Morgunblaðið - 06.12.2003, Blaðsíða 4

FRÉTTIR
4 LAUGARDAGUR 6. DESEMBER 2003 MORGUNBLAÐIÐ
SANDRA Gregory, sem handtekin
var í Bangok í Taílandi með eit-
urlyf og dæmd í 25 ára fangelsi en
var síðan náðuð af konungi Taí-
lands sjö og hálfu ári eftir hand-
tökuna, hefur tekið ástfóstri við
Ísland eftir að hafa dvalið hér í
þrjár vikur síðasta haust. Hún
leggur nú stund á landafræði við
háskólann í Oxford og hefur
ákveðið að skrifa lokaritgerð sína
um hvalveiðar Íslendinga.
Sandra er stödd hér á landi til
að kynna íslenska útgáfu á
reynslusögu sinni, Gleymið að þið
áttuð dóttur, sem fjallar um dvöl
hennar í einu illræmdasta fangelsi
Bangok, en notaði einnig tækifær-
ið til að kynna sér betur hval-
veiðar hér og átti m.a. fund með
Árna Mathiesen sjávarútvegs-
ráðherra.
Fékk alveg nýja sýn á
hvalveiðar Íslendinga
Sandra segir að síðasta haust
þegar hún hafi verið búin að
ákveða að koma til landsins hafi
henni verið sagt að Íslendingar
væru að hefja hvalveiðar aftur.
„Mín fyrstu viðbrögð voru þau að
segja að þá ætlaði ég alls ekki að
fara til Íslands en ég lét síðan til
leiðast. Eftir að hafa verið hér í
tæpar tvær vikur gerði ég mér
grein fyrir að málið væri ekki eins
einfalt og ég hafði ímyndað mér.
Ég áttaði mig á því að mjög sterk-
ar tilfinningar tengjast hvalveiði-
málum. Við erum alin upp við það í
gegnum fjölmiðla að hvalir séu
yndislegar og skynsamar skepnur.
Og sjálfsagt eru þeir það. En ís-
lenskur vinur spurði mig að því
hver væri munurinn á því að drepa
kú og hval. Ég gat einfaldlega
ekki svarað þeirri spurningu og
þess vegna ákvað ég að gera þetta
að viðfangsefni mínu í lokarit-
gerðinni og koma þá íslenskum
sjónarmiðum að en þau sjást eig-
inlega alls ekki í fjölmiðlunum.“
Sandra segir að ekki sé nóg að
líta á málin aðeins frá einni hlið
eins og t.d. Grænfriðungar og það
sé skylda háskólamanns að skoða
málin hlutlægum augum og taka
þannig einnig mið af rökum Ís-
lendinga.
„Þetta tengist allt tilfinningum
og þær tilfinningar gera fólk blint
fyrir því sem raunverulega á sér
stað. Það er mjög einfalt fyrir eina
þjóð, eins t.d. Englendinga, að
horfa á athafnir annarrar þjóðar,
eingöngu með sínum gleraugum.
Íslendingar lifa af fiskveiðum og
þær vega mjög þungt í hagkerfinu
og það er eins og menn geri sér
ekki grein fyrir þessu. Það er eng-
ir villimenn á Íslandi, þetta er vel
menntuð, vel stæð og vel upplýst
þjóð og ég efast ekki um að slík
þjóð geti tekið skynsamlegar
ákvarðanir upp á eigin spýtur.
Það eru 73 þúsund hrefnur í Norð-
ur-Atlantshafi og Íslendingar
veiða 43 hrefnur þannig að það er
ljóst að það er ekki verið að ganga
á stofninn.
Engu að síður stíga Bretar og
fleiri þjóðir á stokk og segja að þið
eigið ekki að veiða hvali og það
finnst mér ákaflega hæpið. Ekki
síst þegar horft er til þess hvernig
ýmsum dýrum, s.s. kúm og svínum
er slátrað hjá okkur. En um það
vill fólk ekki hugsa,“ segir Sandra.
Sandra Gregory sem dæmd var í 25 ára fangelsi í Taílandi komin aftur til Íslands
Ætlar að skrifa um hvalveiðar Íslendinga
Morgunblaðið/Sverrir
Sandra Gregory ræddi um hvalveiðar við Árna Mathiesen sjávarútvegs-
ráðherra og færði honum eintak af bók sinni.
FJÖLMENNI tók þátt í hátíð-
arhöldum á Bifröst í gær en þá
var haldið upp á 85 ára afmæli
skólans. Af því tilefni tók forseti
Íslands, Ólafur Ragnar Grímsson,
skóflustungu að nýju 3.000 fer-
metra húsi í háskólaþorpinu á
Bifröst.
Húsið verður fjórar hæðir og
mun hýsa rannsókna- og þróun-
arsetur á jarðhæð og 57 íbúðir
nemenda á efri hæðunum. Jafn-
framt var undirritaður samn-
ingur um stofnun hlutafélags
sveitarfélaga og fyrirtækja á
Vesturlandi sem munu eiga og
reka húsið. Það voru fulltrúar
Viðskiptaháskólans, Borg-
arbyggðar, Borgarfjarðarsveitar,
Loftorku, Sparisjóðs Mýrasýslu
og Vesturlands ehf. sem undirrit-
uðu samninginn.
Þess má geta að ekki er enn
búið að teikna húsið, en arkitekt-
ar eru þeir sömu og teiknuðu ný-
legt kennslu- og skrifstofuhús á
Bifröst, Stúdíó Granda.
