Morgunblaðið - 06.12.2003, Blaðsíða 2

FRÉTTIR
2 LAUGARDAGUR 6. DESEMBER 2003 MORGUNBLAÐIÐ
Fjárlög samþykkt
Fjárlög fyrir árið 2004 voru sam-
þykkt á Alþingi í gær með 32 at-
kvæðum þingmanna stjórnarflokk-
anna. Þingmenn stjórnarandstöð-
unnar sögðu fjárlögin bera vitni um
svikin kosningaloforð og sátu hjá.
Gert er ráð fyrir 6,7 milljarða kr.
tekjuafgangi á næsta ári.
Vísað úr landi
Fimm karlmenn sem voru á leið
inn í landið voru teknir í vörslu lög-
reglunnar á Keflavíkurflugvelli í
gær vegna gruns um að eiga brota-
feril að baki eða vera í bifhjóla-
samtökunum Vítisenglum. Mönn-
unum verður vísað úr landi skv.
úrskurði Útlendingastofnunar í
gærkvöld.
Línuívilnun verði lögfest
Sjávarútvegsráðherra leggur í
dag fram frumvarp um línuívilnun
dagróðrarbáta og breytingar á
byggðakvóta. Formaður LÍÚ gagn-
rýnir frumvarpið.
Mannskætt tilræði
Öflug sprengja fyllt málmflísum,
sem að sögn rússneskra yfirvalda
var bundin við sjálfsmorðssprengju-
tilræðismann, tætti í sundur einn
vagninn í lest sem var á ferð í Suður-
Rússlandi í gærmorgun, skammt frá
Tétsníu. Að minnsta kosti 41 maður
lét lífið og yfir 100 slösuðust. Gruna
yfirvöld tétsneska aðskilnaðarsinna
um verknaðinn.
Nýr flokkur í Svíþjóð?
Talsmenn Borgara gegn EMU,
samtökum sænskra íhaldsmanna,
sem börðust gegn því að Svíar sam-
þykktu aðild að Myntbandalagi Evr-
ópusambandsins, tilkynntu í gær að
samtökin væru að íhuga stofnun nýs
stjórnmálaflokks sem bjóða myndi
fram fyrir næstu kosningar til Evr-
ópuþingsins sem fram fara í júní.
Y f i r l i t
Í dag
Sigmund 8 Minningar 58/63
Viðskipti 14 Messur 64/65
Erlent 15/16 Kirkjustarf 66/67
Höfuðborgin 22 Úr Vesturheimi 60
Akureyri 26/27 Staksteinar 82
Suðurnes 28 Myndasögur 80
Árborg 32/33 Bréf 80/81
Landið 33/34 Dagbók 82/83
Listir 35/41 Leikhús 88
Neytendur 42/47 Fólk 88/93
Heilsa 43 Bíó 90/93
Forystugrein 48 Ljósvakamiðlar 94
Viðhorf 52 Veður 95
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Guðrún Hálfdánardóttir, fréttastjóri guna@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Listir Orri Páll Ormarsson, ritstjórnarfulltrúi, orri@mbl.is
Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf Ellý H. Gunnarsdóttir, elly@mbl.is Íþróttir sport-
@mbl.is Sigmundur Ó. Steinarsson, fréttastjóri, sos@mbl.is Fólk í fréttum Skarphéðinn Guðmundsson, skarpi@mbl.is Útvarp|Sjónvarp Andrea Guðmundsdóttir, andrea@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Morgunblaðinu í dag fylgir auglýs-
ingablað frá Og Vodafone.
Morgunblaðinu í dag fylgir auglýs-
ingablað frá Þróunarfélagi miðborg-
arinnar.
LÖGREGLAN á Keflavíkurflug-
velli tók fimm karlmenn á leið inn
í landið í vörslu sína í gær vegna
gruns um að þeir ættu brotaferil
að baki eða væru í bifhjólasamtök-
unum Vítisenglum. Útlendinga-
stofnun úrskurðaði síðan seint í
gærkvöld að mönnunum fimm
skyldi vísað úr landi.
Alls voru sextán manns í norska
hópnum og voru tíu menn stöðv-
aðir en fimm þeirra var hleypt inn
í landið að loknum athugunum lög-
reglu. Hinum fimm var haldið eftir
þar sem þeir áttu ýmist nýlegan
eða langan brotaferil að baki eða
viðurkenndu aðild að Vítisenglum.
Mennirnir tíu voru að koma frá
Ósló þegar lögregla stöðvaði þá á
þeim forsendum m.a. að þeir gætu
raskað almannareglu og voru þeir
yfirheyrðir og skýrslur þeirra
sendar Útlendingastofnun til skoð-
unar. Þegar leið á kvöldið leiddi
nánari skoðun í ljós að óhætt væri
að hleypa fimm þeirra inn í landið
eins og fyrr gat. Annað gilti hins
vegar um hina fimm og var þeim
síðan vísað úr landi. Georg Kr.
Lárusson, forstjóri Útlendinga-
stofnunar, sagði í gærkvöld að ver-
ið væri að skoða mál mannanna og
hvort grípa skyldi til frávísunar á
grundvelli þess að almannahætta
stafaði af því að hleypa þeim inn í
landið. Frávísun er alvarlegra úr-
ræði en brottvísun þar sem gripið
er til hins síðarnefnda ef fólk hef-
ur ekki gilt vegabréf. Frávísun er
úrræði sem stjórnvöld grípa til
vegna hættu sem stafar af viðkom-
andi.
Sakaskrá könnuð í Noregi
Við aðgerðina í Leifsstöð í gær
var byggt á samstarfi norrænna
lögregluliða og þá voru tveir menn
úr alþjóðadeild ríkislögreglustjóra
kallaðir á vettvang. Sakaskrá
mannnanna í Noregi var könnuð
en fyrir lá í gær að nokkrir úr
hópnum ættu brotaferil að baki.
