Morgunblaðið - 06.12.2003, Blaðsíða 62

MINNINGAR
62 LAUGARDAGUR 6. DESEMBER 2003 MORGUNBLAÐIÐ
✝ Pétur Páll Ís-aksson fæddist í
Reykjavík 1. maí
1932. Hann lést á
hjúkrunarheimilinu
í Víðinesi 21. nóv-
ember síðastliðinn.
Foreldrar hans voru
Ísak Einarsson, f.
1887, d. 1932, og Jó-
hanna Guðný Guð-
laugsdóttir, f. 1893,
d. 1967. Systir Pét-
urs var Guðfinna, f.
1930, d. 1932, og
hálfsystkini hans
sammæðra eru Guð-
laug V. Bjarnadóttir, f. 1918, d.
1952, og Kristín Hansdóttir, f.
1922.
Pétur kvæntist Ásu Pálsdótt-
ur, f. 19. janúar 1935. Sonur
þeirra er Róbert Viðar, f. 6.
nóvember 1954, kvæntur Kol-
brúnu Björnsdóttur, f. 18. apríl
1959. Börn þeirra eru Thelma
Birna, f. 6. september 1978,
sambýlismaður Pét-
ur Jóhannesson,
dóttir þeirra er
Andrea Ýr, f. 2001,
Sunna Ella, f. 25.
október 1982, og
Viðar, f. 5. júní
1991. Sonur Ró-
berts og Halldóru
Bragadóttur er
Bragi, f. 26. ágúst
1973.
Pétur stundaði
ýmis störf, var
meðal annars ráðs-
maður á Hvammi á
Landi í Landsveit,
en starfaði lengst sem sjómaður.
Síðustu þrjátíu og fimm ár ævi
sinnar bjó hann á hjúkrunar-
heimilum, fyrst á Arnarholti þar
sem hann bjó þar til snemma á
þessu ári er hann flutti á Víð-
ines og þar lést hann.
Útför Péturs Páls var gerð
frá Fossvogskapellu 28. nóvem-
ber, í kyrrþey.
Ég var í vinnunni föstudaginn
21. nóvember þegar ég frétti að
hann Pétur afi minn væri dáinn.
Ég þekkti afa minn mjög lítið, en
það sem lífsganga hans hefur
kennt mér er það að okkar fyrsta
skylda í lífinu er sú að varðveita og
bera virðingu fyrir þeim gáfum og
hæfileikum sem okkur voru gefin í
vöggugjöf, þ.e.a.s. við þurfum að
varðveita okkur sjálf og það heil-
brigða líf sem okkur var gefið, því
ekki einu sinni það er sjálfgefið.
Mín fyrsta minnig af afa mínum
er þegar ég sá hann standa álengd-
ar á gangi á heimili sínu. Jafnvel þá
sem barn varð ég undrandi yfir því
hvað mér fannst hann vera fallegur
maður. Þessi undrun mín var þó al-
veg skiljanleg því góðlátlegra bros
er erfitt að finna, og það sama er
hægt að segja um augnaráðið því
hjartahlýjan skein svo ákaflega
mikil úr því.
Það er mjög skrítið að skrifa
minningargrein um mann sem hef-
ur í raun dáið tvisvar, fyrst að
hluta til og nú alveg, því í rauninni
lifði hann tvískiptu lífi.
Ég þekkti hann aldrei sem
manninn sem hann hafði að geyma
sem ungur maður, en það gerðu
reyndar ekki svo margir. Á þeim
tíma var hann afi minn eins og
Hollywoodstjarna, sjarmerandi,
vel til hafður, snyrtilegur og með
eins konar Clark Gable-yfirvara-
skegg. Ég nefni þetta bara því ég
veit hversu sjaldgæft það var á
þessum árum að íslenskir karl-
menn yfirleitt hugsuðu um slíka
hluti. Ef til vill lærði hann þetta af
bandarísku hermönnunum því fáir
aðrir voru eins og herramenn til
fara.
En örlög afa míns voru sorgleg,
því mestalla ævi sína var hann
sjúklingur. Fyrst af sjúkdómi sem
svo ótalmargir þjást af, sem svo
leiddi til þess að hann varð sjúk-
lingur fyrir lífstíð. Það er svo ótrú-
legt hvað eitt einasta augnablik á
mannsævinni getur markað örlög
manns til æviloka.
Dauðinn er þegar við hugsum til þess,
hið endanlega takmark með tilvist okkar.
Ég hef á síðustu árum myndað svo náið
samband
við þennan besta og tryggasta vin
mannkyns að
ásýnd hans hræðir mig ekki lengur,
heldur aftur á móti sefar hún mig.
