Morgunblaðið - 06.12.2003, Blaðsíða 12
FRÉTTIR
12 LAUGARDAGUR 6. DESEMBER 2003 MORGUNBLAÐIÐ
HÉRAÐSDÓMUR Reykjavíkur
hefur vísað frá dómi kröfum eldri
borgara á hendur íslenska ríkinu
þess efnis að fella úr gildi ákvörðun
skattstjórans í Reykjavík um álagn-
ingu tekjuskatts og útsvars stefn-
anda vegna tekjuársins 2001. Einnig
var þess krafist að dómurinn viður-
kenndi að við álagningu tekjuskatts
og útsvars á greiðslur stefnanda úr
Lífeyrissjóðnum Framsýn tekjuárið
2001, bæri ríkinu að skattleggja
þann hluta greiðslnanna sem fól í sér
vexti, verðbætur og aðra ávöxtun
innborgaðs iðgjalds með sömu
skattprósentu og aðrar fjármagns-
tekjur.
Lögmaður stefnanda, Jónas Þór
Guðmundsson hdl. segir að úrskurð-
ur héraðsdóms verði kærður til
Hæstaréttar.
Dómurinn taldi að af málatilbún-
aði stefnanda yrði ekki ráðið að hann
teldi á sér brotið við álagningu tekju-
skatts og útsvars að öðru leyti en
tæki til vaxta, verðbóta og annarrar
ávöxtunar innborgaðs iðgjalds í Líf-
eyrissjóðinn Framsýn.
Þrátt fyrir það væri gerð sú krafa
að ákvörðun skattstjóra um álagn-
ingu tekjuskatts yrði felld úr gildi í
heild sinni. Taldist þessi kröfugerð
of víðtæk og ekki í samræmi við
málsástæður í málinu. Var henni því
vísað frá.
Varðandi síðari kröfulið stefnanda
tilgreindi dómurinn að ekki væri að
finna neina sundurliðun á því hve
stór hluti greiðslnanna væri vegna
innborgaðra lífeyrisgreiðslna eða
hver væri hluti vaxta, verðbóta eða
annarrar ávöxtunar. Í stefnunni
væri ekki að finna ótvíræðar töluleg-
ar forsendur fyrir kröfunni, þ.e.
hvaða hluti teknanna stefnandi teldi
vera fjármagnstekjur. Hins vegar
vísaði stefnandi til útreiknings
Bjarna Þórðarsonar trygginga-
stærðfræðings en að beiðni stefn-
anda var óskað eftir mati hans á því
hvernig ellilífeyrisgreiðslur stefn-
anda á árinu 2001 skiptust annars
vegar í höfuðstól og hins vegar í
verðbætur og vexti.
Útreikningur byggður á gefn-
um og óvissum forsendum
Eins og segði í greinargerð
stefnda ríkisins, væri útreikningur
Bjarna byggður á ýmsum gefnum og
óvissum forsendum og væri háður
ýmsum fyrirvörum, enda hefði
Framsýn ekki metið vexti og verð-
bætur sérstaklega til fjár sem skil-
greindan hluta lífeyrisgreiðslna.
Að mati dómsins var talið að krafa
stefnanda samkvæmt þessum kröfu-
lið væri ekki nægilega skýr til þess
að dómur yrði lagður á hana. Hefðu
þeir hagsmunir sem stefnandi krefð-
ist dóms um ekki verið skilgreindir.
Fæli krafan því ekki í sér áþreifan-
legt eða raunhæft sakarefni sem
unnt væri að dæma um heldur frem-
ur ímyndað álitaefni.
En þar sem kröfur stefnanda
væru svo samtvinnaðar bæri, með
því að fyrri kröfulið stefnanda væri
vísað frá dómi, þegar af þeirri
ástæðu að vísa hinum síðari frá dómi.
Kristjana Jónsdóttir héraðsdóm-
ari kvað upp úrskurðinn. Til varnar
stefnda var Einar Karl Hallvarðsson
hrl.
Kröfur eldri borgara á hendur skattstjóranum taldar of víðtækar og óskýrar
Úrskurðurinn verður
kærður til Hæstaréttar RÁNIÐ í söluturninum Vídeó-spólunni við Holtsgötu á mið-
vikudagskvöld hefur verið upp-
lýst hjá lögreglunni eftir
handtöku tveggja manna.
Sá fyrri, sem er tvítugur,
náðist samdægurs en sá seinni,
sem er 14 ára, var handtekinn í
fyrrakvöld. Báðir hafa viður-
kennt ránið, sem endaði með
því að þeir handleggsbrutu af-
greiðslumann áður en þeir fóru
tómhentir í burtu.