Við komuna voru sumir mannanna
áberandi drukknir eða í annarlegu
ástandi og reyndu að hindra
fréttaljósmyndara við störf sín á
staðnum. Erlendir félagar í Vít-
isenglum hafa nokkrum sinnum
reynt að koma hingað til lands á
undanförnum misserum. Í febrúar
á síðasta ári stöðvaði lögregla
danska félaga í samtökum Vítis-
engla á Keflavíkurflugvelli og var
þeim síðan meinað að fara inn í
landið. Þá var sex norskum bif-
hjólamönnum í bifhjólasamtökun-
um Savage MC, sem tengjast Vít-
isenglum, meinuð landganga á
Seyðisfirði í júlí í fyrra þegar þeir
komu þangað með ferjunni Nor-
rænu.
Fimm norskum Vítis-
englum vísað úr landi
Ekki var öllum flugfarþegum vel við myndatökur í Leifsstöð í gær, eins og þessi mynd ber með sér, og reyndi einn
úr hópnum að hindra starf fréttaljósmyndara. Lögreglan kom í veg fyrir að honum tækist ætlunarverkið.
EKKI verður hjá því komist að
grípa til umfangsmikilla sparnaðar-
aðgerða á Landspítala - háskóla-
sjúkrahúsi (LSH) vegna mikillar
fjárþarfar sjúkrahússins á næsta
ári sem er umfram fjárframlög til
starfseminnar á fjárlögum næsta
árs, sem samþykkt voru á Alþingi í
gær.
Magnús Pétursson, forstjóri
LSH, segir alveg ljóst að rifa þurfi
seglin, hugsanlega þurfi að leggja
niður einhverja þjónustu, draga úr
starfsemi á öðrum sviðum og for-
gangsraða verkefnum. Magnús vill
ekki segja til um hvort grípa þurfi
til fjöldauppsagna en segir margar
leiðir koma til skoðunar, hvort sem
um er að ræða uppsagnir, að ekki
verið ráðið í stöður sem losna, dreg-
ið verði úr yfirvinnu eða að loka
þurfi vöktum.
,,Allt er þetta til skoðunar. Það
munu allir verða varir við þetta,“
segir Magnús.
Óhjákvæmilegt að taka
ákvarðanir fyrir áramót
,,Niðurstaða fjárlaga fyrir næsta
ár mun hafa veruleg áhrif á starf-
semi spítalans,“ segir Magnús.
„Mér sýnist að það muni allir, sjúk-
lingar, starfsmenn, stjórnmála-
menn og aðrir, finna fyrir þeim að-
gerðum sem við þurfum að skoða ef
semja á starfsemina að þeim fjár-
veitingum sem ákveðnar eru í fjár-
lagafrumvarpinu,“ segir hann.
Stjórnarnefnd LSH mun fjalla
um málið á stjórnarnefndarfundi
næstkomandi miðvikudag. Eins og
fram hefur komið þarf sjúkrahúsið
á annan milljarð kr. til að endar nái
saman í útgjöldum á næsta ári til
viðbótar við framlög í fjárlögum.
Að mati stjórnenda spítalans er
óhjákvæmilegt að taka ákvarðanir
fyrir áramót um aðgerðir til að
semja starfsemi spítalans að fyr-
irmælum fjárlaga.
Forstjóri LSH segir óhjákvæmilegt
að grípa til umfangsmikils sparnaðar
Allir munu
finna fyrir
aðgerðunum
STURLA Böðvarsson samgöngu-
ráðherra stefnir að því að leggja
fram eftir helgina frumvarp um
siglingavernd, en það gerir ráð fyr-
ir að Ísland taki á sig samþykktir
Alþjóðasiglingamálastofnunar-
innar um öryggi mannslífa á hafinu
og kóða um siglingavernd og vernd
hafnaraðstöðu sem undirrituð voru
í London í desember 2002.
Frumvarpið gerir ráð fyrir að
samgönguráðherra fái heimild til
að staðfesta svokallaða kóða án
þess að þeir verði þýddir yfir á ís-
lensku. Ragnhildur Hjaltadóttir,
ráðuneytisstjóri í samgöngu-
ráðuneytinu, sagði aðspurð að regl-
ur sem fela í sér réttindi og skyldur
sjófarenda yrðu að sjálfsögðu þýdd-
ar yfir á íslensku. Reglunum fylgdu
svokallaðir kóðar til uppfyllingar,
en þar væri um að ræða nokkur
þúsund blaðsíður og það væri ljóst
að það kostaði nokkra tugi milljóna
að þýða þessa kóða yfir á íslensku.
Það væri afar fámennur hópur sem
kæmi til með að þurfa að kynna sér
þessa kóða, en þeir vörðuðu ein-
göngu kaupskip. Það hefði því ver-
ið niðurstaða stjórnvalda að pen-
ingum skattborgaranna væri betur
varið með því að nota þá í annað
frekar en að fara að þýða þetta.
Kóðar um siglingavernd
ekki þýddir á íslensku
Kostnaður
við þýðingu
tugir milljóna
SÍÐARI frumskýrsla Samkeppnis-
stofnunar um meint ólöglegt samráð
olíufélaganna þriggja, Skeljungs,
Olíufélagsins Esso og OLÍS, var
send félögunum í gær.
Að sögn Guðmundar Sigurðsson-
ar, yfirmanns samkeppnismála hjá
Samkeppnisstofnun, njóta olíufélög-
in þrjú andmælaréttar áður en end-
anleg skýrsla verður gefin út.
Síðari frum-
skýrslan send
olíufélögunum
♦ ♦ ♦