Ég þakka Guði mínum fyrir að veita mér
tækifæri til þess að læra að dauðinn er sá
lykill sem opnar hurðina að okkar sönnu
hamingju.
(Höf. ók.)
Ég veit það að hann afi minn
þurfti hvorki að kvíða né hræðast
dauðann, því núna loksins er hann
orðinn heill á ný.
Hvíl í friði elsku afi minn
Thelma.
PÉTUR PÁLL
ÍSAKSSON
✝ Guðrún Ásgeirs-dóttir fæddist á
Fagranesi í Sauða-
nessókn á Langanesi
19. mars 1927. Hún
andaðist á Fjórð-
ungssjúkrahúsinu á
Akureyri 25. nóvem-
ber síðastliðinn. For-
eldrar hennar voru
Ásgeir Torfason og
Svanhvít Halldórs-
dóttir.
Hún giftist 2. jan-
úar 1951 eftirlifandi
eiginmanni sínum,
Árna Árnasyni, f. 5.
febrúar 1922. Þau eiga þrjú
börn, þau eru: 1) Heiðrún Unnur,
f. 21. maí 1950, maki Jóhann
Helgi Jónsson, f. 30. apríl 1945.
Börn þeirra: Guðrún María, f. 2.
júní 1980, Dýrleif Þórunn, f. 15
ágúst 1981, Hermann Helgi, f.
20. desember 1983 og Kristín
Sigurveig, f. 16. nóvember 1990.
Börn af fyrra hjóna-
bandi Heiðrúnar
eru Jóhann Árnþór,
f. 14. apríl 1967,
Torfi Ársæll, f. 8.
júní 1974 og Árni
Heiðar, f. 7. apríl
1976. 2) Svanhvít
Ársól, f. 7. nóvem-
ber 1951, d. 20.
september 1957. 3)
Hafsteinn Ómar, f.
24. maí 1957, d. 4.
ágúst 1981.
Guðrún og Árni
hófu búskap á
Veðramóti á Langa-
nesströnd og bjuggu þar til árs-
ins 1974 er þau fluttu til Reykja-
víkur. Árið 1984 fluttu þau síðan
til Akureyrar og hafa búið þar
síðan.
Útför Guðrúnar fer fram frá
Skeggjastöðum á Langanes-
strönd í dag og hefst athöfnin
klukkan 13.30.
Elsku Guðrún.
Við vorum lánsöm fjölskyldan, í
Reynilundi 7, þegar við fengum þig
til að koma heim til okkar og gæta
dætra okkar fyrir um níu árum síð-
an. Í þínum höndum voru þær
öruggar og leið vel. Þú kenndir þeim
margt og sagðir þeim margar
skemmtilegar sögur, sem höfðu já-
kvæð áhrif á þroska þeirra og per-
sónuleika. Þú gafst þeim mikið og
varst fastur punktur í tilverunni og
lífi okkar sem aldrei brást. Ósér-
hlífni þín var mikil og þótt þú fyndir
til þá tókst þú því með æðruleysi og
jafnaðargeði. Á hverju sem gekk þá
horfðir þú jákvætt fram á veginn og
gafst ekki upp við að takast á við
þau ólíku verkefni sem lífið lagði á
þig á lífsleiðinni. Lund þín var létt
og hafði það smitandi áhrif á þá sem
þig umgengust. Þú vildir helst hafa
yngra fólkið umhverfis þig og það
laðaðist að þér. Öll þín orka fór í það
að gefa öðrum og það sem þú áttir
til, bæði af andlegum og veraldleg-
um gæðum nutu aðrir.
Guðrún mín, þú varst hreinskiptin
í öllum samskiptum og ef þér mislík-
aði eitthvað, léstu mig vita af því
með þeim hætti sem þér einni var
lagið. Sérlega var þér umhugað um
að ég færi mjúkum höndum um Jón,
sem var í miklu uppáhaldi hjá þér
eins og við öll. Oft varst þú í því
hlutverki að siða mig til, sem oft var
þörf á og stundum nauðsyn, en
stundum snérust hlutverkin við og
ég þurfti að vera í hlutverki læri-
föður. Þegar þú lást banaleguna og
gast þig hvergi hreyft þá varstu
sjálfum þér lík, þegar Jón kom lifn-
aðir þú við og reyndir að lyfta upp
höndunum til að faðma hann að þér.
Guðrún las fyrir þig sögur og kvæði
sem hún samdi og við sáum að þú
varst að hlusta. Þú hafðir gaman af
sögum og samdir oft stökur til
stelpnanna á afmælisdögum þeirra.
