Morgunblaðið - 06.12.2003, Blaðsíða 13
FRÉTTIR
MORGUNBLAÐIÐ LAUGARDAGUR 6. DESEMBER 2003 13
Ótrúleg reynslusaga
„Gleymið að þið áttuð dóttur,“ skrifaði Sandra Gregory
heim til foreldra sinna í Bretlandi þegar hún átti yfir höfði sér dauða-
dóm í Tælandi. Hún hafði átt tveggja ára draumalíf í hinu framandi
landi þegar veikindi, atvinnuleysi og óvænt stjórnarbylting knúðu á
um heimferð.
Þegar féð var uppurið vildi hún ekki biðja aðra um farareyri en þá
fékk hún tilboð – að flytja heróín úr landi. Eins og lauf í vindi
þáði hún boðið.
Þessi einu mistök leiddu til dauðadóms sem breytt var í
25 ára fangelsi í hinu hrollvekjandi Lard Yao – „Hilton
Bangkok“. Þar var hún á fimmta ár en var þá afhent breska
refsivaldinu og vistuð meðal harðsvíruðustu morðingja
Bretlands.
En foreldrarnir neituðu að gleyma að hafa átt dóttur.
Barátta þeirra og fjölmiðlaumfjöllun leiddu til þess að
Sandra gengur nú laus.
Sími 554 7700
Penninn/Eymundsson
12. - 18. nóvember9. sætiMbl. Almennt efni 3. desember1. sæti
Sandra Gregory er komin til landsins
og mun árita bók sína í dag kl. 14:00
í Hagkaup, Kringlunni.
Einnig mun Óttar Sveinsson árita
bók sína, Útkall - Árás á Goðafoss.
Sandra og Óttar árita!
VILHJÁLMUR Þ. Vilhjálmsson,
oddviti sjálfstæðismanna í borgar-
stjórn, segir að enn sígi á ógæfu-
hliðina í fjármálum Reykjavíkur-
borgar þrátt fyrir að skatttekjur
borgarinnar hafi hækkað gríðar-
lega mikið síðustu árin. Þá segir
Vilhjálmur að lítið sé gert til að
draga úr útgjöldum borgarinnar,
þvert á móti hafi kostnaður við
stjórn borgarinnar hækkað að
raungildi um nærri 100% á milli ár-
anna 1995 og 2003.
Að sögn Vilhjálms hafa skatt-
tekjur borgarinnar hækkað úr 18,5
milljörðum króna árið 1997 í 26,8
milljarða króna árið 2002, miðað
við verðlag í árslok 2002. Skatt-
tekjur hafi verið 173.000 krónur á
íbúa árið 1997 en hafi verið 238.000
krónur á hvern íbúa árið 2002.
„Ég nefni þetta af því að á ár-
unum 1991 til 1993 lækkuðu skatt-
tekjur á íbúa að raungildi um 15–
20% , auk mikils atvinnuleysis sem
við settum mikla fjármuni í,“ Þá
gagnrýnir Vilhjálmur það sem
hann kallar „fjáraustur“ úr sjóðum
Orkuveitunnar í borgarsjóð, þ.e.a.s.
að borgarstjórn hafi varið 14 millj-
örðum króna frá Orkuveitunni í
borgarsjóð umfram þau verðmæti
sem sjálfstæðismenn hafi tekið úr
Orkuveitunni á jafnlöngum tíma.
„Þrátt fyrir þessa miklu fjár-
muni, þessar miklu auknu skatt-
tekjur og fjáraustur úr sjóðum
Orkuveitunnar til að fegra stöðu
borgarsjóðs, þá hefur sigið á
ógæfuhliðina í fjármálum borgar-
innar. Það er alls staðar útgjalda-
þensla og þrátt fyrir
yfirlýsingar fyrir ári
um að skuldir myndu
lækka, þá eru skuldir
borgarinnar á milli ár-
anna 2002 og 2003 að
hækka verulega. Þær
hafa hækkað um 2
milljarða og því er
spáð að þær muni
hækka um 1,2 millj-
arða milli áranna 2003
og 2004.
Við sjálfstæðismenn
höldum því fram að
fjármálastjórnin sé
ekki í lagi. Það er
mikil útgjaldaaukning
og það er ósköp lítið í
raun gert til að
sporna gegn þessari þenslu allri.
Það er ekkert farið í uppstokkun á
starfsemi borgarinnar og kannað
hvar megi hugsanlega hagræða og
spara að neinu ráði. Þetta er ekki í
lagi og það má lítið út af bera til að
ekki fari illa,“ segir Vilhjálmur.
