Morgunblaðið - 13.09.2003, Blaðsíða 64
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 13. SEPTEMBER 2003 VERÐ Í LAUSASÖLU 190 KR. MEÐ VSK.
Áskriftarsími 881 2060
Í FORMI – leiðandi í lausnum
Skeifunni 17AcoTæknival Sími 550 4000 Fax 550 4001
HEFÐ er fyrir því að önnur helgin í sept-
ember sé viðburðarík í lista- og menningarlífi
þjóðarinnar. Engin breyting er þar á nú.
Leggja flestar listgreinar hönd á plóginn.
Stóru atvinnuleikhúsin í Reykjavík, Þjóð-
leikhúsið og Borgarleikhúsið, frumsýna
fyrstu sýningar leikársins um helgina, barna-
leikritin Dýrin í Hálsaskógi og Línu Lang-
sokk. Leikfélag Akureyrar varð raunar fyrst
til að frumsýna á þessum vetri, þegar Erling
fór á fjalirnar í Freyvangi í fyrrakvöld. Sú
sýning verður frumsýnd í Loftkastalanum í
dag. Þarna er á ferð samstarfsverkefni við
Sögn ehf. Fjórða frumsýningin um þessa
helgi verður svo einleikur Ólafar Sverrisdótt-
ur, Jóhanna af Örk, í Tjarnarbíói á morgun.
Listasöfnin láta ekki sitt eftir liggja. Stór
yfirlitssýning á list Júlíönu Sveinsdóttur
verður opnuð í Listasafni Íslands í dag og í
Gerðarsafni í Kópavogi verða opnaðar þrjár
einkasýningar. Menningar- og listamiðstöðin
Hafnarborg er jafnframt vettvangur þriggja
nýrra sýninga um helgina.
Bókmenntahátíð að ljúka
Sinfóníuhljómsveit Íslands hóf starfsárið
með tónleikum sl. fimmtudag og þrennir aðrir
klassískir tónleikar verða á höfuðborgar-
svæðinu um helgina. Síðast en ekki síst lýkur
Bókmenntahátíð í Reykjavík í dag, með mál-
þingum, umræðum og upplestrum í Norræna
húsinu. Hátíðin hefur staðið alla vikuna.
Viðburðarík
listahelgi
HALLDÓR Einarsson, sportvöru-
framleiðandi hjá Henson í Braut-
arholti, oft nefndur Henson, brást
skjótt við þegar haft var samband
við hann á dögunum og hann beðinn
um að sauma og gefa búninga á tvö
fullskipuð knattspyrnulið sem etja
kappi á knattspyrnuleikvanginum í
Basra í Írak á miðvikudag í næstu
viku.
Með leiknum, sem fer fram milli
knattspyrnuliðs úr röðum breska
hersins og knattspyrnuliðsins Al-
Minaa, sem er eitt besta lið úrvals-
deildarinnar þar í landi, er ætlunin
að vekja athygli á enduruppbygg-
ingu leikvangsins sem Bretar hafa
haft veg og vanda af. „Þetta kom
þannig til að góður vinur minn í
London, Gary Trowsdale, sem hefur
starfað mjög mikið í knattspyrnu
þarna úti og er mikill Chelsea-
aðdáandi, bað mig einfaldlega um að
koma inn í þetta,“ segir Halldór um
hvernig málin atvikuðust. Trows-
dale hafði falast eftir aðstoð frá
Adidas og Nike en viðbrögðin létu á
sér standa svo Trowsdale hafði
samband við vin sinn á Íslandi.
Breski flugherinn flýgur
með farminn til Basra
Halldór tók sér umhugsunarfrest
fram á hádegi í gærdag og þegar
hann hafði fengið upplýsingar um lit
búninganna, merkingar og annað og
fengið staðfestingu á því að þeir
myndu skila sér alla leið til Basra
var fullskipuð saumastofa Hensons
sett í fullan gang. Síðdegis í gær var
farmurinn, búningar á tvö 16 manna
lið, þ.m.t. stuttbuxur, treyjur og
sokkaplögg, sendur með hraðsend-
ingu til Bretlands með aðstoð Jóna
Transport. Þaðan mun breski flug-
herinn sjá um að koma farminum
með flugi til Basra næsta mánudag
og ætti sendingin því að skila sér í
hendur leikmanna mátulega áður en
flautað verður til leiks. „Þetta er
týpískt Henson, týpískt Henson,“
segir Halldór um þessa hröðu af-
greiðslu fyrirtækisins. „Það er svo
oft sem þetta hefur gerst hérna
heima, allt í einu er allt í steik og þá
er bara einn sem getur reddað
þessu og það erum við,“ segir Hall-
dór og ekki laust við stolts gæti í
röddinni.