Það gaf okkur öllum mikið að fá að
kynnast þér á lífsleiðinni og erum
við þakklát fyrir það.
Guðríður Friðriksdóttir.
Kæra Guðrún mín, hér ætla ég að
skrifa niður nokkrar sögur frá því
að þú varst að passa okkur. Einu
sinni var ég að leika mér með lítinn
jólaborða, rauðan og gljáandi. Auð-
ur Anna systir mín varð öfundsjúk
og vildi líka fá að hafa borðann. Þá
fórum við aðeins að rífast um borð-
ann, þá sagðir þú: ,,Sá vægir er vitið
hefur meira.“ Við vissum ekkert
hvað það þýddi og spurðum þig hvað
það þýddi. Þú sagðir þá að það
þýddi að sá sem léti undan hefði
meira vit.
Þá slepptum við báðar borðanum
eins og hann væri brennandi heitur
kolamoli.
Þá fórum við enn og aftur að ríf-
ast en nú um hver þyrfti að hafa
borðann.
Rifrildinu lauk með því að ég
sagði: ,,Ég tek þá borðann og hef
meira vit.“
Manstu eftir því þegar þú komst
til Edinborgar, þér fannst húsin
vera svo skítug og illa máluð, þannig
voru bara húsin í Edinborg. Mér
fannst þú dugleg að koma til okkar
og við nutum þess að hafa þig hjá
okkur. Manstu þegar þú fórst með
okkur út í Hrísey og Frissi frændi
var með? Það var í fyrsta skiptið
sem ég fór í Hrísey og ég mun aldrei
gleyma þessari ferð.
Guðrún Margrét Jónsdóttir.
GUÐRÚN
ÁSGEIRSDÓTTIR
Bróðir minn,
GUÐMUNDUR JÓNSSON
fyrrverandi sjómaður,
Laufengi 23,
andaðist á líknardeild Landspítala Landakoti
fimmtudaginn 4. desember.
Jarðarförin auglýst síðar.
Böðvar Jónsson.
Systir okkar, mágkona og frænka,
ÞORBJÖRG MAGNÚSDÓTTIR,
Seljahlíð,
áður Freyjugötu 1,
lést fimmtudaginn 4. desember.
Magnús S. Magnússon, Kristín Þ. Gunnsteinsdóttir,
Ársæll Magnússon, Guðrún Óskarsdóttir,
Ingveldur H. Húbertsdóttir
og frændfólk.
Ástkær móðir okkar, tengdamóðir, amma og
langamma,
PÁLÍNA HILDUR ÍSAKSDÓTTIR,
Mýrargötu 18,
Neskaupstað,
sem lést þriðjudaginn 2. desember sl., verður
jarðsungin frá Norðfjarðarkirkju mánudaginn
8. desember kl. 14.00.
Sigurjón Valdimarsson, Unnur Jónsdóttir,
Ísak Valdimarsson, Jóhanna Axelsdóttir,
Hjörvar Valdimarsson, Sesselja Lúðvíksdóttir,
Helgi Valdimarsson, Guðríður Kristjánsdóttir,
barnabörn og barnabarnabörn.
ÞÓRUNN MARTA TÓMASDÓTTIR
frá Bakkastöðum í Fljótshlíð,
Snælandi 8,
lést á heimili sínu föstudaginn 5. desember.
Útförin fer fram frá Bústaðakirkju fimmtu-
daginn 18. desember kl. 13.30.
Fyrir hönd aðstandenda,
Grétar Haraldsson, Solveig Theodórsdóttir,
Ingileif Svandís Haraldsdóttir, Howard Smith,
Sigurður Haraldsson.
Elskulegur bróðir okkar og frændi,
STEINN G. HÓLM
fyrrverandi kaupmaður
í Ólafsfirði,
andaðist á Hlíð þriðjudaginn 25. nóvember sl.
Útförin hefur farið fram í kyrrþey.
Innilegar þakkir fyrir hlýhug og góða umönnun í
Hlíð og Kjarnalundi.
Ólöf Jóhannesdóttir,
Sigrún Jóhannesdóttir,
Sveinn Jóhannesson
og frændfólk.
Móðir mín,
ÁSDÍS M. ÞÓRÐARDÓTTIR
frá Hesti
í Hestfirði,
verður jarðsungin frá Fossvogskirkju þriðju-
daginn 9. desember kl. 10.30.
Guðni Björgólfsson.
LEGSTEINAR
Mikið úrval af legsteinum
og fylgihlutum
Sendum myndalista
MOSAIK
Hamarshöfði 4, 110 Reykjavík, sími 587 1960
Marmari
Granít
Blágrýti
Gabbró
Líparít