Aðspurður hvar megi gera betur
í fjármálastjórn borgarinnar segir
Vilhjálmur að t.d. megi nefna
óþarfa stofnun borgarinnar sem
heitir Aflvaki. „Þarna er eitt atriði
sem má nefna. Við höfum verið
þeirrar skoðunar að við höfum ekk-
ert við slíka stofnun að gera sem
kostar um 30 milljónir á ári að
reka. Þessi stofnun er að vinna
þvert á miðborgarráð,
við erum með fram-
kvæmdastjórn mið-
borgar og skipulags-
og byggingasvið og
þetta rekst hvert á
annars horn.“
Einnig segist Vil-
hjálmur telja það
óþarfa að halda úti
fjölskyldu- og þróun-
arsviði þegar borgin
sé að reka miðlægar
stofnanir til að þjóna
fjölskyldumálum,
hvort sem það er
Fræðslumiðstöðin, fé-
lagsþjónustan eða
íþrótta- og tómstunda-
ráð. „Þá þurfum við
ekkert að vera með heilt svið inni í
ráðhúsi sem kostar tugi milljóna til
að stýra þessum stofnunum.“
Stjórnarkostnaður hefur
hækkað um nærri 100%
Vilhjálmur gagnrýnir einnig
mikinn kostnað við stjórn borg-
arinnar og segist hafa látið kanna
mjög ítarlega hvernig kostnaður
vegna stjórnar borgarinnar hafi
þróast á undanförnum árum. „Þá
kemur í ljós, þegar búið er að
draga frá kostnað vegna innheimtu
útsvars og fasteignaskatta, að
kostnaðurinn við stjórn borgarinn-
ar hefur hækkað um tæp 100%
miðað við meðalverðlag ársins
2003, eða úr 326 milljónum króna
árið 1995 í 631 milljón króna árið
2003. Þessi hækkun er ekki í neinu
samræmi við hækkanir annarra
rekstrarútgjalda borgarinnar,
þannig að þetta segir sína sögu. Þá
eru ekki komin öll kurl til grafar,
því það er einnig búið að dreifa
ýmsum kostnaði sem ætti að færa
undir stjórn borgarinnar og færa
hann eitthvað annað,“ segir Vil-
hjálmur.
Hann segir þessar tölur allar
öruggar og yfirfarnar sem ekki sé
hægt að hrekja. Jafnframt segir
Vilhjálmur að þrátt fyrir fyrri yf-
irlýsingar meirihlutans hafi skuldir
borgarinnar aukist úr 15,6 millj-
örðum í 21,2 milljarða, miðað við
verðlag ársins 2003. „Skuldirnar á
þessum tíma hafa hækkað um 6
milljarða. Það þarf í raun ekki að
segja neitt meira, hlutirnir eru ein-
faldlega ekki í lagi. Ég tel að
ástæðan fyrir þessari þróun sé
ómarkvissir stjórnarhættir hjá R-
listanum, það er hringlandaháttur í
stjórnsýslunni og það getur haft
áhrif á það hvernig mál þróast.
Fjármálastjórn þeirra er afar óvar-
kár, óraunsæ og ekki tekist á við
vandann,“ segir Vilhjálmur.
Oddviti sjálfstæðismanna gagnrýnir fjárhagsáætlun Reykjavíkurborgar
Sígur enn á ógæfuhliðina
í fjármálum borgarinnar
Vilhjálmur Þ.
Vilhjálmsson
NÍU starfsmönnum ferðaskrif-
stofunnar Terra Nova-Sól hef-
ur verið sagt upp en Andri Már
Ingólfsson, forstjóri og eigandi
Heimsferða, keypti meirihluta í
fyrirtækinu á mánudag.
Andri segir 36 manns hafa
starfað hjá fyrirtækinu fyrir
uppsagnirnar, og því séu
starfsmenn 27 í dag. Um ástæð-
ur uppsagnanna segir hann að
starfsfólkið hafi einfaldlega
verið of margt vegna breytinga
í rekstrinum.
„Við munum nota sömu að-
ferðir og við höfum notað hjá
Heimsferðum þar sem við höf-
um haft mjög háa framleiðni og
sölu á hvern starfsmann. Það er
grundvallaratriði til að svona
rekstur geti verið arðbær,“
segir Andri. Hann segir ekki
tímabært að ræða frekari upp-
sagnir að svo stöddu og ætlar
að nota næstu vikur til að koma
sér inn í reksturinn og sjá til.
„Þar er mikið af góðum við-
skiptavinum og mikið af góðu
starfsfólki og við teljum að það
sé ákaflega spennandi tækifæri
að takast á við.“
Andri segir það á hreinu að
fyrirtækin verði ekki sameinuð.
Reksturinn sé ólíkur, og verið
að vinna á mismunandi for-
sendum. Fyrirtækin selji mis-
munandi vörur og sinni mis-
munandi markhópum.
Bókunarkerfi og ýmis önnur
ferli verða samþætt, auk þess
sem sparnaður muni fylgja
sameiginlegum innkaupum.
Níu sagt upp
hjá Terra
Nova-Sól