Annar ræningi ófundinn
Í fyrrakvöld um klukkan
23:30 var framið annað rán í
verslun við Arnarbakka í
Breiðholti, þar sem maður ógn-
aði starfsmanni með hnífi og
tókst að stela lítilræði af pen-
ingum. Hann hvarf út í nóttina
og er ófundinn.
Ránið í
Vídeó-
spólunni
upplýst
JÓN Kristjánsson, heilbrigðis- og
tryggingamálaráðherra, og Atli
Árnason, stjórnarformaður Lækna-
vaktarinnar, hafa undirritað nýjan
fjögurra ára samning um þjónustu
fyrirtækisins. Í samningnum felst
að Læknavaktin tekur að sér rekst-
ur vaktþjónustu heimilislækna utan
dagvinnutíma allt árið um kring
fyrir þjónustusvæði heilsugæslu-
umdæma Reykjavíkur og heilsu-
gæsluumdæmin í Kópavogi, Sel-
tjarnarnesi, Garðabæ og
Hafnarfirði.
Í fréttatilkynningu heilbrigð-
isráðuneytisins kemur fram að ár-
leg útgjöld vegna samningsins séu
um 260 milljónir króna og gert sé
ráð fyrir að sértekjur nemi tæpum
50 milljónum króna þannig að ár-
legt nettóframlag heilbrigðis- og
tryggingamálaráðuneytisins sé um
210 milljónir króna. Kostnaðurinn
miðast við 44.000 móttökur og
7.000 vitjanir á ári. Framlagið mið-
ast við að Læknavaktin beri fulla
fjárhagslega ábyrgð á rekstrinum
og ríkissjóður beri ekki ábyrgð á
öðru en því sem getið er um í samn-
ingnum.
Í tilkynningunni segir að almenn
móttaka lækna felist m.a. í að veita
skjólstæðingum viðtöl og skoða,
greina og meðhöndla heilsufars-
vanda, sinna tafarlaust bráða-
tilvikum og vísa þeim sem þess
þurfa á sjúkrahús eða á bráða-
móttöku sjúkrahúss. Læknavaktin
sinnir ráðgjöf í gegnum síma frá kl.
24.00 til kl. 08.00 vegna heilsu-
gæslustöðva utan höfuðborg-
arsvæðisins þar sem aðeins einn
læknir er í héraði í neyðarnúm-
erinu 112. „Á liðnum fimm árum
hafa um 240 þúsund sjúklingar á
öllum aldri heimsótt lækna á
Læknavaktinni við Smáratorg og
fengið úrlausn mála sinna. Læknar
stöðvarinnar hafa á síðastliðnum
fimm árum farið í um 40 þúsund
vitjanir til sjúklinga í heimahús fyr-
ir utan umfangsmikla faglega síma-
ráðgjöf Læknavaktarinnar sem
hjúkrunarfræðingar hafa nær ein-
göngu sinnt.“
Nýr samningur við Læknavaktina
Morgunblaðið/Jim Smart
Jón Kristjánsson og Atli Árnason, stjórnarformaður Læknavaktarinnar, handsala samninginn.
SIGURBJÖRN Sveinsson, formaður
Læknafélags Íslands, segir að
læknar hafi almennar siðareglur og
sérsniðnar siðareglur varðandi sam-
skipti sín við lyfjafyrirtæki og að
Læknafélag Íslands fylgist vel með
því að þessar reglur séu í heiðri hafð-
ar. Hann telur ummæli Hjálmars
Árnasonar, þingmanns Framsóknar-
flokksins, í raun öfugmæli því það
hljóti að vera keppikefli lækna að
draga úr lyfjakostnaði til að auka
möguleika sína á stærri bita af heil-
brigðisþjónustukökunni.
Hjálmar Árnason gagnrýndi í
ræðu sinni á Alþingi að til væru
læknar sem efndu til útgjalda í lyfja-
málum og sagði að lyfjafyrirtæki
settu háar upphæðir í kynningu á
nýjum lyfjum fyrir læknum og enn-
fremur að læknar þæðu dýrar veislur
og utanlandsferðir á kostnað lyfja-
fyrirtækja. „Ég
tel að þetta fyrir-
komulag sé sið-
ferðilega rangt,“
sagði Hjálmar.
Sigurbjörn
segir hins vegar
að læknar hafi
ákveðnar reglur í
þessu sambandi
og að fylgst sé vel
með því að þessar
reglur séu virtar. „Þá vísa ég til siða-
reglna Félags íslenskra heimilis-
lækna frá 1987, siðareglur sam-
þykktar af stjórn Læknafélags
Íslands fyrir um áratug og gildandi
samning við Samtök verslunarinnar
um sama efni. Stjórn Læknafélags
Íslands fylgist með því að þessar
reglur séu í heiðri hafðar, læknar
fylgjast með læknum og lyfjafyrir-
tækin hvert með öðru. Þannig er
mikið aðhald. Sé læknum boðin
fræðsla innanlands eða utan, sem
ekki tengist auglýsingum fyrir tiltek-
in lyf, er erfitt að mæla gegn því af
málefnalegum ástæðum,“ segir Sig-
urbjörn.
