knattspyrnu á dögunum er mikil spenna fyrir 17. og næstsíð-
ustu umferð úrvalsdeildarinnar sem verður leikin á morgun, sunnu-
dag, klukkan 14. Þrjú lið eru í baráttu um annað sætið og
þátttökurétt í UEFA-bikarnum, tvö bíða á milli vonar og ótta um
hvert stefnir fyrir lokaumferðina, og fjögur eru í bráðri fallhættu.
Það gætu komið skýrar línur í þetta allt saman á morgun, en það
eru jafnmiklir möguleikar á því að allt fari í hnút og lokaumferðin
laugardaginn 20. september verði spennuþrungin.
Víðir
Sigurðsson
skrifar