„Svona í gríni og alvöru er knatt-
spyrnan svo gott meðal í sam-
skiptum manna í milli og mér fannst
þetta einfaldlega gott mál. Það er
oft rætt um að nota tónlistina til að
laða fram það besta í manninum og
knattspyrnan hefur nú einmitt verið
fræg fyrir það líka.“
Búningar sendir með hraði til Íraks
Morgunblaðið/Kristinn
Halldór Einarsson með búningana
sem nú eru á leið til Íraks.
Henson saumaði og gaf búninga
á tvö knattspyrnulið í vígsluleik
ÞAÐ var ótrúleg sjón sem blasti við Ísfirð-
ingum í gærmorgun þegar háhyrningavaða
var að veiða æðarkollur sér til matar skammt
undan landi. Háhyrningarnir voru að leika
sér að sel í fjöruborðinu þegar ljósmyndari
kom auga á þá, en selurinn slapp særður í
land. Þá sneru háhyrningarnir sér að æð-
arkollunum og tíndu þær upp eina af ann-
arri. Hvalirnir gengu skipulega til verks, köf-
uðu undir kollurnar þegar þeir höfðu komið
auga á þær og gleyptu þær. Á myndinni má
sjá einn háhyrninginn með kollu á nefinu.
Gísli Víkingsson, líffræðingur á Hafrann-
sóknastofnun, segir það þekkt að háhyrn-
ingar éti sjófugla, en kveðst ekki vita til þess
að það hafi áður verið myndað hér við land.
Morgunblaðið/Halldór Sveinbjörns
Æðarkollur í morgunmat
Gleyptu/6
MÝRIN eftir Arnald Indr-
iðason, sem útgáfufyrirtækið
Lübbe gaf út í Þýskalandi í
byrjun árs, hefur nú selst í
hundrað þúsund eintökum. Að
sögn Claudiu Müller, ritstjóra
hjá útgáfufyrirtækinu, eru
vinsældir Mýrarinnar ótrúlega
miklar miðað við að hér er um
fyrstu bók óþekkts höfundar í
Þýskalandi að ræða. „Bókin
hefur hlotið afar góðar við-
tökur jafnt lesenda og gagnrýnenda og spurst
mjög vel út,“ segir Müller.
Einn bókagagnrýnenda lýsir Arnaldi sem
fyrsta glæpasagnahöfundi Íslands sem takist á
áhugaverðan hátt að varpa ljósi á íslenskt sam-
félag og annar telur Mýrina vera glæpasögu í
sérflokki.
Mýrin selst í
100.000 eintök-
um í Þýskalandi
Arnaldur
Indriðason
Íslenskar glæpasögur/28
FRIÐRIK Pálsson, fráfarandi
formaður stjórnar SÍF, segir að
hefði það verið vilji Íslandsbanka
að sameina SÍF og SH á jafnrétt-
isgrundvelli hefði það getað geng-
ið fyrir löngu og aðeins á nokkrum
dögum. Hann segir það hafa orðið
þráhyggju hjá bankanum að vilja
yfirtaka SÍF og það hafi öðru
fremur orðið til þess að koma í veg
fyrir sameiningu fyrirtækjanna.
Friðrik segir ennfremur að það
að Halldór J. Kristjánsson banka-
stjóri skyldi gefa í skyn að fyrir-
tækin yrðu sameinuð með góðu
eða illu hafi verið óheppilegt og
meðal annars leitt til snarpra
átaka milli bankans og S-hópsins,
sem ásamt öðru hafi bundið enda-
hnútinn á þessar tilraunir til sam-
einingar. „Niðurstaðan er sú að
sameining tókst ekki og yfirtaka
ekki heldur. Sameining hefði verið
æskileg síðastliðinn vetur, en
óvinveitt yfirtaka nú hefði verið
alvarlegt feilspor og orðið mjög
skaðleg fyrir félögin, hluthafana
og íslenzka útflytjendur. Sú nið-
urstaða, að náðst hafi friður um
rekstur SÍF með kaupum S-hóps-
ins á stórum hlutum í félaginu,
þýðir að starfsemin færist þá aft-
ur í eðlilegt horf. Það hefði hins
vegar verið hægt að leysa þetta
mál á margfalt einfaldari hátt ef
eðlileg sjónarmið hefðu verið uppi
um það að félögin ættu að samein-
ast,“ segir Friðrik Pálsson.
Friðrik Pálsson fráfarandi stjórnarformaður SÍF
Hefði verið hægt að
sameina SÍF og SH
Yfirtaka/16
SIGURÐUR Ingimundarson
hefur ákveðið af persónulegum
ástæðum að hætta sem þjálfari
körfuknattleiksliðs meistara-
flokks karla í Keflavík.
Sigurður var að hefja sitt átt-
unda ár sem þjálfari karlaliðs-
ins en var fimm ár þar á undan
þjálfari kvennaliðs Keflavíkur
og var sérlega sigursæll með
bæði liðin. Ekki er búið að finna
þjálfara í hans stað en stjórn
körfuknattleiksdeildar hefur
rætt við fjóra menn sem allir
þykja koma til greina til starf-
ans.
Sigurður
hættur
með
Keflavík
Sigurður hættur/55