Morgunblaðið/Ásdís Haralds
Ólafur Ragnar Grímsson tekur skóflustungu að nýju rannsókna- og þróunarsetri á Bifröst í rigningu og roki í
gærkvöldi. Dorrit Moussaief, eiginkona hans, skýlir Lindu Pálsdóttur, fulltrúa Borgarfjarðarsveitar, og Andrés
Konráðsson frá Loftorku t.v. og Runólfur Ágústsson rektor og Ása Björk Stefánsdóttir, kona hans, fylgjast með.
Skóflu-
stunga tekin
að óteikn-
uðu húsi
HÉRAÐSDÓMUR Reykjavíkur
dæmdi í gær þrítugan karlmann til
að sæta öryggisgæslu á viðeigandi
stofnun fyrir líkamsárás á fjóra ein-
staklinga, m.a. á konu í flugvél Flug-
leiða í flugtaki á leið frá Kaupmanna-
höfn til Íslands.
Maðurinn sló konuna í andlitið og
klóraði hana í flugvélinni, en atvikið
átti sér stað í maí 2002. Um sumarið
réðst hann tvisvar með 10 daga milli-
bili á aðra konu, annars vegar á bif-
reiðastæði strætisvagna við Lækjar-
torg í Reykjavík og í seinna skiptið í
strætisvagni í Breiðholti.
Þá réðst hann á konu í verslun við
Laugaveg á Þorláksmessu í fyrra og
einnig á starfsmann verslunarinnar
sem kom henni til hjálpar.
Héraðsdómur Reykjavíkur komst
að þeirri niðurstöðu að þar sem mað-
urinn hafi verið haldinn alvarlegri
geðtruflun á háu stigi í þau fjögur
skipti sem ákært var fyrir hafi hann
verið alls ófær um að stjórna gerðum
sínum. Af þeirri ástæðu var hann
sýknaður af kröfu um refsingu.
Maðurinn var hins vegar dæmdur
til að borga konunum skaðabætur.
Málið dæmdi Valtýr Sigurðsson.
Verjandi ákærða var Örn Clausen
hrl. Málið sótti Katrín Hilmarsdóttir
fulltrúi lögreglustjórans í Reykjavík.
Dæmdur til
að sæta ör-
yggisgæslu
HÆSTIRÉTTUR hefur dæmt ís-
lenska ríkið til að greiða konu 300
þúsund krónur í miskabætur vegna
ólögmæts áminningarbréfs er hún
starfaði sem sjúkraliði á heimili fyrir
geðfatlaða.
Þá var og ríkið dæmt til að greiða
konunni samtals 600 þúsund krónur í
málskostnað í héraði og fyrir Hæsta-
rétti. Í málinu var deilt um áminn-
ingarbréfið og yfirvinnu sem konan
hélt fram að yfirmenn sínir hefðu
takmarkað við hana umfram aðra
starfsmenn í kjölfar áminningar-
bréfsins. Krafðist hún upphaflega
samtals tæplega 2,9 milljóna króna í
miskabætur og fyrir hina töpuðu yf-
irvinnu. Í framhaldi af áliti umboðs-
manns Alþingis úrskurðaði félags-
málaráðuneytið áminningarbréfið
ólögmætt og felldi það úr gildi.
Ráðuneytið taldi hins vegar að
ekki yrði með skýrum hætti ráðið af
málsgögnum að jafnræðisregla
stjórnsýsluréttar hefði verið brotin.
Hæstiréttur staðfesti niðurstöðu
héraðsdóms um að umrædd áminn-
ing hefði verið ólögmæt bæði að
formi og efni. Einnig var það stað-
fest að konan hefði fært fram full-
nægjandi sönnur fyrir því að henni
hefði í kjölfar áminningarinnar verið
mismunað varðandi úthlutun auka-
vakta og að framkoma yfirmanna.
Konan þótti á hinn bóginn ekki
hafa sýnt fram á fjártjón sitt vegna
fyrrnefndrar mismununar og var
ríkið því sýknað af kröfu hennar um
skaðabætur.
Málið dæmdu Guðrún Erlends-
dóttir, Garðar Gíslason, Ingibjörg
Benediktsdóttir, Markús Sigur-
björnsson, og Pétur Kr. Hafstein.
Lögmaður konunnar var Hörður
Felix Harðarson hrl. og lögmaður
ríkisins Óskar Thorarensen hrl.
Dæmdar miskabætur
fyrir ólöglega áminningu
ICELANDAIR hefur auglýst
lausar stöður nokkurra flug-
manna sem ráða á næsta vor. Í
auglýsingu kemur fram að
vegna árstíðasveiflu í starfsem-
inni sé ljóst að flugmenn sem
hefji störf með vorinu starfi til
hausts.
Guðjón Arngrímsson upplýs-
ingafulltrúi segir að í sumar-
áætlun Icelandair á næsta ári
sé gert ráð fyrir um 20% aukn-
ingu í umfangi flugs og því
þurfi að bæta við flugmönnum.
Tekið verður upp flug á nokkra
nýja áfangastaði, m.a. borgir í
Þýskalandi, til Madrid og Hels-
inki svo dæmi séu nefnd. Flug-
menn sem sagt var upp hjá Ice-
landair í haust eru flestir
komnir til starfa aftur og því
þurfi að bæta í hópinn til að
mæta þörf næsta sumars. Hann
segir ekki ljóst hversu margir
verða ráðnir en það verði allt
tímabundnar ráðningar. Um-
sóknarfrestur er til 15. desem-
ber.
Icelandair
auglýsir
eftir flug-
mönnum