Morgunblaðið - 13.09.2003, Side 8
FRÉTTIR
8 LAUGARDAGUR 13. SEPTEMBER 2003 MORGUNBLAÐIÐ
Hvað segið þið um heimsreisu, elskurnar mínar?
Starfsmenntaáætlun ESB
Eykur víðsýni
og skilning
Á NÆSTUNNI erusíðustu forvöð aðskila inn umsókn-
um um þátttöku í Leon-
ardó-starfsmenntaáætlun
ESB, en Íslendingar hafa
fullan aðgang að áætlun-
inni í gegnum EES-samn-
inginn. Þetta er starfs-
menntavalkostur sem
hugnast hefur mörgum í
gegnum tíðina, jafnt hér á
landi sem erlendis, en
fjöldi Evrópuþjóða er aðili
að starfsmenntaáætlun-
inni. Morgunblaðið lagði
af því tilefni nokkrar
spurningar fyrir Ástu Sif
Erlingsdóttur, sem er for-
stöðumaður Leonardó á
Íslandi. Þurfti fyrst að út-
skýra hugtakið fyrir les-
endum.
Hvað er Leonardó?
„Leonardó er starfsmennta-
áætlun Evrópusambandsins.
Markmið áætlunarinnar er að
efla nýsköpun í starfsmenntun,
fagkunnáttu og færni fólks auk
þess að auka gæði og aðgang að
símenntun. Henni má í grófum
dráttum skipta í tvennt, annars
vegar í mannaskiptaverkefni sem
er starfsþjálfun fyrir ungt fólk í
starfsnámi og vinnu sem leið-
beinendur og stjórnendur t.d.
starfsmannastjóra og fræðslu-
stjóra sem geta miðlað þekkingu
sinni áfram til starfsmanna
sinna. Hins vegar er um að ræða
stærri verkefni, sem við köllum
tilraunaverkefni, sem eru unnin í
samstarfi minnst þriggja Evr-
ópulanda.“
Hvernig nýtist þetta Íslend-
ingum?
„Íslendingar eiga fulla aðild að
Leonardó-áætluninni í gegnum
EES-samninginn og hefur Ísland
verið þátttakandi í áætluninni frá
því að hún hófst árið 1995.
Tækifærin eru ótalmörg og má
þar nefna samstarf milli landa
um gerð og þróun kennsluefnis á
ýmsum sviðum innan starfs-
menntunar. Undanfarin ár hafa
Íslendingar fengið styrki til að
stjórna tveimur til þremur
stórum verkefnum á ári. Íslend-
ingar hafa stjórnað 26 tilrauna-
verkefnum frá upphafi áætlunar-
innar. Verkefnin eru mörg
fjölbreytt, t.d. verkefni sem fjalla
um gerð námsefnis um ferða-
þjónustu, tungumálaverkefni
sem tengist alþjóðaviðskiptum,
verkefni sem tengist því að koma
í veg fyrir brottfall nemenda úr
framhaldsskólum o.fl. o.fl.
Mannaskiptin eru mjög vinsæl,
leiðbeinendur hafa kynnt sér
nýjar námsbrautir og nýjungar í
kennslu og námsfólkið aflað sér
reynslu í sínu fagi. Rúmlega 200
Íslendingar eru á faraldsfæti
með styrk frá áætluninni árlega.
Yfirleitt er það þannig að leið-
beinendur og stjórnendur fá
styrki til að fara utan í 1 til 6
vikur en námsfólkið frá 3 vikum
og upp í heilt ár. En fyrst og
fremst eykur þátttakan víðsýni
okkar eins og annarra
Evrópubúa, skilning
okkar og samstarfs-
möguleika.“
Hversu víðtæk er
áætlunin?
„Ísland á aðild að Leonardó-
starfsmenntaáætluninni ásamt 29
öðrum Evrópuríkjum. Í hverju
landi er landsskrifstofa fyrir
Leonardó og hefur Rannsókna-
þjónusta Háskóla Íslands rekið
landsskrifstofuna hér á landi frá
upphafi áætlunarinnar 1995.“
Hvenær er umsóknarfrestur?
„Umsóknarfrestir um manna-
skiptaverkefni eru tveir á ári,
annars vegar í upphafi árs og
hins vegar í október. Um til-
raunaverkefni er sótt í tveimur
áföngum. Fyrst er gerð forum-
sókn, sem síðan er unnin áfram í
lokaumsókn ef hún er metin hæf.
Næsti umsóknarfrestur í Leon-
ardó-áætlunina er 3. október nk.
Þá er lýst eftir umsóknum um
mannaskiptaverkefni og forum-
sóknum um tilraunaverkefni. All-
ar upplýsingar um áætlunina er
hægt að finna á vef skrifstof-
unnar sem er www.leonardo.hi.is,
eins er hægt að hringja eða
koma á skrifstofuna sem er í
Tæknigarði, Dunhaga 5. Mennt –
samstarfsvettvangur atvinnulífs
og skóla aðstoðar einnig um-
sækjendur við að fylla út um-
sóknir. Umsækjendur verða að
vera lögaðilar, en allir sem áhuga
hafa á að kynna sér Leonardó
eru hvattir til að hafa samband
við annað hvort landsskrifstofuna
eða Mennt.“
Er erfitt að fylla út umsókn?
„Það getur vaxið fólki í augum
þegar það sér umsóknareyðu-
blöðin í fyrsta skiptið. En við
veitum öllum leiðsögn sem eftir
því leita, höldum umsóknarnám-
skeið reglulega, auk þess erum
við með samning við Mennt –
samstarfsvettvang atvinnulífs og
skóla um aðstoð við umsækjend-
ur.“
Hvernig fer mat á umsóknum
fram?
„Við erum með fjölda sérfræð-
inga á skrá hjá okkur
sem við leitum til um
mat á umsóknum.
Matið fer þannig
fram, að mannaskipta-
umsóknir eru metnar
af einum óháðum sérfræðingi og
einum starfsmanni Leonardó, en
tilraunaverkefnisumsóknir eru
metnar af tveimur óháðum sér-
fræðingum. Það er svo endan-
lega stjórn landsskrifstofu
Leonardó sem ákveður úthlutun
til mannaskiptaverkefna og
hvaða tilraunaverkefnisumsóknir
eru sendar til Brussel til loka-
mats.“
Ásta Sif Erlingsdóttir
Ásta Sif Erlingsdóttir er fædd
í Reykjavík. Hún er með háskóla-
próf í dönsku og hagnýtri fjöl-
miðlun frá Háskóla Íslands. Hún
hefur starfað hjá Rann-
sóknaþjónustu Háskóla Íslands,
sem rekur Leonardó á Íslandi,
frá árinu 1995, síðustu tvö ár
sem forstöðumaður. Áður starf-
aði Ásta meðal annars sem verk-
efnisstjóri Nordjobb hjá Nor-
ræna félaginu og deildarstjóri í
Norðurlandsdeild utanríkisráðu-
neytisins. Ásta er gift Gunnari
Steini Jónssyni líffræðingi og
eiga þau tvö börn, Örnu og Dag,
og barnabörnin Rán og Egil.
Veitum öllum
leiðsögn sem
eftir því leita