Veldur trúnaðarbresti með
framsetningu sinni
Hann segir ummæli Hjálmars
vera öfugmæli að því leyti að það ætti
að vera læknum keppikefli að halda
lyfjakostnaðinum niðri, þannig að
möguleikar þeirra ykjust til að ná sér
í stærri bita af heilbrigðisþjónustu-
kökunni.
„Ég held að val lækna á lyfjum
miðist fyrst og fremst við hagsmuni
skjólstæðinga þeirra, en ekki hvort í
boði sé dýrlegur fagnaður á vegum
lyfjafyrirtækja. Með framsetningu
sinni er Hjálmar að valda trúnaðar-
bresti milli almennings og lækna og á
milli sín sem vörslumanns almanna-
hagsmuna og lækna.
Annars held ég að ummæli af
þessu tagi verði einnig að skoða í ljósi
viðfangsefna dagsins og umræðunn-
ar um ríkisfjármálin. Það er rauna-
legt að hlusta á hvernig bakland heil-
brigðisráðherrans virðist hafa gefist
upp á að fjármagna þá heilbrigðis-
þjónustu sem hann á að sjá þjóðinni
fyrir og drepur málum á dreif með
því að láta skammirnar dynja á heil-
brigðisstéttum og yfirstjórn Land-
spítala – háskólasjúkrahúss. Annars
er þetta ekki í fyrsta skipti sem þessi
þingmaður fer meiðandi og ómál-
efnalegum ummælum um lækna í
skjóli þinghelginnar og maður getur
kannski ekki búist við öðru úr þeim
ranni,“ segir Sigurbjörn.
Formaður Læknafélags Íslands vegna ummæla Hjálmars Árnasonar
Keppikefli lækna að halda
lyfjakostnaðinum niðri
Sigurbjörn
Sveinsson
UMSÓKNARFRESTUR um tvö
embætti héraðsdómara rann út 1.
desember sl. Annars vegar er um að
ræða embætti héraðsdómara, sem
eiga mun fast sæti við Héraðsdóm
Reykjavíkur, en hins vegar embætti
héraðsdómara, sem fyrst um sinn
mun ekki eiga fast sæti við tiltekinn
héraðsdómstól. Fyrsta starfsstöð
síðarnefnda dómarans verður Hér-
aðsdómur Reykjavíkur en auk starfa
þar verða honum einnig falin verk-
efni meðal annars við Héraðsdóm
Suðurlands og Héraðsdóm Vestur-
lands. Skipað verður í embættin frá
og með 1. febrúar 2004.
Umsækjendur eru: Arnfríður Ein-
arsdóttir, skrifstofustjóri við Hér-
aðsdóm Reykjavíkur, Ásgeir Magn-
ússon hæstaréttarlögmaður,
Brynjólfur Kjartansson hæstarétt-
arlögmaður, Friðjón Örn Friðjóns-
son hæstaréttarlögmaður, Indriði
Þorkelsson héraðsdómslögmaður,
Sigrún Guðmundsdóttir hæstarétt-
arlögmaður, Símon Sigvaldason,
skrifstofustjóri Hæstaréttar Ís-
lands, og Skúli Magnússon, dósent
við lagadeild Háskóla Íslands.
Átta umsækj-
endur um
embætti hér-
aðsdómara
FRAM kemur í nýrri könnun á
vegum Rannsóknarstofu í
kvenna- og kynjafræðum við
Háskóla Íslands að mikill
meirihluti svarenda, eða rúm
sjötíu prósent, telur að banna
eigi kaup á kynlífsþjónustu.
Marktækur munur er milli
kynja. 79% kvenna eru sam-
mála því að banna eigi kynlífs-
kaup en um 60% karla.
Könnuninni, sem unnin var í
samstarfi við Gallup, var ætlað
að mæla breytingar á viðhorf-
um almennings til kynjajafn-
réttis og er hún sú fyrsta sinnar
tegundar á Íslandi.
Einnig taldi drjúgur meiri-
hluti svarenda, eða 65%, að
vændi væri ekki frjálst val
þeirra sem það stunda og enn
var marktækur munur á við-
horfum kynjanna. 74% kvenna
og 53% karla voru þessarar
skoðunar. Um 80% svarenda
voru ósammála því að það eigi
að vera löglegt að stunda vændi
sér til framfærslu og tæp 60%
vildu bann við einkadansi.
Meirihluti
vill banna
vændiskaup